2004 年 12 月 9 日 星期四 【乍雨乍晴】

又放假，真係唔得佢死…

訓醒就出返去港灣，同班A更食飯。食完飯返屋企。

---------------------------------------------------------------------------------------------------------------------------------------

事件燥底指數︰100%【嚴重】

死有線，一肚氣！

見今日都仲未有師傅約我幾時上o黎搞個modem，於是又打多一次去有線，點知發現原來係一個騙局！

佢xy o丫！打去有線，投訴佢o的o野冇人跟進，呢間咁o既賴皮公司，o的人係咁用「拖字訣」，乜都話盡快，我唔信佢啦，一定要佢o係指定時間覆，真係慶到我o丫，唔x佢都唔得！

個技術支援部打o黎，我講佐佢聽個情況點，話明畀佢聽format佐部機個modem都係咁過o的毒過o黎，佢居然話我BIOS中毒！我講到明話一插佢部機就有問題，佢仲係咁屈我，話係我部機有問題，火到我o丫！仲話可以上o黎check，但係如果check到我中毒就要收百五蚊，有冇搞錯呀？我叫佢只係check返自己o的線就得，條x樣居然仲話如果check到佢o地o的o野冇事都要收錢，佢xy！火火火火火火火火火火！

見同佢講都冇用，決定繼續o係客戶服務部嘈，嘈到佢有反應為止！原來星期二晚「有線寬頻」根本冇派過人上o黎，上o黎o個個係「有線電視」o既人！扮晒o野，懶關心，原來係做戲，目的只係為佐推銷！火！

我同「有線寬頻」係咁講，呢個講唔掂就叫佢搵佢個經理o黎講，等佢仲扮大牌，話佢上司有幾忙，要幾鐘頭之後先覆我。死都唔會畀錢佢賺，企硬，話到明如果佢今晚唔同我傾掂o既話我聽日就fax信去電訊管理局，消委會同報紙。我話佢話唔到事就叫個大o的o既o黎同我傾，結果佢都肯上o黎同我換過個modem，仲唔駛錢添。

之後再打返去「有線電線」，投訴佢o的人講大話，佢口口聲聲話係同一集團兩間公司，我真係想知點解佢會有我屋企資料，佢淨係識得叫我落管理處摷返上o黎條友o既staff number，又話唔知邊一個員工去過邊一個單位做o野，我話有冇搞錯，乜你間公司咁o架？死都要佢查條友出o黎，真係激x到我o丫！

火火火火火火火火火火！

>>December 11, 2004 at 1:03:11 PM GMT+8

2004 年 12 月 8 日 星期三 【乍雨乍晴】

難得返B，o的客好掛住我呢…

今日返工完全唔眼訓，但係咖啡仔就射波，十二點打o黎話我知屋企個熱水爐爆炸！！ @_@ 又有冇咁黑仔呀？真係福無從至，禍不單行…

下晝搞緊份memo同濕碎o野，又話食飯。

本來有好多o野做，但係一入夜就吹水吹不停，冇法啦，o的客咁耐冇見我返夜…結果就成晚乜都做唔到…頂…

放佐工就入元朗陪您食點心皇！yummi！

>>December 11, 2004 at 10:53:01 AM GMT+8

2004 年 12 月 7 日 星期二 【乍雨乍晴】

放假喇！今晚有活動，打牌o丫！

上網好有問題，火！忍唔住再打電話上有線，點知個乜q技術支援部又話咩線路繁忙，我就死都要求佢今晚之內覆我，呢班咁o既死pk，錢就識收，o野就唔識做，十足十港灣豪庭管理有限公司！

食食o下飯，有人打o黎，有線呀，佢話收到有呢幢樓o既住戶報告上網有問題，會上o黎睇o下，咁都好，希望快o的搞掂。

上到o黎佢都冇乜做過o野，只係係咁二睇過個modem，佢話可以幫我安排用返個舊modem喎，話聽日有人會約我幾時換，都好…煩死我喇！

夜晚同咖啡仔、呀Tim、Man Lai打牌，打八圈居然要打八個鐘，痴線！打到朝早八點，今次又係咖啡仔派片，仲要一家派三家，我就賺佐鐘錢同幾十蚊。

打完牌入天水圍訓… @_@

>>December 11, 2004 at 10:38:48 AM GMT+8

2004 年 12 月 6 日 星期一 【乍雨乍晴】

連續第四A，真係慘！

一早就有人叫白車，結果又凳都未坐暖就要上樓…

之後成朝o既工作都好一般，悶。

上網仲係有問題，仲中埋毒添！真係火！硬係覺得係有線個modem畀人hack佐，個IP係咁畀人send o的毒過o黎！搞到我要Format佐部電腦，慘…好在聽日放假嗟…死有線！

今晚去機場接您放工呢！

>>December 11, 2004 at 10:27:36 AM GMT+8

2004 年 12 月 5 日 星期日 【乍雨乍晴】

累爆啦！今朝明顯凍佐好多呀，出到街都凍凍o地…

悶到嘔，今朝好少人出入呀，悶到要執o係Dellserver上面o既7座CRC folder，delete佐好多無用o既o野，亦都執到整齊o的，分o下類，唔駛左一個file，右一個file咁，希望第日做o野方便o的。

>>December 5, 2004 at 7:19:24 PM GMT+8

2004 年 12 月 4 日 星期六 【晴】

低能o架，今日居然六點半先起身，但係今日係星期六喎，死人都返工啦！結果用佐個半字出門口，行行o下仲要跑添呀！因為見倒架118 o岩o岩埋站呀…好在呢班車平時多人搭，如果唔係真係跑九秒九都追唔到，咁就可以搭的士或者打電話去保安辦事處請假喇！

朝早繼續戇居居，Warren又唔o係公司，真係超級悶。

下晝以為有得巡樓，點知原來個時間表又改佐，朝令夕改，港灣特色。

今日玩聖誕佈置，結果搞到六點先有得走，好頭痛…

返到屋企又火過，有線經router又上唔上唔到網，仲要洗碗，沖完涼，成點半先有得訓…

今日永安打o黎confirm，o的機票酒店冇問題，下個禮拜三可以去拿機票，yeah~

>>December 5, 2004 at 8:00:08 AM GMT+8

2004 年 12 月 3 日 星期五 【陰】

事件燥底指數︰35%【中等】

燥o的啦，今朝呀Tim o黎七座block佐o的權限… @_@

而家IE只係可以上idhome，不過都唔怕o既，狗上瓦坑，實有條路o既！

座頭生活一片黑暗！真係喊都無謂。不過今朝好好彩呀，有兩個師奶o係座頭慢慢傾，結果時間過得好快。

-----------------------------------------------------------------------------------------------------------------------------

下晝MO班人開月會，我就做住戶證，好準時咁打卡走，開心返。

趕住返屋企，睇返琴晚錄o既電視。再整o下個network，真係set來set去都係上上o下網斷…唔理，食飯先…

點知食完飯真係如咖啡仔同健健話齋，佢自己好返呀！

I-CABLE，你真係好彩，就睇定o的先投訴你！

>>December 3, 2004 at 10:04:36 PM GMT+8

2004 年 12 月 2 日 星期四 【晴】

今日終於都放假喇！

真係燥底！連踩五日A今朝居然九點幾就醒佐，不過仲好，即刻睇返琴晚o既《楚漢驕雄》！

睇完電視同郵差打佐一陣poker，之後再訓過，訓到四點幾再出街。

今日終於都報佐名去台北喇，幫襯佐態度最好又最平o既永安，機票連兩晚酒店居然都要二千幾蚊一位！貴過上次去成幾百蚊！真係冇計喇，因為太遲買飛喇，而且又近聖誕…咁就冇佐四千幾蚊喇…痛o的啦…

之後就食佐個吉野家，再同您去旺角大shopping。陪您去買佐底褲啦、電話handfree啦…仲買佐數碼相機準備去台北影相添…三千幾蚊，真係貴囉…o係旺角行來行去，行到十點半先再食o野，食完返屋企。

-----------------------------------------------------------------------------------------------------------------------------------

事件燥底指數︰100%【嚴重】

一返到屋企，爸爸話今日有線有人o黎換佐個modem，之後用router就上唔到網，我十二點開始check，發覺o的setting完全冇問題，最奇怪就係佢明明係連住線，但係一睇網頁一分鐘左右就冇反應，不過msn又冇問題！頂佢個肺o丫！真係火都o黎埋！搞到兩點半都冇乜起色，逼住訓覺先，但係依然好火滾！真係佢xy！聽日一定打去發難！

火火火火火火火火火火！

>>December 3, 2004 at 12:58:07 PM GMT+8

2004 年 12 月 1 日 星期三 【晴】

仲返到工喎，犀利！不過遲佐半個鐘起身，好在琴晚沖晒涼，先唔駛太趕頭趕命。

今朝唔算好多o野做，索性執o下個座頭，見到好多唔駛點用o既forms，完全唔明點解o的人係咁印係咁印，儲埋咁多真係托咩！吹脹！

食完個飯返o黎先知要巡樓，都好o丫，因為可以唔駛坐座頭同落MO嘛！但係頂呀華去廁所（都唔知係咪又去開大！）都頂到三點三先上到樓開波打鐘，用佐一個鐘零七分鐘完成，但係打完鐘之後畀條匙插整佐而被困…結果用walkie叫救命啦…最後畀路過去食飯o既邱sir救返，好過癮。

之後留o係MO幫老細搞文件，最後搞到要好趕咁返學友社…

今晚冇乜話，唔知o的人係咪掛住睇《楚漢驕雄》而唔打o黎，悶o的囉…

完佐學友社之後又返港灣做埋o的聽日要交o既功課，同埋等咖啡仔放工，之後同Billy仔、Trevor去打邊爐。您放佐工亦都o黎埋，食完o野，冇餘慶節目，各自返屋企訓。

>>December 3, 2004 at 10:16:08 AM GMT+8

2004 年 11 月 30 日 星期二 【晴】

連續五條A o既第四條A，居然仲返到工… @_@

上晝完成佐六十五封相同o既多謝填問卷信，功德完滿。

B更Ivan居然射波，豈有此理o丫！briefing冇得開之餘（其實如果係由YM主講，去唔去都罷就，反正佢開場白都講成半個鐘），已經要坐足八個鐘，仲想我坐到六點半，好難喇！結果老細屈佐Queenie坐… @_@

放工直接返屋企，都幾累…本來諗住去睇醫生，不過結果都係買佐史立消食就算。

>>November 30, 2004 at 7:03:03 PM GMT+8