2004 年 3 月 17 日 星期三 【微冷】

話起身做野咪又係晏？都做左一陣野既。食左個飯就出去補習同補習啦～ 好鬼眼訓。
響火炭搭小巴返屋企個陣接到電話：「妳響邊呀？」「我架車返到馬鞍山喇喎！」
夜晚又繼續做我既 FYP 啦．．．結果掛住睇相，又做得超勁慢，仲要睇 Fear Factor 囉！

>>March 30, 2004 at 1:33:49 AM GMT+8

2004 年 3 月 16 日 星期二 【微冷】

又有火車幾分鐘～ 呵呵！雖然之前發生左「你冇聽到我留言話我打俾你咩？」事件 O_o"
不過好似我咁，發個小脾四改晒留言，都幾無聊呀 ^^" 唯有係當咩事都冇發生過啦！
原來上 Course 個個即係爆肺個個又即係跑 400m 好型個個 Anthony！又型又得意？哈 XD

間唔中總有一次「不經意」：「你望下個邊～」好開心 "3 我又唔知做乜笑到成個傻婆咁 o^^o

好！講番今日 ^^" 今朝總算肯起身（好彩有娘親叫嘖）原來個衰仔 Leo 乜字都冇幫我查！
（但後尾睇番原來佢查左，只係我發雞盲。）跟住執袋、沖埋個涼先出門口，遲到。
不過早過阿 Paul 就唔叫遲到啦 XD 而且成班得四個人，我咁多個禮拜冇返，返咪俾面囉～
訓足四個鐘係真係唔同 D，譯野都 Function 到，仲癲勁開心。不過跟住 Test 就．．．
例牌勁緊張。一來越譯越快，二來好多字都唔識囉！一世都記住呀：政黨 = Political Parties...

Mock Meet 仲衰，開口夾著利囉！唔知道 Basque 究竟係咩料啦！吹又吹到錯鬼晒 ><
出到去又衰，睇過下個 D 反而死晒，講到面都紅埋，講野又一舊舊，Grammar 又錯晒囉！
不過真係即時譯個 D 又唔錯喎～ 都冇機會聽到阿占俾 Comment，不過自己就唔多滿意。
班友玩野啦！又話好多經驗要講，害我要譯先，點知都係勁多 Dead-air，又唔肯講英文喎 ><

落堂同 Jessie 同 Thomas 佢地成班去左畔溪飲茶，開頭竟然無啦啦坐錯左去西餐個邊 @@"
好彩最尾都上得番樓上，十個人位位 $55，都幾好味。我食左超正既炸雲吞，不過食得一隻。
成餐飯由頭笑到落尾，都唔鍾意自己講野有時咁核突架 ^^" 不過同佢地玩，係要間中癲下。

食飽返去跟 Jessie 去 Library，坐左冇耐又要走，買個公文袋寄埋 D 信，又上 Duncan。
今日勁訓勁訓，有一野條片完左都唔知，要 Leo 叫醒我 ^^" 但總括黎講係成堂都學唔到野。

放學拎到左 Commercial 功課，有 A-．．．我要努力！約左劉小姐一齊行過 JSC。唔～
等左十世先買到本《便利》囉！間地利店真係好 Cheap 架 >< 懶啦！竟然咁都要搭小巴。
成晚冇乜點做野，籃球我又唔打既，數字球又唔想玩，真係齋響度坐同睇雜誌囉！好頹廢。
都有拎野黎玩，因為唔知以後仲有幾多機會玩嘛！咁耐冇練餅，掟得好過有練個陣好多。
玩到咁上下又係坐番響度睇雜誌，夠鐘就撇。跟住去又一城等埋魚魚就搭火車返去喇！

（（（ 係咪咁埋尾架呢？唔記得喇！成兩個禮拜之後先有時間寫番，鬼記得咩 一.一" ）））

>>March 30, 2004 at 12:57:16 AM GMT+8

2004 年 3 月 15 日 星期一 【微冷】

今朝遲少到啦 ^^" 好彩 Duncan 冇黑面嘖！上堂上堂，跟住去南山食飯，再上阿 Paul。
哈哈哈！「特登」走堂去唱 K 囉～ 曳。但係好開心喎 「為何你要長得高麼高．瘦．平？」
玩完返馬鞍山補個半鐘習，跟住返屋企食飯、做野。好耐冇同同學玩得咁 Happy 喇～

>>March 30, 2004 at 12:47:55 AM GMT+8

2004 年 3 月 14 日 星期日 【炎熱】

HKPSCAA Annual Athletic Meet 2004
其實都唔係咩大日子啦！唔係我既咩大日子囉～ 但好可能係我最後一次出現響大專賽。

今朝好醒架！知醒早起身架 ^^" 約左 Cori 食早餐，不過有人唔知醒，結果同左阿武同大舊食。
仲同迪迪 SMS．．．哈哈！準時到 JSC，第一個任務就係運水！名乎其實係做「阿四」。
冇所謂啦～ 因為之後都係行行企企。Bonnie 仲問我做乜行行企企，係咪唔駛比賽。的確係啵！
本來係唔俾唔係比賽既人入場區，不過我呢 D 壞蛋扮晒玩槍咁，出左去不停「拉筋」 XD

Lunch 同阮熙同 Daniel 食。都係幾奇怪既配搭，搞到班男仔黎到見到都投以「奇怪」既目光。

下晝既節目係 Settle 最後一批 Throwing 既靚仔靚女，好後我就要扮掟餅 XD 又係咁拉筋。
因為我要睇跳高～ 我係教練呀！呵呵呵～ 我覺得有人跳到 1.78 係因為我架喎！嘩哈哈哈 =D
不過阮熙就慘 D 喇！但都冇辦法啦 O_o" 跟住拉佢陪我睇 Relay，然後要排隊。玩到癲晒。
影左唔少相。上年我幾乎淨係同阿曉同阮熙影相咋！今年好似開心左，至少有人撩下我玩。
換完衫出黎抄番 D 成績。「真係甜蜜勒！」葉 Sir 真係多口，不過又聽得我幾開心。呵～

換完衫都等左好耐先行得，落左旺角食飯，不過連 Pat Pat 都掉低我．．．大家仲分左兩隊。
迪迪佢地去 Pizza Hut，我地就去花園餐廳。飽到傻 ^^" 本來諗住食糖水，但真係食唔落。
走先，唔該阿科送我去地鐵站啵！打俾魚魚，哦？可以響九龍塘見個面啵 ^^ 買左杯蘋果紅茶。
呵呵呵．．．飲左杯野咁啦～ 仲有人指住人舖頭一件青色既東西問我靚唔靚添喎 "3 Heehee...

>>March 30, 2004 at 12:44:55 AM GMT+8

2004 年 3 月 13 日 星期六 【微冷】

聽日就比賽喇～ 今日唔駛練習，不過我都要出九龍塘補習，跟住又返黎馬鞍山補。
用五蚊買天三個菠蘿包 ^^ 食埋今次唔再食喇！菠蘿包都好肥架喎．．．媽子話。

>>March 23, 2004 at 12:01:24 AM GMT+8

2004 年 3 月 12 日 星期五 【微冷】

今日阿哥響我屋企，我又留響屋企做野，做到五點就出門口，約左小傑佢地食飯。
呵！今日又著得好女仔 ^^" 可以響火車見下魚魚。明明話左邊個到先就俾電話另一個架！
結果咪又係去左火炭？算啦唉！明架喇～ 架車勁逼，企左成個站先企到埋一齊。拖。

上 Staff Room 拎番份 FYP，估唔到 Elsie 話 Very statisfied！好開心，又覺得好對佢唔住。

阿 Neth 又遲到．．．又唔肯請食飯喎 >< 行左一陣街，冇收穫，跟手過番太子食日本野。
響門口裝左兩裝，突然醒起原來我以前食過呢間。一年前，一年後；場地依舊，人面全非。
我同上次一樣，嗌左個銀鱈魚定食 ^^" 仲破戒食左兩隻芝士焗蠔！不過真係好好味呀 ><
仲有我最愛既雞軟骨～ 但呢度又係整得唔好食既，都係青葉個隻做法好。唔鍾意咁多粉。

食飽再行聯合，差 D 買到衫架喇 >< 不過唔係個款爭少少，就係價錢太貴。旺角貨咋！
臨走響仙跡岩飲左杯野。阿 Neth 杯 Double Chocolate 好核突呀！我地仲響度研究 D Bra... XD

>>March 18, 2004 at 3:38:08 PM GMT+8

2004 年 3 月 11 日 星期四 【微冷】

今日都冇咩好講。又 "Day-off" 囉！又唔知醒丫嘛 >< 真係好討厭自己．．．
去補習之前特登返一返學校交 FYP，跟住就去樂富、乙明同駿景園補習。

臨上樓前接到 Elsie 電話，話佢改好勒，叫我去拎，又問我咁耐交過幾多個字俾佢喎！
結果我講左個大話：「三千幾四千啦！」跟住林夕而打黎約我今晚請食飯，唯有係好啦～

竟然係補左 1 個鐘頭零 11 個字！蝕晒水呀 >< 都係為左個一心為左等我請食飯既人。
我揀左食味千，因為我真係好鍾意佢個吉列豬扒定食；跟住仲去左許留山食甜品。
食飯個陣接過魚魚電話，明明話返緊屋企，點知我上左車打俾佢又冇人聽。近期興呀！

唔好諗咁多啦．．．真係唔好再諗喇唉！話晒都大把野等住我做，俾心機做野好過。

>>March 17, 2004 at 10:13:32 AM GMT+8

2004 年 3 月 10 日 星期三 【微冷】

本來諗住今日有戲睇，結果都係要留響屋企做野。晏晝又要去畢架山，不過又遲到。
夜晚就返錦豐補，都冇咩事發生啦！咪又係返屋企個打俾魚魚，今期流行冇人聽電話囉！

>>March 17, 2004 at 10:12:18 AM GMT+8

2004 年 3 月 9 日 星期二 【微冷】

（而家既時間係 3 月 16 日凌晨）成晚冇乜點訓，係恰過下，但又鬥極都鬥唔到野，好憫 ><
唔上阿 Paul 彷彿係天經地義既事囉！唉．．．上 Interp 都遲到。跟住三個鐘最後衝刺。
嘿～ 最估唔到既係 Duncan 今日早走成粒鐘，重點係佢竟然唔追我地交功課！有冇搞錯呀？

咁我唯有拎番屋企再鬥多 D 囉！黐線～ 再係咁捱，我真係會癲；可以唔做咩？根本係冇得停。

早左成個鐘放學，都唔知做乜好，買左本《便利》就踱過 JSC 睇雜誌。哈！衫都唔換。
開左個會咁啦！今日係比賽前最後一課練習，其實都唔多關我事，我只係準備星期日做阿四。
今日都冇乜點練，一來唔想阻住其他人練，二來係個人懶懶下唔想練。我要睇跳高嘛 XD

開會個陣發生左 D 事．．．我覺得個老女人真係過份左。作為一個教練，唔應該係咁架囉！

今晚最有建設性既節目竟然係同阮熙傾偈！講秘密～ 全世界真係得佢一個人知我咁多野。
希望佢唔會爆出去啦！唔．．．講完，自己少不免又會做下反思，究竟自己咁做係咪好錯呢？
肯定既係好傻囉～ 但我究竟幾時有講過句咁既野呢？冇喎 >< 不過算啦！都過左去咁耐 ^^"

夜晚本來諗住同佢地一齊食飯，但結果都係放棄，因為魚魚打俾我話響又一城等我喎～
同阮熙同 Coni 一齊行返九龍塘囉！自己又唔知做乜，兜個大圈入閘，點知原來魚魚都未入！
呢～ 結果俾人話蠢勒 >< 搭到返大學先拜拜。上車見到 Raphael，傾下偈咁，話咁快就到。
夜晚又花左少少時間再搞下份 Paper，不過都係冇乜心機做。梗係啦！尋晚做到咁夜 ><

>>March 16, 2004 at 2:25:35 AM GMT+8

2004 年 3 月 8 日 星期一 【微冷】

我決定要簡而清呀！（而家既時間係 3 月 16 日凌晨）
今日上足堂，放學去左樂富補習，補兩個半鐘就食個飯，再補多一個鐘就撇。
都唔想補咁夜架～ 聽日要交 Paper 呀 >< 但冇計。唉！又做到嘔 /~\

咦？！原來今日係婦女節喎．．．

>>March 16, 2004 at 2:10:00 AM GMT+8