2005 年 3 月 19 日 星期六 【微冷】

返錯更…以為上晝係off，點知原來自己理解個更表錯誤！不過都好，抖返半日，叫做可以抖一抖… @_@

一返到公司，桌面就放佐一大堆o野，全部都係老細要我做o既…但係佢下晝off佐，個office得我一個，問都冇人可以問到，真係完全唔知點做… @_@ 咩係KPI呀？要執過o個幾條巡邏路線…仲要安排走火演習之類… @_@

四個鐘真係做唔到好多o野…

最新消息，呀John都搵到工可以走喇！但係佢好似唔想走咁喎…點解呢？對自己有信心？

>>March 24, 2005 at 7:40:24 PM GMT+8

2005 年 3 月 18 日 星期五 【微冷】

新人事，新作風，只係覺得自己乜都唔識…

柴灣，返九點，真係過癮！就算唔夠訓都唔覺得係o的乜，因為太近，行十分鐘就到。但係冇搭車返工，又唔多似返工喎…

今日出佐一張通告，最大工程係要編好保安同事下個月o既更表…

呢度叫做服務處，英文係MSO，我o係度真係第二大o架喇… @_@ office得三個人，我老細經理Selina，主任仔Dominic我，同埋個clerk呀Mi，另外有個維修部o既人叫呀Man，佢真係好Man，因為佢係一個女人o黎o架！所以女人真係唔可以睇少…

而跟住我o既，就有10個保安（兼埋客戶服務），同埋一個CS。一個細細o地o既商場，個site就係得咁多人喇！

跟個保安同事佐一條最長o既「線」（巡邏），叫做了解佐個場啦。不知不覺，好快又六點，哈，又好似幾好喎。坐office，個人都開心o的，起碼似返o的樣先啦！

City收佐我，但係又唔多夠錢交學費，因為新公司第一期糧同舊公司最後一期糧都要下個月七號先出… @_@ 問佐媽媽借住五千先，聽日寄支票去交… @_@

最唔想就係同Ivan同Trevor一班（唔係小人之心，不過睇死佢o地如果有project要做，實要搵埋我，就係唔想同佢o地一組…唉…），但係呀Wing又冇收，Billy仔又冇報，慘…

>>March 24, 2005 at 7:42:15 PM GMT+8

2005 年 3 月 17 日 星期四 【微雨】

日記有問題？唔信邪！冇事喎！（之後個日記真係死佐幾日… @_@）

八A之八，超感動！居然返到八A冇射波！LAST DAY喇！！！！做埋今日終於可以離開港灣喇！

臨時秋波…梗係繼續同o的客仔farewell啦…鳴…對唔住喇，唔可以再服侍大家喇，希望大家住得安居落葉啦！

收到兩盒朱古力…一盒金莎係家灝送o既，另一盒MERCI係保賢送o既，仲有黃先生之前結婚一齊影o個張相…全部都係o係港灣美好o既回憶… =(

下晝返上佐去個客屋企同埋佢個仔食飯（佢個仔居然仲要細我兩年！點解可以做到咁成功？！），後尾先知原來煮飯o個個人居然係呀華個老婆（個樣都幾老o下，個客話佢年紀大過呀華喎…仲要帶住個BB女…）… @_@ 咁都得？！都唔知話個客好人定話佢乜好…請人o地老婆做鐘點，有冇利益衝突先？！

食完飯，本來約佐咖啡仔同我一齊出去旺角東海堂拿餅o既，因為今日係我o既派餅日！七打餅，真係唔易派！不過由十一點開始打畀條友，條友都一直唔聽電話！真係火都o黎埋！最後都搵唔到佢，唯有自己一個人出去拿。三盒東海堂係保安同事同埋座頭o既，另外一盒唔駛錢o既美心（之前個客結婚畀o既）就梗係畀MO班禽獸啦！吼！

我係咁大細超o架喇，吹咩？！

派完飯，又再同老細飲o野，發覺佢好似諗通佐喎！但係做唔做到個效果出o黎又係另一回事喇…唉…

之後再返Control坐一陣，因為要同o的保安同事影相留念，同埋再等咖啡仔食完飯陪我拿第二轉餅，但係條友居然可以同一日之內放我第二次飛機！！！火火火火火火火火火火！真燥底！最後都係自己死死地去拿。

派埋夜班保安同埋夜班座頭，功成身退…大家要保重喇，走得甩就快o的走喇！

咖啡仔，你放飛機都放得好過癮喎！吼！

>>March 24, 2005 at 7:25:44 PM GMT+8

2005 年 3 月 16 日 星期三 【微冷】

八A之七，作死，呢兩朝都係五點起身再訓。琴日都好o的，六點三起到身；今朝真係作死，六點半先知醒，但係好頭好尾o丫，冇理由唔返嗟…不過好彩都趕到班車…呼…

低能，今朝三個A更射佐…MO射佐兩件，維修部又射一件，總數六件。 @_@ 不過我估到其中四個一定係琴晚上大陸玩玩到喪佐返唔到工，o的人真係射波唔駛本！

我都話o架啦，唔夠人o個時咪又係叫返呀Wing上去座頭頂位！估唔到咁快就應驗佐！終極被騙！8號講完o既o野16號就出現，o係港灣，真係冇o野唔會發生！

今朝真係勁唔夠人，保安部拿晒屎，真係慘…呢個盤，死梗！不過窮則變，變則通，呢個世界又冇話冇佐邊個會死o既…好在今朝係我去巡樓，如果唔係真係連去廁所都有排等！

收到好多客o既問候、祝福、拍一拍膊頭，都已經可以令我感動到想喊…其中一個客今日仲請我飲茶添喎…係咁叫我跟佢做o野，有錢齊齊搵… @_@

下晝無端端畀人屈佐去收樓，仲要衰到上到個單位先發現畀人「昆」佐！根本冇小配件o係上面，又冇帶水樽，而且仲一開波試o個個插蘇就係壞o既！好似以前咁乜都係自己帶上去就一定冇咁o既事發生啦！清單位？！戇x！好在個客都冇乜o野（九成第一次買樓！），如果唔係實死冇生。

收佐工再等埋老細，飲杯o野教訓佐佢一餐。我係咁叫佢搵工走，因為佢而家之所以覺得自己咁一事無成，只係因為工作上冇成功感同埋呢度根本冇人認同佢為公司所做過o既o野！佢要o既「衝激」，就係轉換工作環境，並唔係戇居居咁去轉field！

晚間再返last一次學友社…完喇。隨住離開港灣，亦離開學友社…一年，就咁過佐。

之後再返公司等咖啡仔收工，順便同Control達哥吹o下水。原來班人琴晚真係上佐大陸玩玩到返唔到o黎，仲要搵人做代表打返公司請假，真係勁！另一方面，保安部Samuel Sir都話走喇，今晚仲o係度寫辭職信添！個game真係越o黎越好玩！

吹完水入天水圍陪您食宵，我o地本七十一英超聯貼紙簿唔計頭、尾o個兩張閃（一定抽唔中，唔駛望！），都只係差兩格貼紙（即係一張）…幾時先可以集齊晒o的兄弟？！不過我已經開佐第二本儲喇，但係都仲係有好多多餘o既…

累爆…五點先訓…六點要起身… @_@

>>March 17, 2005 at 11:54:00 AM GMT+8

2005 年 3 月 15 日 星期二 【微冷】

八A之六，雖然o係巴士上面都係訓到隻豬咁，但係返到工又異常精神！

今日熹熹自己扶住o架BB車行路，仲係咁對住我笑，梁太唔畀佢推o架車，即刻縐晒眉頭，超得意！

下晝幫Esther做佐o的無聊o野，之後再o係保安部搞搞震，仲見到之前返過座夜班但係身體頂唔順o既潘彩蓮，佢話佢好返晒，又覺好悶，想返o黎做。即時highly recommended佢啦！希望公司會請佢啦！不過而家勁缺人，請佢o既機會亦都好大！

跟住再落佐樓下同個客仔Ronald飲o野吹水，飲完再上單位同佢換佐廁所支燈，再參觀佢屋企，睇o下佢點樣引以為豪o既屋企。唉…心諗︰都唔知幾時先可以有錢自己買到自己o既樓… @_@

係咁吹，聽佢分享佢o既經驗，相當寶貴，多謝晒。吹到七點半先走…依依不捨…7座o既客仔，Dominic要繼續上路喇，唔可以再服侍大家喇… T_T

超累，仲要幫媽媽去旺角還書先可以返屋企。返到屋企，收到封信，收佐我呀！不過冇收呀Wing。究竟佢係用乜守則收人o既呢？

$$$...

----------------------------------------------------------------------------------------------------------------------------

大名： Ken
電郵： [email protected]
說： WOWOW... GREAT MAN... HAHAAHA finally you are out. Fxxking MHV!
>>2005年03月06日 03:48:27

大名： Ken仔
電郵： [email protected]
說： About the 臭婆娘訪客投訴:
SHIT... even reading, I already felt angry about her. What the fxxk.fxxking bitch. I want to see her eating shit.
Shit... on 9,pk... I hate those kind of people.
>>2005年01月11日 01:16:31

大名： FAT 仔
電郵： [email protected]
說： Good that you found your career. very good. Good luck man.
>>2005年01月06日 15:50:10

大名： Ken仔
電郵： [email protected]
說： 呼吸系統病佐,so shit... really need to take care wow... poor guy...

hey... I didn't smoke for almost a month la. amazing.

Anyway, hope u get well soon la.
>>2004年11月22日 22:42:00

大名： Ken仔
電郵： [email protected]
說： HAHHAHHAHHA... GOT UR MAIL today la... Only ONE dom dom??? hahha Thanks for your card u bought 2 yrs ago anyway.

You are right... Need to be more positive... YES need earn money.

U 2 man.. good luck for your career. choose a good course la.
>>2004年11月17日 20:48:54

大名： Ken 仔
電郵： [email protected]
說： HAHAHAHHHA 笑X死, 你同Coffee 真好玩,問老細射波好唔好... CRAZY...
>>2004年10月10日 14:56:28

大名： Ken
電郵： [email protected]
說： 講得對, 過澳洲定留港要快d决定, 早D决定有的多D準備ｏ 到時話你知啦!

你一日飲三罐可樂??? 你傻嫁...

>>2004年09月28日 02:04:27

大名： Ken 仔
電郵： [email protected]
說： lee 排 very 燥... very 火
昨晚在家very 火 , 連電話都擲能爛! Couldnt control! I must need to cool down myself... SHIT!!! hey, will go LA? Haha cool.

>>2004年08月28日 11:00:28

大名： Ken 仔
電郵： [email protected]
說： 嘩!!! 「鄧」腳 tim??? so crazy... 返A都幾煩!!! 慘!!! At the moment, I hope to find a better job. Let's see la. D PCCW 人都crazy... 唔放工嫁!!! 1座死了人我都聽說過... 慘... 問下MHV要否請一隊超度Tim...
>>2004年08月22日 03:54:25

大名： Ken 仔
電郵： [email protected]
說： 力仔... 保重D la. 我腰痛都要戒口戒洒! 人生不得意是十常八九!老套D, 但是真的! see see my diary today if u have time! Happy d man!
>>2004年08月11日 01:20:51

>>November 10, 2005 at 11:00:41 PM GMT+8

2005 年 3 月 14 日 星期一 【乍雨乍晴】

八A之五，最後四day，琴晚雖然訓佐九個鐘，但係仲累到x咁，超眼訓…真係痴線，人都癲！

上晝上o下網，等食飯。無聊，又凍…

今日係Stephen last day，無聊地去佐同MO o的廢人去飲茶。雖然唔想去，但係都叫做飯，都畀面去一去。

下晝繼續無聊… @_@ 投閒置散。

放工同o的B更食飯，都係無聊。之後去訂餅，再歸家。巴士上訓到隻豬咁… @_@

就快同您一周年，原來我o地已經睇佐27套戲，即係平均兩個禮拜一套，都幾勁… @_@!!!

>>March 14, 2005 at 10:52:46 PM GMT+8

2005 年 3 月 13 日 星期日 【乍雨乍晴】

痴線！八A之四…非常十分之好很累…頂…

上盡非常之悶，好在間唔中都可以很開o下，郁動o下，如果唔係一定訓得著。

食飯前同家灝影到相，好開心o架呢！細路，永遠都係人o地o既好玩。

下晝仲要巡樓… @_@ 勁多垃圾，做佐垃圾佬… @_@

放工即閃，返屋企。累！

>>March 13, 2005 at 7:41:11 PM GMT+8

2005 年 3 月 12 日 星期六 【乍雨乍晴】

八A之三，好很眼訓… @_@

戲如人生，人生如戲。當中呢個「戲」字，究竟係指戲劇，定係遊戲呢？係咪兩樣都通？係咪可以一直「遊戲人生」落去呢？最鐘意玩！

您好叻喎，o係機場接o的「七人攬人隊」，真係世界各地o的既人都有，接完一隊又一隊。五月仲有得升添，真係可喜可賀喎！魚一丁！魚一丁！魚一丁！yeah！

記住︰有得升就升，唔好理，升完title先走又係另一件事，人不為己，天殊地滅。

食完飯之後落佐兩保安辦，放工之後又再坐佐個半鐘，因為要等到夠鐘今晚食飯。

我o係港灣朋友唔多（大部分都只係視作同事仔），但係今晚總有幾個人要請。第一個就梗係我o地o既偉大領袖Warren啦，仲有我o既好友咖啡仔，日日畀我串都頂得住、賴死唔走o既呀Wing，同埋我最欣賞、比我仲堅、今鋪真係可以一鑊蹺起港灣o既Stephen。

今晚去佐Park Lane Hotel食dinner buffet，計落上一次「豪」出去請人去食buffet已經係差唔多三年半前o既事喇（陰公！折墮佐咁耐… @_@），我覺得重要o既並唔係食物o既種類或者質素（老實講都係一般），而係選擇o既地點係咪舒適同埋出席o既人物係咪值得您拿時間出o黎同佢相聚。

難得一班人痴痴呆呆坐埋一台，今晚o既高談闊論在所難免，當中更係有唔少不良成份。老細好認真咁話佢就快三十歲，而家開始有「信心危機」，要搞o的o野突破自己，又話怕窮又話要賺快錢… @_@ 真係畀佢激死囉！我估多多少少係同佢冇女朋友幫佢調劑o下有關，但係最大問題係佢過去o既生活實在太死板喇，缺少佐o的新鮮刺激，唔可以放膽去盡咁去享受、happy。

成台人係咁幫佢諗辦法解決佢所謂o既危機（實情係串佢o既時間比較多），不過都係o個句啦︰"Enjoy all the life we have, then we have no regret!"日日做得咁辛苦，唔好好咁善待自己，咁就真係對唔住自己喇！做o野o既時候要認真，要盡力、要平靚正快。玩o既時候就更加要認真，要玩得夠盡情夠奔放！

想食煙三文魚好耐，今晚雖於完成到。想食生豪成個禮拜，今晚又完成到。食佐兩個新地筒，仲有綠茶雪糕、n粒燒賣…ccc！其實唔需要有乜靚o野貴o野食，最緊要係我鐘唔鐘意同想唔想食。

不過今晚最大o既收獲反而係來自Stephen。o的人o岩o岩出晒去拿o野食，我同佢傾佐幾分鐘偈，覺得佢做人真係夠晒成熟穩重。以Stephen一個咁老練，咁多經驗o既人，居然可以忍辱付重咁留o係港灣跟住個咁o既老細，仲要成日做人球咁畀公司踢來踢去，又一直唔受人賞識，佢居然都仲頂得住，佢o既EQ真係好高，令我Dominic真係五體投地o既佩服。

不枉我今晚請埋佢一齊食餐好o既，因為佢今次真係貫徹始終咁完成佐我o地今次大逃亡行動o既目標︰一（重音）鑊蹺起佢個pkxyz！

>>March 13, 2005 at 6:36:54 PM GMT+8

2005 年 3 月 11 日 星期五 【微冷】

又試返工就急屎，不過今朝有去屙。

悶悶悶…點解可以咁悶o架…悶死我喇…成朝…都好悶…

八A之二，精神都算OK，見到o的客，同佢o地講我要走喇…好唔捨得佢o地，或者我真係放得太多感情o係佢o地身上… @_@ 好唔捨得每日都有得怒玩（甚至喪玩… @_@）o既細路仔（做細路最開心，乜都唔駛諗！），仲有一班亦客亦友o既住戶…

兒童組︰
超好玩o既家灝、笑得最靚o既詠斯、怕羞仔國琛、同我個名一樣o既宇軒、認得我之後就識笑o既熹熹、喊包保賢、要用英文溝通o既Sonia、成日扭計o既豪豪、李先生個孫、聰明，老積o既舒婷、永遠唔叫人o既湕霖、丘先生兩個仔女（呀哥成日蝦個妹）、面紅紅o既雪凝、單車人羅先生個口水仔、詹先生個仔、肥媽o既幸福BB…

成人組︰
澳洲老友記Gerard、波友牌友Ronald、鬼佬性格Mr. Wong、一把年紀扮後生o既龍先生、風趣幽默o既鄭太、成日陪我吹水o既陳先生、北京國語人高先生、巴辣人何小姐、半吋粗金鍊人楊先生、陳先生陳小姐、馬拉松人丘先生、即場示範隻狗自己除口罩o既黃先生、朝朝要飲過奶茶先安樂o既李先生…

動物組︰
金毛x5、幾隻貓…

放工，去佐食金仔， 再去睇Million Dollar Baby（港譯︰《擊情》），一套講追求個人夢想o既戲，女主角激愛打拳，但係o係佢最後一場拳場完結後畀對手報復陰中，咁就癱佐（所以佢教練話︰「Always protect yourself」係o岩o既）。不過原來佢同個教練已經o係「擊」之中不知不覺間咁產生佐「情」…不過，其實套戲開頭都幾悶… @_@ 套戲有講「安樂死」o既問題，宗教？道德？

同您試佐o的新o野，不過冇乜特別… @_@

Mo chuisle = My Darling

----------------------------------------------------------------------------------------------------------------------------

Mo chuisle
"Mo chuisle" literally means "My pulse", but can mean "My love" or "My darling".
It's a term of endearment taken from the original phrases "A chuisle mo chro?, or "Pulse of my heart".
When speaking directly to the person, use "A chuisle". When speaking about them say "Mo chuisle".
The movie Million Dollar Baby incorrectly spells "Mo chuisle" as "Mo cuishle".

>>March 21, 2005 at 8:04:22 PM GMT+8

2005 年 3 月 10 日 星期四 【微冷】

一返工就急屎添… @_@

今朝o係度諗︰點解我硬係唔鐘意將自己o既o野同自己o既女朋友講o既呢？呢個又係咁，o個個又係咁…唉…

食飯前接佐個波，就係幫老細寫「反高空墮物」嘉年華o既proposal，諗佐o的搞笑o野，唔知實唔實行到，就係請o的業委聯同座主任去五樓有平台o既住戶度做家訪。一來可以令到o的業委了解到呢度高空墮物o既情況有幾嚴重，點解佢o地要起簷蓬；二來又可以扯埋o的業委落水，等佢o地唔好以為掛個名就有著數！ccc…

B更呀峰玩遲到兩個鐘，扮到好病咁，不過冇人頂位食飯，同食完飯仲要坐返o係座頭就真係燥o的啦！

Stephen話走就走，爆佐個大冷，居然下個禮拜一係last day… @_@

放佐工同老細飲o野吹水，叫佢畀多o的機會Man Lai。之後再買佐差唔多七百幾蚊餅卡，肉赤死…

老細是日金句︰「好馬不吃回頭草，好草不怕回頭吃。」吹脹，佢講晒啦！

咖啡仔今日入廠割o野喎，哈哈，仲預定聽日射波添！我就燥o的喇，要踩八個A…今日只係第一個… @_@

>>March 11, 2005 at 10:35:04 AM GMT+8