2004 年 9 月 30 日 星期四 【晴】

返埋今日又放假喇！好耐冇放紅日！

今日返工都幾悶o下o架…

有些少燥底，因為個新請返o黎o既7座BA講o野比較「掘」，處理事情o既手法有o的問題…今日仲o係度講佢自己o既優點… @_@ 唔係嘛…駛唔駛？！怪人一個囉…

放佐工好悶，雖然返佐屋企，但係兩點幾都未想訓，結果就過佐去西灣河o既「咖啡小居」吹水。

本來諗住同佢去太安樓食個宵就算，但係太熱啦，上樓食會開心o的。原來而家o的居屋都用智能卡出入o架，幾先進呀！居屋個lobby同CRC仲大過港灣！吹脹！

傾o下偈，講o下Warren o的戇x o野，話咁快又七點… @_@

諗住送支Mont Blanc畀老細，慰勞o下佢對我o地咁不薄。有幾多人夾錢呢？！

>>October 2, 2004 at 5:34:00 PM GMT+8

2004 年 9 月 29 日 星期三 【晴】

中秋節翌日，冇假放，非常之累…

不過我同咖啡仔總算創造佐港灣o既神話！試問有邊個打牌打到朝早十點幾之後仲會再返屋企沖涼，沖完涼之後再乖乖o地咁返工o丫？！

今日雖然累而且因為Warren呢排太忙有乜時間分o的o野畀我做，但係好在有個客坐佐o係lobby度成個鐘，係咁同我同另一個保安吹水。佢係有o的鬼佬性格o既，份人不嬲都好好傾，聽佐佢o既故事，又學多佐o野。

好快又十點半，收工走人啦…累爆… @_@

>>October 2, 2004 at 5:58:46 PM GMT+8

2004 年 9 月 28 日 星期二 【晴】

今日係中秋節，港灣o的人都算有品，冇o係平台玩煲蠟。

都算有o的o野做啦，唔係太悶，但係都幾快做完o架…

今日又收到月餅喇，仲有o的古怪o既梨…個樣花呢花碌咁，都唔知係乜品種…

放佐工，同咖啡仔、Billy仔去搵食，食完o野都係唔齊腳，打唔到牌。搵到Marco喎，不過要等佢o係赤柱出o黎…而Billy仔就死都話唔打…到最後Trevor都o係天水圍趕返出o黎喎！

就o係我同咖啡仔等另外兩對腳o既時候，居然畀我見到佢！！！佢已經結佐婚o架啦，點解可以拖住個後生女o係度賞月？！！！我有九十九個巴仙認得佢，仲認得佢個袋！因為我琴晚先見到佢，同佢一齊搭小巴過觀塘！！點解？一定係我認錯人…

最後過佐銅鑼灣打牌，兩點半先開波…打十二圈，Marco一個人贏晒… @_@ 勁旺囉佢，係咁自摸…頂！

>>October 2, 2004 at 4:04:14 PM GMT+8

2004 年 9 月 28 日 星期二 【晴】

動人故事一則，閱後心情不佳。

今天下午,一邊打掃公寓,一邊聽著那一片唱片...我想起了你...今天剛好是我們三年半的紀念日喔..

那一年的三月十六日,我的生日,收到了她寄來的生日禮物,是我最愛的Canon in D啊...

假期的時候她來找我,要我抱她,她要知道她的感覺...我倒是怕得要命,沒感覺的話,那怎麼辦?

日子雖然不好過,單是每星期便要坐差不多七小時的公車了,但是只要知道可以看到她,我便心滿意足了

短短的兩年多,但我們一起經歷了很多很多,多少難行的,多少痛苦的,我們都攜手跨過

對她最初的印象並不好,覺得她也是一個不會了解我的人,不會欣賞我的人,也就懶得花時間去認識她...

中六的後半年,竟然慢慢的跟她成為了朋友,再由朋友進化為好朋友...原因只是一個因為她的一個笑話令我們開始了這段友誼...

中六升中七的暑假,她到蘇格蘭去遊學...而整天在家閒閒沒事做的我,有一天在我爸手上接過一張蘇格蘭寄來的明信片,... 嗯,心想的是真難得,還記得我...那個時候心好像也在笑

中七開學了,機緣叫我們坐在隔壁...結果我們由好朋友進化為知己...可是,她跟我說,她決定要到美國去唸書,大概十月底就要走了...那個時候的我為她感到很高興,她終於可以離開那所爛學校,去尋覓自己的目標了,以她的智慧,一定會成功的...我真心的祝福她

日子過得真快,怎麼已經十月底了...她沒有再來上課...我隔壁的座位一直空著直到中七的最後一天...我知道我變得很沉默,我知道我愛上了一個人,我知道我跟她的距離越來越遠...

我那時候很想離開那個地方,跑到老遠的東岸

後來,有一天,在msn開玩笑的口吻的說要追求她...她忽地靜下來了,沒有回應,我也靜下來...好像知道說了不應該說的話...對...我原來是認真的...再過一陣子,她說假期的時候她來找我,要我抱她,她要知道她的感覺...我倒是怕得要命,沒感覺的話,那怎麼辦?

今天下午,一邊打掃公寓,一邊聽著那一片唱片...我想起了你...今天剛好是我們三年半的紀念日喔.....

二零零四年九月二十六日

>>September 28, 2004 at 4:37:40 AM GMT+8

2004 年 9 月 27 日 星期一 【晴】

放埋九月最後一日假，又要等三日先有假放喇…

好好訓，訓到三點先起身。今日偷懶，冇返學友社。

不過超人叫佐我去踢波喎，同佢o的同事踢，話備戰咩工商盃喎…

都好o丫，差唔多成半年冇踢過波喇，當做o下運動囉，又唔係好辛苦，出身汗都幾好。只不過係畀人「省」親「o者o者」之嘛…仲有o的隱隱作痛添…都係早o的抖，或者訓醒就會好返。

返到屋企上網，見到原來今晚港灣有人派「號外」數臭間管業，都幾過癮。條友都幾落本，印o黎公開派，不過好多錯別字囉…我冇乜望o架，只係想到過年嗟…大家畀畀面好喎…

死死o地…愛上佐…郵差…o既恩物…

卡地亞… @_@

>>September 28, 2004 at 1:57:25 AM GMT+8

2004 年 9 月 26 日 星期日 【酷熱】

星期日，都係咁過啦…返B，有o的o的累…

今日做起佐份七座僭建報告，原來而家有成15個僭建咁多，真係死死o地…之前o個4個出律師信喇，但係剩返o個o的又要等到幾時？

今日又收到八個迷你月餅喇…想死囉…平時o的生果都多到食埋晒要畀夜更啦，而家夜更走佐又未請到人，拎晒落管業放晒o係我老細台面…ccc…我想要汽水呀，不如您o地畀o的汽水我o丫，我會開心o的o架！

臨走行去惠康買汽水飲，又撞到兩個客，係都要「質」兩盒菊花茶畀我… @_@ 話佐唔要o架啦…大家唔好咁熱情啦…我想要汽水多o的呀… @_@

好鬼鐘意我o的客，邊有VIP o架…其實有時有要求o係o岩o既…mmm…

放佐工就返屋企喇，上佐陣網就訓喇，因為真係有o的眼訓呀… @_@

>>September 28, 2004 at 2:01:53 AM GMT+8

2004 年 9 月 25 日 星期六 【酷熱】

星期六，例牌塞車，好在都o係13:29返到公司打卡…

一般o既工作啦…

放佐工好難先約到Ken仔呀，但係今晚人腳不足，只有我同咖啡仔。唯有搵埋超人出o黎打牌啦…

打佐八圈，都已經打到七點喇…贏得三十蚊…辛苦佐成晚…

打牌，真係唔可以三心兩意，如果唔係一定輸。過澳洲定留港，亦係一樣，快o的做決定啦，傻Ken！

>>September 28, 2004 at 1:43:18 AM GMT+8

2004 年 9 月 24 日 星期五 【綿綿細雨】

今日都一般忙啦，但係做佐o的之前比較少做o既o野，就係睇幢樓o既僭建物。

原來睇僭建物都幾煩o架，上完五座過四座，過完四座再六座，再八座…又要上天台又要去隔火層…身水身汗…最後仲要落埋條村樓下o個個公園仔，好煩呢…o的相影得唔係咁好囉，始終太高喇，o係地下影上去都幾煩o下…不過而家證實佐七座並唔係得四項僭建，而係十幾項… @_@ 仲未寫report畀老細添…出晒事… @_@

放工乖乖返屋企，因為Ken仔話自己傷風，今晚買醉又要postponed…

覺得自己好似飲得太多汽水咁…今日飲佐三罐可樂… @_@

>>September 27, 2004 at 5:19:09 PM GMT+8

2004 年 9 月 23 日 星期四 【陰】

放假喎！陪婆婆去睇醫生。

今日雖然係等佐好耐，但係睇完醫生拿完葯好快就有車接我o地走，開心返。

之後過返港灣開會，Warren組要開會分工，我估係港灣唯一喇…因為係得呢個傻佬先至有咁多o野要做…唉… @_@

完佐等埋您放工出o黎，行佐陣街，就去佐睇戲，睇The Terminal（《機場客運站》）。Tom HANKS，好好睇喎又，幾寫實，但係串連成個故事條橋寫得又幾好喎，真係估佢唔到！值得睇！

不過唔知係咪我自己比較out-dated啦，原來而家睇戲o個時覺得有好笑、抵死o既場面除佐可以笑出o黎之外，原來仲可以「拍手」o架！呢個係香港特色定係世界通行o既表達手法？我唔知湯漢斯聽唔聽到香港人畀佢o既掌聽呢？原來睇戲同睇live o既performance art一樣，觀眾o既即時反應表演者係可以即時收到o架！好厲害！

香港，真係個古怪o既地方。身處香港，真係越o黎越唔自在。

>>October 8, 2004 at 4:21:24 AM GMT+8

2004 年 9 月 22 日 星期三 【酷熱】

返工囉，等放工。

今日都唔算太多o野做，不過今日發現佐鄭太o既英文比我好多多聲…勁！

放工之後等埋您出o黎食o野。本來想去睇戲，但係o係我放埋工出o黎已經冇戲可揀喇…返B總有些缺憾…

咖啡仔持續射波，話pk整親腳喎…都話去打牌o架啦，去佐打牌就唔會o係屋企樓下pk喇…

>>September 25, 2004 at 1:44:11 AM GMT+8