2004 年 5 月 7 日 星期五 【微冷】

尋日魚魚先話：「點解你成日俾電話嘈醒架？！」今朝又黎！IKEA 打黎約我 Interview @@"
好彩我聽電話把聲尚算精神嘖 ^^" 訓得一陣就到娘親打黎。問我點樣寫一句野催人交貨。
真係唔係話唔想幫，但嘈醒我係其一，其二係我唔知句野有幾難寫。我唔想妳變得依賴呀媽！

再攤到十一點幾先起身，洗頭沖涼，跟住就對住部電腦，夠鐘又睇電視。魚魚上左黎喎 #17
因為要見工，所以我要熨衫。搞掂就一齊食雪糕。好好味 o^^o「真係好舒服架．．．」

夠鐘就換衫出去補習。哎！著到咁，真係好鬼麻煩，唔鍾意條裙咁長囉！對鞋又唔舒服喎～
細佬仔見到我著成咁都覺得奇怪 XDDD 好彩佢今日唔算曳。其實冇補一排，佢真係乖左。
不過又補蝕水習，補得一個鐘，仲要搭廿幾蚊的士過番沙田～ 著成咁，唔想行去火車站呀 ^^"

其實今次見工唔算緊張，最驚都係個 Typing Test，因為唔知佢會點 Test 法，未試過嘛！
上到去要填 Form。我 Resume 寫得咁清楚，又要填過晒，都幾係野。我咁多工作經驗 XDDD
填完 Form 坐左幾分鐘有個姐姐仔黎，拎左我 D Cert 同身份證就捉左我去做 Typing Test：
一中一英，各兩段，係同一篇文既中英版本，每篇限時五分鐘，五分鐘內打得幾多得幾多。

其實我覺得呢個行為幾無聊：D 人可以 Copy and Paste 嘖！同埋咁會越打越快～ 咁都係好既。
五分鐘一到，姐姐仔就過黎 Stop 我，叫我 Save 個 File 落碟，個陣我先發現自己打錯字 XD
仲要有紅線架喎！打個陣太緊張、太專心所以睇唔到啦 >< 真係豬兜．．． 好樣衰呀！
打中文就小心 D 啦！我諗算不過不失掛～ 最麻煩都係段野有人名同浪費左 D 時間改錯字。

Test 完就跟左姐姐仔入 Conference Room 呆等，坐左足足二十分鐘先有另一個姐姐入黎 In 我。
都係問我過往做個 D 工負責做乜，又問我知唔知 In 緊呢份位有咩野做，再問下我有冇問題。
重點：「因為我地斷鐘計，所以應該俾唔到 6.5K 妳，咁妳會唔會考慮？」我寫就梗係咁寫啦！
我自問都有番咁上下料架嘛！都唔會話唔考慮既～ 不過佢結果都係冇講即係幾多錢一個鐘。

過程冇乜特別～ 我覺得自己都 In 得幾好架 ^^" 我次次都覺得自己 In 得好架啦！哇哈哈哈．．．
最搞笑係臨尾佢拎我份中文打字出黎，然後話：「仲有條問題想問下妳，冇乜野架～
Um．．．我見妳 Resume 個度寫『中文打字 40wpm』，但．．．點解妳打左咁多既？」
跟住我望一望張紙，又好似真係肯定唔止二百字 XDDDDD 佢都唔知係咪以為我 C&P．．．
不過我都好坦白，話我平時打都唔止，係保守估計先咁寫嘖！打 D 熟 D 既字就會打得比較快。

唔知掂唔掂呢！等消息架喇～ 可能有 2nd In 囉！我知道我之前應該有 3-4 個人 In 過呢份工。
希望我得啦 @@" 不過總括黎講，今次見工既經驗係開心的，係打字個陣有少少緊張嘖 ^^"
原因係個 Keyboard 好唔穩陣，好嘈，我怕嘈住人做野 XD 等 In 同 In 既過程我都係好輕鬆的 =)

In 完過新城市行 G2000，好想買過套 Suit。見到個手袋幾靚 @@" 不過都係等人陪我睇啦！
返到屋企第一時間係除鞋！舒服晒～ 跟住執番好 D 野，又要拆信又要乘，好似好多野做咁。
搞掂就上左成晚網啦！又睇左成晚電視：有碧咸同盧絲睇～ 嘿！盧絲又係叫 Rebecca...
最蠢就係唔記得睇小寶 ><「唔開花又唔結果」同「唔開花但結果」既植物原來咁難搵既 ><

00:40-00:49「我會錫晒你架喎~"3」「係咪真架~~? ^^」「係呀真架~」（o'~'o）「heehee」

>>May 10, 2004 at 11:57:56 PM GMT+8

2004 年 5 月 6 日 星期四 【晴】

起左身都係響度無聊，食下野，又睇下電視咁。等爸爸起身就陪佢食飯，食左 D 送。
出去之前都係對住部電腦，但唔夠鐘出門口都唔郁手出卷～ 結果遲左九個字先出門口。
見冇人排隊又岩岩有車，就諗住搭小巴轉 82M 啦！點知等左勁耐 82M．．．可惡！

遲大到添！補完習就搭巴士返馬鞍山，夏戒食左個雙層芝士孖寶～ 簡直係人間美食 =P
跟住又補習。遲出門口都抵既～ 做足野俾學生做，有佢做時就冇我做，呵呵呵呵！

《愛人》　楊千嬅

看著你來　隨背影掩蓋　我沒法不愛
我是行李　你是遊客　笑著來　要笑著離開
背後有床　不需有愛　睡醒不怕另有將來
如早知道夏季不再來　斜陽垂下了　薔薇仍是會開

只怪我一心愛人　忘掉隨手撫摸得到的傷痕
壞了千萬盞燈　燒光每段眼神　只發現和你衣不稱身
對不起　我不過為愛人　從未曾天真得相信永生
曾共你一起　即使毫無好處　起碼能回味那邊臉被吻

近在眼前　時間剛剛好　去讓你知道
見面愉快　告別難過　我仍然會笑著祈禱
有沒有誰　心中有數　怎麼雙眼尚有濕度
明天將會更好的信徒　如害怕煩惱　為何期望太高

難共你一起　即使毫無希冀　起碼能期待這邊臉被吻

返屋企途中，諗起呢首歌，不其然就哼起上黎。以前唔覺呢隻歌好聽架～ 但 D 歌詞好正。
睇番日記個人頭仔，好明顯我過去兩個禮拜都冇乜點開心過。「不如意事十常八九」冇講錯。
每一朝，每一晚，一個人靜落黎就會想喊，但唔知點解，點喊都喊唔出。點先可以喊得出？

鍾意一個人，本來係一件好開心既事，見對方佢開心，自己就會開心，即使對方未必鍾意你。
鍾意佢，本來都係一件好開心既事，但唔知點解，最近竟然變成一種負擔。點解會搞成咁？
係我逼得自己太緊，定係我貪得無厭？我覺得，你對我既要求日高，但你對我既態度又．．．

諗番又係：自從上一次同男朋友分手喊過之後，我都好似冇喊過了。有，都只係兩行眼淚。
其實適當既時候喊下係一種發洩，對身體有益，但我就係喊唔出。我已經唔識發洩．．．
有錢 D 都好丫！有錢就可以靠買野黎發洩；食極都唔肥又好，可以化悲憤為「食量」XDDD

　　　　　＊　　　　　＊　　　　　＊　　　　　＊　　　　　＊　　　　　＊

今日補完習，響映月臺上車，諗住行入 D 搵個位坐啦！見到司機位後面個男仔郁一郁 ^^"
哈！好似諗住我實會坐佢隔離咁～ 我行入 D 見到冇位好坐，咁就真係返轉頭坐個男仔隔離。
坐低都幾逼，因為佢都幾大份，成個人都大大份個隻，又唔係肥既 ^^" 個樣好似都唔差。
咁我坐定就拎部 PDA 出黎玩接龍啦！我玩左兩舖已經覺得佢一路望住我部機，目不轉睛喎！
我又唔知做乜，玩極都結唔到，點知我連死幾舖，佢竟然擰頭！跟住仲笑．．．頂 XDDD
終於有一下，我忍唔住咪望一望佢囉！搞到佢又唔係十分好意思咁，唔望一陣又望番～
我跟住都忍唔住笑左出黎，點知又結唔到，佢又擰頭，跟住佢仲做手勢話我知應該郁邊隻！
笑死我喇 XDDDDD 跟住我終於結到一舖，佢響濱景落車，落車前仲同我點頭 Byebye XD

呢個男仔應該係 Promotor（我見佢攬住四塊發泡膠）好一次《巴士「邂逅」奇遇記》呀 =D

>>May 6, 2004 at 1:15:54 PM GMT+8

2004 年 5 月 4 日 星期二 【綿綿細雨】

今日都算晏起身，都係離不開電腦、電視。食左三碗半麥皮 @@" 跟住清埋六隻雞腳。
嘿～ 又忍唔到口食左一小碗雪糕。跟住睇電視睇到吽晒。想溫下書架！但真係冇野溫囉～
上谷又上得唔開心。都係唔好擺咁多感情落去喇～ 網友黎嘖！無啦啦又反晒面咁．．．

　超鍾意而家個頭 ^^ 考完試都唔電住喇！靚～

拎三本字典返去，真係拎唔到，唯有麻煩爹爹載我返學啦！點知唔兜去耀安，買唔到咖啡。
唯有返學校飲 Mocha 啦！好彩響 Podium 見到 Sandy，跟住又見到余成。傾左幾句咁啦～
考試就不過不失啦！時間掌握得算好，仲有時間去所所 XD 更不可思義既係我冇查晒就落筆！
不過應該都唔差，係後尾同人講番先知自己漏左譯一個字囉：國家 National．．．事但啦 ><

本來諗住同 Jessie 佢地去食青葉，不過因為魚魚要踢波，唯有推左佢先啦！約左星期四。
擺好晒 D 字典就飛地鐵去維園，坐低冇耐，阿 Yam 黎左就勁同我傾偈。其實佢都幾好大呀 ^^
本來話因為約左人，要十點半走，點知踢到 11 點幾都唔肯走，好彩遲鈍又話出唔到黎。
取消左啦！咁就搭 170 返大圍轉車。上左車，魚魚講野我都有聽架！但就硬係冇心裝載咁。

「諗緊咩呀？．．．有心事牙？．．．唔開心？．．．唔係就唔好咁既樣啦 Huh！」唉。

返到大圍，都等左幾個字車 "3 真係翻風 "3「你凍唔凍呀？我自己等得喇～ 你返去先啦！」"3
一等就等左兩個幾字。今日又冇帶 PDA 搞到冇得聽歌，悶下悶下咁。響七仔買左 D 野食。
返屋企 Settle down 都夠鐘睇韋小寶咯～ 邊食邊睇。我頂！特濃豬骨湯出前一丁係極難食囉 ><

《我應該》　張學友

你眼蓋脫了色彩　頸巾即將鬆脫下來
我再探聽　誰像親你在懷內　可是你　心不會裝載

而我知身受其害　仍然在說都不必分開

＊應該早已沒期待　應該心死為何仍未放開
　應該不要回來任你傷害　
　戀甚麼愛　你精彩　我悲哀
（戀甚麼愛　你高山　我深海）

盼你性格會更改　始終苦等一個未來
你諷刺我　人活於五十年代　不用再　得一個深愛

常痛哭　躲在門外　誰人共你正在內　傳來聲聲喝采

>>May 10, 2004 at 1:31:25 AM GMT+8

2004 年 5 月 3 日 星期一 【炎熱】

淺夢期既夢，除左好容易記得起之外，我個人認為都幾可以反映到現實/ 心理狀況：
今朝訓下醒下，九點、十點、十一點先起身。我發左個夢：魚魚叫我俾阿積個電話佢。
我懵下懵下又講錯野，結果俾人鬧．．．責醒左，真係拎份 Contact 黎睇番個 No. ...

梗係呢期俾人鬧得多，連發夢都要俾人鬧，唉！都真係幾唔開心，賴響張床度唔肯起身。
起身沖左個涼洗埋個頭，本來想出下卷，結果都係掛住睇電視，又煮左碗麵做 Lunch。
唔駛去表弟度補習，個人就手慢腳慢，結果又遲左出去 @@" 不過都有買 Caffe Latte 飲 ^^
今日補習都有 D 勞氣架！個學生成日嬉皮笑臉，又唔肯用細喎～ 淨係得把聲，又唔肯認衰！
佢間學校教野教得又慢又少，我想教佢多 D，佢就覺得冇乜咁既必要，依依也也嗌辛苦 ><

補完本來都諗住返屋企，點知又身痕出左去沙田，諗住去莎莎睇下有冇個隻新野 *特殊美白？
行左幾轉 *都真係兜左好多個圈* 都搵唔到，反而買左其他野：面油紙、眼膜、面膜、鏡！
本來一人限買六塊，不過我冇 Cash，又要湊夠 $100 先用得 EPS，半推半就之下又買多四塊。
冇所謂啦！總會用得著既～ 買眼膜就係想清清對熊貓眼，希望有用啦！我都想靚 D 架 ><

返黎食埋晏晝食淨 D 麵，跟住煮定飯等爹娘返黎。有個女人打黎搵阿媽，原來係大陸 D 野。
睇黎阿媽真係要飲靜心個類野喇！人地都未打番佢，佢都未知咩事，就發晒神經咁鬧人 ><
鬧我唔緊要，鬧爸爸、傷感情就唔好啦！最老土係後尾發現原來係小事，即係脾氣都白發既！

《 這麼近（那麼遠）》　張學友

一天一天　日日夜夜　面對面　既相處　也同眠
一點一點　逐漸逐漸　便發現　縱相對　卻無言
靜靜默默　望著熟悉的背面
一彎身影　原來離我多麼的遠
像天涯　那一端　沒法行前一寸

我　留著你在身邊　心　仍然很遠
也許終於都有天　當你站在前面
但我分不出這張是誰的臉
我　留著你在身邊　心　仍然很遠
我想伸手拉近點　竟觸不到那邊
就欠一點點　但這一點點　卻很遠

觸摸得到　揣摩不到　這麼近　那麼遠　卻仍然
相宿相棲　不聲不響　我跟你　已改變　已無言
靜靜默默　望著陌生的背面
心中所想　原來離我多麼的遠
像天涯　那一端　沒法行前一寸

近排好似真係諗得太多，但我又冇辦法停止唔再去諗。其實諗黎諗去，我都唔知自己諗緊乜。
只係覺得個腦不停咁運轉緊，諗埋晒 D 無謂野，但諗完一輪都唔覺有咩結論出到黎 一-一"

妹妹報關窿，有野唔明，打黎問我，都係唔明喎～ 聽日要打去資助處，不過係由我打。
我唔介意幫佢，我只係衷心希望自己響對方心目中唔淨只係一個肯做肯捱既「私人助理」。
我唔介意跟出跟入、斟茶遞水，甚至記埋你上個禮拜洗左咩錢去過邊度，做到既我都會幫你。
但近來，我覺得我地既關係差左。你睇我 Info 之後其實都問左我兩次「係咪唔開心」之類～
但一次我訓左覺，一次我明明 Online 想答，你好快就 Off 左。你到底係咪真係想同我傾？

「妳係我媽媽、妹妹以外，最親既親屬！」其實我係你「既得意，又核突」既「私人助理」。

>>May 6, 2004 at 2:30:02 AM GMT+8

2004 年 5 月 2 日 星期日 【酷熱】

六點鬧鐘響，六點半先起身，七點要出門口，七點三要去到大學，七點半要出到九龍塘。
打的都要七點三個半字先到大學站。唉！見到面都好似冇乜野好講咁，近排俾佢鬧得太多了。
出到九龍塘見到 Jason，兩隻野就雞啄唔斷，佢地傾得好開心架！但係我都搭唔到咀．．．

出到跑馬地，終於有人我係咪好悶。其實唔係悶，係悶悶不樂。唔好問我點解，我都想知 =(

場波大部份時間都響對面半場踢，太遠，唔夠精采。坐又坐得唔安落，差 D 俾小朋友省。
用手擋左囉！不過都痛．．．我諗我以後真係唔駛旨意打排球。睇完又自己蕩去更衣室等。
等齊人就去左食麥記。好耐冇食過早晨全餐喇 ^^ 仲填左張抽獎卷抽大頭狗，好大隻架！

食完就同魚魚搭地鐵火車返沙田～ 睇戲呀！睇左《江湖》，我覺得 OK，唔係外間講到咁差。
睇完就散 Band 喇！打個電話就早 D 返去補習，又補到恰眼訓 ^^" 去萬寧又洗百幾蚊 @@"
食完「晚飯」就上網、睇電視。七點幾走去訓覺，諗住訓醒睇《The Mummy Returns》架嘛！
點知一訓就訓到十二點幾，又冇接魚魚電話 >< 成晚就上 Xjob.com 搵工 send 信囉．．．

我一定要搵到工架！搵唔到工，我就冇錢去旅行，又買唔到單鏡反光數碼相機 >< 唔制呀！

>>May 5, 2004 at 2:24:21 PM GMT+8

2004 年 5 月 1 日 星期六 【晴】

今朝唔駛補習，陪左大興去 Time Square 睇 MP3：$599 有部 Just For Fun XDDD 真係幾抵～
不過淨係聽到個名，幾平我都唔買 XD 結果大興都係用 $699 買左部 128MB 有錄音既。

Lunch 去左一間響 38/F 既 Cafe 食飯，都真係幾正，環境好舒服，價錢又唔係貴。掂呀！
一路食一路傾，都幾趕；有人俾女朋友催 XD 一齊行到彎仔地鐵站，我自己搭地鐵去九龍塘。
補完習就落番又一城等魚魚，陪佢去換件衫喎！不過換唔到。跟住落旺角允記，又要換。
行勻晒咁多間，都係冇喎！結果又返番沙田．．．最後都係冇換到 XD 返屋企睇波了。

01/05/2004 22:42 >>>>> 你唔好激我喇!!

都幾無辜辜．．．我知，我多餘丫嘛！有時我都覺得自己唔識做人，對人好，原來會咁煩。
我要慢慢學習點樣迎合人地。人地唔鍾意我做，我咪唔響佢面前做囉！最好係人地話點就點。
我話一，你話二，你話二，我就唔准話番一。二就二啦！以後都要記住，呢個係一條定律！
我唔想俾人鬧，我真係好唔鍾意俾人鬧，更加唔希望鬧我個個係你。近來你好似成日鬧我咁。
我覺得我做咩你都唔鍾意，做咩你都唔滿意；我覺得自己好冇用。你知唔知我都會唔開心？

>>May 6, 2004 at 1:18:07 PM GMT+8

2004 年 4 月 30 日 星期五 【晴】

今日又要趕功課～ 都算係最後一份功課喇掛？阿 Paul 份 Group Project，上個禮拜拖到而家。
入左大學，學得最「叻」既就係咩都拖到最後一分鐘先黎做，唔到最後一分鐘都冇貨架！
點知魚魚話要補習之前出旺角睇，趕到我丫！以為搞掂啦，又話要打埋份原稿俾 Sandy 喎 ><

結果都係出左旺角先，行完先返 City 幫 Sandy 執埋 D 手尾。唉！溝通唔到，又俾人話喇～
「我頭先打俾妳，妳又話到妳左車站？．．．『巴士站』．．．妳下次講清楚 D 啦！」
係既，係我唔好既。呢幾日，好似做咩都做得唔好咁，下下都俾魚魚話，我真係好唔問心。

行都行得唔開心，行到離行離列，好似佢有佢睇、我有我睇咁。想睇下自己野都唔得 =(
佢睇中而又最鍾意既都可以話係件德國波衫喇！個 Sales 竟然以為冇白色 ，但就俾我搵到。
不過冇人會讚我囉～ 算罷啦！差不多夠鐘就空手而回。魚魚去補習，我就返 City 執手尾。

返去買左件小 Cheese Cake，落 CSC 邊做邊食。真係唔慣俾人睇住打字 XD 打到錯晒都有既？
我竟然譯漏左個 Topic 一-一" 搞埋 D 排版就 Print 得，等 Jessie 返黎，一齊去釘裝就搞掂。
嘿～ 枉我自稱熟手釘裝技工，我竟然釘錯左阿 Joy 份野 XDDDDDDDD 個圈圈去左本書既右邊！

搞掂晒就一行三人去左 Delifrance 食野。都唔知叫午餐定叫晚餐了。個陣時五點幾喇～
點知食食下又收到曾老師既口訊叫我去搵佢，話我餅錄音帶有問題喎 @@" 唔係冇聲下嘛？
真係．．．老頭子仲話唔俾分我 >< 好彩我拉埋 Sandy 同 Jessie 同我一齊去：冇分仲得了既？
嘈完一輪先話俾我補測，但要即刻喎！點即刻呀？跟住又懶好心話俾三十分鐘我溫習喎！
「溫手指牙？咁有咩分別嘖？！」我都唔想咁串架！但我當時即時真係有個咁既反應 @@"
結果都俾我 Tum 到佢應承俾一半分我。好彩咋！冇分點得架？！我最後一個 Sem 喇老細～

有驚無險又避過左一劫 ^^" 去 Office 拎埋功課就走得，一行三人殺入沙田行街！哈哈 ^^"
陪佢地呢度行下、個度行下，見到 Bonjour 有 Burberry Weekend 既香水辦，不過唔捨得買。
跟住行 SASA，再過埋沙田中心搵電話繩喎！到我接到魚魚電話就同佢地講拜拜喇～
去 NewYouth 睇下有冇野買啦！左揀右揀、左試右試，終於俾我地揀左三樣野出黎咁。
丫！點知原來一件 Item 先可以用一張 Coupon，搞到魚魚乘機買埋件紅白藍，都幾靚既 =)

我自己就買左一件 Nike 背心，再加一個 Lecoqsportif 既杏色手挽袋，連魚魚都話靚架！
俾錢個陣就接到阿陳電話，踢波喎！結果買完搞掂晒又拿拿臨行去源禾，好多人啊 @@"
不過今日得我一個自己坐響場邊，都有少少悶架！隔離班後生仔又勁講咸濕野．．．

踢完就行返火車站搭巴士。自己去搭喇！冇計，魚魚要拎好大袋漫畫。勞勞碌碌又一 Day。

　　　　　＊　　　　　＊　　　　　＊　　　　　＊　　　　　＊　　　　　＊

你健康良好，壽命亦很長，有極大野心，對名利方面有所追求。
你感情豐富，愛幫助別人，你會得到一段好姻緣，可以白頭偕老。
你對感情頗專一，你喜愛幫助別人，什至乎可以為他人犧牲。
你頭腦靈活，思想敏捷，你能在絕處逢生，生命力極強。
你極熟悉各種新科技，喜歡探討未來，為多才多藝的人。
你的事業會被你的感情所拖累，由於你重情，所以有時候會無心工作。
事業成功與否就掌握在你手，只要你不太感情用事的話，事業運會轉好。
你於戀愛初期會經常同愛侶有爭拗，雖然這樣會影響你們較遲結婚，
但最終你們都會得到美滿婚姻。你個性剛強，辦事得力，
果斷有為，不好勝，有大將之風，將計劃一一實現。
你做事有條有理，不慌不忙，會在工作上發揮無比的智慧，
故你魅力非凡。有時候雖然顯得繁忙，
但你是天生的工作狂，故你會享受工作上的樂趣。　　　多謝 熊貓人 既詳盡分析。

>>May 11, 2004 at 10:30:34 AM GMT+8

2004 年 4 月 29 日 星期四 【晴】

今日爹爹同班波友上大陸喎 @@" 媽媽好唔開心，尋晚仲好似喊．．．我都唔知講咩好了。
終於都做晒份英譯中喇！不過下晝魚魚黎左，又響度玩 DV，補習之前都冇做過功課添！#16

有樣野．．．唉！我係咪唔應該咁樣諗佢呢？不過，做人又係咪應該有條底線？真係好矛盾。

今日調轉左補習既先後次序，因為夜晚想去 Royal 睇衫喎！所以補左乙明先去樂富補表弟。
本來都好地地，結果都係要勞氣，又搞到我遲走，落到樂富中心，魚魚都食完龜苓膏了。
搭地鐵落九龍塘，左試右試，結果買左件背心同短梯 ^^ 跟住又響 Adidas Shop 睇中左件衫。
魚魚洗錢既原因都幾特別：俾左 $250 睇根本唔想睇既張達明，洗錢買番 D 鍾意既衫都好應該！

返到屋企有個傻佬上網上左成晚（竟然！）不過唔係掛住同我講野，但都有 D 野有我份既：
個人道具：Ruby（全數值 +2，體力每回合回復 10%）「哈哈哈~係咪happy先~?」傻架 "3

>>May 3, 2004 at 3:04:02 PM GMT+8

2004 年 4 月 28 日 星期三 【晴】

今日日頭都好似冇做過 D 咩咁，譯左少少野囉！但都係做得好慢，冇乜心機做野，好懶散～
上網睇到一張舒利亞既相，突然間覺得佢掛靴之後可以拍戲同湯漢斯演兄弟喎！幾似樣 @@"

頂！又一件：又係白色，又係 Nike >< 我件 Nike Polo Shirt 又染左一撻撻藍色，唔駛著啦又？！
真係唔頂唔得呀 >< 我次次掉衫出黎洗，白色既一定擺開另外一個桶，點解都仲係染色？
次次都係咁，仲要次次都係 Nike，次次都係我 D 衫！搵多多錢都冇用啦～ 買衫都買到窮喇 ><

晏晝出九龍塘補習。小朋友慣性唔做我俾佢 D 功課，我係咪應該俾番 D 威嚴出黎睇下呢？
唔。跟住返入馬鞍山補，早到左勁多，佢地又未食完飯，唯有響老麥坐下、睇下書啦！
好不容易先至瘦番 D，我唔想俾佢肥番 @@" 但又因為坐老麥而忍唔到口，食左個包．．．
不過我都已經好叻架喇！冇食孖芝，食左個豬柳咋！不過都係肥 >< 下次唔准！我要戒老麥！

>>May 3, 2004 at 1:36:47 PM GMT+8

2004 年 4 月 27 日 星期二 【酷熱】

今朝行雷，好得人驚。尋晚三點幾四點先訓，今朝六點幾就俾 D 旱雷嚇醒．．．去所所 XD
不過真係驚架！去完所所返入房，都仲係聽到出面陰 D 陰 D 咁樣窿窿聲，好得人驚的。
跟住就越黎越明顯，越黎越近。本來都諗住照訓，點知合埋眼唔為意佢突然一野好閃既閃電：

「（碎裂式）劈靂拍勒．轟．．．」嚇到我個頭由頂住窗口道牆縮到起碼兩呎以外既地方。
仲即刻用被蓋住個頭，攬到阿仔實一實。嘩！嚇到眼淚水都標埋，冇覺好訓呀 >< 陰公！

順帶一提～ 唔知點解我響夕谷出 Post 個陣會諗到「餓鬼打鼓」呢個「形容詞」架喎 XDDD

基本上都係得自己一個響屋企，上下網、睇下電視咁。最乖就係閂左電腦做左一陣野咁大把。
都好啦！三頁野 Draft 好左一頁半。其實我肯做， D 野根本就唔係難做既。勤力 D 啦露比！
不過跟住又開番電腦繼續玩啦！煮左 D 麵，食完就沖涼去補習。唉！又遲到喇我．．．
今日淨係補弟弟。都唔算嘔血啦！都係多得我表弟，有佢，我先覺得其他小朋友原來咁乖。

補之前接到魚魚電話，約我七點鐘樂富。補完習就去搭火車啦！又話要陪個學生買野喎～
叫我唔好出閘．．．等呀等，終於都有電話到。原來八點半踢波。我返屋企先定點？

　　＊　　　　　＊　　　　　＊

一日之內被呼來揮去，感覺殊不好受。
原來，我已失去了那鼓想見你的衝動．．．
特地跑出九龍，為的是一次見面的機會，
倒頭來，白走一趟。乘小巴不會更好嗎？　　　　　當初渴望那份情
真會怪自己有點笨，這樣給耍了一轉。
兩天以來，思前想後，這個男人．．．　　　　　　　　　　　流落今天的被窩
真值得我愛嗎？實在很矛盾。　
我清楚知道自己是絕對愛他的，　　　　　　　　　　　又算第幾者的錯？
卻又清楚知道自己實在不該愛他。
年多的感情，是白付的嗎？
其實，我也得到過些甚麼，只是．．．

　　＊　　　　　＊　　　　　＊

返屋企，換左套衫，煮個麵就出去了。媽媽返左黎，又係唔聲唔聲咁，都咪話唔得人驚。
準時去到博康。呵呵～ 魚魚響架巴士上面。不過我地準時，大家就遲到，要我等 一-一
本來等都唔係問題，要我餵蚊個下慘。幾經辛苦先等到齊人囉！去到源禾路先至冇咁多蚊。
有人入左兩球 ^^ 雖然今晚冇人陪，悶就係悶 D，不過都睇得幾開心。「拖一陣手仔先。」

一個人坐響場邊唱歌，難免會諗下野。其實經過呢幾日，好多野，我諗我都放開左。
我唔會再諗你會陪我去旅行，我唔會再諗我地既將來。你今日對我好就夠，好夠好夠了。
其他野，已經唔再重要。即使我今日我聽你講十句甜言蜜語，將來既事，邊個會知？
多謝網友 藤原拓海 兩句說話：懂得放手是一種福氣；有些東西，放開會比捉緊更快樂。

「嘩～ 好靚呀！」「我．好鍾意．妳呀！」「妳今日好『女仔』．．．」

>>May 3, 2004 at 3:04:22 PM GMT+8