2004 年 2 月 16 日 星期一 【微冷】

至憎星期一：超多堂、超忙、超辛苦。又要早 D 返學校 Print Notes 呢？仲要係 Print 唔到 ><
返到 Week 5 喇！都仲係冇 Notes 上堂呀！你話係幾咁不知所謂？我都想做好學生架！
Lunch 又係同 Winny 佢地食，又好不容易咁捱過跟住個幾堂 -- 上普通話堂又唔覺意訓著左。

三件頭係「頭胸腹？」．．．「即係好似你咁？」「我呢 D 叫單吊西！」哦～ 原來係許留山。

補表弟就無謂提。我已經好俾心機去教架喇！ 但佢 D 態度真係令我冇辦法唔掉計數機 ><
本來諗住補個半鐘，結果都係補左兩個，響樓下見到岩岩放工返黎既阿姨。我就趕去地鐵站。
一如所料，實會遲架喇！唔緊要啦 ^^" 等下囉～ 響九龍塘打住機等。七點五十幾分先黎。

其實今晚去睇《幻彩耀香江》。八點開始，七點五十幾分我地仲響九龍塘，邊度趕得切嘖？
不過出得黎，冇理由唔睇就算架嘛！今個禮拜三就係最後一晚有煙火喇～ 黎緊兩晚都唔得閒。
結果趕頭趕命，八點鬆 D 先出到尖沙咀，上到地面已經見到遠處有光、有煙火（好靚呀！）
跑到乜儀態都冇晒喇（今日著青綠色新衫！）終於到間場先去到水池旁，坐定定抖番順條氣。

好開心 ^^ 因為係第一次特登去睇煙花。雖然冇左個頭頭，又雖然唔係霸到 D 咩靚位置～
不過有人「秤」起我「掉」左我上一個高 D 既位置，可以坐定定睇，已經好好架喇 "3
睇完就去麥當奴食個包。聽到隔離個哥哥仔話：其實都幾無聊，係最尾一兩分鐘先好睇。
咁我諗我地冇錯過到最精采既地方，咁已經好夠啦？！從來都冇人陪過我睇煙花架 ^^"
雖然搭火車搭到返大學，發生左 D 事．．．可能只係我多疑。算啦！我唔想再諗。

170204-0132　「你o岩o岩個msg有兩句會睇到我想流眼淚呢~」　我愛的人總比我自己重要。

>>February 19, 2004 at 1:11:44 AM GMT+8

2004 年 2 月 15 日 星期日 【微冷】

放假真好。今日兩點先起身 XD 兩點半食粥，三點食魚生，四點食「午」飯。五點出門口。
約左班男排六點食飯；食 Pizza Hut。都幾開心 ^^ 突然覺得同阿 Pak Friend 左囉！今晚 XD

七點幾食完，八點就散咯！學 Andrew 話齋，真係好少約出黎食飯係咁早食，仲咁早散既 ^^"
準時九點入到大圍，不過有人未到。明明落左車架喇！去完個洗手間，連擲毫都玩埋。
公就等，字就走。明明係公，我結果都係上返火車．．．雖然心神彷彿到差 D 出番九龍。
九點半已經返到馬鞍山。返到屋企就睇波、執時間表。黎緊兩個禮拜係多野做到喊囉！

「妳幫我睇波，打俾我丫！」「你想知賽果？想知比數？」「我想知你打俾我。」

>>February 18, 2004 at 1:52:50 AM GMT+8

2004 年 2 月 14 日 星期六 【微冷】

哎也！今日本來約左阿武同 Pat Pat 食早餐，講到興高采烈個個係我，唔知醒個個都係我。
遲晒大到。早餐冇得食不特止，搭巴士又塞左好耐，練野都遲到。今日淨係練槍囉～

為左報答佢地應承陪我食早餐（雖然最後都係食唔成）全部都有朱古力食 ^^ 情人節快樂！

練野冇咩好講啦！今日認真練習，都做得幾好，仲度左兩個成績添！19.13m 同 21.50m ^^
Lunch 同小庭、小立同一個不知名既隊友響 BU Hall Canteen 度食 ^^" 味道一般，不過唔平囉！
跟住冇野做（空虛既情人節．．．）竟然返左 Soprts Complex Hall 睇羽毛波大專賽 O_o"
感謝有人陪我坐過、傾過下偈，仲借過件衫俾我著。丫！件衫都幾靚、幾舒服。Heehee ^^"
睇左三個幾鐘，最專心睇 Girls - IVE vs Lingnan，真係睇晒咁多場架！結果都係自己走。

返到屋企先發現原來唔係好多時間 o_O' 寫張 Card 又寫左勁耐，勁寫錯野。至憎就係咁 ><
洗埋個頭，又遲到啦！又打的（我冇錢喇陰公！）不過魚魚仲遲，結果係打的黎等。
冇法啦！我要送禮物嘛～ 送左禮物先，跟住仲要等，之後就去睇波。今晚有 D 風，凍。
睇完波就直接去等車。呵呵！拆禮物既時間到，有人似乎幾鍾意 =) 梗係！都有用腦諗架 ^^"

原來有幾個波友都住響馬鞍山。嘿！有被人撞破左既感覺？！要感激（當時冇推開～）

一返黎就攤左上床，太累了。直至電話響．．．好味？咁就好勒！睇左．．．？睇左了。
嗯。好似都冇乜特別反應呀下？不過，我諗，要表達既野都表達左，你冇理由唔明既 ^^"
反而我就有好大反應囉：唔記得搣張卡個價錢呀！好醜怪 >< 好彩張 Card 都唔 Cheap 架嘖！

150204-0046　「你精神d, 對眼碌得大d, 靚得好緊要架~ 呢個係不爭o既事實~"3」

>>February 18, 2004 at 1:41:38 AM GMT+8

2004 年 2 月 13 日 星期五 【微冷】

時不與我，又做唔到 Physio．．．特登出沙田同魚魚食個 Lunch，最後揀左維園餐廳。
以為會食得好趕，原來都可以好悠閒 ^^" 好似我仲趕過佢咁。收到我第一份情人節禮物 o^^o

陪魚魚撘火車入粉嶺，跟住都諗住返屋企既，點知又撘番火車出沙田，就係為左入票。
2003 年 5 月既支票應該已經係 Stale cheque（其實我唔識 Account．．．）但竟然都入到 XD
又自己買左個士多啤梨新地上巴士食。哈！又係上次個麥當奴哥哥仔，今次斟到好滿。

返到屋企，又係整朱古力既時間喇！本來都唔駛咁早整既，咪就係因為要陪大興揀禮物囉！
趕頭趕命咁，約左六點半又六點先出得門口，七點先去到又一城 ^^" 周圍都行勻晒咁滯：
LOGON、玩具反斗城、Disney Store（Tigger Cushion ><）、Marathon、Royal Sporting House...
好野！多得我，大興就買左件佢女朋友睇中左既衫做禮物勒 ^^ 行埋 franc franc 就去食飯。
食 Super Sandwich（聽日又食．．．）有人請呀！食完就各散東西，自己再行 LOGON 搵卡。
睇唔上眼喎！自己撘火車去旺角，睇下搵唔搵到上次睇中左個張。結果要退而求其次 ^^"

返到屋企已經好夜喇！又要整朱古力．．．結果，聽日晨早要練野，我竟然係四點先訓得 ><

>>February 18, 2004 at 1:23:37 AM GMT+8

2004 年 2 月 12 日 星期四 【晴】

明明係遲左起身，死都要食早餐，結果又遲到啦！仲要係 Quiz 添．．．譯到一 Pat 野咁。
上 Duncan 又突然上身 @@" 跟住上阿 Jim，多人過乜，下次再黎上，都唔知有冇位坐。

上完堂渣渣臨去表弟度補習，仲買左個肉醬意粉上去食。阿公響度喎！不過佢唔多開心。
鬼咩！表弟仔學埋咁曳，阿公又咁上心，唉！我都唔識得安慰佢。拿拿聲食完，開工！
本來補一個鐘就走，補補下又補左個半鐘，搞到要阿 neth 等 ^^" 有朱古力收，等下都抵啦？

多謝阿 Neth 同小傑咁抵得諗，夠膽試我 D 手勢啦！好彩，係甜 D 嘖～ 其他都 OK 嘛 ^^"

跟住又去補習。原來黃昏時間響乙明都見到日落架～ 蛋黃呀！有人去左又一城買禮物喎 @@"
返屋企無所事事啦！不過．．．以為今日會好 D，原來，根本沒有停過。眼淚，沒有停過。
全因為，響電腦檯前，我覺得有人既態度好怪。可能係我敏感啦！但我真係好唔鍾意咁。

>>February 15, 2004 at 5:01:28 PM GMT+8

2004 年 2 月 11 日 星期三 【微冷】

應該係知醒架喎～ 但真係好懶。Hea 下 Hea 下，洗埋個頭又搞晒鐘，又要打的去火車站。
好彩打的咋！如果唔係實趕唔切，咁就冇麥當奴早餐食。時間岩岩好。「嘆」左個悠閒早餐 ^^
特登去數碼通探「青BB」=D 跟住睇《PAYCHECK》。套戲冇咩既，係班亞弗力唔識做戲囉！

睇戲就梗係睇得開心啦！不過睇完就要自己返屋企。打俾小傑，以為有街去啦！原來冇既 ><
等車個陣又接到電話，都冇乜野，但上車坐低左，不知不覺又胡思亂想起黎。唔開心。
竟然喊左出黎。停唔到。望住窗外，聽住歌；眼淚，不停咁流，不停咁抹，再不停咁流．．．

直到電話再響起，要扮冇事，終於都停了。巴士 vs 火車？早知揀火車。有早知，冇乞衣啦！

返到黎都係睇電視同上網，始終都係唔肯做功課架喎！不過重點係今晚要整朱古力。
本來唔駛咁趕既！不過整好左都要夾岩時間俾人，唯有整定 D 先啦！仲要搵人試味呢？

《曖昧是．．．》
－－－－－－－－－－－－－－－－－－－－－－－－－－－－－－－－－－－－－－－

　　曖昧是，比好朋友再親一點，但比情人遠一點。

　　曖昧是，有一點兒兄妹的情誼，但卻不敢以兄妹相稱。大家都暗暗的明白，這段關
係不可能簡單如兩兄妹。

　　曖昧是，你會常常在 ICQ 等她在線。你會設定她一在線時，系統會有 Online Alert，
你也會把她的名字 Floating On。每當見他幾天沒有在線，你就會有些擔心。

　　曖昧是，你會不時去她的 Info日記看看有沒有更新，而且你會留意字裡行間，她對
你有沒有甚麼暗示？

　　曖昧是有感覺，然而，這種感覺不足以叫你們切切實實的發展一段正式的關係。

　　曖昧是明白人生有太多的無奈，現實有太多的限制。你知道沒有可能，但又捨不
得放手。

　　曖昧是有進一步的衝動，卻沒有進一步的勇氣。更怕一旦進一步的話，便會失去。
　　曖昧是，她不是你的情人，但她似乎比你的情人更關心你和了解你。
　　曖昧是，她會送一份心思細密的禮物給你，但大家從沒有開始過。
　　曖昧是，雖然她不是你的情人，但她卻會對你說︰「你對我是十分重要的。」

　　曖昧是，你有事時有一個會在晚上打電話來，向你噓寒問暖，關心你，叫你蓋好
被早點睡的普通朋友。

　　曖昧是，當你遇到問題解決不了的時候，你找不到你的女朋友，你第一個便會想
起她。

　　曖昧是，每當她提及她的另一半時，你會萬箭穿心，卻又默默忍受。
　　曖昧是為了逃避背叛的罪惡感。
　　曖昧是甜津津又同時酸溜溜的。往往從未開始，已叫人不安，患得患失。
　　曖昧是，別人以為你們在發展地下情時，你會沾沾自喜。
　　曖昧是，別人問你們是否在戀愛中，你張口結舌。

　　曖昧是，常常掙扎表不表白。你怕表白之後，你既得不到一個情人，卻又失去了
一個知心好友。

　　曖昧是，見到她時，你會心跳。見不到她時，你會掛念她。
　　曖昧是，兩個人都會互相猜度。她是不是已經暗示了甚麼？我是不是自作多情。
　　曖昧是，每天大家都會聊 ICQ，間中會互傳手機短訊，無規律地偶然約會。

　　曖昧是，除了情人節外，在大時大節和生日，大家都會交換禮物。在外地的時候，
你總會記得帶手信給她。

　　曖昧是，你會留意她喜歡的歌星，她也會留意你喜歡的偶爾，儘管大家本來並不
太喜歡對方的偶像。

　　曖昧是，在唱 K 時，你仍會忍不住去點楊千嬅的《有發生過》。陳奕訊的《兄妹》
亦曾在你心中繞樑三日，久久不能釋懷。

　　曖昧是，你很想多走一步，但又怕會嚇怕了她。你會很小心流露自己的感情，你
忍不住不去著緊她，但又怕她會知道你著緊。

　　曖昧是，兩個人沒有承諾過甚麼。但雖然如此，你願意付出的，比有承諾的情侶
更多。沒有責任，但你卻很渴望去承擔，不問回報。

　　曖昧是一扇門，你可以留在門外，也可以踏進房子裡面。然而，你不可以停留在
門下面。門﹗永遠不是終點站。

　　曖昧是一瞬間的 Disequilibrium。當供求曲線還在心猿意馬地上下移動時，我們趁
機享受如夢初醒之前錯配的歡愉。

　　有天，市場的力量會叫雲消煙散。或退或進，在無形之手掌管下，曖昧最後只會
日暮途窮。

>>February 15, 2004 at 4:38:05 PM GMT+8

2004 年 2 月 10 日 星期二 【颳風】

今朝其實知醒架！都係懶，賴床，又走堂 O_o" 返去上 Interp，死晒，下次要認真 D 呀 ><
不過 Mock Meeting 又幾好玩喎！最緊要係有得渣機，仲要係大機，正呀 ^^ 我真係好鍾意影野。
晏晝又買飯上爺爺度食，今日食魚香茄子，仲買左個士多啤梨新地（竟然．．．）好味。

要去 Locker，有 D 趕。Missed Call。唉！今日一係 Missed Calls，一係就打去冇人聽 ><

上完 Duncan 就去 JSC 練野。好悠閒咁 Jog 左三個圈，拉左好耐筋 ^^" 拉好 D，廢事再傷。
同 Christopher 傾偈，有人唔抵得？哈哈．．．今日雞雞都有黎，不過我同佢冇以前咁好傾 lu...
嘿！餅，我只係掟左三擲，有兩擲仲要係 Foul 架！其中一擲 Curve 到去龍門口，離晒譜 XD

「妳掟餅個動作好靚！就係爭 D 力。」我開心都未黎得切．．．「不枉我當初係咁幫妳執。」

槍哩～ 除左 D 步有 D 怪之外，整體都好順。遠左？好似係，不過 Foul 呢！仲差 D 跣低。
之後就怯喇！冇釘鞋嘛～ 後尾有 Gloria 借俾我，條件係唔准贏 Janice XD 總之我要加油啦！
跟住同阿曉同阿 Jack 去食飯。呢間野真係唔抵食，下次唔再去了。阿 Jack 呢，傻既～

點解唔可以等埋我？「做乜一齊講？」不過．．．要知，根本唔駛自己開口問。「唔係。」

竟然，又一次響小巴上面喊；雖然只係兩滴眼淚。睇黎，我既情緒又開始失控．．．
個鼻又唔舒服呢！好辛苦。入到屋就係攤響張床度，打俾 Bernard，一路講，一路流眼淚。
個一刻，我真係好想佢響我身邊，耳邊都好。電話費好貴，但我就係好想佢響我身邊。

似係病啦！成個人落晒形，冇晒心機。心神彷彿，煲落湯都唔記得，嘿！真係差 D 火燭。
飲埋湯就訓了，真係好辛苦，咩都唔想再諗。訓得太好，半夜責醒左，竟然係好口渴。

>>February 12, 2004 at 11:38:44 PM GMT+8

2004 年 2 月 9 日 星期一 【乍雨乍晴】

嘿！又回復番我舊有既生活：做功課做到天光。不過而家冬天，六點，個天都未光。
其實四五點已經中下中下架喇～ 不過總算做得晒份野。最慘係要早起身返學校 Print 野囉！
七點半．．．黐線 >< 仲要 Print 唔到喎～ 好彩隔離位個哥仔俾我響佢部機 Print 咋 O_o"

星期一既生活，係返七個鐘學（上六個鐘堂），跟住仲要補兩個習，其中一個係惡頂表弟。
好彩，佢今日都唔算好惡頂，我亦都冇咩心機同佢對恃。響阿姨度食晚飯，搞到遲左 ^^"
補左一個鐘咋！費事咁夜，而且超累。打俾魚魚，佢好似唔係好得閒咁，原來係掛住睇電視。
係《百份百感覺》。又播《迷你》。唉！難免又亂諗野。呢排都覺得好煩，好唔開心 =(

>>February 12, 2004 at 1:48:12 AM GMT+8

2004 年 2 月 8 日 星期日 【乍雨乍晴】

一早起身就去同阿姐姐仔補習。已經飲左杯熱朱古力，又飲左兩杯熱手，都係越坐越凍。
補完離開就開始打冷震，睇黎係發冷 @@" 禁電話都震到乜咁，講野就更加係震啦！
出到黃大仙等阿 Neth，幾乎要哩響汽水機同道牆之間條 "喇" 度囉！係焗完程地鐵先好番 D。

出到尖沙咀，首先去食 D 野暖下個人。最後揀左阿活。兩個飯都幾好味 ^^ 傾左 D 正經野。
落漆咸道 STUSSY，都係冇；跟住響 2% 見到條裙，好鍾意 >< 不過我都係著唔起架喇！
雖！我竟然買左件綠綠地色既衫（唔識形容！）不過真係好靚囉～ 哼！我一定著得靚架 .\_/.
響新港隔離食左件鮮油奶多．非常正 ^^ 等埋女朋友，無啦啦又去左排羽絨城，零收獲。

勁驚喎！出到黎唔見左女朋友，以為佢等到太悶，發脾氣走左呀 一.一 原來有人訓著左囉！

又行 Agnes b.（瘀皮左囉．．．不過唔關我事架喎！）上次仲有個綠色，今次冇埋喇 ><
行完就去左星巴克學人飲咖啡 ^^" 杯 Latte 真係沖得苦咯！下次都係飲 Mocha 或者朱古力好。
跟住又響 City Super 破費。我為左「呢壇野」，至今花左兩舊水有多，其實都唔知為乜。

響 PAGE ONE 搵左好耐，都搵唔到個本「1001 個乜乜物物」。行海港城又乜都收晒～
最後去左食雞記 ^^ 都食得幾開心。一齊撘地鐵走，我就巴士返去 -- 見到樓下既文傑喎 ^^"

《愛情已死》　張智霖

能抱下去　還有沒有餘力　辨認誰
能吻下去　還有沒有好心情　能沉睡

＊就當做個紀念　曾漂亮過的謊言　我就座　你表演

　不必告訴我愛情已死　知已當然知彼　無能為力冷戰　可以嬉戲
　人在機場　早晚亦要飛　來為你離別致哀下半旗
　即使你對我愛情已死　表演一場歡喜　為何情願報憂　不報喜
　臨別痴呆　可以扮逃避　再一起來較量誰入戲

難愛下去　仍要盡你綿力　玩心碎
難笑下去　仍借用你的真情　流流淚

向上吻向下吻也沒有激情　向後看有沒有悲壯佈景
無論多麼高興　沉睡到清早總要清醒　別太早清醒

落左幾日雨，終於捨得停。

>>February 12, 2004 at 2:09:45 AM GMT+8

2004 年 2 月 7 日 星期六 【乍雨乍晴】

今日約左食早餐。一如所料，又係得我同阿武，仲要有人遲到！冇辦法啦～ 我冇號召力。
響 Food Court 食大家樂，嗌左個粥 + 糯米雞，唔係十分好食。食飽行到出天橋，仲係好大雨。
見到 Yetta 佢地返黎，做占喎！花左半個鐘安置阿武，我就同 PatPat 跟大隊一齊做占。

嘿～ 實在係太耐冇做過占，更加冇舉過野喇！都唔知點練至岩，生疏晒，俾 Vincent 話添！
好彩今日成個練習過程都有 PatPat 陪。練完響 Canteen 食飯。原本過唱 K 字！不過．．．
唔，呃左阿武過黎，真係有 D 唔好意思。結果我恰左成個鐘眼訓，都係死死地氣一個人走。
睇波喎！唔睇啦～ 自己去左 PAGE ONE 睇書，見到《1001 個乜乜乜乜》（哈哈哈哈！）
六十八蚊咋！好想買，不過呢排真係冇乜多餘錢。夠鐘就去補習啦！今日的起心肝認真教架！
不過原來我解錯左《Praises At School/ Home》呢條題目，有 D 唔開心添！以後都記住 ><

16:52:47　約會你六點九至七點葵芳晚飯好嗎？

返左屋企先，有少少趕頭趕命。俾我岩岩好上到架 40X，好似好威咁啦！點知取消左 O_o"
咁就改去沙田食飯啦！個頭上左架 299，個頭又接到電話。大圍？哎也．．．早知我話好啦！
結果搞到魚魚好似唔多高興咁 >< 好彩我都醒目，去到都識得等定位，佢黎到就岩岩好 ^^"
食 Pizza Hut ^^ 由魚魚親自介紹菜譜！希望我記得晒啦～ 揀左個二人餐。今晚都食得幾開心。
仲叫左件 Cheese Cake ^^ 不過唔係特別好食，仲好細件添！「等我地食得核突 D 啦！」

魚魚突然又問．．．開頭我唔答，跟住又講左少少，不過我諗佢都係唔明架喇！亦唔會深究。

跟住落 UA 睇下有咩戲好睇，再去埋個 Washroom 就去巴士站。特登俾架車走，傾多一陣。
等車又有得暖下。大髀最暖 XD 因為袋左個暖包。今晚等左好耐，等到訓左先有電話響．．．

>>February 12, 2004 at 11:31:28 PM GMT+8