2004 年 10 月 30 日 星期六 【微冷】

出佐糧啦！好o野！但係點解又多佐百幾蚊o既？

老細o係冇預先通知o既情況下連放三日兼唔o係香港…都幾死。

今日主力繼續係保險，搞掂晒，聽晚再check一次，確保唔會甩轆（或者係甩少個轆）同埋砌到靚一靚咁畀返老細。

Ivan叫我做埋o的僭建，星期一要交畀細sir。我心諗︰唔係嘛？又做唔晒「質」過o黎我做？！我今次死都唔肯。老實講，點解老細成日覺得您幫唔到手呢？係因為好多時佢畀您o既tasks你都冇完成到，只係草草咁開佐個頭之後就交畀其他人埋尾！

試諗o下，老細畀o野你做，最後交功課o個個居然唔係你，真係唔好理份o野有冇甩轆，最少係由你親手做完親手交，老細點都會覺得你有做過o野，有努力過。但係如果交功課o既係另一個人，份o野做得好固然讚o個個唔會係你，甩佐轆又會話返你做乜要人o地幫你做，做到甩晒轆係咪又因為你傳達信息唔清楚，所以先搞到人o地做錯晒…基本上，假手於人係點都會輸，何不自己試o下做，搏一搏？

今晚條氣真係有o的唔順囉，o係網頁見到有人讚Eric係一個好做得o野o既主任…心諗︰你係好叻，好做得o野，不過你揹o既o野少嗟！你睇o下呢個管業事無大小第一個搵o既主任係邊個，甩轆o野邊個執得最多，你就知邊個最做得o野喇。

唔做唔錯，少做少錯，多做多錯（至少計機會率係），點都唔可以怪我老細做o野做得唔夠好…要怪就要怪呢個戇直男人太唔識「卸膊」；太有責任心；太有勇氣接受挑戰；太鐘意接埋一舊舊屎返o黎砌到靚一靚先交返個波畀人…不過呢o的正正又係我Dominic欣賞我老細o既地方。

我願意做呢位無名英雄背後o既一隻將前卒。Warren，我佩服您！

>>November 1, 2004 at 3:48:23 PM GMT+8

2004 年 10 月 29 日 星期五 【微冷】

真係忍唔住要讚o下人！

之前出佐張星展銀行信用卡，碌佐成千幾蚊，今個月埋數居然只係二百幾蚊！！點解？因為佢話o係o的食肆消費有九十日免息還款期喎！幾好喎又…o的KC City有排都未駛畀住！

打電話上星展個客戶服務熱線，唔駛好似恒生咁（手禁）九百幾個掣都仲未搵到個人講o野，真係忍唔住o係電話度讚佐佢幾句！今時今日咁o既服務態度就為止「正」喇！

其實我只係想改佐個最後還款日期，改返o係出糧之後，方便自己o的錢o既調動，點知個星展人仲提埋我改日子只可改一次同埋叫我快o的還佐呢張單條數先，咁就可以即刻改，由下張statement開始生效。嗯…真係好滿意佢o地o既服務，夠細心！遲o下可能會開返個星展戶口，唔再用埋晒o的死人大銀行o既戶口！o的大銀行o既服務真係越o黎越差…唉…

今日都仲係搞緊o的insurance o既o野，update佐一半啦，另一半就等聽日喇。冇法啦，因為o的cases有部分都唔知跟進成點，少許甩轆成份。鬼叫我老細有九百幾萬個tasks纏身咩！我越做就越覺得o的保險cases好好玩，上佐癮咁，好想跟貼o的！可以做埋當中o既報價就仲好！

由一件事情發生，到寫IR（最好連埋相），再報保險，保險公司開佐個新file。如果要claim錢就要再畀埋o的support o既文件（例如報價、單據等等），再由公正行評估呢個case，再send確認信到公司，公司接受賠償，收到支票。好多個步驟，好多地方都可以甩轆！我o既任務就係同Warren合作，減少甩轆事件，加快收到錢o既速度！過癮！

保險好多o野學，好滿足，好開心。

出年二月係咪就會走？o係呢間公司係咪冇乜o野可以再學？好想做一個真真正正坐office o既PA…或者係一個personal assistant to Warren，都唔錯！ =D

加油吧！

>>October 30, 2004 at 1:47:23 AM GMT+8

2004 年 10 月 28 日 星期四 【微冷】

大休養…唔知做乜爸爸媽媽都放假喎…

下晝玩o下腦，o係度諗不如都係砌過架新機畀自己，將部舊機同我呀妹部機二合一。嗯，都幾好，唔好o徙嘛！砌到成512MB RAM，但係都唔係好覺快佐o既…張display卡都有64MB RAM o架喇喎…開機咁慢都唔知我個妹點忍o既…

抖抖抖…好早就死上床訓啦…夢中好似咖啡仔打過畀我… @_@

>>October 30, 2004 at 1:45:42 AM GMT+8

2004 年 10 月 27 日 星期三 【微冷】

遲到半粒鐘，離晒譜！

新界，好憎新界！鄉o下地方即係鄉o下地方，落後即係落後！搵架紅色的左都冇！得o的死人綠的，真係有錢都冇車搭！火！

燥底！個頭痛到爆…個胃又空空咁…成朝搞o的保險o野，仲未做晒，唯有後天繼續。

下晝同老細一齊食飯，佢話想我咖啡是但一個過三座返A…咁pk o既諗法都有o既…no way！

食完飯就要開始二萬五千里長征…為佐搬八套配件上八座o既示範單位，我同咖啡四圍走，又上又落，去完保安辦事處再去維修部，去完又去二座，最終o係三座地下先搵到架手推車！火唔火？！落到倉，感覺真係好亂…點先可以執好晒o的handover配件呢？！老細仲話想我同咖啡用兩個禮拜時間搞掂…mission impossible喎…

郵差話十二月十一號行畢業禮，咁我咪趕唔切囉？！點好？！美國之旅係咪要延遲？

累死…返屋企食飯，都唔返學友社喇…睇睇o下電視暈佐… @_@

Ken, good luck man!

>>October 28, 2004 at 8:47:30 PM GMT+8

2004 年 10 月 26 日 星期二 【晴】

買醉成功！好o野！估唔到買醉月要到月尾先成功… @_@

放假呀，訓到下晝，之後出佐去睇Exorcist: The Beginning（港譯︰《驅魔人前傳》），都冇想像中咁死怖，幾一般啦，唔多好睇囉，都唔得人驚o既…

之後再去同Ken仔farewell，因為佢已經買佐聽晚機票返澳洲喇！今晚出席人數眾多，主角係Ken仔啦，我同您、咖啡仔、Trevor、John、Ivan、Man Lai，仲呃佐呀Wing出o黎添呀，之後連Michael同呀珊都過埋o黎，Ken仔今次真係威晒啦！

一開波就話要飲到醉，飲到嘔為止！成功佐啦！我同傻Ken都有份醉有份嘔呀！

好盡興，都唔理得聽日要返A喇…好wing…

>>October 31, 2004 at 2:05:56 AM GMT+8

2004 年 10 月 25 日 星期一 【微冷】

以為返一日放一日，原來今日要返B…

都係執o下o的insurance files先啦，原來好多insurance o既o野都好得意o架，但係又有好多甩轆o野喎…好幾份文件都唔知去佐邊，真係衰…

原來又出錯佐僭建信畀人呀！！甩佐轆，睇錯佐單位呢…今日個客走過o黎同我講，話佢屋企冇僭建，仲話佢老公本來想去MO投訴o架啦…好在…如果唔係佢信得過我，頂一頂，我估又有排煩啦…拿拿淋出返封道歉信畀人先得…老細話要搵人負責喎…佢問我Ivan平時有冇check…mmm…

明日又放假啦，您仲諗住射波添，真係衰喇您！

>>October 28, 2004 at 6:02:16 PM GMT+8

2004 年 10 月 24 日 星期日 【微冷】

返B，冇問題啦！

A更又係Oscar條廢人，真係好想知佢幾時死。

今日好平靜呢…晚上幫Warren執o下o的insurance files，聽晚繼續做順手可以做埋個進度表畀佢。

今日真係好悶…好悶…放工冇去玩，食完o野就返屋企。

食完葯個口好臭… @_@

生日快樂。

>>October 25, 2004 at 3:28:05 AM GMT+8

2004 年 10 月 23 日 星期六 【微冷】

射射射射射…射佐…

琴晚已經九點半訓，但係今日都可以訓到七點先起身，見病病o地，索性請埋假，繼續訓到下晝四點。

起身出街睇醫生，四圍睇o下BUPA o個o的註冊醫生係咩料，發現o的診所間間都殘殘舊舊咁，一係就冇開…灰晒…求奇揀佐間近住巴士站o既入去登記。嘩！即刻上演診所奇遇記…

入去登記，原來用BUPA卡仲會有多張單，都幾好，可以記低幾時用過三十蚊拿「射波紙」。坐佐陣都已經發覺唔對路…個電視開得好大聲！出面賣o野o個位人兄又o係度勁嗌…咁嘈o既診所都係第一次去…咁搞法，真係唔病都有病，小病都變大病！

o黎呢度排隊睇醫生o既人，個個都樣樣衰衰、冇o黎貴格、三尖八角、古古怪怪咁…嘩…真係觸目驚心…唔病都嚇病…好得人驚呀！

間診所已經唔係大，仲要有個細路o係度走來走去煩住晒！後尾個細路坐佐o係我隔o黎，係咁用隻死人腳踢我，真係想罵叉佢！等佐好鬼耐…突然有個師奶衝入o黎，問個護士仲有幾多個，之後一個類似佢個仔同似佢老公o既物體走埋入o黎，個師奶同佢老公講︰「一陣個仔睇o個時你入埋去睇，唔駛排咁耐嘛。」o下？！咁都得？！！！

繼續有好多人出出入入，多佐幾個細路「切卓」咁轉…另一個師奶，帶住佢個女入o黎，個女好似好病咁…等佐陣，個師奶見個女好似好辛苦咁，就問個護士仲要幾耐。再過佐陣，個師奶無端端發火，話咩急病都要等咁耐，係咁話個護士…痴線o架咩？！咁急，打999啦！過佐一分鐘後，個護士回應︰「醫生話畀你睇先喎…」o下？咁都得？！！！

呢個女仔之後就輪到我，入去前後都冇一分鐘，見佢求求奇奇咁聽o下呼吸聲就算，其他人入去都係用差唔多時間睇咋！呢間果然係一間名符其實o既「醫店」！！拿佐四款射波丸，一支射波水之後，速速走人…以後咪搞我…

之後再陪您行o下街咁，最後去佐睇波，布仔畀車仔大炒四蛋，唉…真係對布仔冇晒期望。連續兩場畀人大炒，降硬。布仔，下屆英格蘭冠軍聯賽（前英格蘭甲組，即次級聯賽）見啦…心淡意冷…嗚…

原來老細今日下晝都偷走佐，扮sick leave，全組人齊齊射波，冇得頂！

>>October 25, 2004 at 3:35:26 AM GMT+8

2004 年 10 月 22 日 星期五 【微冷】

小弟至愛到o既網址之一。
http://www.hk-place.com/

今朝燥o的囉，五點十起佐身又訓，結果一起身都六點七喇…如果唔係約佐個客睇defect，一定就即時打3443 7747射波啦！六點八出門口，上到六點九個半字班118，超快喎！七點三個半字就落車，好在今日係紅日同埋係城巴，如果唔係一定死。冇遲到。

城巴，I love you！

您同我係點開始，我估大家都心裡有數。至於我同您之間相處上o既困難，亦都可以話係遇佐…睇緣份罷…其實我只係一隻感情棋子，只要唔駛漂泊不定，我就會泊埋去。

>>October 22, 2004 at 9:10:11 AM GMT+8

2004 年 10 月 21 日 星期四 【晴】

不過不失，訓到四點，您仲射埋波添…九百蚊勤工就咁泡湯！ @_@ 快o的搵個地方住啦，如果唔係實唔方便…

睇佐Ladder 49（港譯︰《火海豪情》），都幾好睇，十分滿分畀七分。雖然都預知呢o的咁o既救火英雄片大約內容都係離唔開救火、救人、有隊員死傷、內鬨指責、家人擔心但支持、消防員去happy hour等等，亦都預佐會有好多幾感人o既場面，但係點都估唔到好人冇好報…嗚…

即係咁，或者，每一個人、每一份工（尤其係呢o的咁偉大o既工作），總有佢o既命運安排，走唔甩o既。

"People were always asking me... how is it that firefighters run into a burning building when everyone else is running out? Courage is the answer." John Travolta, Ladder 49.

消防員，好o野！勇氣可嘉！向你o地致敬！

>>October 21, 2004 at 11:20:36 PM GMT+8