2004 年 8 月 19 日 星期四 【晴】

資料片段遺失。

>>September 11, 2004 at 3:12:12 AM GMT+8

2004 年 8 月 18 日 星期三 【清涼】

今日既工作都算繁重：返早，然後去九龍塘補習，再過海同久違既「表哥」食飯。
遲到添！去到中環打俾佢，響地鐵站等埋佢去，因為我唔識路。點知約到一舊雲咁。
等左好耐，終於等到阮希同埋傳說中既 Tony。再去交易廣場既富臨閣．洞庭樓。

估唔到，冇見「表哥」一排，加上好似冇乜咁樣同佢食飯，佢成個大老細咁 @@"
一入到間野，好似全村人都識佢咁，余生前，余生後，真係．．．我有 D 不知所措囉！
叫野食時又幾個人圍埋黎介紹邊樣邊樣好，結果 D 野食都不負所託 -- 大部份咁啦～
Tony 指定既「清炒蝦仁」真係幾得，但個甚麼賽旁蟹就唔多得喇；個甜品都算係咁。

Drinking at Lan Kwai Fong... 都冇鬼仔既 一-一 就反而見到 Win... 我唔記得左佢個名。
哈！更岩既係另外兩個男仔係表哥佢地識架囉！呢個世界真係細，大家都扮晒熟咁 XD
飲左杯貴夾唔好味既 Latte（我唔識欣賞嘖）再吹左陣水、影左幾張相就離開勒！
落到去兜左幾個圈 -- 係真係兜圈；突然間又話食 Haagen-Dazs：原來荔枝味係唔好食架 ><
再兜多左陣就拉大隊走。本來諗住搭巴士，但又唔想全世界跟住我，所以都係走 lu...

>>September 9, 2004 at 4:18:05 AM GMT+8

2004 年 8 月 17 日 星期二 【晴】

部份資料片段遺失。
#23

其實，我真係會驚的．．．

夜晚約左阿 Jay 去沙田飲野。上演一幕《後現代沙田流浪記》之後，我地去左仙蹤林。
一人一杯荔枝玉露。其實，我最開心就係見到朋友笑，更開心係見到朋友見到我就識笑。
即使佢笑係因為我個樣滑稽；最緊要妳開心。仲幫個傻婆影左張用假樹葉遮眼既相！

當一個朋友同你去完街，留個 SMS 或者 ICQ 留句「今晚好開心」，絕對係人生一大樂事。

「對於我來說，年介 25 之上的才勉強稱得上男人，
　然後如果他是賤賤的那種，那我會稱他（們）為 cheap 佬。」這是一位朋友訂的 Definition。
「雙子座的情聖 element 只次於人馬座。」這是同一位朋友說的話。還有「迷豬湯」。

也許的確有「迷豬湯」這個東西，但我「自投羅網」也是不爭的事實。（豬．是指我吧？）

>>September 11, 2004 at 3:36:15 AM GMT+8

2004 年 8 月 16 日 星期一 【晴】

唉！尋晚咩都冇熄，溜入房就訓左，鬧鐘都冇較。結果六點先起身，咁又 126 蚊的士。
早餐都冇買，因為時間唔多，重點係冇錢。唉！咁搞法，真係搵多多都唔夠我洗。

今日話多野做又唔多，朝早洗池，真係做少好多野。不過條數埋左好耐 >< 抄左兩三次。
晏晝同救生員 + 阿咪去左海聯飲茶，咁又 $40，但我響粉嶺「生活」既日子都唔多，珍惜。
同阿咪做野真係好舒服，夾得黎之餘又有商有量，加埋佢間中烏龍下，真係好開心架～
今日改埋更表，我仲有兩次機會同佢夾更呀 ^^ 好野！丫，係，今日又再遞過信。
口頭講左，但都俾鄧生召去「傾偈」，心軟應承左做到下個禮拜三，所以封信要改。

雖然都係被鄧生「唆擺」，但總算係為自己渣主意；至少，「佢」冇成為我既考慮因素。

差唔多收工時，琛哥岩岩游完水，原來諗住等我收工，同我去食野。不過我要補習。
搭小巴時已經想訓，上火車有得坐就更加係眼訓到不得了！落車即刻買左罐咖啡。
補習總算冇恰眼訓勒！今日好乖，冇同佢玩，真係篤住佢做野。呢個小朋友真係心散。
諗緊提出加價，不過陳太次次都俾齊頭我，加埋加埋都唔少，加個十零蚊，其實冇分別。

補完習就返屋企了。搭巴士，慳得就慳。返到黎，媽子未返添！竟然彈起琴上黎 @@
不過要抹完塵先．．．同一首歌彈左兩次，跟住就 Download 左幾份琴譜，得閒彈番多 D。

過去六日，每日只通一兩次電話，每次只講一兩分鐘，交代一下做左乜/ 將會做 D 乜。
大家都忙掛！或者，下個禮拜開始會好 D；或者，我辭左職會好 D；又或者．．．

大概是你悶了　再聽這歌也哼不了
唯獨我仍然在唱　流淚過後還苦笑
就算是再重要　昨天記憶留低多少
人大了便成熟了　成熟了便忘掉了
忘掉這日無話了　成就添了多少
也各有各照耀

我的天　今天得我一個
像日子也枉過　並沒誰做錯
為何你我難一起唱這歌
身邊少了一個
就像一切經過　獨自回味過
亦難與你　和我分享更加多
你我的最初

>>August 17, 2004 at 8:19:55 PM GMT+8

2004 年 8 月 15 日 星期日 【晴】

資料片段遺失。

>>September 9, 2004 at 4:00:09 AM GMT+8

2004 年 8 月 14 日 星期六 【晴】

第二次給借將到君頤峰。很高興，因為可以見到 Jay，又可以做我最拿手的「證」。
今天沒上次那麼騰雞，一切都能應付自如了；多得臭臭臭臭臭 Jay 大部份時間在身邊。
只是她面色看來不太好，也許真的累了。吃了一個 semi-Share 的午飯。蛋，真美味。

「你冇返綠悠悠嗱？」by 救生員．奸。

竟然不想下班。也許我真的有點喜歡這個地方。其實，我慣常都會喜歡自己工作的地方。
雖然跟別的幾乎沒交流，但跟我一起坐 Receotion Desk 的 維．陳 和 珍．簡 都很能幹！
我喜歡工作時認真，玩樂、說笑時輕鬆的人。很喜歡很喜歡他們。（你們有天會知道嗎？）

結果還是下班了，要到養和探望姑母。姑母得的病，治不好，只有盡量止痛、穩定。
他們看見穿上公司制服的我都不禁訝異：以為我在錢庄當 Teller。哈！自問穿得蠻好看。
在這種場合，除了「冇事既！忍下啦！好好保重自已，千祈唔好放棄呀！」還可以說甚麼？
不太自在。從來不慛在這種場合說些較有新意的話。太語重深長嗎？我不過是個晚輩。
我知道姑母很疼我。還說要跟她北上造新衣，又說要到她家裡弄水晶甲，如今．．．

話嗎？不慛說，真的、衷心的希望姑母妳早日康復。振作！家裡每一員都絕對疼你的。

晚上跟爹娘和姑姑到張堅庭先生的「表哥」晚膳。我至愛的炸雲吞啊！難得爹娘由我放任。
回程時跟爹爹談汽車，又跟媽媽談住宿．．．氣氛很好很好。如果以後也可以這便好了。

炸雲吞炸雲吞炸雲吞炸雲吞炸雲吞炸雲吞炸雲吞炸雲吞炸雲吞炸雲吞
炸　　　　吞　　　　雲　　　　炸　　　　吞　　　炸雲　炸　吞
炸　吞炸雲吞　雲吞　雲　炸雲吞炸　吞炸　吞炸　吞炸雲　炸　吞
炸　吞　　吞　　　　雲　　　吞炸　　　　吞炸　吞炸雲　炸　吞
炸　吞炸　吞　雲　炸雲　炸雲吞炸　吞炸　吞炸　吞炸雲吞炸雲吞
炸　　　　吞　雲吞　雲　　　　炸　吞炸　吞炸　吞炸雲　炸　吞
炸雲吞炸雲吞炸雲吞炸雲吞炸雲吞炸雲吞炸雲吞炸雲吞炸雲吞炸雲吞　ＧRＥAＴ!！!

>>September 1, 2004 at 1:43:23 AM GMT+8

2004 年 8 月 13 日 星期五 【晴】

享受可能係最後一次同 Ame 拍。六點三已經去到街市 @@ 買埋早餐都未夠六點半。
連 D 保安阿哥都碌大眼問我做乜咁早 XD 而我辭職既事亦通晒天，連 Grace 都知。
唔知大家會唔會唔捨得我呢？話晒我都係綠悠軒環保小組組長兼會所歡樂小姐 XDDDDD

其實我都唔捨得，不過前途要緊。第一次，亦係最後一次同 Ame 食早餐。粥 + 叉腸。
全日都唔算忙，咁既工作節奏其實都 OK 舒服。唔計今日，我仲有九日工返。要倒數喇 ^^"
返多兩日就做夠兩個月，真係真係真係有 D 唔捨得。聽日又去君頤峰，得番八日了。
今日算係準時走。本來話去許留山既，但因為唔順路，就求其響帝庭軒食個 Tea 算了。

跟住去補習。日日返完工補習已經累到想死，如果要上完堂再返工，我一定捱唔住。
最安慰既係王太主動提出加我人工！雖然仲係低過市價，但我已經好開心、好滿足架喇！

補完諗住返屋企啦！點知發現艾力打過俾我 @O@ 就係話我知我結果都係要去君頤峰。
激死！條裙同對鞋都響 Locker，我係要特登入番粉嶺拎囉 >< 好彩有 Becca 響度咋．．．
等佢拎黎火車站俾我就一齊搭火車走。打返屋企冇人聽，咁先醒起今日爹娘去睇阿 Sam ^^"
食自己。又係食隔夜送 O_o" 都唔緊要既，今晚有《 JAWS 2 》睇，咁就唔怕悶。

《真的怕了》　郭富城

我說得再多　又能證明什麼
不過　不過　更加寂寞
你很迷惑　我很無措
這些混亂悲喜　值不值得

你的不快樂　不會是你的錯
是我　是我　還缺點甚麼
曾經給過你的承諾
一個一個回頭嘲笑我

我真的怕了　真的怕了
靠近你　遠離你　都錯
你的溫柔背後　藏的心事難懂
彷彿我們愛得很墮落

我真的怕了　真的怕了
面對你　背對你　都痛
擋不住的脆弱　終於打敗了我
真的怕了　愛不屬於我　　　　　　從來未有屬於我。

大家一向以為：　B for Boy ; G for Girl.
其實．．．　　　B for Blue ; G for Grey.

>>August 14, 2004 at 12:28:58 AM GMT+8

2004 年 8 月 12 日 星期四 【晴】

今朝又係得自己一個。五點四就出門口，應該係比平時再早左一班巴士、火車。
去到粉嶺先至 6:10，買埋個早餐返到會所都不過係 6:30，6:50 就 Ready 勒 ^^"

尋日飲完利賓納唔記得洗杯，咁就大鑊了 -- 拎到入所所先發現有好多蟻仔響度「游水」！
撞鬼咯～ 我仲咁「英勇」徒手拎個杯入去洗囉！諗番起都覺毛管戙！真係好核突架 ><

仲有兩個字，悠悠閒閒食早餐，不過對住個杯就諗起 D 蟻，真係有 D 唔開胃．．．
丁米真係好好食呀 XD 多得恆商唔少，搞到我從此咁鍾意食丁米。不論早餐定下午茶。
九點 Oli 返到黎又騰左出去，基本上我又冇乜野做。最忙已經係打電話取消泳班囉！

即係呢，我越黎越唔鍾意有人自把自為，越黎越放肆。招攬學生上私人班已經唔岩架啦！
取消左泳班又唔帶 D 小朋友上黎，仲夠膽響我面前問佢地：「你地邊個想返屋企呀？」
話幫佢打電話又話要自己黎，D 小朋友棟響度都要幫佢打埋電話，約補堂又係要自己黎？
擺明係想攬客啦！呢條友真係好狗。最慘係我覺得 Oli 係「事不關己，己不勞心」囉！

唉！唔講喇～ 遲左九個字收工，所以遲左三個字補習。打俾魚魚，收唔到。Send SMS。
小朋友回晒塘囉 >< 好棘手。不過我係咪都要檢討下自己係咪太惡呢？我想要求高 D。

補完習再打俾魚魚．．．我估係同人地一齊掛！態度好「掘」。不過唔緊要啦 ^^" 慣了。
近來都慣了。無論係叫起身、「報到」定係臨訓前都係咁。淨係希望你快 D 煩完啦！

行去搭車，個腦又響度自言自語 XD 係咪真係要獨立 D，做自私怪，咩都諗自己先呢？
唔知幾時開始，幾乎每次考慮做一件事，我時都會將魚魚既 Priority 排得高過自己。好傻。
諗諗下，好似以前咁坐響場邊、渣住部機傻下傻下既我，比而家開心好幾百倍。竟然係咁 ^^"
I miss the kind of smile he showed me everytime he scored or made a nice shoot. 此情不再？

返到黎，換件衫就撻上床，八點幾起身食飯，食完就一直上網、睇電視。Yeah！《E.R.》。

>>August 13, 2004 at 12:16:04 AM GMT+8

2004 年 8 月 10 日 星期二 【晴】

Twice a day. First time in history... =(
朝早喊左一次，晏晝竟然響巴士上再喊。
忍住。直到魚魚出聲，就忍唔住了。

你心情不好嗎？有事煩嗎？Angel 知道。只是．．．如果 Angel 真的懂得變魔法，多好。

>>January 23, 2005 at 2:17:45 AM GMT+8

2004 年 8 月 7 日 星期六 【晴】

第一日被借到君頤峰。由於個度實在太隔涉，為免遲到/ 麻煩，結果我都係決定搭的士。
去到門口落，都 OK 威架 XD 但跟住已經唔識路，D 保安又唔帶路，要我自己打電話上去問。
由於我以綠油油為標準既關係，入到去我覺得個度根本就唔似一個會所，大到離晒大譜。

簽左到，佢就叫我換制服，我都講明係灰色架啦！係唔肯早 D 拎 D 新制服出黎借俾人架喎 ><
搶唔到灰色背心，無奈地拎左件紫色，激似茶樓 Waitress。不過大家一齊著，冇所謂既～
換衫時終於見到阿 Jay。行過 Music Room 見到幾支結他棟左響度，重點係旁邊有個三角琴！
豪所真係豪所。我做左九個半鐘都未有機會行勻個會所。最遠只係去到巴黎．．．春天。

估唔到放工時連 Byebye 都同唔到阿 Jay 講。咁難得今日響 PP 見番佢，點都要笑番夠本啦！

放工走去搭巴士落番油麻地再轉巴士，入左隧道就訓左 lu... 返到屋企都唔係好夜嘖 =)
竟然走去睇港姐 D 野．．．係個 6 號叫做 OK 囉！雖然佢咁既樣，出到旺角根本一街都係。
唔覺意聽到 Jade 首派台歌《髮調橙》。個名都衰過人既．．．幾乎完全唔知佢唱乜野！
改變形象？冇問題，我都覺得佢瘦左又靚左架喎！但可唔可以唔好唱埋晒 D 怪歌呢？

>>September 1, 2004 at 2:40:04 AM GMT+8