2004 年 9 月 8 日 星期三 【乍寒還暖】

半夜傾電話．．．唔係阿科講，我都唔知，原來係我主動，原來係我失敗，原來咩都係我。
嘿！無奈。眼光光，坐天光？結果，五點幾先訓。真係發夢都估唔到，原來「真相」係咁。

>>October 24, 2004 at 2:22:26 AM GMT+8

2004 年 9 月 7 日 星期二 【乍寒還暖】

今朝 Jessie 好似有叫醒我，但我遁例都係訓番。阿峰都有打黎叫我，不過個陣我已經醒左。
結果都係遲到少少，次次都係咁，真係有 D 唔好意思。響 Super Sandwich 食到飽飽 ^^
陪埋 Jessie 去買紙就上 Interp。好彩唔駛跟 Grace，不過 SKK 都唔好得去邊 -- 好煩氣囉～

介紹自己？我呢頭話自己「一眼睇晒」，轉頭就話自己「唔係你地睇到咁簡單」。
呢 D 野係我先做得出。冇計啦！我話自己雙子座有多重性格，真係唔係呃你。
但落堂前填個份野，好ｘ多生字，真係唔識囉！做完之後備後打擊，非常沮喪 一-一

跟住上 Journal，仲死．．．即係呢，我都真係唔想訓架！但呢種教學方式真係好悶。
放左學就一個人上老麥食 D 野，然後去補習。竟然仲有個大水壺！幫阿 Jay 換左個青色。
點知又係咁：我去到車站佢就開車，烈日當空下等左四五分鐘我已經想發神經喇！
補習都幾乎恰眼訓，好彩尋日岩岩先補完，又教左野，可以叫佢讀下書、做下練習。

放學去練野，係新學年第一次練習。四個字：人面全非。連戴太都放假未返，得番葉 Sir。
難得一見既係超多新人，Cross Country 既尤其恐怖，不過淨係田徑隊既都唔少，掟野都好多。
嘿～ 仲有個勁人添！連余成同阿武都成日叫佢「勁人」。勁係勁，不過個人衰個下衰呢！
點衰呢，我就唔想再講喇～ 總之我覺得咩人都好，幾叻都好，都唔應該指住人地黎講野囉！

之後大隊去樂富食飯，好彩有 Patpat 陪。而家好似乜人都唔識，冇乜歸屬感，有 D 想 Quit...
散 Band 叫左爹爹黎接我，因為佢要拎返個湯壺，順便載埋都係返宿既丹麥鬼仔 Anders。
成程車都撩佢傾偈，費事咁 Odd。覺得自己 D 英文 OK 流利喎！點解上堂又唔係咁既？
不過好難想像佢乜都冇：Email 都冇，更莫講話 ICQ 之類啦！淨係俾個電話我。唉！會打咩？

返到去都係 Hea 架喇．．．同魚魚傾左好耐電話，竟然係我累到訓著左，搞到佢有 D 唔高興添 /-\

>>September 26, 2004 at 1:33:06 AM GMT+8

2004 年 9 月 6 日 星期一 【晴】

約左 Jessie 食早餐，食完拿拿聲落去睇黃綠醫生。今日塊面好天 D，醫生就好似唔妥我咁。
多餘既～ 貪你 D 藥好味咩？！D 姑娘大嬸手腳又慢，表現上扮晒爭住黎做，實際上冇人做野。
搞到我等到差唔多上堂先有醫生睇，D 藥仲要上上下堂返黎拎，拎藥又要等。不知所謂！

今日就真係唔係幾好意思啦！唔夠精神，上六個鐘都係半恰狀態，真係自己都睇唔過眼。
好彩唔駛上 CCIV ^^" 先去旺角搵 Jay 拎番個湯壺，再去吉之島。深灰？白？結果買左件橙色衫。
買左就搭免費村既返九龍塘，早左，陳家仲未食完飯，結果我仲有兩滿碗雞湯飲添！正 =D
補習就．．．都係咁啦！好彩補個半鐘嘖～ 咁我都覺得冇咁蝕。嘩！陳太渣 Benz 兜我返宿舍。

返到黎先食飯，係 D Floormates 煮既；好多送，都幾好味架 ^^ 飯後仲有西瓜汁（冰）飲添！
跟住無啦啦又話有人生日，竟然有蛋糕食，拱我又分左一小件勒。跟住我返入房搞掂埋個壺。
一開，OH！竟然係 Jay 婆婆既愛心菜乾湯啊～～～～～～～～ 飲落暖笠笠的．十個正 o^^o

>>September 26, 2004 at 1:25:46 AM GMT+8

2004 年 9 月 5 日 星期日 【酷熱】

尋晚同娘親講話我想煮蕃茄牛肉飯，佢一早買齊送俾我，但竟然話：你煮俾自己食啦！
原來佢地要出去．．．結果，我就無無聊聊咁，自己特登煮餐飯俾自己食。Well...

魚魚上左黎，仲突然有「禮物」送俾我 @@ 真係好 Surprised！好靚～ 多謝呀 ^^ #24 + #25。
夜晚返 Hall 冇野食，買定個揚州炒飯返去食自己。睇住電視食囉！食左個橙就入房講電話。
都係成晚對住部電腦啦！最激動係沖完涼突然發現自己樣衰左好多 >< 因為塊面敏感！
唔知做咩囉．．．浮起晒一撻撻，好核突呀！叫 Peggy 佢地睇，都話好嚴重。好驚架嘛 ><
結果，對面房既晞晴俾左幾粒藥我，我食左一粒，拿拿聲 Print 埋 Notes 就去訓覺補救。

無啦啦點解會咁架呢？我又冇食 D 咩刺激野丫．．．唯一係摵橙個陣俾 D 橙汁彈到塊面囉 @@"

>>September 26, 2004 at 12:20:10 AM GMT+8

2004 年 9 月 4 日 星期六 【酷熱】

部份資料片段遺失。（弊！完全失憶．．．）
晏晝好似唔記得因咩事返左 Hall，跟住約左魚魚響九龍塘。呀！魚魚仲響地鐵站撞到女同學。
阿 Dom 同女女黎到見到我，又見到魚魚響隔離興高采烈咁同女同學傾緊偈．．．咁囉！

今日去荔枝角睇波。荔咩鬼枝角丫！分明就係美孚。仲要一 D 都唔近地鐵站，真係行餐懵。
本來行都唔緊要，但我明明睇左地圖，認左路，魚魚竟然唔信，要我落地鐵站去睇多次。
睇多次都唔算緊要，但最慘係佢行左兩步又有懷疑，咁我又同佢兩個一齊落去睇多次。
之但係佢都仲係唔信我兼唔信地鐵站個地圖，周圍問人。去到大公園就輪到我周圍問人。
結果，就係我一早話「橋後面」個度。雖然我唔敢講一開始我就識路，但，點解唔信我呢？

終於都搵到呢個新球場。擺低晒 D 野我就去買野食，基本上係行番出地鐵站，好遠。
行經 Roller/ Skating 場個陣有人吹口哨撩我 @@" 咁我當然冇理啦～ 行到身水身汗。
不過自己肚空空，又唔想魚魚肚餓，行下都冇計啦！返到黎有個水箱坐下，算係咁喇！
其實係我自己著左裙，個度又冇凳坐，咁我冇理由坐地下嘖？！好彩個彩冇笠嘖 XD

最搞笑係半場阿邦個女朋友仔走埋黎問我「呢塊咩黎架？」然後問我「佢地用咩戰術呀？」
不過魚魚一早同我講話踢完波會去朋友屋企玩兼過夜，咁我即係要自己走啦？唔．．．
本來諗住約阿 Jay 拎番個壺，順便呻下，不過佢最後都係冇出黎；我就孤伶伶一個人返屋企。

Daphne 成點鐘先打俾我，話聽朝未必起到身，唔補習．．．都好，等我可以訓耐 D 丫嘛 ^^"

>>September 17, 2004 at 2:15:22 AM GMT+8

2004 年 9 月 3 日 星期五 【晴】

大部份資料片段遺失。
夜晚返左屋企，係住宿以黎既第一次。不過好晏先返到去，食左 D 野，夠鐘又出門口。
去牛皮沙睇魚魚比賽。最驚險係跌左粒攝石落．．．囉！好彩有四民幫手，執得番。

我很饞嘴像金魚，
食物倒到肚子去。
只知餓而不知飽，
多吃了就說"大鑊了"。
剛剛找回小蠻腰，
看見腳趾很攪笑。
個tray細左就心照，
好返去田中最緊要。
~完~　　　　　　　　傻 Jay。

>>September 17, 2004 at 1:51:14 AM GMT+8

2004 年 9 月 2 日 星期四 【晴】

今日 Day-off；一早約左 Ame 佢地今日去玩。本來打算十點幾起身，去醫院陪爺爺食晏。
電話響。「露比牙，妳今日唔駛返學？爺爺佢唔得喇，我而家趕緊去醫院，妳都快 D 黎啦！」
鬧鐘顯示時間不過係八點幾。本來我諗住十點起身，十二點幾出去，點解而家．．．

坐計程車到醫院。「爺爺佢走左喇．．．妳入去見一見佢啦！」那時，爸爸輕按著我的肩膊。
看見爺爺，我完全說不出話來，心情複雜得很。爺爺當時的樣子，也許，算是安詳吧？！
就像睡覺一樣。離開病房，站在門外，我腦裡一片空白，眼裡沒有淚。一切都是一片空白。
看見姑丈、兩位姑姐和媽媽，還有姑母，甚至爸爸、表姐相繼哭了，心裡很不是味兒；很酸。
Send 了短訊給幾位朋友，告訴他們「爺爺走了」，是想在這個無助的時候，找一點安慰。

直至 Jay 來電，「喂？」聽筒的另一邊：「妳點呀？」眼淚，再也藏不了。淚如雨下。

當大隊決定先到竹園再決定一切，我則決定先到廣華探望阿 Jay -- 吃了不潔食物入院的笨蛋。
去到醫院，沒多久就找到觀察病房，裡邊坐著一個，床上攤著一個拿口拿面的笨蛋 Jay。

「當你完全無法感受對方所承受的痛苦時，你說的每一句安慰的說話，都是廢話。」
這是我當時的感覺。對爺爺的離開，我絕對有一點自責。怎麼老早不多去探他？為時已晚。
即使笨 Jay 沒有大礙，我也想第一時間探她。「但這些說話，都能帶來心靈上的安慰。」
這是雙子座的另一個我給自己的解釋。我要珍惜身邊每一個人。有些錯，犯一次已經很夠。

打的到竹園，吃了一些麥當奴食品，看著他們打點一切，聽著阿菲和姑姐講述各樣異事．．．
事情大致上處理好，大家都各散東西。經過一輪內心爭扎，我最後決定照計劃到元朗應約。
生活，理應如常地過。我不求大吃大喝，只求有朋友陪伴自己，不想獨個兒在宿舍胡思亂想。

「玩樂」期間收到傻 Jay 的 SMS，忍不住即場流下眼淚來。原來，我的心情還未平伏。
也許並沒有人看見我哭。也好，我從來不希望要別人擔心自己。我是堅強的！很堅強的 .\/.
不過，心情不好的我卻因「玩唔起」而發爛，擲筷子擲傷了瘋的額頭。對不起．．．
晚上到田中吃日本菜，很滿足。雖然面上表情不多，甚至有點鬱鬱寡歡，但我是感謝大家的。
雖然「海膽事件」令我更為不快，但瘋的說話也不無道理。改改吧！再一次，說句對不起。

我們一班「大細路」竟然還到玩具店「夾公仔」！瘋給我夾了一隻很可愛的虎虎公仔 ^^
在遊戲機中心裡給碰到，明明是他先撞過來，我也已經道歉了，仍然給他狠狠的兇了三眼！
期後心裡一直感到不舒服。那人一定是黐線的．．．太過份！我決定以後也不到元朗去 ><

爺爺．．．我會好好照顧自己，更會聽你的，不會跟哥哥吵咀。你不用擔心了。請安息。

>>September 16, 2004 at 11:59:30 AM GMT+8

2004 年 9 月 1 日 星期三 【酷熱】

今朝晏左起身，但又要洗頭喎！出門口已經係趕落地鐵站，因為約左 Jessie。
電話響！哎．．．原來我唔記得左自己尋晚約左今朝響沙田補習！被人鬧到七彩。
過去幾年來幫人補習，最樣衰都可以謂今次。仲要係失憶咁，完全冇印象架喎！

去到葵涌，第一樣做既就係拎眼鏡，然後仲好得閒咁行左陣街，然後去維園食 Lunch。
坐著一對好煩既中年男女隔離，真係好想開口叫佢地收聲。邊有講野咁廢又咁大聲架嘖 ><
更驚既係五米範圍外有一檯全女班好似係見到老鼠，幾個突然彈晒起身尖叫。驚呀哩？
再行左陣街，買左兩對襪仔就搭地鐵返去上堂。雖然只係上一個鐘，不過我都悶到畫公仔。

放學說左謝西入沙田 XD 我自己就去火炭補習。Yeah！今晚出糧。補完出返沙田搵謝西。
響滿滿屋食左個菜飯再行街，仲去埋 IKEA。不過行行下接到姑姐電話．．．壞消息。
原來爺爺呢兩日都昏睡，情況唔係太好，隨時．．．姑姐打黎叫我得閒就去探下爺爺。
聽完個電話，成個心沉左。已經唔多想行，就搭火車返宿。今晚開樓會，有腐竹糖水食。

開完會就掃地、拖地。突然間要自己做咁多野，係想自己暫時將 D 唔開心既野撇開 =(

>>September 16, 2004 at 2:07:04 AM GMT+8

2004 年 8 月 31 日 星期二 【晴】

今日帶魚魚上表弟屋企，介紹佢幫我表弟補習。沿路經過房屋署辦事處個陣．．．
「我地抽居屋咯？．．．丫我地未結婚架喎！」「輪公屋都得既！輪定先。」「都好喎！」

表弟見到魚魚，竟然有 D 怕醜 @@" 希望魚魚頂得佢順啦～ 我都希望有人幫到表弟既。
等佢地傾好晒先走，陪魚魚去左實惠睇儲物箱，結果，魚魚聽我講就買錯左個貴野．．．
真係唔好意思 >< 魚魚個樣話嬲，但個口又話唔嬲，咁就算啦 ^^" 唔好嬲啦～～～～～

響麥當奴出面打的上畢架山。第一次補咁夜，仲要上左幾個鐘堂 -- 原來真係幾辛苦架！

>>September 16, 2004 at 1:56:17 AM GMT+8

2004 年 8 月 30 日 星期一 【乍寒還暖】

終於都開學喇！第一日上堂，頭三個鐘都 OK 正架！因為個講師係 Maria Cheng。
咩料？其實我之前都冇聽過佢個名架 XD 但佢係大出版社既編輯，同埋講野都幾生鬼。
最緊要係佢提到佢試過幫學生出書！我好似都有個夢想係做作家架．．．靠佢喇 ><

不過跟住個三個鐘 Core 就勁慘，超唔人道，條友講英文又快又難聽之餘，把聲仲要悶！
都唔緊要，又唔老早通知我地 Download Notes，靠佢咁樣 Project 咁大段野出黎，點睇呀？
我仲要冇戴眼鏡，乜都睇唔到囉．．．又悶又急，幾經辛苦先捱到佢落堂，終於有得去所所。
同謝西去左影 Notes，然後食 Tea -- Yeah！最後三個炸曼頭被我消滅左 ^^ 跟住再去釘裝。

今晚聯同 Sandy join 埋同層既 Hallmates 去南山村食飯，氣氛還可以啦！跟住去百佳入貨。
返到宿就同 Sandy 互 Show 電腦入面 D 得意野，然後狂傾電話 XD 今晚仲有生果食添！

>>September 16, 2004 at 1:51:06 AM GMT+8