2004 年 11 月 9 日 星期二 【微冷】

您病佐，迫於無奈冇佐九百… @_@

下晝又係焗住坐足咁多粒鐘，坐到食飯返o黎又繼續做。悶o的囉…

今日好努力咁寫埋封信，係咁引公契，好似以前讀書o個時咁，但係放工之前都仲未做完…

收到Ken仔由澳洲寄返o黎o既o野，仲要寄去7座！！！信中又有信，我突然之間做佐信差，要派信畀其他港灣人…死仔，crazy…連condoms同潤滑劑都寄埋過o黎…不過呢個係澳洲名牌喎…！！！

-----------------------------------------------------------------------------------------------------------------------------

事件燥底指數︰60%【偏高】

今日又有燥o野！

事緣係因為有個中原地產o既x樣，睇完其中一個單位之後又借住用睇同一個單位為藉口而上樓，其實係去佐第二個單位，之後仲話我開門畀佢！火到我呢！

既然你要賴皮，我就兜口兜面o係你兩個客面前同你講一次你做錯佐o的乜同埋正確o既上樓手續係應該點樣做。豈有此理，當我冇到？而家我守門口，你入唔入到去都要問過我，o係度同我玩串咀？！

之後我即o係爆walkie吹雞，叫十座o既人都要同佢做好登記先畀佢上樓，吹咩？！

唔好同我o地o的座頭玩o野，你會死得好慘！

>>November 11, 2004 at 2:26:15 AM GMT+8

2004 年 11 月 8 日 星期一 【微冷】

琴晚打完牌過佐您度訓，陪o下您囉…

起身食完o野，就返佐港灣睇樓，而學友社o個度又射佐波。

遇著個好x o既地產經紀，沿途一粒聲都唔出，好唔掂。美聯o的人唔多老實，只係識得說（音︰帥）人快o的買樓、快o的落訂…又扮晒好人話幫我o地問發展商點點點點咁，戇x。

8座C同D單位真係最靚o既，直望到國金二期，超好veiw。

等埋班人收工，食宵，返屋企訓。

聽佐個大笑話…嚇死…笑死…

>>November 10, 2004 at 3:07:07 AM GMT+8

2004 年 11 月 7 日 星期日 【微冷】

今日又好似打唔到卡，又有怪聲，有理冇理，打多次。

燥o的囉，返到去就見到Warren，條友冇o野呀嘛？！星期日都返o黎開工，低能o架咩？係咁二埋去串佐佢幾咀，換衫開工。

繼續埋頭諗封信點回…

仲未收到「惡死婆婆」同「李好煩」件事o既最新消息，不過Ronald已經急不及待問我收到僭建警告可以點做…唉…其實呢o的o野，大部分都係拖o下拖o下就不了了之o架啦…o徙氣。一於叫佢唔駛點理，但係信我o地就會照send。

放工就同咖啡仔、Trevor同Michael出佐去打佐四圈…悶o的囉…

>>November 10, 2004 at 2:28:31 AM GMT+8

2004 年 11 月 6 日 星期六 【微冷】

事件燥底指數︰90%【嚴重】

今日居然遲到！！！真係把幾火！明明十二點半過o的o係灣仔上914，一點都過緊西隧，點知去到佐敦道塞死佐，o的車又亂x咁插，又阻q住我架車要左轉o個條線…星期六，我都預多佐時間畀佢o架啦，點知一塞就塞佐四個字…好後悔冇聽咖啡仔講唔好搭914…真係車程可以慢到搭兩次118返工都得…燥底…

最燥底就係，個巴士佬居然可以pk都埋站一定要停正o係個站位o個度，完全唔識o係香港呢o的鬼地方靈活變通，我仲以為佢罷駛、搞工運、按章工作添！呢條粉腸正一「碌車王」！佢xy！火！九巴真係「九」巴，好憎九巴，垃圾！

-----------------------------------------------------------------------------------------------------------------------------

由於琴晚玩得太盡，所以今日個胃同個肺都好唔舒服，食完飯之後都冇乜改善，辛苦o的囉…完全諗唔到o野，結果都係完成唔到Warren要我覆o個封信，唯有聽晚先做。

今日好多人出入，不過都幾好，因為8座開售，多佐個話題講，成晚吹水，又一晚…

放工又冇活動，同咖啡仔食佐o的街邊o野就各自上車返屋企…

>>November 7, 2004 at 2:02:39 AM GMT+8

2004 年 11 月 5 日 星期五 【微冷】

事件燥底指數︰10%【偏低】

返佐工一陣，老細打上o黎問我上個月駛唔駛claim TIL，之後呀Wing話我知我琴冇打卡開工，要補返兩個鐘OT…邊有咁戇x o既公司o架呢？OT第一個鐘唔計，第二個鐘先開始計，邊有得咁o架？咁屎忽o既橋都畀佢諗到，真係x公司x人x政策！

我冇乜怨言，因為我琴日打卡都聽到部機o的聲唔多正常，不過懶得理佢咁解。我由入職到而家都冇claim過OT，因為我覺得心甘命抵做o既，又有一班人「圍威喂」，做o野都開心o的啦，所以都冇乜所謂。既然佢要屈我兩個鐘，畀佢又何妨？豪畀佢囉，o個兩粒鐘，算係乜？呢間公司真係cheap，真係屎忽。

-----------------------------------------------------------------------------------------------------------------------------

「惡死婆婆」話佢自己同「黃英雄」傾掂數，兩家人自己搞掂，咁咪好囉，皆大歡喜。而我又o係呀婆心目中加分，因為佢覺得我好幫到佢。我其實都唔係完全為佐新年份利是o既，我都係想我o的客仔開開心心，有傾有講，時間都過得快o的啦！嗯，呀婆，祝您好運啦！

BA Betty姐話我知Ivan教呀婆o係業委開會o個時唱衰「李好煩」同「黃英雄」，我估唔會o卦…但係Betty姐話係佢親耳聽到… @_@ 真唔真呀…如果係真o既話，都幾燥底…

放佐工就同Carmen慶祝生日，去佐CEO唱K聚舊，好耐冇唱K喇，都幾開心，係累o的囉。仲有您、Marco、呀聰、呀澤、堅堅、伍蚊。八丁友，打樓梯庄，話咁快就冇晒打半啤酒… @_@ 燥o的囉，埋單每日要成二百五蚊！！！

>>November 7, 2004 at 2:07:14 AM GMT+8

2004 年 11 月 4 日 星期四 【微冷】

今日一般啦，話要做年終appraisal，去佐悅港城同老細一面吹煙一路做，一路粗口橫飛… @_@ 佢知我做到o野，但係都係話我態度唔好，同人相處唔o黎。我話︰「我估好多同事都同我好friend喎，唔妥我o既我估都係PA級以上o既人喇！」哈！一矢中的啦！

晚間，返佐屋企又再出街，因為點半online居然仲見到聽日要返A o既咖啡仔…搞笑o的囉，原來佢畀人嘈醒佐… @_@ 之後落佐西灣河食宵，再吹佐陣風，返屋企打日記，訓。

-----------------------------------------------------------------------------------------------------------------------------

事件燥底指數︰40%【中等】

今日都有件少少燥底事…

下晝一返到座頭，Ivan話約佐Warren上樓做家訪。我諗Warren係畀Ivan屈上樓o既！兩點二上到去，三點二先落返o黎…真係慘o的囉，佢話呀婆（即係琴日所講o既「惡死婆婆」）講佐成粒鐘都係講o個o的o野，話個業委老公點樣「好眉好貌生沙蚤」…

之後佢再聯絡佐呀婆一次，講點樣安排人上樓同佢聽噪音，又畀呀婆「哦」佐半粒鐘！

夜晚我打畀呀婆，同佢講佐九個字電話，真係畀o的客見到都唔好意思，又幫唔到人開門。冇o野o既，我攬上身啦，無謂o徙老細o的寶貴時間！見佢都畀呀婆屈佐個半鐘機，搞到佢要九點半先走，我都於心不忍…佢一定係被逼幫o的廢人做o野，將自己要做o既o野放到最後先有時間做啦…唉…慘…

放佐工仲上呀婆度，發覺佢真係講來講去都仲係三幅被，坐o下、傾o下，又半粒鐘，都冇發現，呀婆唔好意思咁叫我走。我發覺佢精神真係好緊張，不過業委同佢老公係咪真係咁神經質成日搵o野（手泵）個地都仲係未知之素，一切都仲要等「斷正」先可以查真相。

心諗︰其實呢件事根本就可以自己跟，真係唔明點解Ivan會擺佐Warren上檯，o徙佐佢個半鐘時間…唉…

>>November 7, 2004 at 2:10:41 AM GMT+8

2004 年 11 月 3 日 星期三 【晴】

放假日…琴晚過佐您度迫您陪我同食菜肉餃…ccc…今朝先返到屋企。

點知…晴天霹靂！管業大地震！

事件燥底指數︰100%【嚴重】

出晒事！自從琴日見到公司多佐個APM Michael Yeung出現，已經知道有問題，加上呀Wing預報地震準確，真相今日終於都…

Warren會改為5、6、7座o既座主任！！！其他工作未知點分配，但係咖啡仔就被無辜辜放逐去跟Cheryl…一對唔o岩「牙」o既燥底組合！居然有兩個職員預先講到明佢兩個係唔o岩o既，而且冇得調座主…呢個管業真係…唉…

我同咖啡仔即時跟唔同o既主任。一方面為自己仲係跟Warren而高興，另一方面亦為咖啡仔被迫轉老細而不值。唉…

劫後餘生。地震，加速我o地兩個途亡…

晚間去佐踢波，居然贏到四蛋連失五球，反敗四比五，咩心機都冇晒。之後去佐同咖啡仔、Billy仔宵夜傾偈…大家都受到管業大地震影響…唉…港灣…好地地跟開一個老細又無端端轉老細，完全冇諗過o的人同一team係有默契o的o既…唉…死就死啦…我估，根本冇人諗住o係度長做o架喇。

-----------------------------------------------------------------------------------------------------------------------------

節錄對話一段…《友情誰可比？》

... 說:
岩岩走左~haha，仲有~佢唔係我老細了~_~
Dominique 說:
而家都仲係，都未知幾時實行…
... 說:
已經實行了..
Dominique 說:
係？咁突然？
... 說:
幫佢執埋園藝就可以閃..yesterday 傾好晒未confirm，而家一早又開會..實行了
Dominique 說:
真pk…原來燥成咁…等我打個電話畀佢啦…叫佢今晚同您食飯輔導o下您…
... 說:
佢好很忙，佢已經一早叫左今晚同我食
Dominique 說:
咁o既老細邊度搵？真係要咀啖佢…
... 說:
唉..
Dominique 說:
一句到尾，都係學您前老細話齋，coffee而家咁細個，讀書又只係去到中三，有冇諗過唔o係度做出到去搵o的咩做？coffee係時候要學多o的o野，決定自己o既方向！
... 說:
嗯...都應該係時候..我有個機會去加拿大...但真係唔捨得..香港既任何野
Dominique 說:
做兄弟o既，去邊都撐您！
... 說:
~+_~你搞掂自己先la，少一team人..5.6又唔夠人..你既工作量會大增..一係就同老細講...專攻保險之類
Dominique 說:
車，我都只係諗住做到二月就byebye…如無意外的話。除非佢升我做spa。已經同您老細講佐。
... 說:
佢頭先走過黎都同我講...都唔知點編d人手..
Dominique 說:
您老細執屎我就預佐o架喇…
... 說:
我聽閒呢次好似話..乜都係d pm分落黎.. 所以好醜命生成...睇命水..
Dominique 說:
好！公平o的！呢個管業太唔公平喇！
Dominique 說:
您知嘛，咖啡仔…我只係老細o既一將前卒…再者，平時o既工作量根本就細。
... 說:
係唧..但我地唔係 anytime for free.係晒坐頭做得d乜..不過應該咁睇...蝸牛以家有咩係手..都未知.. 但保險個d應該走唔甩架啦
Dominique 說:
無錯，我只係座頭仔…但係，您唔好唔記得…好多o野，都係我主動接o黎做。做唔晒o既，根本就唔會接。只要，老細分畀o個個人o既o野由o個個人做返，根本就唔會有問題。
... 說:
係丫..接左就番唔到轉頭..and 你都唔想蝸牛咁多野未搞 你又得閒唧..
Dominique 說:
您老細成日同我講︰Dominic係我o個team裡面讀書最多、最做得o野、最快o個個…只不過係o的態度唔好。只要您老細識欣賞，我乜都得！
... 說:
so u will take many work~做到野咪得囉
Dominique 說:
我個人真係冇乜願。好工不如好老細。老細成日話︰唔好話您係因為我而返工。諗深一層，您同我都係啦！
... 說:
我今日先同佢講..因為你先係到..咁佢仲串我...你咪走囉..
Dominique 說:
義氣仔女，不嬲情義行先。佢口硬心軟。我都係咁同佢講，話唔係您，我一早走佐。佢都串我，話冇人留我，您可以隨時走。
... 說:
係..但大家心照囉，我地都日搞到佢比人鬧..
Dominique 說:
呢個世界，雖然唔係冇佐邊個唔得，但係只要做得開心，真係幾辛苦都冇所謂。
... 說:
我地最多比佢鬧..但佢比經理鬧囉..佢同d經埋又唔係有二句既.....但佢都無放棄我地啵...都仲頂住我地..唔比我地跌!係喎~~ 公司點對我..我點對公司..呢d野..相向..我都話..我以前打5k人工..同做會所個時...病同放假都死番去幫手..呢到真係noway!
Dominique 說:
咪係，邊有o的咁o既人o架…換佐第二個ic，一早畀人拿佐出o黎祭旗啦！
... 說:
嗯...........所以都幾灰...
Dominique 說:
可預期您之後幾個月o既日子…
... 說:
我而家係座頭..又唔係到羅羅亂..但都係集中唔到精神....同d客講野都唔想..總有d野咁..唉...
Dominique 說:
咪咁啦，咁大個人，有咩風浪未見過？您之前係小混混，冇理由呢關過唔到！
... 說:
唔係..我唔識講....係集中唔到精神..又未到灰死個隻..玩玩食食就叻唧我..
Dominique 說:
咁又灰不至死…您大有本錢賴皮！
... 說:
講真..人情呢家野..佢真係比左好深感受我..由一個唔識既人..一開始對我咁好...真係講心..同無變過..我唔理係因為佢個人本身係咁..定佢都當我係一個朋友...,.但真係有d感動囉..
Dominique 說:
出o黎行，講個義字！義氣仔女唔講錢！
... 說:
其他人叫我..我會推..佢叫我..除左真係覺得做唔到...我都會做..仲會比下d意思..唔想佢死..其實乜都好...要黎就黎~~都無得避..我只係可惜我無左呢個ic講真..我都唔係好幫得佢手..

>>November 5, 2004 at 5:21:31 AM GMT+8

2004 年 11 月 2 日 星期二 【微冷】

今日過得都幾一般，下晝冇得去briefing呀，坐足咁多粒鐘，悶o的囉…只係回佐幾封律師信…

Ivan話我知而家坐座頭要抹埋o的鏡鋼門、玻璃同lift掣等，話唔要見到有手指模喎…不過呢o的o野，好似我一直都有做喎…一早就應該係咁做啦！等現代清潔班蛋散，死佐十世啦！

晚間，就發生佐燥底事件喇！

事件燥底指數︰80%【甚高】

話說o係一個月黑風高o既晚上，亥時剛至，多文尼o係電梯o既CCTV度見到「善心婆婆」正準備帶同佢兩隻心愛o既金毛哮天犬落街散步，而多文尼亦立即一個翻身走去電磁門，諗住開定門等佢o地快快略過之際，多文尼突然感受到一股無比o既殺氣以極速逼近！多文尼見勢色唔對，即刻細細聲同婆婆講︰「幫o的狗仔戴返口罩呀…」

原來呢股氣勁係由孽委大魔頭o既九個入室弟子之中，被前七座清潔香姐同興姐封為黑面神o既「李好煩」，仲有佢o既男近身護法，「惡死婆婆」口稱「好眉好貌生沙蚤」o既「黃英雄」所散發出o黎o既！！佢o地正在進入七座大堂，「扮英雄」以快速o既「靈波微步」衝入信箱拿信，而「李好煩」則同婆婆o係七座大堂狹路相逢！

瞬間，「李好煩」同兩隻哮天犬八目交投（一個四眼女人加兩隻正常o既狗），空氣中o既水份就好似結晒冰咁，多文尼亦不禁畀呢股寒氣所嚇怕，心跳亦隨之加速…

當多文尼稍為定神之時，婆婆已經帶同兩隻哮天犬以散步咁o既速度離開佐七座大堂，絕塵而去。但係o係呢刻，「李好煩」就即時使出佢o既黑面神功，向住多文尼攻擊過o黎！

「李好煩」首先向多文尼發功！第一式︰窮追。「你睇o下，佢又冇戴口罩！」

多文尼傾力反撲…企圖抵擋呢枝雞毛令箭！「我o岩o岩已經勸婆婆幫o的狗戴返口罩。」

「李好煩」再度出招！第二式︰猛打。「咁你唔好畀佢出去，叫佢上樓戴返口罩先囉。」

冇喇！多文尼終於都頂唔住又再一次中招喇！奮力反抗o既多文尼依然未肯認輸，見招擋招！「其實我o地已經同佢地講佐o架喇，但係做唔做都要住戶合作先得囉…我o地都好難做…」

「李好煩」繼續面黑…多文尼續道︰「而且我o地根本冇權阻止住客唔畀佢o地出街囉…」話未畢，「李好煩」已經與「黃英雄」匯合，返回佢o地o既巢穴…

事件未會因此作罷，多文尼預料「李好煩」會「秋後算賬」，翌日大有機會去「講歪豪庭管孽寺」向「埃焚王」副幫主及管住班孽委魔頭o既「催時黃」大說多文尼o既不是！故此多文呢立即將事件記錄，保護自己，免受傷害。

欲知後事如何，且看星期四分解。

-----------------------------------------------------------------------------------------------------------------------------

事件報告
Incident Report
編號︰WB/MHV/2004-IR803
由︰李宇軒
職位︰PA
致︰屋苑主管
事件類型︰狗隻佩戴口罩
地點︰七座大堂
事件日期/時間︰2004年11月2日21時 10分

事件經過︰ 職於上述日期、時間於7座大堂客務專櫃當值，8樓C室陳婆婆帶同兩隻金毛尋回犬經過大堂離開7座，同時16樓A室業委李小姐與其丈夫黃先生剛好回到7座，經過大堂進入大樓。其後李小姐向職發表「對有住戶不為狗隻佩戴口罩便帶同狗隻經過公眾地方」的意見。

處理經過︰ 當三人兩狗相遇之際，業委李小姐沒有即時上前要求陳婆婆先為狗隻佩戴口罩才帶同狗隻經過公眾地方，但在陳婆婆帶同狗隻離開7座後，立即向職表示狗隻要佩戴口罩才可經過公眾地方，職表示剛才已勸籲陳婆婆為狗隻佩戴口罩，惟住戶是否聽從勸籲或遵從規定，則需要住戶的合作，職向李小姐表示我們在此類事件上很為難。

李小姐再向職表示如住戶不為狗隻佩戴口罩，就阻止他們帶同狗隻經過公眾地方，要強制他們把狗隻帶回住所，為狗隻佩戴口罩後，才可進入公眾地方，職表示我們完全沒有權力限制住戶出入大樓的自由。

跟進工作︰ 於事件結束後，立即撰寫此事件報告，並把事件記錄於七座「客務專櫃日誌」（OB簿）及「T7客務專櫃留言簿」內。

>>November 5, 2004 at 4:36:29 AM GMT+8

2004 年 11 月 1 日 星期一 【晴】

夜佐訓，點幾起身。

搭返車返屋企，陽光普照，都幾熱…

休息日…夜晚出佐去陪您食飯，買o野。好早就返屋企喇，因為您聽朝要返七點… @_@

>>November 2, 2004 at 1:49:47 AM GMT+8

2004 年 10 月 31 日 星期日 【微冷】

今朝六點先訓，因為要幫您打上訴信反抗您張warning letter…

老細依然遠行之中，今日冇再打電話摷我…悶o的囉，冇得屈佢畀多o的電話費…

星期日，都幾好，因為呀Roy坐七座，易話為，一人蛇一粒鐘，佢先。

本來諗住可以蛇o下，點知畀咖啡仔拉佐過八座，話幫佢黏返八座甩佐o的垃圾poster，上到天台「小休」之後出發，由四十八樓行落隔火層，第一round居然一張都唔駛黏！因為根本冇一層o既後樓梯甩佐張海報！！！可惡！第二round好彩地黏佐一張，係一張咁大把！！可惡！咖啡仔，大話精！

行到腳仔軟，流晒汗…命苦！之後再由隔火層行落平台。第一round依然係冇收獲！！！火都o黎埋！行到落平台真係腳仔軟，企o係度腳震！！！仲有另一邊樓梯未行！！！！救命！last呢round終於黏返十二張，一共黏佐十三張！只係十三張…換o黎係之後幾粒鐘對腳係咁震…慘過巡樓打六十粒鐘！

食完飯仲腳震，開佐一陣門企佐陣都係頂唔順，坐底返check o的保險o野，務求將甩轆o既機會減至最低。

放工，冇o野玩，入佐天水圍陪您… @_@

>>November 1, 2004 at 2:23:28 AM GMT+8