2004 年 7 月 23 日 星期五 【酷熱】

星期五，只係連返七日工o既第二日… @_@

放工o個時Amy打畀我，話會唔要個BB，但係我始終都係唔肯信…佢話唔係要錢，要o既係我個人。哦。

我而家生活安好，總算係習慣佐新o既生活，點解你仲要叉隻腳埋o黎？！當時係邊一個首先做出絕情o既決定？當時係邊個苦苦哀求，但係對方唔接受？一齊去睇睇我五月中o既日記…

對唔住，你失去佐呢個機會喇。o個時我係有幾絕情咁同佢講畫清界線，想返去你身邊，但係你堅持有你冇佢，最終你退出。

到而家你又要我再一次傷害佢？我做唔出。對唔住，係我唯一可以講o既說話。

之後再同Josephine傾過，佢都認為唔合理。以佢o既經驗、分析，我唔可以相信你講o既說話。即使你係講真話，BB都只係可以打掉，冇其他選擇。對唔住。

>>July 25, 2004 at 5:15:53 AM GMT+8

2004 年 7 月 22 日 星期四 【酷熱】

出晒事！就係天台匙…

只係遲佐一日，Ivan同Michael就畀個八婆告到上總所…仲要寫IR…

頂佢o丫！咁搞法，唯有以後對佢o地執正o的o黎做！唔好唔記得，係你o地畀錢我o地去管你o架！火！

放佐工返到屋企，我都唔好思意，要自己都寫返份IR，因為呢件事情多多少少都係同我有關，因為我都係7座o既人！寫到六點先有得訓…

臨訓前唔小心睇到Amy o既，佢話佢自己有佐四個月喎…不過唔多信囉…

>>July 25, 2004 at 5:07:31 AM GMT+8

2004 年 7 月 21 日 星期三 【酷熱】

放假，返學友社。

今晚o的電話好得意，接佐三個電話有兩個係家長。其實又邊有父母係唔關心o的仔女o丫…不過今晚我又冇機會留o係屋企食飯喇…

算罷啦…

聽完線，返去港灣搵Ken仔提早farewell，繼續飲啤酒、吹煙…爽呀！做佐成日o野咁辛苦，唔可以咁樣relax一o下，真係人都癲呀！

今晚我、Ken仔、Coffee仔同Trevor仲去佐食宵夜，宵完夜再上皇雀會打佐八圈。好搞笑，Ken仔第一次打牌都只係輸佐一舊水，成日o係度亂咁砌，做佢下家就真係辛苦，但係又畀佢食得出喎！仲要揀人o黎食添！真係吹脹！好玩呀！

>>July 25, 2004 at 5:01:45 AM GMT+8

2004 年 7 月 20 日 星期二 【酷熱】

他媽的！被騙呀！

今日都幾多o野做，最開心就係可以同個住戶證資料之前一直有錯o既客換返張證，同埋又解決佐一個氣難消o既羅小姐！

不過都有谷氣o既事，原來Ken仔琴日幫我去配o既天台匙，居然係完全插唔到入個匙窿度！！！被騙呀！pk喇！Man So仲口口聲聲應承人o地聽日畀到匙人… @_@ 不嬲都唔會應承o的客幾時交貨o架啦！今次真係畀佢玩死喇…

放佐工，飲啤酒，吹吹煙…好快，過多兩日，就冇咁開心o既事發生喇…Ken仔，祝您順風！

>>July 25, 2004 at 4:53:52 AM GMT+8

2004 年 7 月 19 日 星期一 【酷熱】

今日又係得我一個頂住7座，A更又係Oscar，又係完全冇做過o野，一o的都幫唔到手。

放佐工等埋十三，我、Ken仔、Trevor同BA高佬全又上大陸玩！

今次Trevor帶我o地去o個個場都幾好，有三個浴池浸，都幾好…班友吹到o係人o地桑拿房煲煙，真係癲！

今次o係骨女手勢唔錯，但係又係訓得兩個鐘又要起身走… @_@

>>July 24, 2004 at 4:31:27 AM GMT+8

2004 年 7 月 18 日 星期日 【酷熱】

痴筋！今日忙到嘔！

頂…一返到去，就要上天台後梯幫個衰住戶搬返o的BBQ用具出天台，真係未做o野先出汗！返到落座頭仲衰…電話唔停咁響、o的人唔停咁出出入入，包括搬屋、探人、外賣、送貨、裝修、維修部同事、清潔姐姐………仲要上樓閂完又開個水掣、住戶警鐘係咁響…受夠喇！

好難先等到五點半食飯…

食完飯，開o下門，又坐o下咁，終於o係十點鐘出埋張叫住戶唔好用藍泡泡o既通告…想十點半去print完即走，點知成個MO o的printer都虧晒！！火！搞到十一點三先有得走…苦…

聽講話琴日o的客發晒癲，係咁投訴鬧人，今日又唔見係咁喎…

>>July 19, 2004 at 2:01:05 AM GMT+8

2004 年 7 月 17 日 星期六 【酷熱】

今日放假，兼唔駛返學友社！

訓到下晝，打佐陣機，出街。火呀！居然企o係巴士站度戇xx咁等佐八字先上到118，真係離晒譜！呢o的係乜巴士服呀？！

去佐買新眼鏡，因為舊o個副塊境實在太花喇！同十三入佐去上水去佐表姐做o野o個間眼境88買，左揀右揀，花多眼亂，好幾個款都好鐘意，最鐘意o個個又好似唔係好襯個面型兼而戴佐就睇落好串咁，結果都係揀佐副比較正經樣o既。

驗o下眼咁就七點半喇！不過副Titus連鏡都只係四百幾蚊咋！原價要成六百幾蚊o架！我再用晒o的cash dollars，三百幾蚊就買到副眼鏡喇！好o野！

食完o野，您返工，我去觀塘搵我老死超人。眼完佢同班friends踢波後，仲上佐去小肥屋企打牌…打佐四圈，但係用佐四個鐘… @_@

>>July 19, 2004 at 2:24:10 AM GMT+8

2004 年 7 月 16 日 星期五 【驟雨】

嘩，好o野！打風呀！

而家好憎留o係屋企，因為實在太煩，所以掛佐八號風球都有理冇理，死都返佐公司先。

原來打風返工有一百蚊津貼…雖然係少o的，不過好過冇。

見到大堂o的大玻璃好無聊咁畀人用膠紙貼佐好多個大交叉，都唔知有乜用，只係知道畀客笑…

今日做佐好多次好人，做到好為o的客著想咁…就好似interview o個時見我o個個SPO Richard所講咁，好似一個concierge，都幾好玩…望就望o的客真係受啦…

出多佐一張通告，叫人唔好o係公眾地方食煙…仲做佐o的signage咁啦…o的o野濕濕碎…唉…呢份工，冇乜出色。

>>July 19, 2004 at 2:40:16 AM GMT+8

2004 年 7 月 15 日 星期四 【酷熱】

今晚本來有得去遊車河，但係Coffee仔死都唔肯，唯有去佐唱K，唱完K都天光喇，入佐天水圍訓…zzz…

今日Ivan放假，成座o既o野就得返我一個人做，真係有o的辛苦…聽講話會請人，仲會加條女入7座。對客o黎講，多條女佢o地一定開心；對我o黎講，條女靚唔靚唔緊要，最緊要係，條女（或者係新加入o個條友）係咪真係幫得手。

心情都係唔係幾好…始終有朋友要走，冇理由開心…老鼠…

>>July 24, 2004 at 4:23:02 AM GMT+8

2004 年 7 月 14 日 星期三 【酷熱】

今晚見您唔多開心咁，就同您去睇《哈利波特》，不過套o野九唔搭八，都幾不知所謂。

今日返工收到一個更加不知所謂o既消息，就係"fuxk you eric"居然會頂佐珍尼媽個位，做4、5 、6座o既Tower IC！真係不知所謂！小人當道呀！

Michael本來都係其中一個人算，但係佢衰就衰在拍過大sir張台，大sir根本唔鐘意佢，但係個Eric就同大sir含晒x咁，所以急速上位…中國人公司，唔通就係咁？

Michael仲話而家日日我個名都畀個臭x嘉慧串，哼！我又放長雙眼睇o下你點死！

>>July 24, 2004 at 4:45:31 AM GMT+8