2004 年 8 月 2 日 星期一 【酷熱】

今日放假，本來要返學友社，但係因為太累，搞到訓晏佐…

見您咁想去個漫畫展，就同您去啦！點知行佐個半鐘都唔夠就行完…嗯…冇乜o野睇…

食完點心皇之後去睇《王者無敵》(King Arthur)，都幾好睇啦，o的knight幾有義氣呀！不過相比於同類型o既古代歐洲打仗片，並唔算係突出。

訓極都唔夠…累…

究竟呀尹先生點解唔駛我o地幫呀？係咪有o的咩隱衷呢？等我聽日返去了解o下先…

>>August 8, 2004 at 12:42:43 AM GMT+8

2004 年 8 月 1 日 星期日 【酷熱】

講多次啦，點都好，留言唔好留粗口啦…雖然唔知係邊個又自稱我個friend o係度留粗口，但係名都唔敢留低一個就認真冇品啦，不過算罷啦，我在明，條友在暗，冇得追o架喇。

愛情從來都冇分對錯，亦只有當事人先最清楚箇中o既過程同原因。話人之前諗o下自己係咪真係做得咁好咁完美先，唔係就唔該收聲啦。

琴晚打牌，之後訓得個幾鐘，遲佐少少出門口，走佐班265B，雖然等佐唔夠十分鐘就有車，但係居然行行o下塞車！！！結果我坐o個架車居然仲過埋我上唔到o個班車添…幾乎遲到，1328先打卡… @_@

超多o野做呀，成個下晝都未停過手…原來今日開始轉佐食飯時間，食六點半。通常四點幾就開始肚餓o架啦，真係餓死！

今日又有個不知名人士自稱幫政府審計處做o野，想上樓。我問佢上佢做乜，佢就串晒咀咁話係政府機密；我問佢做幾耐，佢話大約十分鐘。佢xy o丫！串到o丫！我同佢講我係保安員，有權唔畀佢上樓，雖然而家住戶肯畀佢上去，但係我可以同個住戶講，令到佢上唔到樓都得。唔係呀Simpson同埋呀John o係度勸交，我一定唔會畀條粉米上樓！火！

夜晚都仲有o的濕碎o野做…十一點半先走得…累…

>>August 2, 2004 at 1:19:36 AM GMT+8

2004 年 7 月 31 日 星期六 【酷熱】

又月尾喇！好q多o野做…

客戶服務要求、出通告、警告信、IR…等等等等…做到傻…未停過手…仲要同o的客做埋晒o的「如果個客意見太多就要抽起唔上得總所」o既問卷！come on！做埋晒呢o的假民意o既o野！唔好o徙我時間啦…

放工同Ken仔、Coffee仔同埋Trevor去打牌。您亦都o係放佐工之後過埋o黎。打佐八圈，又輸少少…不過算罷啦…過o下手癮嗟…

真係…有o的…累… @_@

>>August 2, 2004 at 1:19:20 AM GMT+8

2004 年 7 月 30 日 星期五 【陰】

累呀！

今日冇有線，但係要出兩份通告，都幾煩，話個平台花園o的花換佐喎…唔知點寫好…

仲有好多七月完佐之後要交o既功課都未做，死喇…好多份問卷要做呀… @_@

今晚主打都係同o的客吹水，可以做兩份問卷做佐個幾鐘…咁搞法，真係要幾日做一份先夠一個月十五份喇…不過呢o的問卷又係多舊魚o既，人o地寫多o的意見都話唔計，仲要獨立覆添…

累呀…

>>July 31, 2004 at 3:23:39 AM GMT+8

2004 年 7 月 29 日 星期四 【雨】

今日放假係為佐同婆婆去覆診…

訓極都唔夠，慘。

就快企o係度都訓得著。

過佐兩個月又有多，唔知點解兩個女人o既是是非非又走返出o黎…唔好煩我好唔好？我最唔想人煩我o架！

寧願日日返工，避開晒呢o的o野。

Amy Ng︰「不知是誰人在我的日記匿名攻擊我，相信不是做事光明正大的您，但日記只有您和她知道。不知幼稚的是誰？事情已發生了過去了，信不信己不重要，隨您。」

我o地行得正，企得正，怕你麼？

>>July 31, 2004 at 3:23:29 AM GMT+8

2004 年 7 月 28 日 星期三 【雨】

今日又畀有線搞，火！

原來下晝條x樣係有密碼o架！唔怪得知佢o地上樓上得咁易啦！我真係捉到鹿脫唔到角，畀佢偷偷o地上佐去宣傳！真係火！以後唔會有o的咁o既事發生！

夜晚我成功咁阻止佐一個上樓，豈有此理！

又跟邱sir學佐另一種捉sales o既方法，下次試o下用。

一放工衫都未換就仆落去同維修部酒鬼偉哥飲酒吹水，冇佐Ken仔，硬係差o的o野。

之後再出去同郵差打機、食宵夜。

好o野！終於放假喇！

>>July 29, 2004 at 6:52:31 PM GMT+8

2004 年 7 月 27 日 星期二 【酷熱】

今日超忙！

呢頭要上樓聽狗吠，o個頭又要上樓捉o的pk有線sales！

五點半臨食飯先收到有客報告有有線洗樓，遲佐三個字先食飯。一食完飯六點半又收到有客報告！即刻上樓，同Joe Sir一齊洗樓掃人，但係冇發現，不過學佐一種好實用o既洗樓方法。

到佐八點幾，又有客報告，即刻上樓，冇聽o個關sir講o既洗樓方法，用佐同Joe Sir學o既辦法，一捉就捉到條友！原來Joe Sir之前做差佬o架，唔怪得知咁勁！偶像！

十點鐘，我上樓無意中發現又有有線sales，即刻問佢做乜，跟住佢，點知佢入佐屋。之後勁叫保安辦事處支援，但人影都冇！仲要冇帶walkie！刻落樓拿部walkie上樓。

一直跟住佢，條x樣話自己約佐o的客。後尾佢去到一家，o個家人話冇約佢，條x樣就即刻走，追佐我兩層樓梯，條x樣「伏」我想打我！！！好在最尾都冇人郁過手。請佢離開，終於畀我捉到！

pk有線sales，你o地o係我幢樓裡面一定唔會好過！

>>July 28, 2004 at 5:11:37 AM GMT+8

2004 年 7 月 26 日 星期一 【酷熱】

返到第五日已經好頹，好累…

今日忙緊o的文件上o既o野…

放佐工又一班人去食潮州o野…唔知係咪畀人呃，個價好似唔多合理…

今日您難得咁早一個工閃人陪我…但係您個胃又咁樣…點算…

>>July 28, 2004 at 4:59:47 AM GMT+8

2004 年 7 月 25 日 星期日 【酷熱】

連返七日工之中o既第四日喇！仲要每日訓得幾粒鐘！不過已經開始有o的疲態喇…

今日又比較悶，份升降機通告仲未諗掂，都幾煩，幾難用簡單o既文字令到o的客明白…點搞…

今日有好幾客氣o既客區先生，佢話佢張車場出入證一直冇印相，問幾時可以印返。問返Ivan，原來係上次個SPO (Senior Property Officer) YM亂咁出畀個客o個張！！！佢上次話個客趕住要，畀佐個客先，仲話畀住張證佢先，等佢可以出入。我話不如畀張臨時證個客，等第二日印好張卡先交換返，唔駛等個客走多轉啦，佢又話唔好。我挑！真係不知所謂o既SPO！我係個客見到人o地張卡張張有相都唔制啦！仲有，出車場都要對相o架，戇x仔！冇佐張相你話幾煩先！硬係頭痛醫頭，腳痛醫腳咁就死得啦！一味就係o係度將o的o野拖，o係度逃避！做到個MO第三個大粒o既都仲係咁戇xx，得閒淨係識得講埋晒o的無聊道理，實際行動好x過啦！真係慶！

之後我再Scan過o的客o既住戶證記錄一次，發覺有好多張證都未開卡，即係完全唔用得咁解。都唔明點解o的人可以亂咁o黎，唔識又唔問，係咁二畀佐張卡個客就以為可以過骨，痴線。

-------------------------------------------------------------------------------------------------------------------

要點做人？

1）如果咁都忍唔到，點做大事？

2）我做人最講義氣o既，如果傷害到我身邊o既人，我一定同佢反面。

3）唔可以連對人o既一點尊重都唔識。

4）我最憎就係呢o的不可一世o既款。

5）我個人係好驕傲o既，我唔會屈服o係傲氣之下，我就算死都唔會做埋o的冇義氣、二五出賣、唔講道理、埋沒良心o既事。

6）正所謂盜亦有道，用過份暴力o既野蠻行為，令人羞恥。

>>July 29, 2004 at 6:32:58 PM GMT+8

2004 年 7 月 24 日 星期六 【酷熱】

少少忙啦…不過o的o野仲未做晒，明天待續。

十三又試去飲到爛醉…點解？點解您要傷害您自己？！您可唔可以用o的成熟o的o既手法去表達您o既想法？擔心。

放佐工再同郵差傾佐我o既問題。同郵差一齊去太安樓食宵夜，過癮o架…而家o既佢，同上次返o黎o既佢，好似變佐另外一個人咁…唔通每個人心裡面真係有一個心魔要戰勝？

>>July 25, 2004 at 11:38:13 AM GMT+8