2004 年 8 月 22 日 星期日 【酷熱】

Joseph生日喎，琴晚見冇電腦用，聽日又放假，就同超人、肥仔出佐去，諗住有波睇，點知去佐間唔知有冇酒牌o既上樓酒吧，都幾不知所謂…

眼見Joseph同佢o的friends o係度係咁「隊」，就真係得人驚…飲飲o下仲連支「芝華士」都唔溝稀就咁飲… @_@

飲到有少少想嘔都停佐喇，之後就訓…訓…訓…

今朝預早多十五鐘出門口，但係只係比上次遲十五分鐘出門口早五分鐘返到公司！無端端去到葵涌又會塞車塞到停晒車咁o既，香港o的交通真係令人好失望。

好難得咁返B，o的客見返我都開心返。雖然L2停車場出口拍卡機壞佐，但係唔知係咪o的客都已經慣晒港灣o的o野成日壞喇，都冇乜點嘈…唉…港灣豪庭…垃圾！

夜晚都冇乜o野做喇，因為今日係星期日，冇得問老細拿o野做…好在有好多人出入，都唔駛咁悶。11A呢個單位破佐單日睇樓數目，今日居然一日之內有十二次上門睇樓，不過五百尺企硬一百七十萬就真係好難賣得出喇，睇o黎仲有排睇。

又有個印度人會搬o黎7座，希望唔會重演Ken仔o既咖哩事件啦…不過中國人不嬲都係衰o架喇，自私到死，硬係唔可以大大方方咁接納o的外籍人士…

累呀…

>>August 25, 2004 at 10:00:04 PM GMT+8

2004 年 8 月 21 日 星期六 【雨】

慘喇！部電腦個火牛唔知係咪壞佐！聽我爸爸講仲話有「火農」味添呀！

他媽的！本來諗住放佐工就拿個火牛去整，但係點知Warren要我去將軍澳新都城一個二打六議員搞o既workshop「鄧」腳做觀眾，我就同其他四個同事過佐去… @_@

都唔知佢乜水，三點鐘先到，悶到嘔…仲要搞到六點先走得人，真係唔係好開心。

不過都有o的好笑o野，就係講者講完後要我o地個個人都分享感受，o個個pk Oscar居然o係輪到佢之前就蛇佐出去，最後佢都冇發表過。我心諗，你條x樣唔係咁廢呀嘛，硬係唔出得大場面！平時講廢話x "up"你就大大聲自以為講o野好笑，但係一去到講正經o野o個時就閃佐去，真係抵你做一世PA。

>>August 23, 2004 at 3:19:21 AM GMT+8

2004 年 8 月 20 日 星期五 【酷熱】

睇完Ken仔o既日記，發現佢一直煩緊o既o野，亦都係我一直煩緊o既事︰「究竟用咩方法、用幾多時間，先可以還清屋企人駛o係我身上o既錢呢？」

我知呢o的o野係一世都還唔晒o架喇，但係最少都想還返晒駛o係我身上o既學費、書簿費等。至於養大我o既心血之類o個o的o野，就根本冇可能還清o架啦，所以唯有第日跟進返佢o地兩老o既嗟…

不過而家連自己o既生活費都係o岩o岩先可以滿足到，點可能話諗到拎錢返屋企畀家用又或者還學費畀佢兩老呢？一諗到呢度就灰灰o地喇…

讀大學都唔知做乜，只係一個無底深潭，所有錢都畀政府呃晒。打份咁o既牛工，扣埋MPF得o個七千蚊多o的，升又升得慢，人工又加得少，新年又有排都未到…好白痴嗟！廿五歲喇，仲係咁戇xx咁，大把人o係我咁o既年紀有車又有樓喇！而家一年都賺唔過十萬，點解？以我咁o既人起碼年薪過十五萬啦！點解事業起步要揀o的咁戇x o既工o係做？

近來戒佐賭波，一來o岩o岩開季冇乜路可捉，二來係發現自己都唔係靠賭發達o既材料，三來係發覺自己對賭波失去佐興趣。或者我可以o係呢度慳返唔少錢…

再遲o的，或者會學Ken仔咁連煙都戒埋，不過我知道對我o黎講實在太太太難。我實在太喜歡香煙喇…因為一吸一呼，令身體裡面所有o既怨氣都吹晒出o黎…或者，有一日，醫生話如果我再食煙我就會死，咁，可能，我先會戒到…

好想，擁有一o的屬於自己o既o野…例如係一間酒吧咁…不過要白手興家，又談何容易呢？

最近有好幾個身邊o既人都有財政問題，亦有好幾個身邊o既人有同健康有關o既問題…人生真係荒謬…

C'est la Vie...

>>August 20, 2004 at 1:07:22 AM GMT+8

2004 年 8 月 19 日 星期四 【酷熱】

放假，依然熱。

十一點幾就醒佐喇…hea到出街同您去睇《加菲貓》(Garfield: The Movie)，好短咋，得一個鐘頭多o的，不過都幾好笑o架。

睇完戲就去恒生搞o的信用卡o既o野，再搵地方坐佐陣，送您返工，之後又交低o的o野畀我舅父搞信用卡o的o野，返屋企。

您終於都搵到份全職喇，人工亦都唔算少，咁您真係要畀o的心機做喇！做滿一年約之後搵工就會易o的o架喇！不過又唔知IVE會唔會收您呢？

>>August 19, 2004 at 10:45:20 PM GMT+8

2004 年 8 月 18 日 星期三 【酷熱】

今日上晝又好悶，幾乎悶到恰著呀… @_@

個lobby o的冷氣好似冇晒咁，個counter o的燈又係咁「供」o的熱氣出o黎…嘩…熱死！

下晝死都唔留o係CRC喇…因為實在太太太熱！大部分時間都留佐o係管業裡面，今日開始學quote價o的o野，都幾好，有新o野學o下。

再同射佐幾日波o既coffee仔做佐o的filing，仲有學識佐用公司部fax機。

夜晚出佐去同郵差打幾，吹到又有o的自以為識講粗口o既戇x仔o係度兇人，以為自己可以打機唔駛排隊。不過郵差仲yo呢！果然係yo-est guy in the world喎！

玩完去點心皇食o野，仲有瑞典睇。走o個時見到隻好可憐o既貓畀車車親，離死亡不遠…或者，呢o的就係叫命運。

Holy shit！神聖的屎…

>>August 19, 2004 at 11:04:46 PM GMT+8

2004 年 8 月 17 日 星期二 【酷熱】

又返A啦，唔夠訓啦，累啦…

上晝好無聊啦，無聊到開始上網搵工啦… @_@

下晝落佐MO，本來諗住幫Warren做o野，點知又無無聊畀YM (SPO)點佐去做碎紙！佢xy！o徙晒我o的寶貴時間！火火o地真係！點佐四個人，但係得我一個做，碎完紙條友仲想得寸進尺，點我做其他o野，我有理冇理，死人都幫我老細做埋o的o野先。

結果都搞到五點先可以鬆人，即刻仆過去黃金配返把風扇。$39，連工包料，個老闆好好人。

彩虹電腦科技有限公司，黃金商場地庫60號舖。記住幫襯o下！

搞掂就落返旺角同媽媽交學費，交完學費再送您返工，之後返屋企。

開心返，因為部電腦、display card同個monitor都運作正常。

>>August 25, 2004 at 11:01:53 PM GMT+8

2004 年 8 月 16 日 星期一 【酷熱】

大鑊！部電腦張display card上面把風扇壞佐！

晨咁早八點鐘返到公司，為佐同個客去飲早茶！同老人家傾o下偈，飲o下奶茶，偷得浮生，都幾過癮。

下晝郵差先提我原來今晚約佐佢同Benedict食飯… @_@ 完全冇佐件事…食完下晝返再同您行佐一陣街之後就唯有同您拜拜先喇，點知您又賴皮，發晒脾四。

而家我都係想有o的私人時間去玩o下嗟，您知道女人係冇可能完全得到一個男人o架啦。

>>August 17, 2004 at 10:30:29 PM GMT+8

2004 年 8 月 15 日 星期日 【酷熱】

訓佐十個鐘呀，精精神神咁返B！

o的客都係鐘意o係下晝同夜晚見到我，星期日，大家都多o的時間留o係座頭吹水，我鐘意同o的客打交道，物業管理坐office好似唔多o岩我。

放工前，個客call我上樓睇漏水，又約佐您，急急腳搞掂連衫都冇換就仆落去趕最後一班唯一經過港灣o既隧道巴914，點知上到車先知您仲有排先落到灣仔，真係嬲嬲o地！又叫人唔好遲到，您自己又掛住睇電視！！！

曼聯輸波，心都涼晒！

>>August 17, 2004 at 10:57:29 PM GMT+8

2004 年 8 月 14 日 星期六 【酷熱】

感冒未清，又要返工，又係返A。

仲有咳呀，一咳就咳死…有痰添喎，真係慘。

病病o地，把聲都仲係唔係好開到呀，不過見o的客都幾關心我，都幾安慰。

放工速速走，死都唔攬o野上身做。

我要休息…

>>August 17, 2004 at 10:49:48 PM GMT+8

2004 年 8 月 13 日 星期五 【酷熱】

又係訓佐一日…都仲係好累…

o的葯係有效喎，至少同我止佐o的鼻涕先啦…咳都ok醫到，但係仲係有好多痰喎…

食葯食到冇晒味覺…

繼續休息先…

>>August 13, 2004 at 8:19:51 PM GMT+8