2004 年 8 月 6 日 星期五 【晴】

「有水果！」#22．．．哈 o^^o

>>August 12, 2004 at 11:20:17 PM GMT+8

2004 年 8 月 5 日 星期四 【暴雨】

看了某某的一個 Reply，有點不悅，只感覺到他不太看得起我的工作。請別天真。
一個會所康樂助理要兼顧的有很多，並不是你們想的「賣飛收錢」那麼簡單。
主要是客戶服務，但也會牽涉到 Management，Filing，Book Keeping，Stat. 等等。

昨晚很累很累很累，回來上了一陣子網，洗個澡，喝包奶便去睡。那時才一時許。
半夜醒來，發現自己竟然接了魚魚的電話。當然又是朦朦朧朧的不知自己答了些甚麼。
八時廿五分醒來，還有時間吧！一睡就是九點四十五分。晚了，趕不及，索性不去。
撥了個電話便繼續睡，十一時許才睡夠。喝口湯，看看電視上上網。（忘了再約時間 ><）
上班去。在家注了一小瓶橙汁，買了個孖芝，乘巴士往火車站途中把它們都消化了。

今天伙拍 Ame，一如以往的融洽，事事有商有量，合作無間的，感覺十分十分好。
最厲害的是，人家這邊廂來遞表格，那邊廂已可以取證。原來我已發過百多張短期証！
很叻叻 ^^ 總算在綠悠軒留下了數條腳毛。雖然我不喜歡茂李，但 BME 也有值得我留戀的：
給弄得整整齊齊的會所、Ame、Kyle、影印機，過膠機，還有我常用的界板，等等等等。

這夜，和 Ame 一起給雜誌櫃「通櫃」XD 留至十二時，結果給鎖了在 L3 平台！哈哈 ^^"
晚上，跟 Jay 傾了近一小時電話，就是不停的笑笑笑笑笑，很快樂。真的很快樂。

>>January 23, 2005 at 2:18:21 AM GMT+8

2004 年 8 月 3 日 星期二 【晴】

重拾補習既生活。朝朝早起身去補習，然後一個人響街食飯，再熱辣辣趕返工。
開始頂唔順了．．．晚晚都咁夜返又咁夜訓，第二朝又咁早起身，返工又做到冇手停 ><
但我要搵錢！為左屋企，為左自己，為左住宿，為左下年可以去旅行！我要努力／

可能係唔夠訓又補完習，個人好吽，冇乜表情，搞到 Ame 問我做乜野黑面 @@"
梗係黑面啦！又係我去銀行。最衰都係 K.M.，放乜鬼野假丫？聽日怕且仲係我去。
去銀行唔緊要，行下行下條路都慣，唔覺得遠，但真係好鬼死熱呀！兩點幾 ><
去到又排餐懵喎！好彩有部 PDA 篤下，唔係我企響度訓著都似。一來一回成個鐘。

中興又換左人，黎左個阿叔級既，仲有個個樣懵下懵下成日慢眼訓咁款既，好驚嚇。
Kim Kim 仲問我有冇衝擊 一-一 我衝佢個頭呀！又響度扮晒野話「知你同阿邊個 D 野啦！」
話我清楚人地既去向？多鬼餘既，人地同我講架嘛！係真係同阿邊個有野都唔錯呀～
佢又係麻鬼煩既，收盒朱古力都婆婆媽媽，搞到 Sweetie 埋唔到數發脾氣鬧 @@
個傻豬可能眼訓啦！做野亂晒龍，4x 張飛就寫 7x，以為 Short 左三百幾蚊，喊勒！
好彩我睇到，幫佢改番，唔係個傻婆有排唔開心都似。而家冇事就好。「傻豬～～～」XD

夜晚都係咁啦！放工就返黎架喇～ 雖然都係遲左半個鐘走。好累呀真係．．．
返黎又要洗衫喎，今晚仲要 Apply Hall 添，激唔得閒，但係又激眼訓。
今日都同 Kyle 透露左我會辭職，爭在未決定日子都冇咩大反應，可能預左啦！

>>August 6, 2004 at 1:48:40 AM GMT+8

2004 年 7 月 29 日 星期四 【溫暖】

我覺得．．．已經冇人黎睇我日記了。

>>July 30, 2004 at 12:37:57 AM GMT+8

2004 年 7 月 28 日 星期三 【溫暖】

雷。

>>July 30, 2004 at 12:38:33 AM GMT+8

2004 年 7 月 23 日 星期五 【炎熱】

　１
　２
　３

　　　　　＊　　　　　＊　　　　　＊　　　　　＊　　　　　＊

這夜的 Funeral，我沒有哭，卻有同學哭得兩眼通紅，哭個不停。
我嘛，也有兩三次突然感動，眼框出現過一點淚，最後也把眼淚收回去。

這個朋友，應該是中一就認識，只是到中四五同班，才有機會相處。
她給我的感覺，就如昨晚幾位致悼詞的朋友所說：認真，熱心，愛笑。
猶記得跟她坐附近的時候，我們總會笑個不停。她看著我，三秒內必笑。
也許我的樣子滑稽吧 一-一" 她會笑不攏咀。最記得她那會笑到震的鼻！

沒有跟她一起去過 AYP Camp，卻是她為我們找來李立人當 AYP 的評核員。
昨晚聽李 Sir 和 Miss Wong 致詞，別有一番感受；他們說出了我的心聲。
遺憾．近來事忙，弄不明白「Fax 俾牧師」的意思，錯失了撰文和致詞的機會。
只有透過禱告，我跟 Gillian 說了我心裡的幾句話，相信在天國的她必會聽到。

「或許祂實在太喜歡妳那天真瀾漫的笑容，不想你受到污染，
　故挑選妳在天堂做一個天真無邪的小天使吧！」很喜歡 Miss Wong 的詞。

其實我很羨慕 Gillian 的聰敏和傻氣，有一對開通的父母親，有兩個疼她的哥哥。
羨慕她有坐滿，甚至站滿一個靈堂的朋友，在這夜默默為她禱告，讓她安息。
羨慕她能夠抱著愉快的心情離開。至少，她完成了生命裡其中一個夢想。

Dear Gillian,

　　　　　You will always be remembered;
　　　　　Your smile, your face, your laughter.
　　　　　Remember the chalky-candies we made?
　　　　　May you rest in peace, my dear friend.

不哭，不等如我不愛妳，只是要自己堅強一點；就像當年舅父和姑婆離去時一樣。

>>July 24, 2004 at 11:18:08 AM GMT+8

2004 年 7 月 21 日 星期三 【乍寒還暖】

前日打電話約個朋友今晚食飯，但佢話未 Firm 到，放工覆我喎。結果？又冇晒聲氣囉！
又話好耐冇見我，叫我得閒就約佢，約佢呢，又要做大忙人，咁又唔好，咁又唔得。
得唔得閒都唔緊要，點都應該講聲丫！又唔覆，呢下先乞人憎。我唔會問架喇！唔出算。

由大雨等到細雨等到停雨，而家又落過．．．八點幾九點叫人起身，十點十都仲響張床度。
唉！早知訓晏 D 啦 >< 放閒日就係唔好在：你緊時人地唔緊，Hea 下 Hea 下就冇左日假。
晏晝出左沙田，陪魚魚去中央搵 D 講踢波既書。哈！好彩我話去搵下英文架嘖～ 原來咁多。
都一口氣倡左五本，唔駛出香港中央喇～ 去 KFC 坐低睇下書，吽到夠鐘就送佢去搭火車。

俾臭哥哥見到我同魚魚一齊添 一-一 仲笑我！不過連哥哥都話魚魚瘦，佢真係要食多 D 野了。

同臭哥哥去左食飯。即其實係佢食飯囉 一-一 嘿！有人被我搣到隻手瘀左。串丫拿？！哼！
仲俾我挾左去許留山，食埋個糖水先准走。邊有人出黎甩見人，自己食飽飯就嗌話走架？
不過算啦！拜拜左，我自己去左睇電話，點知沙田冇貨，想掂下真機都唔得。騰左去新港城。
都好，掂過下部真野，應該都掂，返屋企就打俾爹爹，請佢聽日幫我去買。Yeah！N6230。

當我幫部 6610 叉電的時候，我拎住佢，摸左好耐．．．其實，我都有點唔捨得。有感情的。
不過佢開始壞了，而且，真係應該趁佢仲 Trade 到錢時就賣左佢。雖然我真係唔多捨得。

尋日發現 D 豆豆樂俾人食晒，今日又走去買左一盒六支。哎！但原來盒裝 D 雪條棍冇獎架 ><

>>August 17, 2004 at 12:29:31 PM GMT+8

2004 年 7 月 20 日 星期二 【晴】

尋日雷醒，今日凍醒，名乎其實係冇覺好訓。
頭痛住咁出去補習，然後返工．．．

今日救生員又落水救人，好多客讚佢好「敏捷」呀！哈哈～
雖然救人係佢既職責，但救左人俾人讚下都好應該既 ^^
最搞笑係佢行出黎同我講：「哎也．．．乜都濕晒．．．」XD

聽日終於有假放了。原來書展聽日開始。

「哦~~~~但係如果係你自己, 你會唔會諗住去呢~?」
「.............................................................即係唔係?我去的話呀~」
「.......................唉..........................你明唔明呢~?」
「唉...」

我諗，今年都係唔會去書展的了。唉。

>>August 17, 2004 at 12:02:14 PM GMT+8

2004 年 7 月 19 日 星期一 【晴】

尋晚搞下搞下又四點先訓，但雷醒左 一-一 想訓晏 D 都唔得。
食左 D 野就返工，準時收工，十二點未夠就返到喇 ^^"

>>August 17, 2004 at 11:57:19 AM GMT+8

2004 年 7 月 18 日 星期日 【乍寒還暖】

「你真係想知?」
「都想架~」
「um.. 我發夢.. 你結婚喇..」
「但又唔係同你結~?」
「咁梗係唔係啦..」
「邊有咁快結婚.. 傻豬..」

但我聽完係唔舒服的..
好似話「邊有咁快結? 都未同你玩夠..」..

>>July 19, 2004 at 12:13:10 PM GMT+8