2004 年 1 月 7 日 星期三 【寒冷】

嘩！今日好似好熱咁，我著冇袖加件「薄切切」咋！點知落樓大風到死，有 D 後悔添 ^^"
返恆商搵媽媽食飯，罰左一陣企；個甚麼味菜雞柳炆米（係咁上下啦！）都幾好味。
跟住做野，又係七個黎得三個，三個裡面仲要有兩個唔讀：一個唔舒服，一個齋講廢話。

都唔知話佢地袋錢落我袋定徙我時間好。做完野上 Staff room 睇成績，不過仲係未出。
去 Muji 買番 D 文具～ 唔見晒嘛！下星期又返學了。買完企左一陣（唔知為乜）就去撘火車。
同魚魚「道不同不相為謀」起黎喎～ 嘿！出到九龍塘，自己去又一城麥麥食左個麥樂魚柳餐。
唔係想像中咁好味囉！主因係個醬唔係好得，又唔係好夠。用之前魚手指隻蛋白醬咪好囉！
食完就去補習，補左兩個鐘有多。小朋友聽日開始就考英文喇．．．生生性性呀唔該 ><"

補完再 Check 成績，都仲係冇野睇，咁就返屋企先啦！坐左一陣，拎番本書又出去補習喇～
補左幾乎兩個鐘。返屋企途中接到新接個份補習既家長電話，問我 Agent 係咪抽佣喎！
佢主動開到聲，我冇理由推嘖？！雖然好似對個 Agent 唔住咁，佢介紹左咁多補習俾我 @@"
點知夜 D 個學生打黎話已經同 Agent 講左咯 O_o" 哦～ 好丫！一了百了。慳番 $180 囉～

等左成日都未有 Grades 睇，有少少憫，不過我又唔係話十分緊張～ 早出遲出都係咁架啦！
不過響 CityU 谷度睇到 D 人講野，真係好乞人憎。GPA 保唔住 3.7 呻慘喎！不知所謂～
真係 咁 慘都唔好講出黎丫！大把人慘過你。呢 D 人真係唔會理人地既感受架囉！討厭。

>>January 9, 2004 at 1:22:43 PM GMT+8

2004 年 1 月 6 日 星期二 【微冷】

突然間有以下既見解：～～～～～　沒有 ２００３ 的頹勢，哪來 ２００４ 的順勢？
向前看吧！明天一定會更好 ^-^

今朝起身就換衫過新港城買兩件餅。買完就返黎沖涼、執屋、上網。想做 FYP 架！想囉～
魚魚黎左，呵呵！岩晒～ 請佢食西餅 ^^ 希望佢會珍惜我份心意啦！俾埋對襪同條褲佢。#7
拎晒 D 相俾佢睇 ^^" 有 D 佢都話靚既。最衰冇乜人黎我屋企啦～ 我想有多 D 人睇 D 相架！

噢！原來細細個拎住支真槍黎玩都唔叫大膽．．．大個左拎住舊便便黎玩就叫大膽喇～

魚魚走左，我又繼續我頹廢既生活，開住電視電腦但就毫無建樹。蒸番熱 D 冷飯菜汁食。
開過份 FYP 但過冇做過 D 乜。都係上下網、睇下野，又整下下個月既 PDA 日程表咁。
唔覺唔覺就五點半，我衫又未換、袋又未執 @@ 點知執到銀包就醒起要計番尋日 D 錢。
計完又要扎頭髮，扎完又要戴 Con.，唔遲就假咯！仲話早 D 去 Warm up，六點十都黎喇！

好懶丫！跑左五個 30m 咋 ^^" 不過 Jog 圈都 jog 左三個，筋就冇乜拉。好彩冇拉傷 ^^"""
今晚練餅冇乜成績，加埋都唔知有冇掟左十下，不過以咁耐冇掟黎講，表現都唔算十分差。
或者真係要舉下重啦！如果唔係，個位真係係咁先。戴太冇提過有 Trial 呀～ 盡力係啦！
聽到佢同小庭講，男仔槍下個禮拜 Trial 囉～ 唔。我諗首先要 Build up 番既係 信心 。

練槍就有 D 野睇呀～ 都係咁耐冇練，但掟得唔差喎，未插牌前全部都響中間，插左牌就．．．
哈哈！可能係受個牌影響，又全部飛晒去右邊，不過 Foul 既次數就唔多，都好過冇 ^^"
但距離黎講幾好，有幾下過 18m =) 唔，呢個目標係咪訂得低左 D 呢？下次 Set 番遠 D 先。
最靚個下擲得好順架～ 感覺好唔同。不過仲係有排學，而家助跑都係隨意，即係亂黎。

要洗番住草（頭髮）呀！全村人走晒我先搞掂 ^^" 自己一個撇，響門口見到 Yetta 同 Vincent。
唔．．．Vincent 唔認得我喎！我好不自覺地黎左一記「暮然回首」@@" 嚇親街坊喇唉也！
跟住就俾人嗌停左～ 唔准行得快丫 O_o" 記住「個一下眼神」？「暮然回首」喎！梗係記啦 XD
好輕挑咩？！其實我唔係架，係呆滯左 D 之嘛～ 都好既，咁就換黎三分鐘一齊行既時間。
原來阿曉同撐杆人仲未等到車。啊！我只係 輕撫 左人家塊面一下，就俾人捉住唔俾上車喇～

有人俾我睇佢隻 agnes b. 囉．．．$1700-$1900？可惡丫。我睇中個隻 $8xx 咋！都冇人送 ><
唔。唔可以再俾自己崇尚名牌喇！不過我咁大個女都冇隻斯文既錶，想要隻都唔過份嘛？

啊～ 今朝同森美 swap 埋堂 Workshop，個 TimeTable 幾乎都塵埃落定架喇！唔該森美 ^^

　　　　　＊　　　　　＊　　　　　＊　　　　　＊　　　　　＊　　　　　＊

嘿～ 好多人成日都話「我控制唔到自己．．．」我自己有時都會咁講啦！咪又係藉口？
冇話控制唔到格！爭在我肯定唔肯嘖～ 我話唔睇唔理，我肯控制自己，而家咪冇睇冇理囉！
尋晚沖完涼又諗到 D 野～ 成日話自己精神分裂，有好多個 Ruby，不如簡單 D 咁分析丫！

一般人認為雙子座既人有多重性格，但只要遁番「雙子」既方向去諗，雙子星只有兩面：

外：感情 > 理智．行動派。熱情、敢作敢為、敢愛敢恨；任性、不顧後果，甚至明知故犯。
內：理智 > 感情．思想派。冷靜、思前想後、左顧右盼；成熟、尋根究底，甚少輕舉莽動。
（註：係咪覺得有 D 好似夾硬左少少呢？哈！之唔係為左對番字數，懶型之嘛～ 呵呵 XD）

上述為常見既分裂狀態。多重性格都不過係響內同外以下再細分，因人而異，唔多講喇～
再諗番，其實咪好似上面所指既「肯定唔肯」囉！我成日都話：我要絕情，可以好絕。
咁咪就係話，我要俾 感情 > 理智 定係 理智 > 感情 囉～ 係咪「講黎講去三幅被」呢？^^"

>>January 8, 2004 at 8:35:37 AM GMT+8

2004 年 1 月 5 日 星期一 【微冷】

懶到死，十點幾先起身。第一時間開電腦繼續搞隻歌，丫又俾我過到骨，Post 到喇 ^^
終於擺到隻 mp3 做 Background Music，不過鑑於而家既 Cooledit 係 Trial 版，得 60 秒咋！
不過都好開心，因為好好 Feel 呀 ^^" 完全切合到篇日記同埋段歌詞，Yeah yeah yeah...

屋企乜都冇，唯有煮麵食啦！食完又不停 Click 自己個日記，陶醉響自己既「成就」當中 XD
差唔多係時換衫出去我先至心血來潮要做 D 練習俾學生，結果又遲左出門口。真係～
都醒唔起今日補兩個，變左唔遲得，要打的去大學。冇錢喇．．．結果只係遲五分鐘囉！
補完行去撘巴士啦！可能行落映月台個時行得輕快得滯，再搖埋巴士，落車有 D 想嘔 @@"
補乙明呢個又要勞氣，乜野都話唔識，今次教完下次又唔識，都唔知點先教得好佢。

補完就一個人出左沙田搵波襪，不過都係搵唔到。跟住撘火車出旺角再搵啦～
響路口個間允記見到藍色喎！打俾魚魚問，佢話 OK 喎，咁梗係即買啦！ 點知．．．
哎也！原來前日行左黐埋個兩間允記既其中一間見冇，就冇行到隔離個間（原來有）呀！
仲要係藍色黑色都有囉 >< Send 左個 SMS 俾魚魚問佢駛唔駛換，好彩佢話唔駛嘖 @@"

跟住同阿 Neth 行街，去 Trendy 買禮物俾佢 D Friends 喎～ 我就煩緊買咩俾阿曉。
又行過 D 錶舖，真係好鍾意 Anges b 隻錶喎～ 雖然 DKNY 成隻銀色，但價錢貴舊半 O_o"
都唔知我幾時先儲到錢買。自從隻 Nike 錶條錶帶斷左之後，我起碼一年冇戴錶喇！
廿歲女，其實都好應該有番隻斯文 D 既鋼錶丫？唔．．．我要儲錢。我要買錶～

上左 352，不過完全睇唔岩；落左麥記去 Washroom、玩藍芽，順便等埋小傑同 Alva。
跟住要佢地咁多個陪我行波鞋街搵野，最後決定上番新世紀個間廢野度，順便接埋小樂。
最後買左條褲就走。本來約左九點，我地去到東大門已經九點九咯 ^^" 今晚男排聚會。
嘿～ 梗係唔少得我同 Alva 兩個助理啦！主要係因為阿威就黎去 Exchange，要 Farewell ^^"
破戒都要架喇！已經盡量唔食肥野，不過韓燒少不免淋油，避都冇得避，真係冇計。

大家都冇乜點變。不過小樂一句飛埋黎：「Ruby 你肥左。」都係個頭啦 >< 好大個頭呀～

係咁以傾過下偈啦！主要都係以「食」為大前題。全晚最好食係咩呢？一定係炸饅頭！
十一點半就嗌走，費事夜返又俾人鬧啦！同 Alva 一齊走，佢撘火車，我就撘亡命。
打俾魚魚，不過佢似乎唔係好得閒喎，講左幾句就收線。算啦！講左最緊要個句就得。

返到黎就開機寫日記，等落左格先沖涼。係咁不停 Reload 個日記囉 ^^" 真係好好 Feel...

>>January 6, 2004 at 2:38:46 AM GMT+8

2004 年 1 月 4 日 星期日 【微冷】

開始慢慢重拾我補習既生活。起身就過頌安補左兩個鐘習，弊啦！個衰妹考試得 80 分。
佢錯埋晒 D 唔小心野，我救佢唔到架喎 O_o" 另：高竇細妹竟然聽我講，唔錯唔錯 XD

補完習就返屋企啦！除左食飯，其餘時間都係對住部電腦。拎 BU Non-ju 份野睇過下囉！
唔．．．真係唔知報乜好。報番 Translation 好唔好呢？雖然我真係唔係咁喜 BU...

好開心呀！「學識」左（其實有乜理由唔識？有幾難嘖～）擺相響日記度呀！YEAH =D

Hea 到夠鐘又過隔離村補習。嘩！呢兩個鐘就真係難過咯～ 不停講野，口水都乾。
不過補中五，唔同佢操卷解卷又真係冇咩好做；要同佢一齊做囉～ 好彩我冇乜錯嘖 ^^"
仲有冇耐落堂，魚魚打俾我喎～ 我喂左一聲之嘛！就俾個衰妹寸我即刻溫柔晒．．．
咩喎！哼～ 可惡丫死靚妹 >< 落堂打番俾魚魚，佢又唔得閒啦～ 不過轉頭都有打番俾我。
原來唔覺唔覺就同佢講左成十分鐘 ^^" 返到屋企先知原來霞姨黎食飯喎～ 熱鬧 D 好丫！

搞左一輪部 PDA，準備好黎緊個 Sem 既時間表，方便自己約補習。慘啦～ 密麻麻 ><
跟住搞日記，搵 midi 同 mp3 搵餐死，結果 midi 唔好聽，mp3 又整唔到，燥狂呀！

>>January 5, 2004 at 12:10:44 PM GMT+8

2004 年 1 月 3 日 星期六 【微冷】

尋晚同師傅同蟲蟲討論同一個問題。師傅話要耍手段．．．我真係唔識，亦都唔想。
蟲蟲呢～ 好激動。基本上係不停咁鬧（唔係鬧我），搞到我既心情更加矛盾。
我成日都話：好多野自己知，自己都識講，但真係做唔到。It's always easier said than done.

買左個麥記早餐上小巴食。補完廣源就出 BU 拎 Non-jupas 既 Form，跟住撘小巴上畢架山。
錄左細佬仔音，好搞笑。同佢玩 Scrabble，我諗我開始「回復狀態」喇，大炒呀 XD 哈～
玩完就撘地鐵去鑽石山擺低 D 相補晒，跟住出旺角搵波襪．．．竟然賣晒囉 >< 前日仲有架！
本來以為間大野會有，點知要我等完一輪都係冇。可惡！跟住買左杯珍珠奶茶飲 *放肆*

等埋阿 Neth 同 Toby 就上左新世紀美心皇宮訂檯食團年飯。終於搞掂左喇 *鬆一口氣*
跟住去百老匯混左一陣吉，阿 Neth 買左部 MP3，再陪 Toby 落番旺角買菲林，跟住就散勒！
得番我同阿 Neth 去葵芳拎眼鏡。落地鐵站之前又食旺中地下個間雪糕～ 乜都試下嘛 ^^"
小傑又話過黎，拎完眼鏡就一齊食飯啦 ^^ 又洗錢，買左個月曆俾學生同 Mon. Cover 俾自己。
又見到個摩天輪．．．好靚呀 >< 遊左一段時間，最後決定食吉野家。肥牛．．．哎也！

傾左陣偈，又斟下年 D 星期五有咩好做 ^^" 本來諗住過 Starbucks，點知去左 Mrs Field's XD
原來夜晚有「曲奇買三送三．鬆餅買二送二」喎！買完過到星巴克，都差唔多打烊 lu...
坐左一陣，消滅晒 D 曲奇，去個 Washroom 就一齊撘地鐵走喇！阿 Neth 送到我上巴士。

響車度吽下吽下，想訓又唔敢訓（好快落車嘛！）聽歌又驚部機冇電啦 ^^" 真老土。
返到屋企又寫日記喇！好想搵以下既呢隻歌；搵極都搵唔到，直到我記得其中一句歌詞：

《三分鐘》　梁漢文

撥弄亂髮是你　我看過不知幾次　但仍然令我痴
默默望你是我　你永美得不經意　怎捨得結束這次

留多三分鐘好麼　和從前　乾一杯哼闕歌
和讓我的心抄起每一款小動作
留待我　孤單中翻看過

曰後若你那伴侶　對你欠真心真意　別無言讓我知
那次今次下次　我對你一心一意　不必不好意思

留多三分鐘好麼　凝望你　捨不得的更多
期望你的她懂得去珍惜呵護你
如像我　即使不選中我

知道牽強不能幸福　令願你自由　活出真我　無需錯過



留多三分鐘好麼　凝望你　捨不得的更多
期望你的她懂得去珍惜呵護你
如像我　即使不選中我

>>January 5, 2004 at 11:38:08 AM GMT+8

2004 年 1 月 2 日 星期五 【微冷】

今朝好早就有波睇，不過要洗頭沖涼，又搞晏左。遲左半個鐘先爬到上九龍仔。
仲要罰企喎！因為觀眾席好遠，而且太陽曬住；又唔識場邊 D 人喎！有 D 戇居咁。
幾經辛苦先等到魚魚同 Jason 先後休息，咁有人陪我講下野就先冇咁悶嘛～

全場最爆笑莫過於巴治奧追波跣腳 XDDD 球波 咁快 ，我覺得俾我都跣啦．．．一定！

等魚魚沖埋涼就行落九龍城廣場搵 Jason 佢地。又有舊地重遊既感覺；以前日日都黎～
Lunchtime 得一個鐘都堅持日日落黎，就算一點鐘要開會都要落，都係為左及下六呎既 GC。
仲記得個陣真係可以因為見到佢而開心成日。試過同佢迎面相撞，仲試過同佢講野添！

最後揀左食源記碟頭飯，等我仲記錯左 D 飯好大碟添！原來係 D 炒粉麵大碟 D ^^"
我嗌左個豉椒牛河（好好味呀！）魚魚就嗌左個西炒飯同埋熱華田 -- 丫！竟然係咁～
食飽就去黃大仙波友屋企。嗚哇～ 原來佢唔識由九龍城去黃大仙架 >< 跟佢兜左個大圈囉！
上到去打機既打機，我就齋坐。Auntie 突如其來讚我「好靚女」！搞到我都不知幾尷尬。
更不得了既係佢跟住既題問：「呢個你女朋友牙？」@@"「Err... 係呀！」我即時豎起耳仔。
我真係唔知自己有冇聽錯．．．跟住打機既繼續打機，我就繼續坐，坐到恰眼訓 ZzZz...

下一站 JSC。好多 Guest ^^" 要俾好多錢 JSC。都有舊地重遊既感覺喎 ^^" 好耐冇練習。
丫原來 D 阿哥阿姐都幾好記性，起碼佢地認得我先。波友又問我：「你地係咪拍緊拖架？」
呢個問題真係難答到不得了。其實都唔難答既～ 我應該答唔係。哎也！好蠢呀我 ><

人山人海 @@" 魚魚話全場佢都識晒，好威；我覺得我仲威，因為我都識得大部份喎～
「哈哈！我好照顧到我 D 球員既需要架嘛．．．你呢～ 就好照顧我既需要既 ^^」Umum！
呢場波入球數字偏高，好似好睇過今朝～ 當然都關我有得坐事啦 XD 魚魚兩場都有波入。

等全村人走晒，魚魚先至慢條斯理沖好涼出番黎。等巴士個陣佢打左個電話．．．唔。
好多人囉！要企，好彩冇仆下仆下嘖！又係響大圍轉小巴返屋企，話咁快就到呀！
夜晚本來話做 FYP 架，結果又係得個講字。死啦！下個禮拜返學喇，我咩都冇做過呀 ><

哥哥話：有人讚妳靚女喎～ 「好」果隻喎！不停咁讚喎！要將呢個 point 無限放大丫～

>>January 4, 2004 at 3:18:54 PM GMT+8

2004 年 1 月 1 日 星期四 【晴】

今年既除夕，我冇感受過倒數；2003 年就響不知不覺間溜走。有 Bernard 陪我過渡。
2004 年第一齣響戲院睇既戲係《Love Actually》。流左幾滴眼淚。有共鳴。有甜，有酸。

　　　　　　　　　　　Love actually is all around.

我同小傑應該係全場笑得最大聲個兩個囉！其實都好希望自己可以成日都笑得咁開心。
睇完戲出黎凍左好多。諗唔到有咩好做，想去科大 Hall 又唔得，寶肥又扭眼訓．．．
結果 Desmond 送寶肥返屋企，我就同小傑、阿 Neth 去許留山打躉。燕窩燉蛋真係唔好食 ><
跟住不停傾偈。其實好多時都係我講，難得佢地肯聽我發翕風，我都不知幾咁感動。
不過中途接到娘親電話，又鬧。鬧都唔緊要；話我唔正經囉！仲話我唔俾心機讀書囉～
最乞人憎係 Cut 我線！過份左 D 下嘛？我都係人黎架！妳唔尊重我嘛，我更加唔會聽妳講。
本來諗住食埋糖水就撇；妳 Cut 我線嘛～ 我再夜 D 俾你睇。橫豎遲多遲少妳都鬧架啦！

幾乎五點先返到屋企。爹爹黑口黑面等我門。我一粒字都冇講；咩都唔想講。冇野好講。
一年有幾多個聖誕、除夕？我一年都不過係得呢兩晚會玩夜 D 甚至通頂，有咩咁大不了先？
我唔係冇話你地知我去玩架喎！去邊度都講埋俾你地聽啦～ 你地仲想我點？黑咩面嘖？！
好唔開心．．．今晚已經玩得唔係好盡興，你地仲要咁對我，04 年完全係有一個好開始啦？

路人：多謝你追我既日記丫！想識我？唔怪額～ 哈！有咩方法可以 Contact 你丫？

朝早訓醒都係冇乜講野，淨係話俾娘親聽我同表姐出街，唔食飯。結果仍然係煮埋我飯。
俾盡面食左三啖。臨出門口寫低左張紙俾媽媽，提佢幫我買 Spray，結果俾老豆鬧。
「屋企個個都響度，做乜要寫紙呀？你唔識講野架咩？」講會唔記得架嘛！寫唔得咩？

心都淡晒。落樓打俾魚魚呻，感覺上魚魚都覺得我寫紙係唔岩咁．．．或者啦！算了。
出到旺角遲左足足半個鐘。等埋表姐表弟就去 Neway City 唱 K。人太少，有 D 悶。
全日唱得最有感覺就係阿妹既《剪愛》。記得我第一次唱 K 唱到喊，就係唱呢隻歌。

唱完 K，送左表弟去撘地鐵之後，我就同表姐行波鞋街，去聯合，又折返旺角 <-- 真無聊！
搵到白色 Nike 波襪呀！但唔 sure 係咪個對，所以冇買到住。買左件 Laosmiddle 外套。
丫！仲買左兩對 Nike Hidden Socks，希望今次唔會又咁快穿啦！不過真係好難講。

>>January 4, 2004 at 9:28:59 PM GMT+8

2003 年 12 月 31 日 星期三 【微冷】

2003 年既最後一日，我補左兩個習，出左兩份糧。呵．呵．呵！跟住返左屋企等運到。
原來我今晚要睇《Love Actually》。尋晚好夜先決定，所以冇人通知我，但又買左我飛喎 ^^"

七點幾先出門口，出到去八點幾，但都仲要行左個幾鐘頭街先等到 Pizza Hut 張檯。
食野之前，寶肥意圖掌摑小傑，換黎慘痛經歷，仲要慢半拍地響旺角街頭突然尖叫 XD
可能係假期，人多， D 野整得求其左，唔係幾好食，尤其是芝心批。好硬，又少芝士喎 ><
最開心係大家終於明點解打親俾阿 Neth 都搵佢唔到既原因喇！原來係「玩 Line」@@"

有一件唔係幾愉快既事，就係娘親心情唔好，返到屋企見到愉都唔順眼，打電話黎鬧我。
好少事嘖下嘛．．．我已經 say 晒 Sorry 耍晒 lum。咩唔岩都好，都冇理由 Cut 我線嘖下嘛？

食完 Pizza Hut 就去左 Cyber City 打機。哈哈．．．我地玩拍拍機玩到發晒癲咁，笑爆 XD
打完機又行街，行左一陣就話要動身去戲院喇。其實我一路都以為係旺角百老匯囉！
往油麻地方向途中接到長途電話，啊！係 Bernard 呀 o^^o 實在十分十分十分開心。
同佢由 2003 年傾到 2004 年：係我 2003 年最後一個驚喜 + 2004 年第一件值得開心既事。

　　　　　＊　　　　　＊　　　　　＊　　　　　＊　　　　　＊　　　　　＊

其實，每個人每一刻都響度變，世界每一日都響度變，問題係變既程度係多係少。
我覺得自己變得少架！樣變得少不在話下啦．．．性格嘛～ 阿 Neth 都話我冇乜點變。
我覺得自己係因為讀書壓力大左（為前景煩惱），生活壓力大左（要搵錢）而暴燥左囉！
坦白講，我覺得自己對屋企人既態度係差左，因為我響屋企已經需要「自負盈虧」。
但對朋友、我鍾意既人，我從來都冇乜計。我自問都算係對人好過對自己個隻，真架！

重生者走得的都走，誰人又為天使憂愁？ 呢句歌詞我擺左響 Info 好耐，我覺得好岩聽。
－－－－－－－－－－－－－－－－－－ 究竟邊個會珍惜我？情人也好，朋友也好．．．

　　　　　＊　　　　　＊　　　　　＊　　　　　＊　　　　　＊　　　　　＊

突然諗到 D 野：衰男人其實可以分「壞男人」同「賤男人」兩種。等我黎界定係兩者啦！
首先呢～「壞男人」係指個 D 同一時間可以愛多過一個女人，但都會擺 D 感情落去既。
而呢 D 感情有多有少，即係可以最愛 A，都好愛 B，但對 C 又有少少感覺，即係多情種子。

「賤男人」？犀利咯！大小通殺（又唔係「唔理好醜，但求就手」既～）總之漁翁撒網啦！
呢 D 人或者會有一個固定既女朋友，其餘既全屬玩野性質，你自願上釣就會成為佢囊中之物。
除左佢真正既女朋友，對其他人佢唔會付出真感情，但就到時到候做 D 野迷住班白痴～
呢 D 男人通常屬於兩個極端：自大狂或者自卑心極重既人。點解要咁做？想證明一 D 野囉！
要證明下自己係情聖呀，想試下自己響情場既實力，隨時數俾人聽自己有幾多人迷咁啦～

不過我覺得 D「自大狂」都係屬自卑心好重既一類：自卑先要不停做 D 野去證明自己架嘖 XD

註：邊個因為以上描述而覺得自己屬白痴一類，唔好怪我話妳白痴，我都係咁樣形容自己。
冇格～ 我都做過白痴啦！有時做下白痴都冇壞嘖，冇蝕底咪得囉！又唔會死人既．．．
不過我轉左型，冇做白痴好耐喇！我總覺得，你玩人時人地玩你嘖～ 我睇你幾時捉蟲？哈！

>>January 3, 2004 at 12:25:33 AM GMT+8

2003 年 12 月 30 日 星期二 【微冷】

今朝一早就去補習，補完習返屋企又要執屋，因為魚魚黎睇波！神奇呀哩？#6
睇完波就一齊出大角咀～ 估唔到呢個時間既巴士咁多人，仲要有「臭人」既出現 @@"
結果我地響第一城落左車，轉過第二架巴士。好彩我冇記錯，281A 都出到去嘖！

首先去聯合。魚魚買左三個包，我就上酒樓拎菜譜。嘩～ 要房同唔要房，爭千二蚊！
跟住就去大角咀啦！今日場邊 D 人都唔識乜滯，有少少悶丫，真係幾乎睇到訓著。
見餓就響轉角位間核突餐廳買左件咸牛肉蛋治啦！都幾難食囉喎～ 早知就咁蛋治算了。

散場又去番聯合，因為我以為自己去左好彩，原來只係去左另外一間唔知乜野。
跟住過始創，去左三間。我俾人問係咪擺酒囉．．．尷尬死丫！我個樣似嫁得出咩？
再去埋新世紀。本來諗住唔去美心皇宮架喇！估唔到原來最岩心水反而係呢間喎～

撘火車返屋企，發生左恐嚇事件。我都係出於好意嘖；以前都唔會咁既！打人？唉。
乜心機都冇晒囉！仲要係隨時咇得出眼淚個隻。響大圍落左車，自己行去強記及一及。
嘩！原來呢間野唔見得人架～ 跟住撘小巴返屋企。又有幾個 Ruby 喇 >< 精神分裂。
明明係唔開心，明明係唔高興，但埋怨既同時，又不斷為對方搵藉口。就係因為鍾意。

返屋企食飯、睇電視。都係成晚對住部電腦，毫無建樹咁啦！好早就眼訓 lu...

>>January 4, 2004 at 1:26:37 PM GMT+8

2003 年 12 月 29 日 星期一 【微冷】

1) 九龍塘 2) 錦豐。原來淨係荷里活快圖美有 Discount，早知返馬鞍山之前去左晒相先啦 ><
經過一輪掙扎，後都係待登出去一趟。擺低 D 相個陣好似嚇親個姐姐：四百幾張架！

搞掂就拿聲返屋企，入左 e-Portal 想執 TimeTable，不過我個 Tmie slot 太後喇，冇野郁到。
抖一陣又要落街：一年一次例行牙齒檢查。等到訓著；順便洗埋牙。咁就三百幾蚊。
洗完又返屋企等機會。竟然響我岩岩入個陣見到有一個空位，但到我郁手個陣已經太遲喇！
愛人又岩岩陽開左，真係天意．．．走晒寶丫！真係「唔係你既就唔係你架喇」囉 ><

另～ 接左份新補習：中五．英文。呢個女仔都幾唔放我在眼內 XD 年齡都算太近。
不過又唔係十分串既！係睇完我 CE 同 AL 既成績，知道我淨係語文先 OK 囉 ^^"
第一次補中五學生，最難係幫佢搵 D 卷黎做；希望我真係幫到佢啦！五個月時間呀～

>>January 4, 2004 at 1:58:04 AM GMT+8