2005 年 1 月 8 日 星期六 【微冷】

事件燥底指數︰90%【嚴重】

佢xy！居然畀個臭婆娘訪客投訴，真係燥！

個臭x（手禁）intercom上樓，點知係個細路仔接，個細路又支吾支以對，冇開門，收埋線。個臭x就話個客一定係唔得閒先至由個細路接，叫我開門畀佢。我話︰「唔好意思，我冇責任同你開門。」佢死都要我開，我就死都唔開。個臭x話我要投訴你，我就畀埋黃紙佢！佢個friend都好少理，再（手禁）多次上樓，個客開門上樓。

五分鐘後就有人打上座頭話我畀人投訴，之後老細又打上o黎，話我o個句「我冇責任同你開門」，仲話我今次真係失策，又話我畀麻煩佢…

我冇錯囉，呢個係保安崗位，我唔係酒店bellboy囉，老馮開門畀你呀？！如果我開門畀佢，我就要對成幢樓o既人負責，我寧願得罪一個訪客喇！自問盡佐責，問心無愧囉。欲加之罪，何患無辭！

遲o下見到個業主，我一定會同返佢講件事，等佢為我平反。話晒我同佢都幾熟，同佢個仔又玩開，真係唔忿氣！

----------------------------------------------------------------------------------------------------------------------------

不過好多客都對我好好o既…

一返工就有個客請我食包，之後又有一個畀佐個橙我…

之後又有個客叫我幫佢寫張黃紙，然後佢簽名，話讚我喎！

又好似上次同佢飲早茶個客，今日就塞佐兩包KENT畀我，話佐唔要仲要塞多包，真係畀佢吹脹… @_@

放工之前家灝請我食M & M呀，好開心呢！不過我除佐晏晝肚餓得滯食佐兩個包之外，其他o野都全部轉送晒畀人lu…ccc… =D

放佐工撞到個客出太子，都話要的士車埋我，仲話如果今次我畀錢就日日去投訴我…真係畀佢激死…佢成日話佢係鬼佬性格…哈哈…

其實o的客真係好錫我！好安慰…

>>January 10, 2005 at 9:48:58 AM GMT+8

2005 年 1 月 7 日 星期五 【微冷】

好無聊又一day，今日唔算多o野做。

一般文書o野，真係悶…悶悶悶！

一收工就返屋企… @_@

>>January 8, 2005 at 1:20:54 AM GMT+8

2005 年 1 月 6 日 星期四 【颳風】

上一上網睇o下o的求職網頁，見到請APO o既工都話要有張cert.，同埋年資要夠，我估我都係讀完CityU張cert.先諗跳槽好似好o的！

嗯…我搵到我o既路喇！City張cert.，等我呀！

返B，今日超忙…老細射波，除佐要做佢o既公司遙控助手外，公司仲無端端話要印個業主名o係o的管理費收據上面，唔再用「owner/occurpier」，咁就真係搵o野o黎搞啦！吹脹！仲要o係IDhome求其整份o野出o黎，叫我o地逐個flat file o係度對…冇o野呀嘛！

好在Trevor都提一提我以前選業委有份業主名單，都叫做可以幫輕o下…搞佐成晚…陰公…

收工行過七座地下，又發現有人丟佐袋垃圾o係七座走火梯門口！真係火！即刻睇睇裡面有o的乜，發現有o的facial o野同消脂膏，仲唔係美容院o既o野！佢xy！

之後去睇National Teasures（中譯︰《驚天奪寶》，台譯︰《國家寶藏》），o係台灣已經想睇o架喇，不過冇時間。嘩！套戲超好睇囉！兩個鐘頭o既劇情超緊湊，一幕接一幕，冇停過！戲中主角跟住線索不斷鬥智鬥力，完全係我最鐘意睇o既o個類戲！超好睇！！！

>>January 7, 2005 at 2:07:49 PM GMT+8

2005 年 1 月 5 日 星期三 【颳風】

今日雖然返B，但係有種唔想返工o既感覺…

一返到去就幾多o野搞，至少上個月o既insurance monthly report到期要交啦！仲有o的濕碎o野…信呀、走廊雜物呀、緊急維修通告呀、覆電話呀…等等等等…

今日見佐新經理Cyrus，加兩舊水人工，好奀，對我完全唔吸引。

佢問我覺得點，我話加幅完全唔能夠反映我o既工作表現。之後就一大堆官腔o既說話，咩加人工有好多因素等等…廢話連篇…最抵死就係條友仔仲o係度扮晒friend扮晒熟我咁…難頂…

不過有一點我好認同佢所講o既，就係話我唔識包裝自己去畀o的老細睇。呢方面我都明白…唉…的確係要反省o下，諗o下計…佢話可以教我o的橋等我上位快o的…嗯…或者遲o的有用得著o既機會，到時再請教o下佢…

佢話公司可能係埋沒佐我o既能力，之後又講到公司好多新盤…老實講，見到呀Wing o既遭遇，我都唔會對呢間公司有乜期望。但求有糧出，穩穩定定，有個好老細照住，已經心滿意足，起碼值得我留多幾個月，或者會等到做夠一年先走…

不過，得七千七蚊人工真係唔多掂。雖然個個月都自己有錢淨，但係都唔夠我照顧到屋企人，只夠自己顧自己…唉…

前途不明…唉… @_@ 除了嘆氣，還是嘆氣…

>>January 6, 2005 at 2:07:04 AM GMT+8

2005 年 1 月 4 日 星期二 【颳風】

今日放假，訓到好晏。

您收工，陪我去行街，首先拿返個PC袋去整，一百蚊換扣，都算抵。起碼係原廠（希望），同埋唔駛自己四圍撲。

之後去佐Chevignon買佐件衫，仲買佐對新皮鞋，折佐八百蚊，都幾抵…咁就冇佐一千蚊喇… @_@

明日又返B，您就返六點，真係慘…

>>January 5, 2005 at 3:27:08 AM GMT+8

2005 年 1 月 3 日 星期一 【乍雨乍晴】

超驚險…出門口走佐班車，之後上佐架個個燈都停o既城巴，13:30先打卡…呼…

悶o的，又畀人屈佐坐座頭坐到三點幾先有得行開陣，又話要做住戶證喎！明明交佐畀Tracy Wong，好心老細就咪o係度先天下之憂而憂啦！

聽講好多人都加佐兩舊水人工，但係如果只係加得兩舊水人工，跟本就唔可以反映到公司對我o既重視！如果公司冇任何commitment畀我，我一定唔會留戀o係呢度！要我慢慢等o的人走先有得升？唔好玩啦！就o黎廿六歲喇！

又聽講呀Wing畀公司呃佐，又試話升冇升，真係吹脹囉！呢間公司o的誠信好有問題嗟！

>>January 4, 2005 at 1:29:39 AM GMT+8

2005 年 1 月 2 日 星期日 【乍雨乍晴】

低能！訓到十二點半先起身！飛咁出門口…十二點八上到車，好在今次個九巴司機唔知食佐乜癲佐，係咁飛，落車先唔駛跑咋！13:28打卡，遲佐少少上座頭，呀華就話佐我知一個好消息…

超慘，仲要返埋星期一先放假… @_@

返早發現一樣o野，就係有一對男o既好高好o既好矮o既情侶（夫婦？！），佢o地每朝都會o係大門口吻別先走，男o既要「dup」低個頭，女o既要「gut」高腳，真係好鬼浪漫…哈！ =D

>>January 3, 2005 at 2:18:24 PM GMT+8

2005 年 1 月 1 日 星期六 【乍雨乍晴】

敬祝吳主任榮升SPO及加人工！

今日燥o的啦，改佐道玻璃門由向外推變為只可以向內拉，又係班高層o既屎忽橋，戇戇o地，完全唔知實際情況而作出o既所謂改善措施，o徙x氣！

改佐向內仲得人驚，因為o的「生番」客同o的「死力」細路入大樓o既時候好多時都一o野推入o黎，撞到個門頂，所有力量由一塊大約二平方米（二萬平方厘米）o既玻璃傳到一個受力面唔夠五平方厘米（即係4000︰1，力量大佐四千倍！）o既門頂上面，一樣爆！！！所以今日成日大部分（超過95%）時間只係企同開門，只係怕有客唔小心中招，到時就真係過意唔去。心諗︰快o的換晒門頂同向內推啦，到時十座o既門鬥快畀人推爆晒！

咖啡仔話有人工加，唔知我有冇呢？不過過埋二月如果搵到份高過呢度千幾蚊o既話就實走囉。

放工又係等埋您，食o野，各自歸家訓…好冷呀！呼~~~

>>January 3, 2005 at 2:19:34 PM GMT+8

2004 年 12 月 31 日 星期五 【乍雨乍晴】

好冷呀…

今日返B，但係未停過手…苦呀！

一返到去知道下晝要巡樓，都冇乜問題，因為我鐘意巡樓。但係未巡樓已經有事，巡完樓仲知衰…

忙到x咁呀今日！亦都幾燥…

今日有個單位外牆要整屎渠，無端端又話樓上都有漏水落佢度… @_@ 見佢火火o地，緊係即刻上去同佢跟啦！點知上到去，佢又話做乜要o係佢單位度搭棚整，做乜唔o係樓下搭…食佐碗貓麵之後，再同佢影相做defect單…好煩o丫…四日內第三張單喇！仲要其中一日放佐假！

搞掂呢單o野以為會有好日子，點知佢對落o既平台單位個客又話做乜有工程都唔同佢單聲，仲要搞到佢成個平台係屎水！！！弊！甩佐轆！怪只有怪我琴日放佐假…亦冇叫同事通知平台個客…吹脹！真係即刻認衰仔啦，冇法…

好在，個客都熟o既，燥佐少少之後我叫佢睇o下做單工程之後仲有冇屎水漏落佢平台度，有咩事即跟，叫佢即管搵我。上完去睇之後，即刻如實報告，估唔到老細o係我巡樓o個時已經上去探個客，仲送埋朱古力添… @_@ 仲即刻搵人同佢洗平台，超認做，老細，多謝您為七座平息唔少紛爭！

巡完樓件事都未完！死人維修部廢蛋話o係四點開返咸水掣，但係搞到六點o的客都不斷咁用intercom報告未有咸水！佢xy！點做o野o架！廢蛋！好在老細仲未走，速速搵佢叫維修部o既廢蛋上去再跟過。佢落o黎o個時話︰「有少少技術上o既錯誤！」「哦！」做佐半年有多，都知維修部邊個做到o野，邊個係廢物、冗員！知你係廢人，都廢事同佢講咁多o野。累我食佐n碗麵，真係多得佢唔少！

晚上仲有個客要我幫佢整水箱，又係老問題停咸水之後缸底沙石入佐住戶水箱，令控制入水o既配件失靈。熟客，冇計啦！結果，今日都冇乜點叫做真真正正坐低過o係座頭…超忙…頭頭尾尾，上佐樓四次…痴線！

放工，等到您出o黎，再同您去食潮洲o野，兩個人食佐二百四十七蚊，六樣o野，真係有o的痴線！不過今日咁辛苦，食多o的都抵！之後本來想睇戲，但冇o岩o既時間，結果等小巴等佐成個鐘先有車，仲要坐到過晒龍，又遇著個扮好心司機，話車返我o地返去，最後又飛站，去到九里咁遠o既馬路中心放低我o地…

累爆…一齊迷佐…zzz…好暖呀您~~~

-----------------------------------------------------------------------------------------------------------------------------

事件燥底指數︰5%【偏低】

十座道門又爆佐，已經係一個月內港灣爆第三道璃門，而十座同一道門已經爆佐兩次！冇佐Ken仔射住，十座越o黎越難住。可能十座個CS想用呢個方法o黎同佢大家姐「車勞」慶祝升做PO都未定！！

講真老實，如果同一件意外發生o係同一個地方、同一個位置，仲有同一個人身上，我覺得o個位人兄真係要好好檢討一o下！我真係唔係o係度講風涼話，但係我認為呢件事真係好抵插，o個位人兄真係好抵炒！

港灣平台大風就真係出晒名，大力到會吹郁o的玻璃門，我估返佐幾日工都會知都留意到。港灣o的客「生番」咁大力推門我估座頭坐多過一日都開始留意到。港灣o的璃門容易壞容易爆雖然唔係人人知，但係如果聽過以前有o的咁o既事發生過o既話，我估係人都會提高警愓。又如果件事曾經發生o係自己身上，自己「奶」過屎而又中招o既話，就一定罪無可恕！

講真，爆門呢味o野唔係未聽過，保安部亦時時有提我o地用沙包頂住道門唔好吹翻。老實講，見個平台咁大風，同埋o的客死力咁推門撞到「o彭o彭聲」，十一月尾我都已經放佐沙包o係門外面頂住道門，以免意外發生。唔係我認咩叻，但係呢班所謂o既CS o既防止意外意識認真低得可憐…一道門連工包料要$4,500（三分二份CS人工！），一個月三道，成萬五銀，仲要傷到人，都咪話唔得人嚇。

怕唔係怕道門爛，因為公司從來冇要人賠錢。怕o既，只係怕整到o的客，日日朝見口晚見面，整親佢真係十萬句唔好意思連花籃生果朱古力都補唔返…唉…

----------------------------------------------------------------------------------------------------------------------------

明年今日
陳奕迅

若這一束吊燈傾瀉下來
或者我　已不會存在
即使你不愛
亦不需要分開

若這一刻我竟嚴重痴呆
跟本不需要被愛
永遠在床上發夢
餘生都不會再悲哀

人總需要勇敢生存
我還是重新許願
例如學會　承受失戀

明年今日　別要再失眠
床褥都改變　如果有幸會面
或在同伴新婚的盛宴
惶惑地等待你出現

明年今日　未見你一年
誰捨得改變　離開你六十年
但願能認得出你的子女
臨別亦聽得到你講再見

人總需要勇敢生存
我還是重新許願
例如學會　承受失戀

明年今日　別要再失眠
床褥都改變　如果有幸會面
或在同伴新婚的盛宴
惶惑地等待你出現

明年今日　未見你一年
誰捨得改變　離開你六十年
但願能認得出你的子女
臨別亦聽得到你講再見

在有生的瞬間能遇到你
竟花光所有運氣
到這日才發現
曾呼吸過空氣

----------------------------------------------------------------------------------------------------------------------------

大名： JudeTogether
電郵： [email protected]
說： 見工見工見工，繼續繼續！
祝你找到一份理想的工作。


^_^
JUDE

JUDE和你在一起
www.JudeTogether.com
JUDE私人記事簿/真心Together(號外篇)
http://diary.showhappy.net/?id=52645
>>2004年05月07日 21:15:10

說： 真心Together號外篇

冬天緩緩「落畫」緊接春天繼續「上演」，
那時候，
我與你們定必於某個交錯時空再度遇上，
踏上下一個文字誘人的舞台。

努力地寫了整整一年，任何時刻也想盡快與你們分享，
成真那一天，夢想肯定會感動我，亦盼望能令你們有些共鳴。

By JUDE

真心Together號外篇，與文字同行。
http://diary.showhappy.net/?id=52645
>>2004年01月24日 17:54:13

說： 你做野又真係幾勤力既喎！
努力做工，未來一定光明！
Yeah！

by JUDE
真心Together，私人週記簿靜靜私語
http://diary.showhappy.net/?id=52645
>>2003年09月09日 18:24:49

說： 我諗就算明天係世界末日，你也不枉此生。至少找到你愛的人。

多幸福快樂！

^_^
by JUDE
真心Together，私人週記簿靜靜私語
http://diary.showhappy.net/?id=52645
>>2003年03月30日 14:17:13

說： 情人節與情人渡過，真好，在什麼地方已經不再重要。

希望我也可以從電話中跳到她那一邊與她一起過。

JUDE
>>2003年02月16日 14:46:27

說： 睇翻你之前有篇日記，好鬼感動，好多時嗌交之後，冷靜落唻先至會諗到自己有多愛佢。

祝你地繼續報福。
亦祝阿仙奴今晚贏波！

^_^

我的私人週記簿(有空留個言)-- http://diary.showhappy.net/?id=52645

>>2002年12月29日 13:26:59

>>November 10, 2005 at 10:53:55 PM GMT+8

2004 年 12 月 30 日 星期四 【乍雨乍晴】

又放假喇！死未？！

今日雖然o係天水圍出o黎，但係冇返公司喇，搭完西鐵就直接坐118返屋企…

好悶o丫…

地震海嘯佐咁多日，死亡人數不斷攀升，真係唔講得笑…不過，事件又見證佐當人越折墮o既時候就越唔會搞種族歧視。但係點解要水浸眼眉先知衰呢？

一幅幅因失去至親而哭泣的相片，令人心酸。

>>December 30, 2004 at 7:29:57 PM GMT+8