2005 年 2 月 7 日 星期一 【晴】

年廿九，放假。

出晒事，您個電話意外地停止佐服務，成個下晝失去晒聯絡… @_@ 好在您識打去數碼通賴皮嗟！

下晝返到屋企再執執張cover letter，畀郵差睇o下，改靚o的！之後再scan晒自己o的cert.，準備見工用。

晚間執o下房，見到封信，原來我唔記得佐去拿星展份信用卡禮物！二百份百佳禮劵呀！！！即時打去星展，賴皮話收唔到。ccc…等佢再寄過畀我先…ccc…

>>February 7, 2005 at 11:28:55 PM GMT+8

2005 年 2 月 6 日 星期日 【陰晴不定】

返早，唔休冇o野做，因為成朝都o係度打cover letter。

襯住今日天氣乾返o的，下晝上佐樓睇漏水，幾乎捉到一個，不過仲未敢肯定，仲要o的時間… @_@

影完相落返MO，幫張cover letter埋尾，print完出o黎又唔記得拿走，搞到要人o地拎返畀我，蝕佐將添！正所謂防人之心不可無。

證實佐呀Wing上位睇6座，但係我就聽到o的o野，對呀Wing都幾不利，不過公司小人多，上得位，就要遇佐o架喇…

不過，我會走喇。

放工去打牌，輸鬼晒。打完入天水圍陪o下您… =)

>>February 7, 2005 at 4:35:56 PM GMT+8

2005 年 2 月 5 日 星期六 【陰】

放假，休息。

下晝出佐去同超人吹水，好耐冇見。

休息。

----------------------------------------------------------------------------------------------------------------------------

You can when you beileve
Guinness
Adam King

Listen up, 'cause you only go around once.
Someone's gonna make themselves a millionaire, gonna get rich, gonna build their empire.
Make that wish?

Someone's gonna find a new species, to be the next Hollywood star, to own land on the moon.
Can you get that far?

Get that girl, get that house, get that job, get that yacht.
There is no second prize. It's your chance, take your shot.
Someone's gonna do it, WHY NOT YOU?

>>November 10, 2005 at 10:57:09 PM GMT+8

2005 年 2 月 4 日 星期五 【颳風】

燥底事件一籮籮！

整日燥底指數︰100%【嚴重】

燥底事件一︰遲到事件（指數︰10%）

六點十先識醒，都諗住唔返，但係今日老細安排佐我briefing講保險，如果射波就真係非常十分之好很衰仔，所以都迫於無奈走去搭的士…打畀咖啡仔，諗住叫埋佢一齊搭的士返工，點知條友兩次都唔聽電話！ @_@

天雨路滑，個長毛司機駕得特別慢…即使個咪錶指住80km/hr，我都唔覺得有速度感，可能係以往o的司機都會開到過100罷…去到加士居道仲居然塞車…xyzqqq！大角咀道幾廿支燈…停…開…停…開…結果遲佐「一分鐘」咁大把！頂！

燥底事件二︰門框事件（指數︰5%）

返佐去一陣，其中一個燥底客走落o黎，話我知今朝發現屋企裡面個大門框爆開佐，離佐成吋咁多，仲要我即刻上去影相同搵人幫佢整！！！冇人可以頂位，好在撞到Ivan去完廁所，拉住佢頂位上樓。車…好正常嗟，回南天，o的木實會脹o架啦，脹咪爆開囉！

好在，o係老細o既人面之下，都搵到維修部肯捱義氣安排人上去同佢整，個客亦都接受，希望年三十前快快手搞掂…

燥底事件三︰抄信事件（指數︰50%）

是日燥底精華所在！做人好心就咪x咁懶啦！

Ivan今朝打電話過o黎，問我可唔可以畀封信佢睇o下，我仲o係度扮懞問佢咩信，佢就話畀City報diploma o個封信，仲話係愛麗斯叫佢問我拿… @_@ 我同佢講話等我問問愛麗斯先…

即刻打去畀愛麗斯，問佢做乜叫人問我借信o黎抄，佢就話我封信寫得好，仲話畀我知呀Wing都抄「足」我… @_@ 我同愛麗斯講我已經畀佐呀Wing抄，冇理由又畀多個人抄o架，唔通真係想成間公司send上總所o的信都係一樣咩？！

之後我話唔畀得，愛麗斯話要尊重原創，再請佢打返電話畀Ivan。

我最燥唔係有邊個人想或者已經照抄我封信，而係唔明點解o的人可以懶成咁，一封咁低能o既信，亦都冇話要中文定英文，英文唔掂大可以寫中文o丫！連自己寫封信去總所要張工作證明畀City都懶，少少o野都唔肯付出，好懷疑究竟係香港畢業o既學生先係咁，定係人o既問題。

我自已讀書o個時都好少抄人功課，除非完全唔識，否則都係自己做，做完再借畀o的其他人抄。大學裡面可以任你抄，但係而家做o野，商場如戰場，我就老虎蟹都冇理由借畀人抄！尤其係o的咁私人o既o野。除非同你好friend，否則冇情講。而且條友仲偷偷o地收埋我份resume o係佢自己個folder裡面，仲要畀我發現佐，resume呢o的o野真係太私人喇，問都唔問句就拿為已用，諗起都仲好x慶！

o係佢folder份resume我已經delete佐，但係份o野仲o係我folder度，不過set佐password，吹呀！人不為已，天誅地滅！

呀Wing，呢舖算啦，事關我成日都串你！

事件四︰燈膽事件（指數︰35%）

做做o下o野Man Lai打落7座叫我搵維修部呀衛，因為佢o係個客屋企搞唔掂廁所支射燈，要我搵維修部上樓幫我跟。我爆晒walkie都搵唔到呀衛（最後發現原來條友放底佐部walkie o係我個櫃筒度，去佐食飯… @_@），過佐一陣，Man Lai過o黎7座，話搞唔掂，叫我幫手…

諗住同佢一齊上樓，又冇人頂位喎（因為咖啡射佐，另外兩個人上佐樓，加上係食飯時間），我見係老人家咋，如果唔係啋佢都傻，叫佢自己搵水電師傅啦！冇人頂位，唯有調轉，我一個人上樓，Man Lai坐7座。

上到去，用佐唔駛三個字就KO佐個呀伯支射燈。佢支燈頂住假天花隻「馬」鬆佐，而且個燈膽仲長佐添！個燈膽唔o岩size就梗係閂唔埋個玻璃蓋啦！好在呀伯都有個o岩o既燈膽畀我幫佢換嗟（佢成個櫃筒裡面居然收埋十幾個唔同款o既燈膽，嚇死人！），換完仲有時間同呀伯吹水。

o係呢件事上面，可以睇出一種「港灣精神」，就係「射得就射」。o係做呢份工之前，我都唔識換呢o的燈膽o架，但係第一日上座頭，就有個機會（又係人o地射畀我！），上樓幫個住戶換燈膽。雖然o個次係大熱天時仲要搞佐成個鐘頭成身汗先搞掂，但係總算學到o野。

我係一個肯學，肯承擔o既職員，但係呢間公司只係識的搵o的小人做o野…無言。

-----------------------------------------------------------------------------------------------------------------------------

之後同老細食飯，講佐以上幾件燥底事佢聽，同埋表白佐心跡，希望佢可以幫o下手。佢話我知佢同MO班人關係好似好佐，希望係啦…佢話我仲好細路仔。嗯，工作方面唔係，但係處世就一定係，因為我做人實在唔夠假。

我話佢o個組裡面冇個掂，佢都承認，我唔係恃才傲物，只係呢間公司o既工作氣氛真係差，令到有志之士都走晒。

下晝briefing，簡單講佐o的保險o野，總算過骨吧…呢個briefing開佐成個鐘，因為有好多o野講o丫！最無聊就係MO足球小將o係老細講緊o野o個時無端端拿佐張o岩o岩派o既handout出o黎，仲要圈晒o的字出o黎，真係好無聊。

老實講，o個張o野最初係由佢o既頭馬drafted出o黎o既，我同我老細都有修改過，要百份之一百一隻錯字都冇唔係易事，但係我諗足球小將點都估唔到，張o野係由佢自己o個組o既人生產出o黎o既，其實笑緊o個個係自己，認係戇x。

放工返學友社，今晚好多個組員都有返呀，好開心！原來我已經返佐46個鐘喇！夠50個鐘居然仲會有社署獎狀！！返夠八成都已經有學友社張cert.啦，今次真係賺佐！呵呵呵！

返完學友社去食手攪麵，好耐冇食喇… =)

返屋企等您收工，食宵，休息。

>>December 11, 2005 at 9:30:45 PM GMT+8

2005 年 2 月 3 日 星期四 【乍雨乍晴】

返工好累呀…

一返到去坐佐陣就出事，o的拍卡機失靈，仲要撞正個VIP落到去出唔到，又嘈佐幾句… @_@ 後尾貼完壞機告示之後，我再check o下o的插蘇同電掣，先發現原來個插畀呀姐今朝清潔o個時整鬆佐… @_@ 我真係笨…

上晝搞佐老細聽日要我present o既保險topic o既handout，其實都係簡化上次去上堂o既handout，好在有個soft copy嗟！再執執o的保險，食飯。又冇打過cover letter喇！

下晝o係MO幫老細手，亦出佐去深水步買紅色絲帶，勁平，半吋六蚊廿五碼，抵過文具舖好多好多！

之後過海拿返您個PC袋，一百蚊換佐兩邊扣，超抵！再同咖啡仔匯合，又過返旺角，因為今晚老細請食飯，食完飯仲去食糖水！

聽到老細話，二月尾公司又再洗牌、執位。Eric管4、5座，Esther管7座，另外6座未定人選。空佐個位出o黎，會係邊個呢？

I wanna take that chance... could I? or... should I?

>>February 4, 2005 at 12:39:01 AM GMT+8

2005 年 2 月 2 日 星期三 【乍雨乍晴】

放假喇！踩佐五日終於放假喇！

晨早八點幾起身，同婆婆去睇眼，等佐好q耐先有得睇…政府醫院o的護士真係冇乜品，o係o的病人面對鬧交都夠膽死，兩個o係度爭住用部唔知乜機同婆婆驗眼壓…低能！一個就話咁o既方法對我婆婆隻腳好o的，唔駛佢屈住隻腳咁辛苦；另一個又話對方經驗唔夠，會驗得唔準…痴線！而家玩呀？！

十二點先有車送返婆婆返老人中心，我就去佐恒生，申請浸大張金卡。之前張校友卡只係免兩年年費咋，所以冇申請，而家佢免永久年費，仲可以用$2130買一個Samsung o既LCD電視，o岩晒，橫掂過佐年我都會買新電腦，換佐個舊mon都好，巿價都要$3450 o架，平佐千幾蚊，所以先捨得買，仲要分半年月供添，幾抵，唔錯！

http://www.samsung.com/hk/products/monitor/tv_monitor//510mp.asp

最抵就係用校友卡報名讀浸會o的courses居然有八折！！真係唔申請唔得啦！不過要cut佐張舊MUJI卡喇，冇所謂啦，橫掂我都冇以前咁鐘意無印o的o野喇。

交埋管理費，返屋企，同咖啡仔傾買新電腦o既事，計佐條數要三千幾蚊，希望連埋個monitor六千蚊內搞掂就好喇。

好累…訓到食飯，食完飯再訓…

>>February 2, 2005 at 9:03:03 PM GMT+8

2005 年 2 月 1 日 星期二 【乍雨乍晴】

老細射波…琴晚已經話肚痛，希望冇事啦…

超唔想返工，雖然返B，但係返到第五日真係好累…同咖啡仔攤o係更衣室張梳化度郁都唔想郁…

今日三座又發生死人事件，係咪咁邪呀？！

下晝要做「咕哩」，搬o的花去條村o既唔同地方…o的人閃晒，得我捱義氣幫Man Lai搬，後尾多幾個人幫o下手，有o的pk就見人搬得咁辛苦都唔幫手，吹脹！

因為今日條村有事，搞到原本食五點半o既我，五點十先有人過o黎頂位食飯…痴線！不過為佐唔好做「左輪」，我都六點半就返座頭喇，接到有客投訴樓層有臭味，上去聞…嘩！真係好x臭呀！而氣味來源懷疑係由租佐出去畀一個印巴藉人士o既單位傳出… @_@ 點搞？

八點叫去廁所，十點先有人頂位…低能o架…急到爆！放工o係保安辦呃佐個walkie耳筒，幾得意。

去食o野，撞到咖啡爸，一齊去食佐碗麵，食完歸家上網，仲打佐個長途畀Ken仔添，crzay！不過佢都開始settle down喇，仲過晒o的test搵到工做添…加油吧！

>>February 2, 2005 at 4:48:31 PM GMT+8

2005 年 1 月 31 日 星期一 【暴雨】

我要極速預備我o既cover letter！

返B，一返到去，Ivan就話唔知咩o的僭建記錄有問題，叫我搞。九唔搭八，問返老細先知，原來係每個星期做o個個記錄同埋每個月交o個份相片記錄唔對，有o的拆o左又仲o係度，有o的新整又冇加返落去，結果就係咁，做佐成個幾鐘…

跟住老細又話有兩張defect單要做過，combine埋一張，另外仲有一單就係成日投訴滴水但未搵到兇手o個個單主o既單位外牆…搞搞搞，搞到成六點半先搞掂，因為途中部電腦痴佐線，用用o下無端端自己熄機，搞到乜都冇save o既我要幾次由頭做過…xyzqqqq！燥底！

食完飯仲要做埋個客戶要求統計，再幫老細界佐o的「此植物已經滅蟲」o既卡紙，但係戲肉係要幫佢完成電視天線同埋對講機維修跟進表…

因為保養期過佐，加入佐一間新公司，而工作流程亦都有變，所以要整個o的表，但係好不幸，之前兩個禮拜已經甩晒轆，呢間公司就係缺乏溝通，上面o的大佬話改政策就改政策，下面o的細就永遠都唔知，結果做錯晒，今次亦都唔例外，搞到約佐o的客維修又放飛機（其實只係約佐o的兩間公司o既服務時間之外），唉…你話係咪抵鬧？

整好個表仲要通知咁多個座頭，最抵死就係真係冇人知已經發生佐件咁o既事，不論係CS定係PA，吹脹…講到口水乾，o的人先明少少，仲要之後畀我知返其實佢o地根本未明… @_@ 唔明又扮明…死未？！

十點半本來收工o架喇，但係為佐搞清楚個客o既廚房洗水盤去水管漏水問題，逼於無奈都要等佢返o黎…結果了解到佢o既立場，但係傾佐成粒鐘…其實係好小事，但係唔知點解個客同CSD o個邊都係咁拖，兩邊都企到咁硬…各有理據，堅持已見，冇得傾o架喇…唉…我都唔係「談判專家」o黎o架…走o個時仲唔記得打卡收工添…弊…

入天水圍陪您…點知又遇著您同您老母鬧交… @_@ 真係得人驚…

>>May 10, 2006 at 2:54:33 AM GMT+8

2005 年 1 月 30 日 星期日 【陰】

嘩！又六點四先起身，起佐身仲要滋滋遊遊咁食包、洗面、gel頭…六點七先出門口… @_@ 不過星期日，架車仲快佐…星期日…閒…

成朝唔知做過乜，出佐三張通告，執o下o野咁…又成朝…頂…我仲未有時間打cover letter呀！！！我要轉公司！！

下晝食完飯，閒遊佐一陣，搞佐一部份每個月尾要交o既文件，就同咖啡仔一齊o係港灣o的花槽搵「紅火蟻」o既蹤跡，聽講紅火蟻已經由天水圍殺到去大角咀！不過，非常之不幸，行佐三個字我o地都只係搵到o的黑蟻同啡蟻，最後仲畀邱sir叫佐落去車場幫手影相…

收工，冇活動，散band，返屋企…o係巴士上面訓到隻豬咁… @_@

>>January 30, 2005 at 7:48:07 PM GMT+8

2005 年 1 月 29 日 星期六 【颳風】

又返A，今日冇趕急，全靠您叫我起身，啜！

成早忙到嘔，一早上去睇佐成個鐘滴水，見有水滴落o黎，但係搵唔到兇手…吹風吹死…

之後就搞一月份o既保險cases喇…做死…足足搞佐成三個鐘先做完個summary…

食完飯，同咖啡仔一齊去收樓，個客遲到，但係我o地都只係用佐九個字就搞掂佐佢。

放工，返屋企，累…zzzzzzzzzzzzzzzzzzzz…

>>January 29, 2005 at 6:44:06 PM GMT+8