2005 年 1 月 18 日 星期二 【乍雨乍晴】

有o的累，有o的頭暈…一日都係Oliver Stone！

老細射佐，上晝都幾悶…draft佐封信，以為就咁就成朝，好在Eric叫我同佢執執張通告，咁先可以捱多一陣，做完又接近食飯o既時候喇！

琴晚曬相o既時候，間曬相舖居然送佐四本Thomas 3R相簿呀！今日帶佐返公司，送佐畀個熟客，因為佢個外孫鐘意嘛。仲有一本就畀佐家灝喎，哈哈，睇佢鐘意到呢…CCC…

---------------------------------------------------------------------------------------------------------------------------

事件燥底指數︰5%【偏低】

食飯前Esther又無端端射個波上7座，話有個客就o黎畀中電cut電錶。完全唔明點解o的人可以連直接打o個幾個電話畀客o既電話都可以懶。

第一，佢係管業處同中電o既聯絡人，真實情況係點佢最清楚，打上咁多個座頭「以訛傳訛」咁通知客，訊息難免有所錯漏。第二，佢將同一個信息重覆咁講畀座頭同事聽，即使真有其事，咁樣通知客已經浪費佐一段談話時間。第三，萬一個客問起相關o既問題，而座頭又唔知頭唔知路，根本就答唔到個客，最後就要浪費更多時間去了解、溝通！真係o徙x氣！

今日第三點所講o既情況就發生o係我身上，結果要我畀個客o既電話Esther，個客已經打佐幾次畀我，話urgent，但係都要o係我一再三催四請之下，Esther再等埋其他座o既結果先再打返去中電叫中電聯絡人直接打返畀個客去搞清楚件事…唉…

不知幾想同個客講叫佢打電話畀管業處黃小姐啦，佢係聯絡人呀！不過又唔咁心要個客再做「人球」，就讓我接波罷啦…

其實呢個咁奇怪o既處理方法真係好x！嚴重浪費時間同人力物力，無情白事將個流程拖長。唔怪得之港灣o的客咁燥，港灣o的o野可以甩咁多轆…唉…唔通係人種問題？但係o係港灣，又要用咁o既方法做o野先至生存到喎，吹脹哩！

-----------------------------------------------------------------------------------------------------------------------------

食飯時間隔o黎座又無端端應承個客借木梯畀佢用，仲要指明去7座借…有乜理由唔問o下人o地有冇梯就老點人o地過o黎借o架？！心裡罵叉之餘，見佢兩公婆又好有善，就幫佢問晒咁多座座頭，睇o下邊度有梯啦…4、5座都有，不過成一層半樓咁高！ @_@ 結果都o係3座借到梯…心諗︰如果成個屋苑都搵唔到條梯，咁點同個客交代呢？！暗笑，仲要奸o個隻。

老細射佐，頓時變成孤兒仔…下晝又畀YM逼我o地落去做無聊o野，叫我o地由一疊電費單裡面分返幾張屬於已交吉單位o既單…低能！快快手做完567座即閃！閃到出MO counter，遇到頭先幫佢借梯o既8座夫婦，順手借勢上樓跟defect。

原來係租戶！水喉有問題。同佢兩夫婦吹o下水，再o係座頭頂佐陣位，準時16:30打卡收工！

>>January 19, 2005 at 11:50:25 AM GMT+8

2005 年 1 月 17 日 星期一 【乍雨乍晴】

放完假返A，特別醒神！YEAH！

朝早做埋老細病假前o既手尾，其實都比較得閒，仲有時間同咖啡仔研究o下o的電腦o野，搞o下搞o下，又一個上晝！

食完飯又巡樓，巡完樓諗住頂呀華去廁所，點知條友又試去開大，一去就去佐四個字，我都講到明我仲要落MO做o野，都仲可以去咁耐，真係唔熟性…下次都係咪搞，叫佢自己搵保安頂位啦！

放佐工，陪您，拿佐上個月去台灣o的相去曬，因為個resolution低，所以揀佐曬3R，用佐百幾蚊，都幾燥…之後想去無印買相簿，但無印已經冇再賣我想買o個種size o既3R相簿，灰晒。

台灣之旅o既網上相簿︰
http://photos.yahoo.com/dominic0413

----------------------------------------------------------------------------------------------------------------------------

事件燥底指數︰40%【中等】

去佐睇Alexander（港譯︰《亞歷山大帝》），睇佐三個鐘，真係從來未睇過咁爛o既西片，不知所謂，得個長字，o的戲係咁拖。之前睇影評都話唔好睇，但係冇諗過真係差成咁。以為佢會講多o的歷史o野（因為我最鐘意睇歷史戰爭片），點知成套戲都係講亞歷山大點搞基，同埋一日到黑o係度無無謂謂咁打仗，嘩…好爛呀…

o徙錢、o徙時間、o徙精神…

垃圾。Oliver Stone，以後唔駛旨意我再睇你o的戲。

>>January 23, 2005 at 7:00:39 PM GMT+8

2005 年 1 月 16 日 星期日 【乍雨乍晴】

今日休息日，勁訓，訓到傻…

食飽就訓，訓飽就食…

琴晚發佐您脾氣您都冇怪我，您對我真係好。

>>January 17, 2005 at 11:20:11 AM GMT+8

2005 年 1 月 15 日 星期六 【乍雨乍晴】

冒住炎寒起身返工…好很凍o丫！

打完牌o既我同咖啡仔，都冇射波，但係，返到公司，咖啡仔先同我講話，我今日原來係返B，仲要係5座！！

----------------------------------------------------------------------------------------------------------------------------

事件燥底指數︰75%【甚高】

豈有此理！原來之前同Ivan調佐更，佢話今日要放假，咪同佢調囉，我都冇乜所謂。我以為佢係同我7座調7座，點知原來係用今日個B5 o黎同我調聽日o既A7！！怪就只有怪我隨便應承人自己冇睇清楚，不過佢有乜理由唔提我係用5座o黎換o架！如果一早知係5座，我一定唔會同佢換，以後亦都唔會再同佢換，咪搞呀叔。

好在今朝A7 o既Jo Jo射波，我先至可以名正言順咁坐返落7座咋！因為今日原本係坐5座，編正要巡樓，所以下晝要巡樓。不過同保安辦事處關係良好，又調返去巡7座。今次真係要多謝晒保安辦咁照我，哈哈！

-----------------------------------------------------------------------------------------------------------------------------

放工同咖啡仔去佐黃金睇電腦，條友仔話要買眼仔同喇叭，行佐好耐o丫，結果佢都買佐呀，cheap cheap o地，三百幾o既喇叭，o的聲都唔錯，不過同Altec Lansing o個對都仲差好遠，o個對o的聲正到呢…都係賣一千一百六十九蚊之嘛，咁靚聲，乜都抵啦！

返到屋企打邊爐，食到好full…

>>January 17, 2005 at 11:21:56 AM GMT+8

2005 年 1 月 14 日 星期五 【乍雨乍晴】

返A，都幾凍，聽講話得八度喎…

今日出佐花紅，差唔多五千蚊，不過不失。

順利過度放工，去打牌。今日有我、咖啡仔、Man Lai同Man So。打完十二圈，扣埋波鐘，差唔多打個和，咖啡仔就派片呀…陰公！

打完入天水圍陪您…ccc…

>>January 15, 2005 at 2:47:13 AM GMT+8

2005 年 1 月 13 日 星期四 【乍雨乍晴】

又凍返，返A。

更表又畀人郁佐…頂！燥！

下晝巡樓，快速中度過，但係中途好多枝節，用佐個半鐘…

放佐工等埋老細，同佢吹佐兩咀。原來佢病佐，都唔可以話係唔嚴重…保重啦…唉…人到中年…

超抵死！必睇︰
http://dogbert.servehttp.com/xcantonese/ch05.html

>>January 13, 2005 at 9:07:17 PM GMT+8

2005 年 1 月 12 日 星期三 【颳風】

又放假喎，吹脹哩！

原來我已經有一段時間冇見我o的好朋友仔喇…包括中學時代、浸會大學年代同埋女青工作時o既朋友…真係好掛住佢o地呀…

今日冇睇VCDs，因為訓佐好多…除佐食，就係訓…因為對眼都係好痕，搞到唔想打開對眼望o野，咁就不如訓啦…

>>January 13, 2005 at 2:25:32 AM GMT+8

2005 年 1 月 11 日 星期二 【颳風】

嘩！老細連射！勁！聽講話佢細菌入腸！即時call佢機留言，叫佢得閒就打畀我講o下佢病成點，四點佢真係覆佐我喇，好在冇乜事，但係聽日都有好大可能射波！哈哈！老細，您都係要射o下o架喇！

工作一般忙，但係夾二月o既更表就幾唔happy o下！燥！一講到錢，就冇公平。

放工同咖啡仔一齊行出去搭車，好耐都冇試過喇…之後亦唔多咁o既機會…

返到屋企上網，睇佐兩隻教父VCDs，對眼好痕，唔知幾時盲…

Ken仔，唔好日日o係度計住過佐澳洲幾多日喇，咁樣日子仲難過，個人仲無心機呀！加油啦！

>>January 12, 2005 at 5:03:58 AM GMT+8

2005 年 1 月 10 日 星期一 【颳風】

放假一day，老細今日射佐波喎，好似話係腸胃炎，真係唔小心喇！

落佐旺角行朗豪坊，行足兩個幾鐘先行得晒，仲要係好多舖都係經過就算…大到飛起，行到腳都斷…

之後去佐間叫「寶島」o既o野食台灣o野，不知所謂，同台灣食o既牛肉麵同飲o既珍珠奶茶差九億倍，咪駛我再幫襯！

最後仲去佐買VCD睇，我就買佐一套三集o既The Godfather（《教父》），九隻碟，超過九個半鐘長，今次實行睇死罷就！

睇佐兩隻就訓喇，因為您都訓嘛！

>>January 12, 2005 at 3:34:00 PM GMT+8

2005 年 1 月 9 日 星期日 【微冷】

唔多想返工，但都要返…唔可以射波o既！

下晝有得巡樓，超趕…仲要後樓梯鬼死咁多垃圾，真係執都執死我！

無驚無險，又到十點半，收工。

之後同您去佐西灣河食宵夜，好大碗，但係食唔晒就唔好浪費嘛！好多海潚災民都冇啖好食o架！

累…zzz…

>>January 11, 2005 at 10:06:05 PM GMT+8