2004 年 4 月 9 日 星期五 【晴】

唔知點解呢排溫書總係有心無力... 或者應該話無心有力...
力不從心似的, 總是... 無咩衝勁咁....

=============================
懶洋洋的我, 又搞到十點幾先起到身... 尋晚寫php 寫到咁夜, 無法子....
第一件事就去圖書館果面搵蝗蟲, 俾番隻碟同埋尋晚幫佢整果條cat 5e 線...
見到乾.. 我都好耐無見佢.. 話時話, 第一件事當然叫佢上網啦... 我係受人所托咁做的.....

之後返到屋企, 無無聊聊睇下電視, 溫下書, 又聽下歌, 傾下電話有過咁個下午..
直到六點左右諗住落書局買本書, 大眾無, 行到商務, 有係有, 但唔係我心目中諗果樣野...
係大眾門口撞到禽獸...

跟榮哥車返...
返到屋企都係睇下php, mysql (開始諗下有咩layout 會suit 新stocking system, 但係當然考試期間無真正落手做, 只係睇下有咩網頁layout fit.. 我諗webmin 個site 都幾好...
同時間有人問linux 野...

============================
近來我會比較少上icq (可能一晚都唔上一次...)
改用msn.....
點解!? 原因係謝霆鋒<<281公里>> 歌詞有提及, 你認識我的話你會知我講咩...
============================
回 路易斯
咩巴閉呀.... 人人都要北上工作, 我之前都想避免, 但係避唔到.. 老實講, 同香港人打交道, 點都好好多.. 你好難明上面d 人講咩同諗咩... 係我心目中, 你一定要花時間佢地講緊d 咩.. 同埋佢地處事手法, 唉, 一個慢字, 佢地真係準時開工, 而且更準時收工.. 唔似得我地咁博, 一收工你搵佢就唔踩你... 仲有, 你急佢唔急, 但係一有時發生, 諗都唔諗就會搵你煩你... 唔會自己嘗試諗辦法(係連嘗試呢個意欲都無..)... d after-sale service 會好大件事...
而且又唔係真係見客, 只係香港個客叫我上去佢大陸間廠跟一跟d 野同寫個system.. 我諗都會搵番幾千o既~ 不過唔理搵幾多, 好有可能就係每個月最少番一次大陸囉... 呢樣野對我黎講都係幾煩.. 因為.. 我硬係覺得大陸個人會周身唔自在, 感覺好唔安全... 話就話而家一年上幾次廣州... 但感覺硬係好緊張...
以前我真係試過番大陸做野, 不過唔係見下, 係見佢地另一間公司technican, programmer 之類啦, 但係... 唉... 俾我o既感覺就係離路.. 思路... 我幾乎想用不知所謂o黎形容...
所以如果你話大陸IT專才輸入香港, 我又唔係好驚.. 因為佢地只係有技術(即係寫到程式, 做到件野出黎), 但係思想邏輯唔合理(即係如果要佢建立, 唔係抄的話就出晒事), 所以佢地好難建立1 d 新意/由頭開始做1 個新的project.. 佢地抄就醒... 諗野就未夠香港人勁.. 起碼10年之後先真正成為香港人的威脅.. 超人都有話: 如果大陸人好似我地香港人咁, 香港人仲有地方企!?
檢查費人地都最少收50, 以我所知.. 最奇就係影印舖個老細話, 話果個係基督教果d 唔知咩, 好似係讀完再培訓, 真係唔厄人.. 呢下我就真係驚....
但係換換下吞錢呢d 都真係there exist o既......

>>April 10, 2004 at 3:44:54 PM GMT+8

2004 年 4 月 8 日 星期四 【晴】

今日... 又出左街....
一醒, 蝗蟲就打電話黎問我去唔去尖沙咀一個盈科搞的電腦展.. 佢話2000蚊一部電腦, 去唔去睇... 我話無咩興趣, 所以之後起左身溫左一陣書, 但係今日唔知點解無咩心機咁.. 結果, 蝗蟲話落深水埗, and then 我又去.. (因為我想買野)
===========================
今日出去之前, 測試過一塊收番來的主機板, 發現我按住一粒電容就可以成功開機, 所以嘗試出去買幾粒換埋佢睇下得唔得.. 但最後都係唔得... well.. what the hell i can say?

所以今日都係出去, 好好彩, 兩程72 都係熱狗.... 今日居然得兩架熱狗.. how bad...
仲有今日收到個消息, 73x的膠ATR 會過72x, 72.... shit... 果批垃圾車....

出到去深水埗, 因為係車上同賤咀傾電話用晒d 電(無叉電出街), 所以要去問April 姐借電話打俾蝗蟲.. 結果係智能回合, 一齊去買野.. 今日我買左電容之外, 仲有就係50隻CDR, 先59蚊, 算係平啦!

佢地要用lan 線, 之後帶佢同佢老豆去買 CAT5e, it is so kind of them to pay the cap. and other stuff for me~*

之後就搭番72 返屋企....
=====================
番到屋企, 又係做野.....
幫我老表寫PHP.. 佢公司個網頁的其中一個分頁, 雖然唔多, 也不大, 但也足夠令我做到十二點半才有得訓.......zzZZZZZ

=====================
回 魚子:
唔知你隻耳仔勁得濟, 定係我年紀大耳聾聾地,
我完全聽唔出佢係呢個語氣... =)

>>April 10, 2004 at 1:14:36 PM GMT+8

2004 年 4 月 7 日 星期三 【晴】

今日我幾乖呀..
溫書溫左大半日呀... 哈哈哈..
pure maths 係咁隊........

(史上最短的日記, 恐怕是今日..)

>>April 10, 2004 at 12:37:35 PM GMT+8

2004 年 4 月 6 日 星期二 【晴】

係講日記之前呢, 想講下呢期廣告同埋電視劇.. 有感而發...
先講廣告:
1. 求學不是求分數
- 你叫EMB(教統局)咪on9啦! 你咪將呢句野同d 公司老闆講囉, 請人唔好睇分數囉, 入大學唔好睇分數囉, 睇埋上堂d 評語囉, 好唔好? 咁大家唔使考試啦... 問題根本係出自你點樣去評分, 點樣去解讀呢個分數, 就唔係分數本身有問題... 分數只係一個數字去代表一個人的能力, 但係點樣去評一個人的能力, 點樣用呢個分數去評一個人先係問題嘛.. 例如英文作文好, 有創意, 咪高d 分佢囉, 一樣係分數架, 但係個分數咪有效同全面好多囉!
你叫EMB班人個腦快d 從個pat pat 搬番上個腦到啦... 再唔停播呢個教壞細佬, 吹晒水扮晒蟹講大話的廣告, 我一定走去廣管局port 佢! port 佢講大話誤導大眾!

人地培根都係講: 對一個人的評估, 不可視其財富出身, 更不可視其學問高下, 而是要看他真實的品格 (我本手冊第49頁... 問你死未!).. 但係都無話求學不是求分數啦!

2. 利口樂廣告
- 有一句好鬼精警: 成年人, 攞正牌上飛鵝山"x"番晚 (有睇就自然知果個係咩字), 勁賤.... 呢排都無呢個廣告lu~ 不過意識其實都幾不良... 十八歲唔代表要[手查]架車上去同條女"x"番晚架嘛... 而且小朋友之後唔食利口樂.. 咁點算... 簡直係攞石頭打自己隻腳...

3. 萬佳美廣告
- 又係好正的一句: 有套梗係安全d 啦! 講得好! d 人投訴呢個廣告意識不良.. 邊到意識不良先!? 就算係上到床, 用安全套係唔係真係安全d 呀!? 如果咁都意識不良, 家計會咪要執粒!?? 好心d 人投訴果陣用下腦先啦..

電視劇:
1. 半生緣
- 簡直係愛情大悲劇.. 睇得多人都悲d... 所以我好少睇.. 我寧願睇三寶好過... 不過我地要知道there exist such a 悲劇...
2. 陀槍師姐4
- 呢期唔知點解追呢套野.. 好似幾得意... 特別係陳小生(Bobby), d 演技超掂...

遲d 有呢個"八號巴士", 我簡直係期待以久... 九巴當時借左架KD401 俾亞視拍..
我諗全港巴士迷都無咩邊個唔睇掛...
============================
吹完水啦我....

今日就真係溫書啦..
不過落左去街兩次.. 第一次係落去入左尋日果三張支票.. 三張支票加埋都無600蚊...不過支票對我黎講的好處就係萬一俾人偷左都無損失.. 因為劃晒線... 但係我就麻煩d 囉, 要等一日先用得..
尋日第一個客已經預訂左我五月八或者九號上佢東莞間廠到field trip.. 睇下有咩需要改善, 同埋將會寫一個stocking system.. 我打算web-based.. 始終php會易過用vb, vc++, java 等.. (何況我只係識vb), 但係php 易好多.. =)我又鍾意web-based, 夠晒cross-platform.. =)
呢兩個公司客, 其中聯絡人都係"師奶", 而呢兩個師奶都係會問我一個問題:"阿豐你拍拖未..."
嘩大佬... 我又咪係果個答案.... 真係.. 係唔係有介紹先~! 不過都係果句, 事業為重... 搵錢至上..
不過講起呢樣野, 今日我去影印舖同老闆娘吹水, 咁o岩佢幫一個教風水o既客影印"notes", 佢俾左一張今年運程我睇, 牛年.. 事業桃花兩旺.. 痴線, 吹晒水咁... 係唔係今年我無桃花就走去拆佢招牌o者.....
仲有一樣好頂o既事~ 就係影印舖老闆娘同我講, 有個客影左5000張10蚊coupon, 個客係幫人上門整電腦... 收80 蚊.. 嘩..."x"你阿摩氹氹"x" (潮州話粗口, 唔知點打番出來, 想知打電話問我啦..), 80 蚊!? 上次我淨維修人工都200, 主機板又賣左200蚊.. 個客都話接受到.. 80蚊仲要送10蚊coupon, 如果純檢查費只係30??? 嗱, 唔好做爛晒做市呀吓! 不過呢d 蝦兵蟹將我又唔太擔心...我最多損失屋企客, 而d 客同時間又失去專業級的服務 @@" <--突然間好自大tim.. 唔好意思... 不過如果條友整埋公司網路我就真係驚.... 不過都唔好唔驚呀, 有時我去人地公司見到48蚊上門的廣告fax, 心都打過突! 不過d 人話上到黎又另一個價... 咁做生意點得架.. 童叟無欺喎! 我話200就200, 唔會玩野話呢樣壞果樣壞黎厄錢!

第二次落街就係同阿媽去吉之島.. 居然撞到鍾太喎.. 我都好耐無見佢..
佢係我一個小學同學的姑媽.. 其實我都叫佢做姑媽.. 親切d 嘛..

============================

>>April 8, 2004 at 1:33:34 PM GMT+8

2004 年 4 月 5 日 星期一 【晴】

原本都諗住溫書, 但係樹欲靜而風不息.. 我都唔想..


=============================
結果今日又係工作.... ><"
今日要走兩轉... 先去葵涌再去大角咀.. 前者有一部機完全LAN唔到, 後者, well, 部server 死左..
連企鵝都會死o既.. 無天理...

首先去到葵涌... 原來只係set錯左野.. 將個ip fix 死做192,168.0.1, 點會上到網呢.. 都唔o岩subnet..
結果問題就好快搞掂啦.. 不過要做番防毒... 因為佢地d definition 過晒期...
結果一scan.. 超過七百個file 中毒~~~~! 哈.. 呢期真係要小心呢隻 Netsky.P@mm

之後食完飯, 跟車落深水埗再行過去大角咀果邊.. 咁我又慳番幾蚊交通費啦! 因為佢地公司要送貨去深水埗, 所以順路囉...
上到去大角咀果到, 似乎比我想像中嚴重.. 睇番system log, 似乎係個hard disk 無左反應.. 幾驚.. 如果hard disk 瓜左咁都幾大件事. 我諗....
不過插住隻mon restart 過有無問題囉... 唉... 其實個log 都話死左幾日... 有d 擔心, 不過到我走果一刻都無咩大問題... 都係, check 埋病毒, update virus def., 食埋個下午茶先走.. @@"

不過呢, 走o既時候臨時約左老表去旅行社book 韓國酒店, 最後左揀右揀, 揀左韓國酒店(Koreana Hotel), 不過話時話, 叫得/地方名/酒店都唔係好好, 例如大埔酒店, 香港酒店, 又或者香港書院.. 但係個agent 話呢間野好多商務客都鍾意.. 何況近明洞果邊中區, 問題唔大o既...

之後就返屋企, 完成一日的行程啦!

=====================
回 路易斯:
咁時間當然係少左啦.. 但係.. 好似無咩心機咁... 就算係屋企都無心機溫書..
講起pure maths, 果本sol我早就發現係錯, 所以而家只係煲死J. Lau d notes... 好勁呀真係.. 好清楚~!
不過考完都唔好燒住.. 攞去當廢紙賣都好呀.... 何況我隨時一個唔該要repeat.. (大吉利是...) 咁咪....
3C? 爆下大鍋囉.. 睇下有無大鍋野.. =) XDDDDDDDDD

>>April 7, 2004 at 11:47:15 AM GMT+8

2004 年 4 月 4 日 星期日 【晴】

現在寫日記仲難過登天..
一陣就話伺服器work-load 過大..
頂你, 唔使你做呀而家, 咩work-load 過大.. 好心佢調校大d 個max-client 之類數值啦.. 唔係一味upgrade hardware o既... 有時係要tweak 下佢o既!

==============================
清明節快樂... 好彩我仲未去到俾人拜的地步.. =) XDDD
尋日整機成功, 今日要繼續盡快維修好...

今日第一件事就係call 左蝗蟲出黎, 攞番隻CDRom Drive.. 四十蚊貨仔.. 其實係買二手的, 但係卻係Panasonic的, 勁好讀.. 讀碟超勁..
去完大埔火車站攞野, 同佢一齊行上新達... 見到一個同學.. 佢居然見唔到我地兩個.. 老趙都話佢係街唔同人打招呼.. 果然無講錯.....

之後我順便去探榮哥... 榮哥今個月係30車時間, 但係[手查] 31 車(KV8572), 好啦... 終於唔使對住部又嘈又無力的HZ8389... 坐到大中落車, 返屋企繼續重裝Windows 工程... 一路塊主機板工作良好.. 運作正常.. yeah.......
拿拿林搞番掂之後就運過去天慈... 呢次唔火車lu... 因為無K巴好難搬咁大部機... 寧願企64k... 反正唔係好趕時間... 今日終於重遇歐三Trident (KL8537) - 我呢期的代表車... 架車幾好力架.. 不過今日唔知點解好多站都有人上落... 坪朗, 寨乪(讀音:基), 梧桐寨村都有人落.. r 晒頭..

去到元朗就轉276P 入去天水... 等車時有人問路, 點樣去荃灣... 老實講我都唔係好識.. 點左佢過對面馬路搭68M...

之後去到好快就setup 返好一部正常的電腦, 原本想叫佢試下上網, 但係modem --> wall socket 條線佢話唔見左, 所以無計啦.. 到晚上佢先打電話同我講番上網d 野, well..到最後都仲係上唔到... 要怪就怪i-cable 啦.. 係我屋企係上到無問題的...

五點就走啦..
之後就係做一樣好無聊o既事 - 遊西鐵河.. 哈.. 你咪話, 尋日我先叫做第一次搭西鐵.. 今日叫做搭全程咁啦... 我搵左一個火車迷, 也是我師兄 VVVF 陪我一齊遊... 我搭到去美孚站等佢... 之後再去南昌, 之後坐返兆康(為左坐全西鐵最chok果架P327), chok 番錦上路...
真係好chok!!!!!!!!!!!!!!!!!!!!!!!!!!!! 不過好快~
好肚餓呀但係.... 之後上番64k (架車出奇地臭!), 同VVVF 講左一陣電話就到大埔啦~

======================
回 賤健:
咁唔係notebook, 所以無諗到呢個問題.. 更何況我係唔知~~ (我好耐無留意hardware....)
我只係睇performance ja...
HT 又真係貴得濟...

回 路易斯:
嘩.. 很長的一個reply, 我鍾意!
打機.. 點會唔知架你... 你去邊到考?
你咪仲開心, 去溝女... 仲要幾個tim... kakaka..
我都無拜到山呀.. 無時間嘛...
你中果隻係MS.Blast.. firewall 防到的... 唔使驚.... 我都有裝架.. 不過你都好掂,
自己走去熄左佢.... 如果你想真正delete, 去download: http://securityresponse.symantec.com/avcenter/FixBlast.exe

咁我唔係invisible, 也不是完全無理會.. 只不過.. 唉.. 我都唔知點講..
唉.. 我唔知啦.. 都係唔諗好過諗... 感情生活已經浪費左我七年間, 我唔可以再咁搞落去... 唉...
現實世界都搞唔掂.. 做咩仲要虛擬呀...

>>April 6, 2004 at 4:00:56 PM GMT+8

2004 年 4 月 3 日 星期六 【晴】

兒童節快樂!
無論你係大人定細路, 都祝你快快樂樂!

=============================
今日我大安主意唔使出街, 係屋企修心養性... 我都攞晒d pure maths 出黎溫習..
但係又有惡魔出現啦!

話說尋晚咪收左個新客o既.. 原本話係聽日, 叫我徒弟整..
點知..... 佢今日下午打電話o黎, 改今日.. 跟住我即刻搵徒弟.. 點知出左去拜山,, 搵基哥, 唔得閒..
結果又係我自己食左佢...

天水圍天慈.. 要坐276P, 原本諗住停元朗有排搞.. 點知又唔係喎~ 好快o者.. 係車上面同wong j 傾電話... 講起, 呢兩日我心情突然轉變... 突然間又轉變.. 佢好精咁講左一句: 唔知好事定唔好事...
無.. 只係突然間又想有感情生活.. 特別早一兩日.. 不過今日無左呢種想法lu...

去到個客屋企, 一睇... 間房仲亂過我.....
個客個女係一個二十幾歲, 典型的旺角女仔... 唉... 感覺到一種香港式的頽廢...
部機又唔係拆散晒.. 邊有o者, 只係個兩塊擋板拆左, 同埋機頂的一塊膠組件拆左(呢塊真係唔知拆黎做咩!) 入面都未拆過乜濟..

部機好有趣.. 一時就自己會開, 但係開一秒都唔夠就熄番...
咁得兩個可能o者.. 一係主機板, 一係火牛.. 不過唔知邊樣.. 結果我就抬左部機返大埔... @@"
第一次試搭西鐵, 感覺清新....

為左測試, 我攞左自己上次壞電容的板出黎用.. 居然係用得架.. 塊板~~~~! 而且自動reboot 的問題無埋呀.. 即係電容更換成功! Yeah!!! Give me 5!!!
由於佢部機又係Pentium III 733, 我塊板上面果個又係, 所以就咁換左佢, 之後就開得番部機啦.. Yeah! 不過當我開入Windows 之際, 發現佢部機個ME 抄左(因為driver 不同的問題)... 我又要re-install.. 都唔係問題, 最大問題係佢隻DVD-ROM讀碟能力出現問題........ 所以唔可以重裝.. 都係問番蝗蟲攞番隻CDROM drive 先有得搞啦...

結果呢個"主機板手術成功" 講左俾好多人聽!!! =)
======================
今日唔知係唔係對住佢係icq 講錯野..
佢好似無應我咁..
唔知呢.. 我其實只係想佢知道我係一個關心佢的人.. 所以即使佢唔開心, 想知道下...了解下..
可是佢... 沒有說, 加上又好似唔理我咁...
我都唔知講咩同做咩好啦... sigh......

或者, 我同佢的關係已經到左一個我都唔知用咩形容詞形容的地步... 又或者可能係回到最初掛.. i dunno.. but i dun want to think.. my exam is coming... how come i think such a silly thing?? god damn...
======================

>>April 5, 2004 at 3:45:17 PM GMT+8

2004 年 4 月 2 日 星期五 【晴】

過埋今日個Listening, 總算可以鬆一口氣...


==============================
今日listening 之前的節目好似叫做周末新田地..
原來已經最後一集... 我仲係第一次聽tim~ o.....
佢播左我一隻好鍾意的英文歌(似乎呢個節目都係播英文歌的), 就係Eagles 的Hotel Californa..
我好鍾意.. 佢播的係演員會版... 我就有呢個演唱會的MTV.. 勁鍾意~
之後又播左幾隻好舊但係好聽的英文歌..

今日個listening 唔算太過難... 只係劃面劃唔到.. 而District 果欄我就填到, 係Central&Western District (中西區) - 山頂所在位置.. 不過大家都唔係好信我o既答案.....

返到大埔就落開心囉... 不過最開心唔係有機打, 係見番好多個朋友... 沾叔, 學軒, 志豪兄, 巴金就一定見到啦, 仲有劉家豪..... 而家學校就有Wong J, 鑫, So Man... 唔記得左講仲撞到禽獸... 其實尋日已經係巴士上隔住塊玻璃見到佢仲打左個招呼... 今日睇住佢係到玩Time Crisis 3.. 見佢殺人殺得咁興奮, 我都無打擾佢... 等佢玩完先叫佢...

之後就返左屋企食飯....

蝗蟲今日話要砌過部電腦, 事緣係佢部機燒左隻火牛, 順手換埋部機喎... 老實講火牛我都有幾隻, 佢想換埋機喎... 所以同佢落左黃金啦... 最初wong j 都話去, 最後佢都話唔去.. 死佬掛住打機..

今日係大中見到一架L廠的密龍, 係叫人登記做選民的.. 架車好似帶左口罩咁(有個橫額係車頭牌箱到) 好cute...

之後我地等同搭72... 沿途吹水咁啦..
之後去到黃金, 買野.. 佢個spec 唔錯.. Pentium 4 2.4G(1M Cache), 華碩板咁啦..
不過今日智能個raymond彈左一單整機的俾我做, raymond 個frd 係做寬頻上門安裝的, 而raymond 又見天水圍咁遠, 咪俾我做囉.. 話時話, 對大埔來說天水圍也是很遠的.. 不過搵番少少錢我倒又不介意..

蝗蟲等埋佢老豆黎, 就去揀機身... 後尾佢見到一隻幾合心水的.. 就買左, 之後一行人就返左去佢屋企... 火車真係好多人........... d 人今日開始上大陸嘛...
去到"暈陀陀"之後, 佢地請我食tea.. 好開心..

之後開始裝機... 死.... 年紀大, 機器壞.. 裝CPU 風扇都手震, 搞到裝到"mei(錯位)"左... shit.....
又有好多parts 唔o岩使, 唔夠用, 又或者無跟.. 所以裝到一半就... 要返屋企攞.. 不過佢後尾話自己暫時用住舊果兩隻HD 先.. 開到機.. 不過唔知點解會中晒病毒... ><"!!!!!!

我用搭71k 的時間去contact 今日新接的客.. 個客初頭好似有d 唔係好信(當然啦. 失驚無神有條友同你講話知你部機壞仲話幫你整.. 俾你都驚啦!).. 佢話: 部機拆散晒啦喎... 我話: 散晒都有得搞, 睇你想唔想搞架o者.. 佢話有得整梗係想啦.. 之後安排左後日搵我徒弟去幫佢搞..... 又有錢賺.. 真開心...

返到屋企就想打日記啦... 但係個日記系統咁...

============================
回 龍儒?
我可能仲炒過你..
真係睇唔明你果句野喎!

>>April 5, 2004 at 2:17:32 PM GMT+8

2004 年 4 月 1 日 星期四 【晴】

如果愛情是第一眼的感覺, 如果愛情是第一次聽到她的聲音的感覺, 倒不如說是一種氣味..
看到一個人的樣貌, 你未必會鍾意
聽到一個人的聲條, 你未必會感動
可是身上的那種味道(唔係臭狐呀唔該), 即使沒有任何聞到的味道, 你可能一下就會動情... 無論你心入面幾平靜... 至少也會有一陣漣漪...

我做咩突然間咁講!? 唔好誤會呀.. 我無又鍾意邊個呀... 我無睇中咩目標呀..
不過, 係記錄我生活的同時, 我想保留我自己一d兒女私情..
=====================================
不開心的事別提了..
今日又是等Wong J, wong J又是遲到... >.<"
為何我這個遲到大王都會比其他人早到?
結果我進入試場時, 個個都在寫考生編號.....

第一場, Sec B (作文)
睇到第一題幾好作, 諗住作好d.. 諗住砌好d 個language, 用字用靚d..
點知寫到第一半左右, "You have 15 minutes left".. 嘩.. 仆街啦.. 又睇錯鐘...
結果就用15分鐘寫足一大版, 係咁寫, 係咁寫, 都理唔到咩grammar, 係咁寫point (因為一早就諗好晒point..) 結果最後兩分鐘就: Yours faithfully, Chris......
第四題, Richard Eng, F. Shum, Patrick Chan 都tip 中... 所以勁多人做第四題... 睇黎如果邊個照抄point同notes 的話, 我相信今年的考試報告都會幾好睇...

第二場, Sec C..
一般啦, 叫做填得晒所有blanks.. 係matching 叫做比較難, 其他的還很ok..

之後我同清泉, 巴金去食飯... 我講左一句好好o既說話: 點解我地考試考得咁輕鬆.....

但係之後Sec E就真係仆街... 我尋晚已經估得兩個task, 點知真係..
第一個task 58分, 第二個30分.. 諗住應該夠時間啦.. 點知就出晒事啦.. 根據一向我的做法都係先做task 2 (少分者做先), task 1 做後.. 心諗.. 得啦.. 個細task 雖然麻煩加陰濕, 但係總算叫做得晒, 最少都22分啦咁... 不過task 1就真係唔夠時間做啦.. 仆街啦.. 真係... 當我寫到conclusion: We recommend (用we 其實都已經有問題) ... "Time is up.." Shit........................

結果一出試場就一個二個係咁講粗口..
個個都做唔晒... 好少人做得晒..

===========================
今日係我地學校中五last day.., 所以約左兩個中五的同學去食糖水..
但係第佢地的時候, 我同wong j, 鑫去開心打左一陣機..

最後我地一行四人(包括一個F.4)去rainbow 食甜品, 我食左個蘆葦涼粉, 真果句呢個比起椰果涼粉好食.. 值得一食...
之後行左大埔中心一陣就返屋企啦..

============================
考試我甚麼都不怕, 只怕一件事.. 如果這件事發生,
看來我也要準備重考...
============================
回 Wong J:
好呀~!

>>April 2, 2004 at 2:27:36 PM GMT+8

2004 年 3 月 31 日 星期三 【晴】

愚人節快樂..
大家有無俾人整估!?

======================
嗚嗚嗚.. 今日我俾wong j 整估..
佢一打電話黎問, 今日作邊題... 我居然以為我訓多左一日.. =) XDDDDD 哈哈哈!

今日係假期, 突然很晚才起床.. 好舒服.. 訓足10個鐘.. 正! 咁先係生活架嘛.... <--呢d 人呀.... @@"

結果今日都算叫做有溫書... 睇番UEE 2003.. 點可以咁差架.. 所以問番人借番個past paper...
結果四點落到去富善.. 但係佢好似趕住走咁... 原本諗住見落雨, 佢又病病地, 加上真係好多謝佢借俾我, 諗住送佢一程囉.. 但係佢好似無理過我咁.. 算啦....

跟住scan 野俾人, 自己食飯, 過左呢日好充實的假期..
不過話時話, 平時我根本就唔溫英文, 今日可以話係一反常態. =) XDDDDD

============================
回賤健:
咁我聽過嘛, 我一向都係播CD, 一係就903...

>>April 1, 2004 at 1:32:39 PM GMT+8