2004 年 3 月 7 日 星期日 【寒冷】

原來今朝要補習，不過個人仲係病病地，而且根本係唔夠訓，結果就恃住病推左個補習。
訓夠就起身做野啦！因為今日要去慈雲山．．．探表姐？唔係啦 XD 去睇魚魚踢波喎！
之前響樂富食左個包，跟住先一齊去黃大仙。響樂富站企左一陣。「哎也妳睇下個邊？"3」

今日睇得幾開心，可能係因為好番好多又訓得夠啦！期間阿武打黎喎～ 阿武，你衰喇！
跟住發生左爆樽事件 @@" 唉！點解我硬係到時到候就會撞下板架？Bonaqua 你好可惡呀！
黐線架！人地 Watson's 邊有你咁易～ 直頭係邊會好似你咁爆架？跌下都唔得既，咁惡架咩？

響阿活食左個飯（本來話去老麥，被我極力阻止 ^^" ）跟住就搭小巴返落鑽石山。去打機？
好彩唔係嘖！（唔好掛～ 我仲有大把野做。）魚魚趕住走，本來唔送我既，結果變左我送佢。
由鑽石山站行番上地面個陣，我又靜雞雞揖低頭響度笑～ 傻左。不過真係好開心呀！拖～

>>March 17, 2004 at 9:59:56 AM GMT+8

2004 年 3 月 6 日 星期六 【微冷】

今日可以好簡潔：約左阿武同 PatPat 食早餐，結果又係得番我同阿武囉！響 City 食。
食完落左樓下睇醫生。嘿～ 阿武都話我面青口唇白，一副病完。練習個陣個個都係咁講。
練完同 Yetta 佢地返左去食飯。唔知呢！都就快冇得練，冇乜幾多機會同佢地一齊嘛！

食完飯就去畢架山補習，補完就返屋企喇！病拐咁，邊度都唔駛去，冇咩好講喎～

>>March 17, 2004 at 9:50:33 AM GMT+8

2004 年 3 月 5 日 星期五 【颳風】

今日一起身就狂打乞嚏，一打就打足成日，完全冇停過。唉～ 肯定係病啦又．．．
好懶呀個人 >< 爸爸起左身，搭晒膊頭話我知佢同媽咪收到份禮物同張卡都好感動喎！
最精警一句都係：「爸爸媽咪冇生錯妳～」梗係冇生錯啦好！呢樣野仲駛講既？！

超懶．．．打乞嚏打到口腫面腫，啪左兩粒藥丸，不過都係冇用。冇晒鼻敏感藥 =(
咁唔舒服又咁趕，都唔想去補習架喇！不過個學生又話聽日要 In DBS，要加堂，冇計。
不過容乜易又碌左個半鐘，係個學生同我一齊 "Filifealea" 恐怖 D 嘖～ 冇事既冇事既。

丫！今日係 爹爹媽媽結婚 25 周年紀念，所以我尋日咪要買禮物俾佢地囉 =)

補完習等爹爹呠我返馬鞍山，成家人去海港打邊爐 ^^ 原來隔離巷個 MK Man 響度做架！
結果多得佢幫我搵檯，我地先唔駛等咁耐。個花膠湯底超正 @@" 加上我好耐冇打過邊爐。
更威既係今晚我請。Waiter 拎張單埋黎，我話「呢邊啦～」哈哈哈！好似好威咁 ^^"

廿五年。係啦！人生都唔知有幾多個 25 年，可以同一個人一齊廿五年，已經係一份福氣。
希望爹爹媽媽會白頭到老啦！我？都唔知嫁唔嫁得出。廿五年竟然係咁遙不可及．．．

>>March 17, 2004 at 9:48:06 AM GMT+8

2004 年 3 月 4 日 星期四 【颳風】

YO！又係星期四食津津既日子 ^^ 食飽飽返去上堂，今日抽籤，我 Week 11 Present。都好。
跟住上 Duncan，開頭又係一舊雲咁，結果發現原來我上佢堂要 Warm-up，唔會即刻聽得明 ^^"
上阿占堂同 Jessie、Benny 坐，結果又係傾足成堂偈 O_o" 渾渾噩噩咁又返完一日學喇～

呵！響 PK 買左個三文魚壽司飯 ^^ 勁多三文魚，仲有一 Pat 海膽，不過飯就好似少左 D。
補習都無謂提，講黎講去都係兩個字：勞氣。跟住返乙明繼續努力，補完出左沙田。
自己一個咋！去買 Con 水，又心大心細，最後買左四支 Complete，就係為左佢送眼藥水 ^^"
跟住花左個幾兩個鐘，行勻成個沙田，諗極都諗唔到買咩禮物送俾爹爹媽媽添．．．

好彩，最後都俾我揀到個 OSIM 既按摩器。呢 D 野嘛！佢地唔用時，我都可以用嘛 XD 呵呵！
返到屋企接到阿姨電話，話原來今日我同好表弟溫錯左書。唔關我事，係好表弟玩野嘖～
事但！朕都不知幾唔得閒，功課都唔做住，就係花左兩個幾鐘，親手整左張 Card 呀！

Duncan: "Shit, damn, fuck? Fuck"

我唔係特登響度講粗口，只不過聽完小濤講呢個「故事」，我覺得一定要同大家分享。
話說有一日，Duncan 同小濤同時間響影印房，Duncan 就影緊野，突然間部機就唔郁喎～
跟住佢就發晒爛渣，係咁講粗口。小濤望住佢啦！咁佢又望番小濤，問：「Shit, damn, fuck?」
小濤隨口答：「Fuck 啦！」Duncan 笑一笑：「Fuck？OK！」跟手大大力拍落部機度．．．

「DAMN！！！」

>>March 17, 2004 at 9:35:57 AM GMT+8

2004 年 3 月 3 日 星期三 【暴雨】

Well，今日大家都晏起身（當係大家啦！）結果冇得睇戲。有 D 唔開心。算啦～
逼自己做野做野做野，唔准唔開心 >< 但個心都係唔定，幾個鐘都做唔到 D 乜野出黎。
夠鐘就去畢架山，不過又遲。都唔知幾時學埋成日預到 D 時間咁憫，做乜野都遲！

冇得睇場戲嘖！成個人落晒形，乜都唔上心，冇晒記性，就黎自己姓咩都唔記得架啦？

嘿！補完夠膽死諗住去街，點知突然醒起原來仲要補習！今晚要補番二月中停左個個。
不過個人都仲係戇下戇下咁，明明去補習要搭 287K，咁都可以搭錯 87K。行多幾步路嘖！
見有 D 餓，買左個 $2 菠蘿麥包，都幾好味 ^^" 補完習走啦！比之前凍左好多咁．．．

返屋企開電腦，睇左個網頁，加左幾分想像力，我知道，我係時候做一個決絕 D 既決定。

Contact，刪除；日記連結，刪除；電話號碼，刪除。從頭抹掉你，從頭刪掉你．．．
五年前可以，今日一樣可以。就當我冇響 ICQ add 番你，冇聽過你既電話，冇收過你既信。
個首歌，個首詞，係美麗的謊言，唔會再睇。正如個件青色 Adidas Tee，我唔會再著。
唔可以好似以前咁，算了；我好介意你硬係要呃我。我寧願自己沉，都唔要做你既水泡。

想清洗所有紀錄　試過結識你
就當相戀這幾年　我斷了戲記不起
我共你縱是有開心過　更多不快回憶　要清理．．．

杜絕前事再回魂　杜絕懷念你
莫非分到一吻後　就終生都要記得你

>>March 13, 2004 at 1:41:33 AM GMT+8

2004 年 3 月 2 日 星期二 【暴雨】

唉～ 都係尋晚夜訓惹既禍啦！又唔知醒。星期二呀！走第一堂都夠衰，走埋 Interp...
我真係唔開心架！好嬲自己咁冇用。應承左上爺爺度食飯，要特登出去添！不過冇法子。
我又慢吞吞，食飯都遲到，要阿爺等 >< 今日係麻麻既生忌，超好送，不過好肥 ^^"

返去上 Duncan，都唔係好專心，好彩條片都幾好睇、幾得意嘖！跟住去火車站俾野 Ken 哥。
約埋 PatPat 就游過 JSC 練習。雖然大專賽已經唔係我既範疇，不過我都會俾心機練習既～
至於對個 Team 既歸屬感．．．冇架！淨係對 Throwing Area 同 Equipment Room 有架咋！
散 Band 俾阿唔知邊個（我都唔知佢叫咩名！）扯我去食飯，但怕唧既就唔好撩我嘛 XDDD

接到魚魚電話，響又一城見下我喎 ^^ 呵～ 見凍，上 Food Court 買左杯青蘋果綠茶．大熱！
Heehee ^^ 飲完先上車。雖然前前後後不過十零二十分鐘，都為今日增添左幾分快樂～

>>March 13, 2004 at 1:30:47 AM GMT+8

2004 年 3 月 1 日 星期一 【暴雨】

我真係唔想走咁多堂囉！但又真係做唔晒 D 野 一.一 唉！又犧牲左 Duncan 喇 ><
多得 Benny 幫我 Print 功課。返去上小濤但又未見到 Benny，嚇得我丫 ^^" 原來佢遲到。
跟住同佢地去左食 KFC，我同 Winny 一齊超大食 @@" 再係咁落去，暴肥都似～

又走堂阿 Paul．．．去左溫書咋！自己一個響 Library 溫，係十分之乖咁樣囉！
因為今日普通話測驗。又一次考到掟筆掟 Headphone！黐線架～ 快到完全聽唔到 ><
頭兩 Part D 詞語係諗得黎未寫得切就下一個，跟住又聽唔到，如此類推，全部死晒囉！
後面個段野更加係不知所謂！又朦又快，點頂呀？！我寫落去 D 野串埋都唔成文既～

唉．．．灰晒。玩埋堂阿占就去幫表弟補習，又係勞氣到阿媽都唔認得，真係好想星巴佢。
跟住返一返又一城豐澤，搵埋寶肥陪我再去深水步買 Printer。終於買左部 HP 自己用喇 ^^
意圖買個手機殼，不過試唔岩。算罷啦～ 睇黎都係要買原裝殼。食左個叉燒米線做晚餐。
丫！撇除佢間野寒酸 D 0講，佢 D 叉燒真係幾好食。送左寶肥去搭小巴，就追 86C 返屋企 lu...

返到屋企就梗係裝 Printer 啦～ YEAH！我終於都有自己既 Printer 喇！好開心呀 ^^ 呵呵～

>>March 7, 2004 at 12:08:04 PM GMT+8

2004 年 2 月 29 日 星期日 【微冷】

話早起身做野，始終都係早唔到。似乎係捱得太多，個人開始唔捱得。起身就做功課。
食左幾條蛋卷同麵，睇左一陣電視又繼續做功課。搞掂一份又搞 non-JU D 野，真係好煩。
爹娘出左去同阿姨食飯。落樓下影印個陣買左兩盒雪米茲 ^^ 跟住返黎煮飯仔同睇電視。

都有做功課既．．．做得好慢囉！今晚唔訓都唔掂喇 >< 丫！我幾喜歡而家咁既天氣 ^^

雷頌德被陳慧琳蹂躝完之後．．．（定係陳慧琳被雷頌德蹂躝呢？哈哈！我相信係前者～）
繼好心好報之後又一傑作：古巨基既《愛神》。當然，都要多謝林夕先生既深厚功力！

神　請你動凡心　請給我回音　你可不可轉身
知你愛世人　才膽敢　誠邀你讓我等
人類太不合襯　妄想合襯　才因此傷得更深

神你可否戀上我　神聖不可侵我麼
情關得不到你相助　誰又肯被我觸摸
僧人都不喜愛我　神你不歡喜我　逼我入了魔
愛侶幾百萬　誰料我蠢得竟可　重覆去犯錯
愛侶幾百萬　誰料我永遠只可　回憶我上個

人　戀愛極殘忍　分手更難堪　連傢私都要分
等我那女神來親吻　神蹟哪日發生
無論有多合襯　縱不合襯　人只想追超快感

纏繞到下個　重覆惡夢　毫無力氣伸手去拖
怎麼可幫我戰勝心魔　難道你看不清楚

>>March 7, 2004 at 3:38:49 AM GMT+8

2004 年 2 月 28 日 星期六 【微冷】

尋晚返到黎就攤響張床度，訓一陣又出廳搞一搞個 ICQ，坐一坐又返入房再訓過～
如是者重複左呢個 Process 幾次，到阿哥都訓，我就行番出廳諗住做野啦！丫點知 ^^"
我早有預謀地拎埋張被出廳，結果縮埋隻蝦咁響梳化訓，到三點幾醒左先返入房。

叫左爹爹叫醒我啦～ 但佢都係成五點先叫。不過早叫遲叫都一樣：我都係唔肯起身。
諗住四點半起身，結果係六點 ^^" 成晚走黎走去，邊係訓架？！好彩都唔係話覺得好累。

今朝又約左阿武同 PatPat 食早餐，可能係遲到得多，終於都有報應喇！我準時，佢地遲到。
結果企左幾個字。打俾魚煮，魚魚叫我食蘋果做早餐喎～ 嘩 O_o" 好難架喎！對我黎講。
今日響 City Canteen 食 ^^ 跟住慢慢行過 JSC 練習。又同 Connie 響度發癲，好開心呀！哈 =D
不過癲完一輪就開始頹廢，大家都懶下懶下唔係好想練咁，好早就收檔去沖番個靚涼 ^^

本來諗住食飯架！點知同 Connie 等左成個鐘，佢夠鐘走，我又夠鐘補習，完全係白等。
練習完真係會累架！補習難免會恰眼訓 ^^" 補完．．．唔記得左做過 D 乜喎 O_o"
總之成晚響屋企填 Poly 份 non-JUPAS。網上個 System 又死，份野又煩，不知所謂呀！

早有預謀　容祖兒
－－－－－－－－－－－－－－－－－－－－－－－－－－－－－

在那出事現場　場面溫馨得不自然似圈套　但我竟看不到
待我這樣熱情　原本應該比不在乎更恐怖　但你的戲很好

讓我其時完全入信　事情是遇上轉機
這夜迷人情調　其實是你　臨告別上演的好戲

原來回光反照以後　纏綿遊戲到達盡頭
你對我就算甜蜜過　亦都早有預謀
難離難捨的吻背後　原來嫌我痛得不夠
你故意讓我懷念你　做完戲就要走
可惜我不會是好的演出對手　一整晚都似在夢遊
也許一切美得不似世上有

你說你對我到底不放心　但願在日後亦飾演好友
留下我　無須給我　壞理由

爲我加演一晚　無非安心想好聚時也好散　罪惡感會消減

但我其時完全入信　事情是遇上轉機
這夜重重疑陣其實是你　臨告別上演的好戲

原來回光反照以後　纏綿遊戲到達盡頭
你對我就算甜蜜過　亦都早有預謀
難離難捨的吻背後　原來嫌我痛得不夠
你故意讓我懷念你　做完戲就要走
可惜我不會是好的演出對手　怎麼吻都似是木偶
你聲聲抱歉都不似有內疚

>>March 7, 2004 at 3:17:34 AM GMT+8

2004 年 2 月 27 日 星期五 【微冷】

今日本來約左 Mr.P 黎幫我拆骨，不過三番四次都有 D 小意外出現 @@" 差 D 黎唔到。
結果都 OK，不過我冇飯食，要 Mr.P 陪我食野。以為去麥記啦～ 結果去左大家樂。#11
本來我都要出去，Mr.P 諗住等埋我，但佢又趕時間，我又手腳慢，結果都係佢行先。

但又係因為有 D 意外，佢結果都響火車站等埋我，仲同我一齊搭火車喎 ^^ 呵！真開心。
不過．．．我發現左 D 野～ 弊喇弊喇！俾人見到點算呢？哎也！真係唔知佢會點處理喇～

去表弟度補習，一貫咁勞氣，都唔想講了。約左阿武去深水步練習，結果都係遲少少。
不過我成晚都冇乜點練，餅都擲左幾個，反而槍就冇掟過。太多人喇！又太勁，又少槍。
結果坐左好耐，睇下人地點掟，又偷聽下 D 教練點教。都學到 D 野架喎：隻腳伸遠 D！

跟住自己走去換衫，坐埋一二邊睇雜誌，等阿武搞掂就去食飯。去番上次個間，又食小菜。
都幾好味，又係邊食邊講笑 ^^" 跟住就搭 86C 返屋企。嗯嗯～ 同 Vincent 傾左一陣電話。
分手？離婚？！如果成日都可以咁開心就好了。夜晚返去再打俾佢．．．「佢唔響度喎！」

>>March 3, 2004 at 12:30:54 PM GMT+8