2004 年 8 月 12 日 星期四 【酷熱】

Josephine生日快樂！

不過今日病佐…訓足成日…

成日乜都冇食過，九點終於都頂唔順出佐去睇醫生。個醫生好好人o架，以前細個睇開o既，佢專睇兒科o架，所以我覺得佢心地特別好。

原來發燒喎…101點幾幾度，陳家耀話咁後生燒成咁都好危險喎…又話我心跳快、血壓低…唉…我呢o的一係就唔病，一病就會好嚴重o架喇…慘…

陳醫師話要戒口喎…瓜、菜、熱、冷等等o既食物都話唔食得…我即刻想問︰「醫生，咁我即係可以食乜？」

有8種葯咁多呀︰白色大餅(Panadol T)、白色中餅(Mulid)、橙色中餅(zox)、米白色中餅(Nidol)、綠色中餅(Tephine Hydrate)、黃色小餅(Coriton 4 mg)、綠白小膠囊(Erocin R)同埋可樂色葯水(ProcedylH+)…咁大個仔第一次一次過要吞咁多葯… @_@ 二百二十蚊真係乜都抵返晒！

拿了張射波紙，聽日好好休息。

>>August 13, 2004 at 8:47:47 PM GMT+8

2004 年 8 月 11 日 星期三 【雨】

第二日返A更，發覺自己真係有o的病咁喇…

返早o既生活都幾枯燥，悶死。

食完飯之後就更加唔舒服喇…頭暈暈咁…死都唔OT！

好消息！3座o既CSA辭職呀！呢o的咁刻薄o既工，搵鬼做咩！簡直係對Ivan Wong o既一種諷刺呀！

夜晚約佐您去您呀麻o既壽宴，本來想著短褲o架，但係您又唔畀喎…您o的屋企人都幾nice o丫…坐足兩圍人都幾勁喎…

食完飯就返屋企喇…真係好唔掂…就快死…

>>August 13, 2004 at 7:58:39 PM GMT+8

2004 年 8 月 10 日 星期二 【酷熱】

今日又好sad…

畀Warren照肺喎，又係話我o係briefing同Ivan Wong講o野態度差。哦。都唔知條友而家做乜，幫晒Ivan Wong講好說話咁，吹脹。我唔覺得個屎忽鬼係想幫我o地o的PA囉，佢跟本就o係度諗縮數，要我o地o的A更留堂OT，佢老鼠啦！

呢度根本就唔會接納反對o既聲音！所以抵呢個管業畀o的客罵叉o既！不過為佐出年新年o的利是，而家唯有屈就一下…火！

>>August 11, 2004 at 11:48:22 AM GMT+8

2004 年 8 月 9 日 星期一 【酷熱】

訓到點幾先起身呀，冇食o野，四圍搵「祝君早安」毛巾，因為應承佐送畀清潔工香姐同興姐。

再走佐去屈臣氏配佐o的消炎同消腫葯。條友要我配埋止痛葯添呀，不過我冇要，因為根本都唔係好痛，而且遲o的有BUPA卡睇醫生，$30一次，唔想畀o的錢佢賺。

偉邦冇乜好，係假期多同埋有得平價睇醫生，o岩晒我呢o的咁o既人。

聽講話要調人過嘉亨灣，希望唔會揀中我啦…因為我好掛住我o的客… =)

夜晚出佐去同超人食糖水，仲玩埋電話紅外線，原來都幾好玩o架！不過係咪真係要同牌子o既機先可以互相send到o既呢？

>>August 10, 2004 at 2:17:02 AM GMT+8

2004 年 8 月 8 日 星期日 【酷熱】

今日開心返，因為成功咁駛走佐個CSA，唔駛畀佢o係我身邊阻住晒！

終於都可以清佐一部分o既功課，亦都做佐十張住戶證先放假，今日收成唔錯，但係聽日放完假之後要返A喇…苦…

o的牙肉腫同發炎依然冇乜改善，真係搞到個口都臭o的，勁用李斯德林嗽口都好似唔多得…慘…

放佐工同您、Trevor去佐食壽司喎，$88任食都幾過癮…o的三文魚都唔錯喎！

>>August 9, 2004 at 9:34:42 PM GMT+8

2004 年 8 月 7 日 星期六 【酷熱】

仲係唔開心。

都係因為CSA。不過今日好好彩，3座個CSA突然入廠，條友就調佐過去，我終於都可以享受返一個人o既生活。

食飯之前已經覺得自己有o的唔妥，食完返之後個頭痛到死… @_@ 加上牙肉痛同心情差，真係冇乜心機做o野。唯一可以做o既就係幫o的客仔開門，吹水。

唔開心。

----------------------------------------------------------------------------------------------------------------------------

多謝o的客咁畀面，我會繼續努力。令我知道我o既努力係冇白廢o既！

顧客滿意o既笑容，就係做Customer Services o既終極目標！

klleung98發表於: 星期六 八月 07, 2004 8:55 pm
Yes, he is a good CS

Simon Wong發表於: 星期六 八月 07, 2004 10:21 am
yeah, he is really polite

most importantly, he seems he likes his job and enjoys serving us

I appreciate very much

Lawrence發表於: 星期五 八月 06, 2004 2:05 pm
Agree. Dominic is really a good CS. He started his work in MHV since May'04

michelle發表於: 星期五 八月 06, 2004 11:03 am
Yes,he is dominic lee

gne發表於: 星期四 八月 05, 2004 12:48 am
re. stoppage of lift services in blk.7, some GOOD CSs are really deserve commendation.

i have really good impression on one 4-eyes CS of blk.7, he's slim and very polite, always help holding the door, wear gentle smile on his face, and always say hello to you.

is he dominic lee?

apart from complaining, let's commend on those GOOD CSs.

Lawrence發表於: 星期三 八月 04, 2004 2:13 pm
Agree. Dominic Lee is ready a good CS in Block 7.

aasy發表於: 星期三 八月 04, 2004 1:01 pm
多明尼和夜間果個肥肥地嘅Jacky都係比較有禮貌、 醒目及盡責的管理員。我]已經去信向管業處表揚佢]。

經過鼓勵之後，相信佢]會繼續加油、努力。

michelle發表於: 星期三 八月 04, 2004 12:05 pm
張通告真係咁寫！我2號中午睇到，因為係4部電睇！所以企定定再睇清楚！又對清楚D電梯編號！等我拿拿聲post上綱通知七座鄰居！尋晚8點幾收工返歸！問清楚CS多明尼因乜原委！原來佢話係要拆膠板同清潔！ 之前十座咁做時、拆膠板好快！但清潔做唔切！所以七座會遲D做！我問:唔使停哂4部電梯呀！佢話:唔會啦！會留番部俾住客用！

我估係俾人話過！所以唔敢停晒電梯掛！

ps.多明尼好有禮貌覆我架！

fat_wendy發表於: 2004年7月30日星期五9:20am
我都覺得Dominic 做得好好. 又盡責細心, 親切友善, 積極主動幫人, 希望佢長駐係7座啦.

mimi發表於: 2004年7月29日星期四12:17am
會所 - Jason

四座 - Simon Ng
- Second Shift 的男仔都好好。
7座 -多文尼-都做得好好

>>November 10, 2005 at 10:44:43 PM GMT+8

2004 年 8 月 6 日 星期五 【酷熱】

我愛欣欣…

今日唔開心，因為公司似乎要企硬CSA呢個pk職位要返B更。灰。

第二樣令我唔開心o既事就係右邊o的牙肉發晒炎，腫佐…好似係出智慧牙咁喎…雖然唔係好痛，但係好唔自在。

累…唔開心。

>>August 13, 2004 at 7:39:40 PM GMT+8

2004 年 8 月 5 日 星期四 【酷熱】

今日都幾火！原因係不明不白加佐個戇xx o既CSA (Customer Service Assistant)落o黎7座！

好唔滿意條友！原因係佢同我拍拖更o個時，居然企佐一陣就話要有凳坐。哦。好一句咁企唔係辦法！做客戶服務居然要求坐o係度同客講o野…唔駛做呀！坐坐坐！坐飽去啦你！之後佢o係消房喉轆房拿張凳出o黎同我平排坐！個CRC counter已經夠窄o架啦！仲要「左輪」住晒條出路，隨時有客要幫手，要飛身出去，就係畀佢阻住晒！畀客見到你有兩個人咁多都冇一個人走去主動同佢開門，死梗啦！想當年我跟Simon學o野o個時企足成朝都未講過一句話要坐！今時今日咁o既服務態度…too bad！

第二樣o野乞我憎就係佢男人之家居然留到隻手指公指甲大大塊，長長咁…見到就想…嘔…請佢唔好拎隻手出o黎見人啦…

第三樣令我唔滿意o既，係佢話lobby o的冷氣好差。哦。我做佐三個月，開始o既時候都未講過一句，亦都冇話要求佢點樣可以加大o的個冷氣，一直都係接受現實。而家有客投訴，先叫做著緊o的叫人整。唔該唔好成日顧住自己o的利益先好唔好？CSA…果然…唉…真係連夜更BA (Building Assistant) o既鍾健民都好過佢多多聲。

第四就係收到消息，CSA只係返B更，即係要焗我返A更。如果真係咁，我一定會唔撈。

不過佢都算幾肯學o野，不過能唔能夠成功，就真係睇佢自己造化喇…

畀佢搞住晒，成晚都做唔到自己o的paper work…真係灰…

快o的唔駛拍拖更啦…唉…救命！我要返B更呀！

>>August 6, 2004 at 2:54:24 AM GMT+8

2004 年 8 月 4 日 星期三 【溫暖】

今日太得閒，成個下晝都幾悶，食完飯返到去仲悶，間唔中同o的客o既細路玩o下又或者同o的客吹o下水咁…十點半，收工。

所謂o既收工，其實只係離開座頭咁解，但係戲肉，係o係MO做。又儲埋廿張卡要做喇！鬼咩！七座得返我一個人，o的疊更時間o的所謂o既A更唔單止係三點不露，仲只係會返o黎頂我去廁所一陣咁大把！真係做春咩！所有要留o係MO做o既o野都做唔到…灰！

做證做證又做證。做完證再幫Warren搵返份佢話唔見佐要個客再填過o既文件出o黎… @_@ 都唔知o的人有冇搵o野o既，我搵佐唔駛五分鐘就搵到！仲話唔見佐要個客填多次，真係代個客火呀！好在我死都話搵o下先唔好call客住嗟…

今晚一個人飲佐支大啤，係個裝修佬畀o既…但係一個人飲，總係冇佐以前同Ken仔一齊「隊」o個種快樂…一日工作咁辛苦，都只係想有個時候，同班好朋友，relax一o下嗟…唏噓…唉…

見您又一點放工，o岩晒啦，齊齊收工去食o野！返到屋企，o岩o岩四點…

您病就訓多o的啦，仲o係度顧住搞部電腦… @_@

----------------------------------------------------------------------------------------------------------------------------

Now And Forever
By Westlife

Whenever I'm weary
From the battles that rage in my head
You make sense of madness
When my sanity hangs by a thread

I lose my way
But still you seem to understand
Now and forever
I will be your man

Sometimes I just hold you
To caught up in the inner scene
I'm holding a fortune
That heaven has given to me

I'll try to show you
Each and every way I can
Now and forever
I will be your man

Now I can rest my worries
And always be sure
That I won't be alone anymore
If I'd only known you were there all the time
All this time

Until the day the ocean doesn't touch the sand
Now and forever
I will be your man
Now and forever
I will be your man

>>November 10, 2005 at 10:43:50 PM GMT+8

2004 年 8 月 3 日 星期二 【酷熱】

女朋友用「搗亂」o黎形容o係我日記裡面言o既人，但係我並唔係覺得係咁，反而覺得幾好玩，為我o既日記增加一o的色彩。

首先好多謝呢位「好笑」仁兄冇再留粗口，不過我亦都要答返佢o的問題o既。我信有天理o架，我信有天收o架，我都遇佐會折墮。不過，我始終都係咁「自以為是」、驕傲、睇唔起人、自大。點解？因為我有能力，我「自以為是」、驕傲、睇唔起人、自大得起，你吹咩？

呢位仁兄實在太自作多情喇，自以為可以「高攀」做我o既朋友。但係我可以話您知，我界定朋友o既定義係好嚴格o既，或者，你會以為我當你係朋友，同你有講有笑又一齊玩。其實你o係我心目中，只係一位同學、同事、甚或至係閒人一名。我真正當o個個人係知己、朋友o既話，我一定會傾盡全力去保護佢，但係呢位仁兄，你認為我會咁樣對你咩？

再者，如果你真係我o既朋友，我雖然唔會要求你認同我做o既所有o野都係o岩，但係至少，o係我身邊o既朋友，會尊重由我自己所做o既決定，好言相勸，在所難免，但係咪全盤聽從，絕由我決定。我身邊o既知己、朋友，起碼會尊重同支持我，唔似得呢位仁兄所講一切都係由我引起，係我自找麻煩。仲有，我o既朋友知我唔鐘意o的人做得出唔敢認，做得出就要認、唔R底，係我一貫作風。

補充一句，呢個日記板係我o既，我鐘意幾時保留一個留言就保留到幾時，鐘意幾時刪就幾時刪，根本唔需要搵任何藉口，呢位仁兄留個咁o既言，實在唔好怪我講一句我改編自郵差o既名句︰「話你戇x就驚你嬲，唔話你戇x就對唔住自己。」

入返正題。今日做o野遇到o的唔多開心o既事，令我耿耿於懷。

事綠係咁o既。11G鄭先生係一名出名賴皮精，早o係今年三月，佢整到11H尹先生個門口、門框同地板甩晒色，一路到話幫人o地還原，但係一直都o係度拖。最後尹先生搵佐Warren幫手勸交，以為傾掂數，不過隔o黎鄭先生仲係o係度耍太極…

早兩日，鄭先生個老母返佐o黎，又冇拍卡入門又唔講自己住邊個單位，一味話自己o係度有好幾單位o係條村度，大我。我hold住道lift門，死都唔畀佢上，佢就潑婦罵街。後尾得到維修部偉哥幫手睇佢邊個單位，事情先完結。我未見過佢，佢衝閘，我唔畀佢上樓，只係做返我本份，但係佢係都要賴皮，我都冇法。

放假之前o個晚，尹先生同我講，話想鄭先生放好o的佢對鞋，唔好放正o係佢門口。我打電話畀鄭先生，點知係佢老母接電話，我就請佢收好對鞋。佢「哦」完之後就收線。

之後放假，Ivan話我知尹先生好多謝我o地o既幫手，仲話以後都唔駛我o地幫手，11樓走廊好乾淨云云…我已經覺得事有QK。

今日返工，問Warren尹先生有冇搵過佢，同埋問尹先生係咪畀鄭先生「兇」過。得到o既答案，係「係」。原來鄭先生同尹先生同lift，鄭先生同尹先生講︰「你唔好成日追我o野，我最憎人摧我，我惡起上o黎o個時可以好惡o架！」就係咁o既一句，令到尹先生兩公婆成晚訓唔著，即該變佐「鵪鶉」…

一直都好掛住尹先生。到佐九點幾十點，終於見到尹先生喇。我捉埋佢入信箱房，問佢係咪畀鄭先生「兇」過，佢直言話「係呀，你點知o架？」。雖然好唔專業，但係我都同尹先生兩公婆一齊數臭鄭先生一家o既「醜行」。唉…見尹先生一副「認命」相，就覺得佢慘。我同佢講︰「呢件事我o地幫唔到o的咩手，但係第日有需要o既，我o地一齊幫你…」

鄭某人一家，等天收啦！唔好以為恃惡行「兇」就大晒！尹先生，唔好認命呀！畀人恐嚇，記住要報警呀！唔好等o的人咁得戚！

>>August 5, 2004 at 4:11:43 AM GMT+8