2004 年 2 月 11 日 星期三 【晴】

今日... 依舊是很累的一天..
我終於鬧完情緒.. 因為尋晚睇到佢日記.. 我終於知道佢諗緊咩..

============================
某程度我好似只顧自己的感受, 無理到佢感受..
其實我以前並唔會咁.. 只不過....
算吧.. 這不是籍口, 也不成理由.. 我自己知原因就算數..

我都好多野對佢唔住... 係咪有d 唔好意思去再講對唔住..
不過我都係講對唔住..

不過.. 佢唔講我點知... 如果唔係佢尋日個日記, 我就唔知佢唔開心..
就算佢發我脾四又好, 咬我又好.. 打我都好, 起碼我都會知佢有事....
我以前會走去估, 走去睇, 走去問.. 但係而家o既我, 因為以前俾人話我煩.. 所以我而家都唔會咁做..

然而我又很安靜, 沒有任何激動...
但係... 由這一分鐘開始計起春風秋雨間, 限我對你以半年時間慢慢的心淡..
我諗我的確要一段時間去接受同重新調節.. 真係半年? 我唔知啦.. 或者可能叮一聲咩事都無.. (可能係啤一聲o既..)
咁樣叫等? 我都唔知啦.. 唔好問我.. 活好今天就是了, 不作多想... 見步行步..
但係我已經catch 到我之後大約會點.

我未試過鍾意一個人搞出咁多風波.. 可能人大左, 就越麻煩... 我呢個老人家..
============================
講番今日做過d 咩...
今日又返左莫記食飯, 都係為左大pat 陳..
3C人, 又在一起.. 但係有d 真係轉變好大, 唔係好認得....
今次要記得早d 返YY2 啦.. 因為唔想再搭的士.. 呢個禮拜我已經搭左六次的士啦... 邊到咁有錢呀我..
所以飛落去大埔墟搭73x.. 其實遲左三分鐘.. 只不過無人捉而已..
靠坤叔捉!? 你無野呀話..

三堂電腦, 好輕鬆咁過.. 不過個program 總算改完晒bug..

返到屋企, 諗住上icq 交代d 野..
頂.. 隻icq 壞左!
一開就Visual C++ Runtime Error.. icq 個網話做一次ICQDBConvert 就得喎...而家仲做緊.. 不過..
一睇:
總共有188160個msg, 288個user.. 有排做..

(up to: 1751)

>>February 12, 2004 at 9:54:31 AM GMT+8

2004 年 2 月 10 日 星期二 【陰晴不定】

今日... 我真係好累... 好想訓覺...
只係頂住, 頂住唔好訓... 好辛苦...

================================
今日返左莫壽增一轉.. lunch 果陣... 真係好趕..
出校門果陣仲要俾呢個billy 仔串... 係呀.. 我唔認呀.. 點呀.. 吹啤囉...

之後拿拿聲去M記買左個包同一杯氣水就企係到飲..
飲完之後拿拿聲去打的返去... 一入門口, 我徒弟立即大大聲叫我...
之後見ck 一陣... ck 又串我..
喂.. 你地只係睇到一d 唔係事實o既事實.. 加上我唔想講咁多...

終於見到大pat 陳.. 佢無咩點變..
聽佢講道講左一陣(雖然唔信基督, 但係聽佢係新疆的所見所聞真係好得意.. )
好開心... 同自己最frd 的frd 一齊... 完全無壓力.. 雖然果個環境, 我早就唔再屬於..

之後又係打的返圓玄. 哈哈.. 無遲到!

上埋三堂英文.. 死頂... 要作文..
之後落306 又是忙得團團轉轉.. 因為蔡生有部機失驚無神, 一開機就blue screen of death..
我想整埋先.. 但係真係死得好勁同好壞.. 唉.. 得閒先搞啦..
又有人問數啦.. 呢呢路路啦..

其間kit wong 又上306 搞gap.. 我覺得佢真係好.. 唔知點形容..
有d 過份囉.. 即係好似好大牌咁.. 人地306 真係好似你咁, 咁得閒呢.. 一句就呢樣果樣.. 人地都要按章辦事架嘛.. 佢要攞番Prefect camp d 相
五點三.. 同蔡生, 佢個仔, AV組的人去M記食tea.. 救命.. 今日已經係第二次M記..
個atomsphere 好輕鬆...
結果就係晚上果餐食唔到野... 嗚..
==========================
我開始解構我的唔開心, 開始去將呢種感覺抽絲剝繭..
我呢種感覺, 係由於對佢的感覺所造成的.. 因為唔expect 會聽到呢d 說話..
但.. 似乎佢get 唔到我唔開心的重點...
我重點唔在於佢嫌三嫌四, 唔在於佢發脾氣.. 因為我對佢會以最大的容忍... 我應承過自己, 對自己鍾意o既人一定要忍.. 忍唔到都要盡忍...
我諗識得我一排的人都會覺得我脾氣唔細. 雖然而家改左.. 但我都覺得自己都係有脾氣..
好似上次係公司, 見到個三條友整三部機壞四部機, 我即刻講粗口就鬧.. 仲有香港寬頻果d 客戶服務部俾我鬧過唔少...

但係果d心碎的說話, 我真係受唔到.. 佢似乎唔係咁明白我呢個人.. 我真係會覺得心淡.

算啦.. 我只是鬧情緒而已.. 沒有大礙的.
我何時才會想再次理會她? 再次守護她.. 我不知道.. 我只知我真的很累, 很累, 很累..
感覺很重.. 很重... 很重...
==============================
我已經feel 到,
距離我病的日子還有四日. 因為我而家已經有暈倒的感覺.. 完全唔夠訓..
==============================
回 靈魂..
你唔知發生咩事o者..

回 賤健:
好彩. 無遲到..
我聽日應該會出現的!

>>February 11, 2004 at 1:03:05 PM GMT+8

2004 年 2 月 9 日 星期一 【陰晴不定】

我真係好想講粗口.. 我真係慶.. 但呢次我唔打算對任何人去輸出呢種感覺囉..
自從上一次之後, 我知道呢d 野要自己搞掂... 對人發脾氣只會令事情更加嚴重..
但係我真係好想係呢個日記打粗口... 去發泄一下!
=================================
尋日果種感覺, 係而家o既我, 一日之後就會無晒感覺.. tomorrow is another day...

但問題, 今日, 又因為一句說話, 我又有呢種感覺..

我覺得好discouraging 囉.. 我唔知, 做咁多野係為咩..
我自己都俾唔到個答案我自己.. 你地明唔明?

我真係未試過咁discouraging囉

有d 野, 我某程度上已經到左baseline..
我唔想再講落去..
因為呢個只係我o既觀點同感覺, 我可以大大聲話我1d 都唔客觀.. 大家都可話我幼稚, 自私.. 我唔mind, 因為我認..
但係呢個的確係我o既感覺.. 我只可以講句, 雖然我叫機神, 但我都係人, 我都有脾氣, 都有底線, 都有好惡, 都有黑暗面同光明面.

我咩都唔"能"知..咩都唔想理.

===================================
discouraging, 唔係因為有問題而discouraging,
工作上的不利我常常都會碰到.
係因為說話難聽.. 而且我好想逃避自己的感覺.

努力一場過後, 我並唔expect 話咩感動, 咩好touch.., 亦唔expect 多謝.. (老實講, 多謝之後的reply 就是不用謝.. 簡直係晒gas...) 但我更加唔expect 聽到呢d 野..
如果我對你只是朋友的話, 我不會用盡全力, 我根本就不喜歡寫網頁..

呢一刻, 我個心已經徹底地碎...
我已無話可說.
-------------------------------------
原來我都幾小氣... 仲有d 幼稚....

>>February 11, 2004 at 11:00:40 AM GMT+8

2004 年 2 月 8 日 星期日 【乍雨乍晴】

好奈都無呢種感覺.. 一種我覺得好辛苦的感覺...
一種令人哭笑不得的感覺... 基本上用任何語文, 文字都不能寫出的一種感覺..

=============================
今日係7A 對 7S的世紀大戰..
雖然我地最終都係輸左. 但係我地真係好落力. 睇住Wong J on fire.. (起晒火呀佢!)
睇住So Man 真係勇救.... 結果佢屈親腳入左廠.. 結果我就陪左佢入廠啦..
搞到七點先走得..
所以連MC Chan 補習都遲到.. 唉...

=============================
我又再次發生情緒波動.. 我都覺得自己都幾可笑...
我唔想講發生咩事, 我唔想講中間我出現過的想法.
但係.. 我真係覺得很可笑..
好多野我搞唔清.. 我唔想理.. 好煩..

============================

>>February 10, 2004 at 10:32:14 AM GMT+8

2004 年 2 月 7 日 星期六 【雷雨】

今日.. 過得算係開心啦...
日日都係咁都唔錯, 只不過係太早起身..

==================================
今日八點左右就起左身.. 因為我無埋沒我o既愛心 - 參加新界區百萬行..
路程由馬鞍山烏溪沙青年新村 -->大學火車站.
其實某程度上係289k囉..

九點五十五開始行, 我十一點四分已經到大學, 仲要唔使等一眾阿sir/miss 就可以走得.. 太好啦..
落左馬灣(珀麗灣)做野.. 只係幫個客set 番隻router 上網咁啦.. 佢隻router只係set 錯上網password...
係入面食完飯出返黎, 先去深水埗.. 原因我部printer 一個唔該就同我死左.. 所以我要考慮買果部... (好彩只係部Color inkjet 死左..)
之後落旺角.. 想搵下Ryan 買果隻拍個頭識報時的公仔.. 好得意呀.. 但係我行左兩層Trendy Zone 都搵唔到.. 第二件事就係幫小月買頸巾.. 呢個話難唔難, 話易唔易.. 因為要買番一樣款, 呢樣野難... 佢行街唔見左條頸巾... 老實講.. 佢開始帶頸巾果陣(即係天氣轉涼果陣).. 我們仲冷戰緊.. 怎會留意到條頸巾係咩樣...
但係成條女人街都有三四檔賣頸巾.. 我都係果到買過..

講起頸巾, 就會想起我返學果條.......

點知揀揀下頸巾, 3678話佢地坐緊架AMN2 (MAN 24.310 雙層, 係大埔極為罕見.. 但唔知點解做左72x新掛牌車..) 已經去到九龍醫院.. 我即刻雞咁腳走去旺角地鐵站上架AMN2..

去到柏景灣, 原本可以原車走.. 但係一來我八仔無錢, 二來我都未買到頸巾.. 3678話會搭72果架AMN.. 所以我之後落番旺角(搭新路線701 - 其間同個司機又吹水...)
終於買到一條類同的... 一模一樣? 恐怕有難度.. 始終原本果條係多年前的款式..
當時她幫我搵頸巾, 是不是有著同樣難度呢!?

之後搭地鐵落深水埗嘗試撞番架車... 大檸樂啦..
我去到已經係太遲.. 送車尾!
死人3678, 叫左佢到長沙灣俾電話我架啦.. 搞到我趕唔切...
算.. 86c->72x.. 點知.. 86c又多人上, 72x又塞車...
結果攞到條頸巾係小月手上.. 已經成七點幾....

始終唔係同一款.. 當然.. 唔係啦.. 我係女人街來回四次, 來來去去都係呢款同第二款更加披肩的款式...

今日學左個新term: 針織...
我要打電話問我阿媽.. 阿媽又解釋得太詳細, 我又唔明.. 最後佢話: 你件底衫果隻質料囉.. 哦...
=====================================
回 靈魂:
校長一死而謝天下咪見晒紅囉!

回 速龍:
哈.. 所以今日百萬行我只用了一個小時左右.. =)

=====================================

>>February 8, 2004 at 2:57:15 PM GMT+8

2004 年 2 月 6 日 星期五 【乍雨乍晴】

今日的工作效率其高.. 只花了十一個小時.. 就寫好了一個網頁.. 出奇吧!


==============================================
但別問我為那個組織寫網頁, 也別問我網址是甚麼.. 因為太多人知道的話. 牽連甚廣... 我會俾人串到一橦都無...

今日小月到我家來作客, 一半也是衝著那個網頁而來的..
說真的, 這樣帶一個女生到家中, 我還是第一次.. 這下可能把我媽嚇壞了...
最後她做她的功課, 我忙我的網頁...

兩點幾她就走了..
我繼續網頁的工作...
只是五點幾出左去大埔火車站攞左d 野俾龍儒.. 一個鐘之後返到大埔中心, 俾意見人去買情人節禮物... 天啊.. 問我!? 我好像未送過情人節禮物給任何人.. 今年會不會送?.. 不曉得了.. 但唯一可以肯定的就是我一個人過.. 上年的情人節真搞笑... Wong J入了醫院做手術.. 情人節就是我們兩個在醫院過的... 畢竟感情的事, 不是我可以理會的.. 我也很無奈.. 只不過無奈慣了, 習慣了, 所以別去想而己.. 說實的, 我也很想有一個女朋友... (一個就好了.. 我不花心的..).. 問心的, 最想當然是她做的女友.. 還有誰... (她是誰!? 你們別白痴吧... 看了這樣久的日記也不知..)

不說感情事了..
返回工作枱上.. 繼續到十一點半.. 終於完成了... 太開心啦...
就訓左啦.. 因為聽日要百萬行..
==========================

>>February 8, 2004 at 3:09:56 PM GMT+8

2004 年 2 月 5 日 星期四 【乍雨乍晴】

話說尋日壞左部printer, 所以今日放學要走去睇下有咩新野..


=============================
放學後, 行到大埔中心, 睇完吉之島同豐澤d printer 之後,
行行下.. 突然小月打電話來, 話大pat 陳返左香港, 仲去左莫記個運動會..
點解我班frd 無同我講... 搞錯!!!

最慘係小月打俾我, 剛大pat 係佢身邊, 但係我又問緊朱仔野, 無聽佢電話..
所以.. 咁就緣慳一面...

=============================
唯有落去太和東園睇下有無printer 買.. 結果都係無..
都係留番聽日或者後日落黃金睇下啦..

>>February 9, 2004 at 2:38:11 AM GMT+8

2004 年 2 月 4 日 星期三 【乍雨乍晴】

我真係俾billy 仔玩死...
以後見一次打一次... 係我見佢一次, 打鍋佢一次..

=========================
話說尋日billy 仔撞到我同佢..
今日已經有人嚇我: 你死啦.. 佢知得, 就全校o既人都會知架啦..
o下!? 坤叔唔會知掛..

果然.. 今日放學係圖書館幫人補maths..
billy 仔係圖書館做野.. 我頂佢.. 佢走埋黎同我補習o既人講..
之後我發現佢係唔知我個名.. 心諗.. 哈哈..好彩...
點知...

billy 仔話去問蔡生, 我即刻走過去306同蔡生講,
點知就留左份中化評論係檯上面...
好彩o既係, 補習果個人幫我keep起左...
諗住大難不死啦... 點知... 佢就去問圖書館長翁太.. 仲俾佢知道左我個名... 我真係吹到啤一聲...

呢次....(叮.叮..叮...叮....叮.....)

之後同小月講番...

放學之後趕去銀行搞埋保險d 野... 要去簽名...
同老豆去睇左一陣電話..

今日最無奈o既就係部printer 壞左! (噢...)
唔係部laser, 只係部Epson Stylus Photo 750.. 買左我諗有五年..
咁就同我打左柴.. 頂... 又要我用錢去買.. 你知我呢期無錢架....
買果陣成2288.. 勁貴!
部野個頭滑牙, 個墨頭撼頭埋牆.....

===========================
回 賤健
你呢d 學生真係... 唉~

回 速龍
唔係咩武功.. 只係已經係莫壽增返學, 成日都唔夠時間返學, 將原本平時十五分鐘的路程, 到十分鐘內要行晒..
所以咪練成囉..

>>February 6, 2004 at 7:14:48 AM GMT+8

2004 年 2 月 3 日 星期二 【乍雨乍晴】

呢期好大懵...
成日錯埋d 無聊野.. 再係咁.. 都唔知點考試...
今日又睇漏野搞到無左好多分.. 識係識晒.. 好無奈...
=========================================
我講緊o既就係今日Phy Test (Gas..)
我係識架.. 但係.. 條公式係 p(V-nb) = nRT
我睇唔到個b.. 諗住佢問volume 係 V-nb 一齊問.. 所以無理過.. 仆晒街呀真係..

更加傷心o既野, 今日終於發現到點解我寫左個pascal program 行唔到.
原來只係一個fop loop out of range.. 頂! 原本係30 打成 40.. 一個3字打錯, 就搞到我用左三個月時間....... 仆街.. 唔講粗口唔得呀我呢次!

放學後, 去mock interview.. 我係今日的第一個人..
一開聲.. 係知要用英文架啦.. 搞錯.. 口"疾""疾" o既!? 唔係我喎.. 我講野無咁差..
之後普通話.. 仲差.. 我連自己講咩都唔知... 不過普通話果d 問題, 我真係好有感覺.. 問題係中國大陸的IT 前景. 哈.. 別忘記有一段時期我真係同大陸programmer 打交道... 雖然真係嘔幾斤幾兩血..
所以後來因為呢條問題, 我歸位啦.. 之後發揮得勁好...
interviewer, 分別係翁太, 譚sir + 查老師.. 佢地話我內容好好, 而且我o既working experience 絕對有本錢, 值得emphasis 多d, 同埋準備好個structure.. communication 應該無問題, 不過我就覺得唔太好... 佢地話問題落於唔夠熟識個課程同埋講好d 個future career aspect.. 就算只係講自己出黎做, 都會好好...
之後落306 同蔡生吹水.. 佢想搞檔野(唔係魚蛋檔啦總之).. 問我有無興趣.. 我聽落都覺得有興趣.. 都想夾番份錢.. 算總有d 細藝....

之後我做左一樣, 我諗我都有兩個幾月無做呢件事...
就係等佢同埋送佢返屋企.. 真係好耐都無做呢個動作.. 自從上次件事發生左之後..

居然係大埔廣場見到一個人, 佢走埋黎, 問我地"乜你兩個識架咩!?", 我初時仲唔知邊個o黎, 但係小月叫佢做billy 仔.. 我已經彷然大悟.. 呢個billy 仔其實係form 1 的... 我都識佢.. 成日入306 搞gap 架嘛.. Toto 姐係到果陣都同佢好熟啦...
我地兩個唔識!? 好似都識左三年幾.....

billy 仔問左一條相當益仔o既問題: 你兩個係唔係拍拖....
益到我都唔識答.. 勁尷尬...
不過小月答左... 我覺得如事實不乎囉.. 我邊度對其他人心有所屬...
就算有, 都只係佢... 但實際上我個心... 基本上都已經無點諗感情野...
係.. 我認我對佢有感覺, 但係... 有d 野...... 我仲未原諒我自己囉.. 我驚我再傷害到佢囉..
雖然可能性好低.. 因為自從果次之後, 我同自己講, 唔可以對任何人發脾氣.. 就算唔得都要盡量...
但.. 始終... 無論如何.... 我都係果句... 呢d 野唔輪到我諗... 算~
p.s. 佢對我係咩感覺... 佢自己先知... 我唔會好似以前咁去估, 或者睇得好樂觀/好有希望... 呢一刻o既我, 會覺得呢d 野, 係你就係你, 唔係你就喊都無謂啦... 命運如此... 唔係貝多芬點會作命運第五交響曲呢.. 唔係我又點有得打太鼓打得咁開心呢....(登登登登..... 登登登登.....)

返到屋企幾乎七點...
食完飯就上網.. 仲諗住溫書...

============================
回 賤健:
做咩事逃學!? 快從實招來!

回 速龍:
你太有心啦.. 好多謝你呀..
其實我已經無事, 今日己經回復正常步速, 一分鐘約100至150米.. =)

>>February 4, 2004 at 2:43:52 PM GMT+8

2004 年 2 月 2 日 星期一 【晴】

今日隻腳仲係好痛.. 仲係做左鐵拐陳...
啤啤聲..

=============================
由於行動不變, 所以同學校申請左搭電梯許可証.. 因為真係落唔到樓梯咁濟..

小月最後去到我上樓梯先發現到..
跟住放學果陣當我"慢遊"返屋企, 正感到悶得發慌同望住呢個蝗蟲同女班長一齊行, 感到無奈同孤單之際.. 佢就係我身後出現..
可是佢趕時間, 我叫佢行先.. 我行唔郁.. 但係佢等我呢個傷殘人仕..
最後我無送佢返屋企.. 呢個重任留俾蝗蟲啦... 唔係我聽日隨時學都返唔到..
我去左影印舖... 幫人攞野去影印...
之後同老闆去食野.. 佢請.. 真係太好人啦佢..
所以返到屋企仲好飽...

=============================
返到屋企.. 總算叫做prepare 過明日的test...

>>February 4, 2004 at 3:01:34 PM GMT+8