2005 年 3 月 9 日 星期三 【微冷】

今日放假（可能係港灣最後一日放假…），不過都要晨早起身，只係為佐呢一刻︰簽約。

九點半去到灣仔新鴻基，就叫我過會展某間醫務所驗身，照佐兩次X光（因為第一次佢部機晒唔到出o黎），屙佐次尿，居然唔駛抽血！賺佐！

拿完報告返過啟勝簽約，搞掂！

之後見會展有個就業展，就排隊去睇，點知一排就排佐個半鐘… @_@ 得幾間物業管理公司請人，同我有關o個兩間都冇擺booth。您間WFS都有擺booth，好多無知少女o係度填forms… @_@

最憎去job fair！x咁多人！

今日去到新鴻基，居然畀我o係老麥出面撞到Josephine，原來佢o係集成間舖裝修，所以過佐o黎呢度，而家佢好叻女呀，睇兩間舖，可能遲o的仲唔止添呀！同佢食佐o的o野，傾佐兩咀。佢終於都同個衰男友散佐，仲話要做兩份工麻醉自己…唉…好心啦…

或者散佐係一個解放，又何必繼續苦待自己呢？係咪每個女人愛一個男人都係愛得咁死去活來o既呢？

>>March 10, 2005 at 9:20:09 AM GMT+8

2005 年 3 月 8 日 星期二 【颳風】

琴晚掛住用部新LCD電視睇《創世紀》，搞到唔夠訓… @_@

今朝都係比較累，求其做埋個action plan就算，因為o個o的所謂客戶不滿，十居其九都係積怨，因為條村開得確係衰，又一日到黑甩轆，諗唔到點搞，除非換佐o個班帶頭唔做o野o既某個PO、某個APO、某個SPA、某幾個PA同JPA，否則…

下晝Ivan Wong叫佐我入房。一入到去，第一句就話︰「我o地可以用乜方法挽留你？」，跟住就係咁講係咁講，話六月有兩個新盤，可以調人；又話下個月開始可以試o下畀我多o的落MO幫手；又話六月有機會升。

不過我已經心意已決，你而家先講點對我好係冇用o既。老實講公司一直都冇重視過我。而且我亦一直都緊守住老細o既教訓︰「八萬五已經唔存在！」，同埋記住呢度點樣呃完呀Wing再呃呀Wing（佢又受喎，o個o下先衰！）。呢度，講大話就叻！

Kai Shing (New Jade) vs Wellborn (Metro Harbourview):
KS (NJ): APO + HK$9.5K p.m. + $15 meal allowance per working day - ~$20 travelling fee + 2-hour sleep
WB (MHV): PA + HK7.7K p.m. + ~$20 travelling - 2-hour sleep

Wellborn舊年年尾加我2.7%人工，而家人o地加佐我23.4%人工呀！！唔駛計學到o的乜同埋升職機會，點都冇可能抵擋啦！

條友一早想我o地o的PA走o架啦，今次畀佢恨到啦！不過正所謂山水有相逢，所以同佢傾偈都要保持厚道，凡事留一線，日後好相見！

傾完再去搬o野，做港灣搬運。繼Queenie之後，有我Dominic，跟住仲有Stephen（真係點估都估唔到！收得真係密！），或者仲有…哈哈！我睇你三月尾點編更！不如叫返呀Wing、Rebecca同埋Esther上去頂位啦！一人一個座頭真係o岩o岩好呀！ccc…

臨走之前同Man Lai傾o下偈，鼓勵佢畀心機o的做o野，唔好成日好似Man So咁射波或者唔接波。我知佢係怕做錯，並唔係怕做o野，畀心機啦，大佬文！

>>March 12, 2005 at 10:50:28 AM GMT+8

2005 年 3 月 7 日 星期一 【颳風】

比較早訓，但係上到巴士都係訓到豬咁… @_@

早上都比較閒，係老細叫我幫佢做埋個問卷o既action plan，但係唔夠料，都幾難搞…

今日Man So返B，例遲接位。食完飯想我頂佢唔分鐘，結果去佐三個字，搞到我去BRIEFING都遲佐。而家佢同Man Lai兩個都o係管業冇皇管，加上一眾賴皮人士，相信港灣好快就會成為一間最垃圾o既管理公司。

下晝要執PA房，Man So打o黎叫我頂佢位（九成又係去屙屎！），我真係啋佢都傻。雖然係搬搬抬抬，但係總好過坐o係座頭！

放工再同Alice度埋o的假，橫睇掂睇都係差半日假先可以17號係last day…而且仲要星期三放假之後要連踩8個A！！！！真係得人驚… @_@

返到屋企，原來爸爸已經搞掂佐條天線！電視天線轉銅軸線再插落有線個分線器，咁都畀佢諗到，果然係專家！爸爸o係我o地屋企永遠都係個超人！ccc！

>>March 7, 2005 at 11:28:45 PM GMT+8

2005 年 3 月 6 日 星期日 【颳風】

超累…唔係咖啡仔打o黎，都可能射佐…但係出門口就連電話都唔記得帶… @_@

o係車上面訓到過佐站先識醒落車… @_@

朝早無無聊，好在九點半有得巡樓，巡完樓再坐多兩個鐘又話食飯喇！

食完飯，hea o下，今日冇得坐control。上返座頭頂呀華去廁所，佢又試一去冇回頭。不過唔緊要，以後你要食自己喇，o的轆等Ivan同Esther同您慢慢執啦！

放佐工就同咖啡仔去買TV線，但係返到屋企唔o岩插，等爸爸得閒同我改裝先。買完線去佐買老翻game，ccc…

累爆！

>>March 6, 2005 at 9:49:49 PM GMT+8

2005 年 3 月 5 日 星期六 【颳風】

過檔成功！港灣豪庭，bye x拜！

九點幾啟勝人事部打o黎叫我去驗身，ok喇！我有新工做喇！yeah！九千五蚊一個月，居然仲有每日十五蚊飯錢津貼！！返柴灣，車錢都慳埋！人工加佐，title亦加佐，好o野！2004年5月10日我曾經同自已講過，一年之後要升職，我得佐喇！不過唔係o係呢間x人公司升做SPA（因為出面o的公司根本冇呢個post！），而係o係香港其中一間最有規模o既公司做APO！

即該打畀老細，再同佢講唔do，再email佐封辭職信o既jpeg畀佢。

之後再訓到四點幾，hea佐陣，沖涼。沖完涼就發生香港開埠以o黎o既最大災難！經典！

話說我丟佐個「特大廁紙波」落佢您個馬筒度，沖佐一次水之後發現個廁所好似塞塞o地，搞到o的咸水都差唔多要滿瀉喇，我就建議您用支廁所泵通o下，您係咁二泵佐幾o下就收工，仲好順手咁按個沖廁掣… @_@ 嘩…救命呀！o的咸水滿瀉晒好似瀑布咁係咁由個屎塔度湧出o黎呀！

好得人驚呀！一發不可收拾！湧到成地都係水…救命！我已經叫住您唔好沖廁o架喇，但係您仲好似反射動作按掣！之後仲可以呆佐咁睇住o的水係咁湧係咁湧！頂您不順！結果都係要我出馬搞掂…

呢個故事教訓我o地以後個廁所水滿就唔好按掣喇，要用個泵泵到個水位低返先可以再按掣o架…救命！

結果搞到八點幾先出門口，諗住同您去元朗買新電話，點知原來元朗真係冇百老匯o既！！！最後出佐去旺角。

您好夢成真啦！開心晒啦！

食完金太朗就即刻飛返屋企訓…

>>March 6, 2005 at 9:47:12 PM GMT+8

2005 年 3 月 4 日 星期五 【乍雨乍晴】

仲未有消息…走唔走得甩？等待永遠都係折磨人o既！

上晝幫老細搞埋一至十座o的住戶其他意見，下晝坐佐兩粒鐘control room！好好玩！好多新o野學！

七點返學友社！今日唔計組長，都係得我一個返，真係淒涼…放佐之後又返control坐佐一part，因為要等您收工。

之後去佐尖咀睇佐Hitch（港譯︰《情場絕橋王》），o的橋段真係好一般，但套戲個肥仔幾好笑。睇完之後返去訓…累…

>>March 6, 2005 at 8:56:51 PM GMT+8

2005 年 3 月 3 日 星期四 【乍雨乍晴】

今日九點半去佐見新翠個boss，成個YM咁，真係頂佢不順…

問佐我兩個大問題，第一︰如果公司有射波潮點處理；第二︰而家份工o係工作上面對o既問題。

學識佐第一個大道理︰好多時，o的o野做佐可能冇用，但係做佐就好過冇做，因為個side effect係預計唔到o既。

學識o既第二個大道理︰好多時明知一o的事係冇可能解決或者已經有預知o既結果，最重要o既，就係o係過程中令個客覺得happy，覺得你helpful。

全程大部份時問係佢講，佢都一直引導我去諗o野，好好人。不過真係佢有佢講，我駁佐幾次佢都仲係講返同一樣o既o野，冇理我講乜，所以我就順住個勢，由得佢做埋個show。

95% win！不過仲係有o的擔心佢唔請我… @_@ 因為我經驗少…

傾佐足足兩個鐘，痴線！

下晝同婆婆去睇醫生…等等等…係咁等…累…眼訓…

接返婆婆返屋企，咖啡仔打o黎同我講，原來YM今日last day，調site…好喇，終於冇佐個廢話王喇！

>>March 6, 2005 at 9:22:21 PM GMT+8

2005 年 3 月 2 日 星期三 【乍雨乍晴】

琴晚臨訓前send佐個email去多謝吳小姐o既interview，今朝佢已經打畀我，叫我聽日去2nd interview，見佢o既老闆，佢問我點解我凌晨四點仲未訓…ccc…機會越o黎越大喇！！

晚間真係超忙，要打埋琴晚處理o個份報告o既問答題答案，仲要我揀o下邊o的寫得邊o的唔寫得落去見人…之後仲要應付蔡先生，一走埋o黎就問我拿業委會o既會議記錄同埋屋苑o既財政報告。佢係KONE呢間lift公司o既職員，對lift好有認識，學佐o的o野，亦講佐7座某o的lift問題，借佢支筆迫MO班人整！哈！

一放工就去買佐套新西裝，聽朝見人！

>>March 10, 2005 at 8:55:26 AM GMT+8

2005 年 3 月 1 日 星期二 【乍雨乍晴】

晨早去見工，90% win！

見十點鐘呀，幾眼訓呀！近近o地真係好，起碼我九點九出門口都可以準時去到見工！一去到就梗係填表啦！份表居然有九成似足康業份表，所以話雖然係大婆仔同二奶仔公司，點都係新鴻基旗下集團！

個經理又係姓吳，真係橋！原來呢個APO位係商場盤o黎o架，一去到見到，個MO真係細到呀媽都唔認得，仲要冇乜staff o個隻，跟住個staff叫我坐佐落一個窄o既位，叫我做個test先。一份通告一封信，中英對照，可以做個半鐘，但係我冇乜時間喇…好快手好快手咁做，做佐一個鐘左右啦…做完就即見個site IC喇！好nice，講到明等人用，最好即刻返工。

問問答答好似傾偈咁，傾佐差唔多一個鐘，佢話我係暫時見o既人之中最sharp o既一個，但係仲會見人，不過可能星期四就會通知請定唔請…嗯…真係好急喎！

佢話入商場做其實都幾難，因為屋村周圍都有，但係商場相對o黎講數目係少o既，所以叫我把握機會。嗯…講到我真係心郁郁…佢仲話會同我fight到九千五蚊人工！

十二點左右走，跟住返B，都冇乜太多o野做，可以同o的客仔吹吹水，開心…亦傷感…

晚間都幾充實，老細無端端叫我趕起份居民問卷報告畀佢，用excel做，都幾煩o架，要做得靚靚仔仔咁，唔好失禮人嘛…

等您收工，所以順手捉個倒垃圾呀姐點倒垃圾！呢個呀姐成日倒漏垃圾，又急，功夫又「那西」，所以唔捉唔得！今晚仲衰，用完部lift之後，連控制部lift個蓋都冇鎖返好，聽日一定要同清潔華哥講！

晚間去睇Meet the Fockers（港譯︰《非常外父生擒霍老爺》），勁好笑！不過o的港譯戲名真係不知所謂，硬係講唔到套戲o既精髓…

----------------------------------------------------------------------------------------------------------------------------

偶然發現一個舊女友的日記，寫於2月23日的一篇寫得蠻有思意，倒很有我當年認識她的味道。

偷了你一篇日記…ccc…

1月14日又好，2月14日又好，3月14日又好
1個月又好，2個月又好，3個月又好
1年又好，2年又好，3年又好
1個人又好，2個人又好，3個人都好

都已成過去。

痛恨再痛恨，寧願被風吹走，一了百了。又好似潮水同沙灘，縱使留0係沙灘上既痕跡有幾深，都會被潮水沖去。無法將水抓住

http://diary.showhappy.net/?id=213161

>>November 10, 2005 at 10:59:49 PM GMT+8

2005 年 2 月 28 日 星期一 【乍雨乍晴】

今日真係有o的唔開心，因為知道入管業處個密碼會改，但係就連PA都唔可以知，擺到明就係想迫我o地呢班人做「保安」！！！佢xy個臭z o丫！我Dominic離開港灣o既一日一定會臭罵呢位戇xx o既黃經理一番！

今日返B，老細annual leave（三月一日之後再唔係我直屬老細…o係度打工即刻冇晒意義。），不過我都幾忙，起碼已經了結佐幾個7座o既cases，同埋完成佐二月o既insurance report。

朝早啟勝叫我去見工，仲要係聽日即刻見，不過o係新翠嗟，近近o地，冇所謂啦！

我要走！因為港灣冇一項政策係為我o地著想。個腦好多o野諗，只係唔想同其他人接觸。精神狀態100%，但係諗得多又有結果咩？

YOU CAN'T STOP ME!

我並唔係恃才傲物，而係我真係傲得起！

就快廿六歲，而家唔搏等幾時？

>>March 1, 2005 at 2:55:48 AM GMT+8