2004 年 4 月 6 日 星期二 【微冷】

擺明就係未黑完啦！一早起身，眼都未睜大，覺得隻手痕就抓，搞到要即刻敷冰。
好啦～ 起身啦！入廚房都竟然可以 PK，好在仆唔死。搭火車又遇著 Alien，佢仲摸我 ><

返到學校就第一時間去睇醫生，因為隻手唔掂了，浮起晒，好核突。拎左 D 藥，冇野搽。
唉！都唔知幾時先好，有排都唔駛諗游水了。上左半堂 Paul，證明我其實都有貨架 ^^"
上阿 Jim 又俾人屈我係專家，仲要指定係外籍囉！不過我識講普通話～ 呵呵！No big deal XD
晏晝響南山食，拎埋 D Ex 去影印，搞左勁耐；返到 City 自己釘左五本書，而家熟晒手 lu...
不過做唔切功課．．．哎也！去銀行搵埋 Thomas 佢地，原來都唔少人 SAS 入左 TESL。
跟住半睡地上左兩個鍾 Duncan，放學冇得練野喇！不過約左補習，夜晚響石硤尾又有波睇。

補習改唔到早，咁就返一返屋企先啦！買左五蚊腸粉 ^^" 再煮左個麵，食飽飽先去補習 ^^
補完就飛出去九龍塘，魚魚見到我著裙，好似有 D 驚奇咁喎！不過高處不勝寒，凍～
同埋熄左燈之後真係好黑 -- 原來我都幾怕黑。跟住見到魚魚抹身．．．哎也．哎也．哎也！

行返落九龍塘搭火車，返到屋企就做功課 -- 聽日要交普通話。不過好眼訓囉 >< 做唔到野。
不過今晚有阿仙奴對車路士，都好，有人陪 ^^" 不過有人撩我「玩餐飯」，估場波喎！
即係咁，無論贏定輸，我都要同你食餐飯，我冇咁笨囉！而且我真係冇興趣貼呢 D 大戰。

其實我寫既日記一 D 都唔簡潔架！以前我癲到連刷牙洗面都寫得清清楚楚～ 哈哈 XDDD
不過而家真係冇咁多時間，更何況寫太長又冇人睇？！雖然，而家太簡潔，大家都好失望囉！

>>April 10, 2004 at 12:09:56 AM GMT+8

2004 年 4 月 5 日 星期一 【微冷】

今朝又賴床。起身上網、食左碗好核突既野．．．唉！娘親心情唔好，幾核突都要硬食。
諗住過富輝影印、食 D 野，然後去補習；點知霞姨唔醒起今日係星期一，希左好表弟出街。
響老麥買左個孖芝就搭村巴返歸；冇耐又開飯咯 ^^" 跟住都係上網，夜晚就去大圍睇波。

Oyster & Fish

「喂！你地兩個到底係咩關係嘖？你冇講過喎！」
「好關係。」
「扯！唔講既～」
「係呀～ 係唔講架！」

>>April 9, 2004 at 11:44:12 PM GMT+8

2004 年 4 月 4 日 星期日 【微冷】

去玩同返學真係唔同。話五點半起身就真係五點半起身，訓得個兩個幾鐘都係咁話。
洗個頭沖個涼，準時七點到大圍，係爭未到火車站 ^^" 不過最大既代價就係跌左張八達通。
唉也！最衰都係個八達通套啦！唔係佢爛，我就唔會抽張卡出黎，咁就唔會跌左啦 ><

早知佢地遲到，我就即刻飛的去站頭睇下執唔執得番張卡。唉！原來又係掛住打機。
火車轉隧巴去到新地方：銅鑼灣運動場．響正中央圖書館側。真係好多阿叔喎！
一踢就踢左個半鐘， D 時間都算過得慢喎！睇 D 阿叔踢都幾得意，肯係多多野講。
等佢地沖埋身都不過係十點鬆 D，平時？身都未轉啦！仲食左個麥當奴早餐添～

見到潘仔個餐冇薯餅，赫然發現左「薯餅的秘密」＠ｏ＠ 有你，才有薯餅 ^^

食飽就一齊搭 170 返沙田，響車度恰左陣啦！跟住無啦啦又去左曾大屋搵阿邦。嘩．．．
坐左一輪就去左顯徑既小巴站頭搵八達通，不過師機話冇執到，我又認唔番今朝架車。
要等站長黎喎～ 都唔知佢去左邊，一等就等左四十分鐘有多。期間就發生左 D 唔開心既事：
「你唔好多餘啦！」即刻想喊。「我唔係多餘呀！」對我黎講，俾人話煩 = 唔好多餘 ><

返屋企之前打俾爹爹，原來佢同媽走嗌交，媽子又粒聲唔出走左去，燒野食都唔去。
果然係返左屋企。入屋見佢眼濕濕都知驚架喇！拿拿聲做自己野，粒聲都唔出。
終於捱到夠鐘，可以出街，唔駛困自己響屋企喇～ 原來八達通有失卡熱線，可以 Cut =)

同寶肥出左旺角，周圍行下呀咁，再落埋深水步買 D 野，順路去埋食叉燒飯 ^^

>>April 8, 2004 at 1:50:07 PM GMT+8

2004 年 4 月 3 日 星期六 【微雨】

本來想早 D 起身，早 D 搞掂就早 D 返，結果都係晏。今日去中大同著袍既大邦影相。
首先響 CC 食左個飯，跟住上應林坐左陣，搵到阿 HUGO *貌似 Deep* 幫我地渣機。
都影左唔少。跟住就返屋企喇！多謝有人臨尾讚我個頭半鬈半直好睇喎 ^^" 呵呵呵．．．

返屋企換件衫又出門口，都係著裙著 Boot，不過冇低胸喇～ 哈 XD 去九龍塘補習。
魚魚睇下會唔會出去，點知佢講講下突然話轉頭好快打俾我，打黎時我已經響屋企樓下。
唉！唔多唔少都係因為佢而決定唔去大邦度同雞雞佢地一齊睇波，結果得番我一個 ><
更慘既係，娘親一句「我要睇港台．．．（下刪百字）」我就連波都冇得睇。唉！訓覺。
訓左兩個鐘，場波完晒我先起身，費事眼冤。點知一起身就俾人鬧，乜都鬧得一餐。

搞下搞下越搞越晏，成三點先訓喎～ 駛唔駛做野都係咁夜訓。聽日仲要五點半起身添架 ><

>>April 8, 2004 at 3:32:10 AM GMT+8

2004 年 4 月 2 日 星期五 【雷雨】

今日簡短 D 先：#14 。又犀利左，開心左。我都鍾意聽聲、睇樣。完。Hee...
未完啦！晏晝一個人去左佐敦，自己渣主意買左對白色女人鞋。丫我著呢 D 鞋都幾好睇 ^^
跟住落尖咀 Adidas Shop 幫魚魚搵件衫，不過都係冇。唉！又觸動到門口個警報系統．．．

究竟我係咪唔覺意吞左個 Bar Code 落肚呢？煩。又搭地鐵喇！又儲夠「十送一」喇 ^^" Yeah！

>>April 12, 2004 at 10:27:03 AM GMT+8

2004 年 4 月 1 日 星期四 【乍寒還暖】

嘩！明明想早 D 起身，不過都係晏。起身上網啦！跟住去黃大仙地鐵站提款又存款 ^^
好野 ^^ 終於有一個月可以入錢落戶口儲喇！跟住就搭地鐵去樂富補習。買左杯韓國咖啡。

我真係唔想補喇！我真係唔識教。佢連阿公都夠膽鬧，更何況係我？都唔知邊度學番黎。

被表弟折騰完之後，已經好唔開心；一出門口接到個電話，以為可以開開心心。
嘿～ 點知響收唔到兼有誤會既情況之下，有人惡我，仲係無啦啦好惡、好惡個隻。
激重我幾乎響 Lift 度喊左出黎，落左樓仲熄電話，邊行邊發脾氣，眼濕濕．．．
開番個電話冇耐又有電話；睇到，冇聽。繼續發住脾氣扁住咀咁行。再響就接左了。
好少可，見到面我係唔笑架！仲幾乎喊左出黎 >< 好彩有人呵番、 tum 番 "3 仲有銀菊露 ^^"
加一筒粉紅色 MENTOS - Grapefruits 添！不過唔多好味，但係係人地買既就唔緊要啦！
以後唔好再咁惡喇～ 好慘架 >< 最衰我接住要補習，唔係就可以坐低食 D 野 lu...

補完乙明就去左沙田攝時間，一口氣買左三件野，又食左個包咁。跟住返馬鞍山補習。

>>April 8, 2004 at 3:17:28 AM GMT+8

2004 年 3 月 31 日 星期三 【微冷】

本來諗住食十蚊早餐架！但自己唔知醒，竟然係魚魚叫醒我～ 咦 >< 冇平早餐食喇！
唉！有人響電話度 D 態度又係唔係咁好啦！好沮喪。算了。呢個早餐唔係食得特別開心。
食完個早餐，行下都冇，陪佢去聖安娜用買半打送半打 Coupon 執左兩盒西餅就走。

都好，有人拖番下。返屋企坐陣又出去，去駿景園幫兩個靚仔作最後沖廁。衝刺呀 XD
細佬又開始唔聽話喇 @@" 結果都係遲左撇，不過終於都有糧出，YEAH！好開心。
不過考完試，又有排唔駛補。跟住補畢架山又出糧 ^^ 有錢就身痕，想去街，但冇人陪。
最後搵左我個好表姐 ^^ 要出去旺角等佢。估唔到佢爆左個頭，一 D 都唔似銀行 Teller 喎 XD
響味千食左個飯，爆晒我 D 野俾佢聽，笑到佢傻婆咁 ^^" 行街就淨係佢買到野囉！我睇唔岩。
最開心係響新之城地庫個度影左貼紙相。大家都唔係咁識玩部機，玩到嗌晒、發晒癲咁 ^^
跟住又去左食糖水，竟然講起我地個好表弟 D 衰野。嘿～ 最後搭好耐冇搭過既亡命返屋企。

>>April 4, 2004 at 2:27:35 AM GMT+8

2004 年 3 月 30 日 星期二 【雨】

今日又唔知醒啦！唉～ 連 Interp 都遲到，今日仲要做 CI．C-E Video Interp，好彩都應付到。
中間個三個鐘 Break 竟然要仆去補習！仲要係火炭。都趕到返去上堂，極度沉悶．．．
放學諗住有得練習啦！點知勁大雨，咁就冇埋最後一次練習既機會。咁唯有過海睇跌打啦！

咁大雨，我又冇帶遮，都幾狼狽。睇埋今劑應該都唔睇架喇！冇錢 Claim 喇～ 車錢都蝕埋。
睇完已經明顯細雨左好多，咁就決定等埋魚魚啦！但又驚再落過，大家都冇遮，咁就買左把。
真係唔「頂」都唔得！果然係唔再落雨。錢呀．．．次次都係咁既 >< 算啦！多把長遮嘖 ^^"

去到七仔，諗住買本雜誌煲下，丫點知又接到電話喎！早放左成個鐘呀 ^^ 唔駛等喇～
響灣仔地鐵站老麥等，我行到好似鬥快咁 ^^" 但結果都係冇食野，地鐵火車直接返屋企。

>>April 8, 2004 at 3:09:01 AM GMT+8

2004 年 3 月 29 日 星期一 【暴雨】

今日唔知醒啦～ 冇上 Duncan，又唔多想上小濤，揀左去 CSC 做好 D 份普通話功課。
第一日戴條青 B B，YEAH！好靚～ 以為有得食晏啦！黠知個個走晒去聽 Eddy 個 Talk...
反而係冇上阿 Paul 就走左去食飯喎 ^^" 上普通話笑到癲，今日輪唔到我地 Present。

阿 Jim 堂就絕對唔係上堂啦！雖然都有抄幾行 Notes，但都係自己做自己野 + 發夢多。
放左學去表弟度補習，點知夜晚又唔駛補～ 呵呵！咁就響阿姨度食埋飯，同阿姨講錢！
係啦～ 要問阿姨借錢一筆過交保險。另外又同阿姨傾左一陣，講下好表弟既「好」行為。

夜晚落樂富行左一陣，想搵仙蹤林之類既東西，不過冇，最後只係買左杯熱朱古力。
跟住搭車，搭左兩個站就接到魚魚電話，走得喇喎 ^^ 響油麻地等埋佢。打左俾 DeCastro...
原來有人想食野呀 ^^" 去到九龍塘，上左 Adidas Shop 搵衫，有呀！不過褸就唔同款。

「我地幾時食早餐呀？」「等你得閒 D 先啦！」
「（好似係你自己唔得閒之嘛！）」「．．．我唔會咁講架 ^^" 」
「嗯～ 係啦！你唔會咁講既～ 真係好勒！」o^^o

>>April 2, 2004 at 4:28:21 PM GMT+8

2004 年 3 月 28 日 星期日 【颳風】

朝早過左火炭補習，補足三個鐘。晏晝要去拜山，叫爸爸兜埋我去鑽石山，車錢都慳埋 ^^"
冇上慈雲閣，返左竹園買蛋糕，跟住食乳豬、飲左好多碗湯．用鯊魚骨煲架！正到暈。
夜晚食飯，硬係心掛掛咁，好想去睇波，但又唔好意思早走喎！結果都係拿拿林食完就走。

打的去坪石，估唔到咁平喎！但更加估唔到既係坪石遊樂場同坪石係相隔好遠的 >< 行餐死。
好凍丫！食晒風，不過都睇得幾開心。衫．總有一陣我好喜歡聞到既味道。存在價值低？
突然有人提出想食甜筒，不過間竟然冇！結果冇得食，仲要分頭走。好一架 89D 同 80/ 80X...

>>April 8, 2004 at 2:59:05 AM GMT+8