2004 年 3 月 27 日 星期六 【颳風】

今日都算過癮喇～ 終於都就到頌安同錦豐兩個學生一先一後咁補習，時間見駛好多。
見駛到可以補完頌安再補錦豐，知道頌安個個唔夠皮，補完錦豐又過番頌安補多一個鐘。
哈哈！跟住返一返屋企，又出九龍塘補習，補完就去銅鑼灣睇跌打。出開黎，睇埋囉！

搭地鐵去鑽石山轉車返屋企，乘機拎埋換埋張十送一俾魚魚過海用。臨上車接到電話～
為左唔駛禮拜三先應酬阿邊個，趁未上車就出左旺角啦！慘就慘在我食左包著條 ><
出去行下街，食左個魚麵。我知道有人好冇癮囉～ 但我真係唔想俾咁多希望佢，失望越大。
呵呵！買左條頸繩，青色架！！！靚到死 ^^ 響 Trendy 見到我鍾意個隻 DKNY 錶有黑鋼版：
好靚呀．．．不過我唔可以咁多心，因為我已經有我既 agnes b. 喇！但隻野真係好靚 ><

>>April 5, 2004 at 6:08:51 PM GMT+8

2004 年 3 月 26 日 星期五 【微冷】

今日係 FYP Deadline，我已經算乖架喇！一早起身做野，不過都係拜之前做得慢所賜。
但魚魚上左黎，仲帶左餅帶俾我睇。勁呀 @o@ #13 不過睇完都係要拿拿聲趕功課。
本來想譯多頁架！不過真係唔夠時間，譯左一段就算了。個譯者序只係用左十分鐘寫。

個陣已經係三點半，仲要釘裝 >< 點知樓下間文具舖冇呢個服務囉！我頂 >< 又要打的。
先去 Book Shop 買野，跟住去影印房釘裝，好彩部舊機冇人爭。釘好晒以為掂啦！
丫又俾我發現到譯者序寫得唔好：「原汁原味」冇「地道」既意思架嘛！又要塗改 @@"
諗住去交啦！丫又俾我醒起冇分番開邊 D 係 Supervised 邊 D 未喎～ 即刻影印個頁加上去啦！
個陣已經搭九，勁多人拖到最後幾分鐘先黎釘裝，排隊耕到丫！最慘係前面排著個八婆～

明明係我排隊先，佢夠膽死同前面個女仔（佢朋友）講：「個邊好多人呀～ 我都係跟你啦！」
乜人黎架？！我出聲：「我釘兩頁架咋！可唔可以俾我釘左先？」「我都係釘兩頁咋喎！」
個樣係勁仆街囉（諗唔到更貼切既形容詞～）我係勁嬲囉！但當佢真係釘兩頁，算了。
點知有 D 白痴根本唔識用舊機，淨係話「試機」都釘左不下十次，最慘係十次都未試掂。
仲要 Hold 住部機但又問隔離用緊新機個個男仔喎！又要人教佢，跟住仲索性叫人幫佢釘埋。
我直情響後面細細聲講：「不如俾我釘先丫？」但個樣係勁不滿架囉！因為真係好慶～
之前釘好左個個女仔同我講：「呀，真係唔好意思呀～ 我地要交 FYP 呀！」「我都係囉！」
個八婆讓番部機出黎個陣仲寸寸貢咁：「我地郁過個位架喎！」「頭先我都係自己較。」
結果我咪用左少過一分鐘既時間完成晒釘番兩張紙仲要夾番個兩頁入去？！學妳咁廢喇喎？

終於都交左份野 ^^" 不過交完又要 Send Email 俾 Elsie，叫佢幫我改埋佢份 Soft Copy 個序。
跟住一個人冇街去囉！交完 FYP 都冇野玩。過海睇跌打啦！好彩阿 Neth 覆左我，約左食飯。
睇完跌打，響銅鑼灣行左一陣，跟住又過旺角行，終於等到 Kenneth 黎，兩個人去食青葉。
點知買著本冇 Coupon 既《飲食男女》^^" 冇計。成晚傾左好多野，兩個人都食得幾開心。
不過我冇乜胃口，食得好少野，而冇乜錢囉！唯有爭住先。搭地鐵去黃大仙轉 85M 返屋企。

>>April 4, 2004 at 1:49:40 AM GMT+8

2004 年 3 月 25 日 星期四 【晴】

早知唔訓啦！又唔知醒喇 >< 不過小濤又話唔點名，Duncan 又 Absent，咁梗係唔返啦！
留響屋企做 FYP。晏晝又唔多想補習 ^^" 驚做唔切份野嘛～ 最威係連駿景園都推埋。
咩喎．．．你個仔考試大晒咩～ 我夠要交畢業功課啦！仲要老遠出去睇跌打喎～ 唉！

響巴士度撞到 Kathy Lee 同 Miss Wong，咁岩阿媽又打俾我，不過塞車塞到個人好憫。
睇完去左三武地庫間野度食包、飲朱古力，譯下野、打下 PDA 咁。等埋魚魚先返屋企 =)
由銅鑼灣地鐵站行到灣仔地鐵站，比我想像中遠好多。買左杯青蘋果綠茶。要熱喎！

>>April 4, 2004 at 2:12:41 AM GMT+8

2004 年 3 月 24 日 星期三 【暴雨】

今日 Day off，勁晏先起身，跟手出埋份卷，然後又浪費下時間，都叫做過下野既 O_o"
出九龍塘補習。補完又接到阿邊個電話，咁岩又響九龍塘既？唯有又等埋佢囉～
決定去沙田睇個跌打，又有人跟埋去，仲想跟埋我去駿景園添！真係唔駛喇．．．

補完習搭火車出旺角，因為魚魚話買 D 野俾我喎 ^^ 呵～ 原來係頭髮會變色個隻公仔。
跟住仲去左 Chic 之堡睇高達，再去埋百老匯睇下有冇 MP3 岩佢。之後就搭火車返屋企 lu...
食左 D 野就做野啦！夠鐘就睇波（歐聯．阿車大戰！）睇完又繼續，一做就做到天光。

>>April 2, 2004 at 4:42:14 PM GMT+8

2004 年 3 月 23 日 星期二 【微冷】

嘿～ 又走阿 Paul 堂，Interp 又遲到。一入課室就聽到阿 Jim 話：「哩～ 呢個都羅 A 架！」
真係受寵若驚 ^^" 今日大把時間，大班人去左遠南豐．我第一次去。然後陪 Jessie 去影印。
有貓貓玩。我其實唔係咁鍾意貓貓架咋！不過呢幾隻算得意。又係第一次去 College 既電腦房。

冇野響手，做唔到 FYP，唯有出卷俾個學生。終於等到 Elsie 返黎，拎番份 FYP，評語幾好 ^^

今晚係尾二一課練習，Poly Book 左排球場，YEAH！有得打波 ^^ 好耐冇打過，好開心呀！
不過今晚過後發現我真係好憎一條友！樣已經唔係好架啦～ 淨係得把口，把口都唔識收既～
自己悶個陣就賴熟黐埋黎喎～ 有得玩就唔收口，自大都唔緊要勒，你有料先自大啦唔該！
成日話咁打咁打，我丕！擺明就係識少少扮代表，諗住其他人唔識打，自己識少少就要威啦！
幾多歲人呀？垃圾！人地串我，關你叉事咩？我鍾意俾人串，係唔鍾意俾你串額！收皮啦～
夠薑既咪自己捉痛腳串我囉！唔係人地串我個陣加把咀埋黎叨光囉～ 簡直係廢人之中既廢人。
打到後尾都唔鬼想打，行行企企咁。都係 PatPat、小庭同 Coni 好．．．咁先係一齊玩架嘛！

今晚約左魚魚睇戲，加上又觸動到舊傷，八點鬆 D 就閃人，沖左個涼就撇。搭地鐵過海。
搭車個陣接到個電話，唔．．．跟住仲有 SMS，入到戲院又有 SMS，不過唔得閒睇囉！
睇睇下，坐到離行離列；不過後尾都有人稱番我過去 ^^" Heehee... 都幾好睇呀！《七年很癢》
拖！離開利舞檯個陣先睇番個 SMS，哎也！捅婁子。好煩囉～ 我唔鍾意呢 D 咁既驚喜 ><
結果尷尷尬尬咁熬過左，不過魚魚偷笑，我都估到佢估到咩事架喇！唉～ 搭車個陣又冇咩既。

唔開心囉～ 好煩。過左大圍就打番俾呀邊個啦！見佢等左我成晚咪唯有響沙田等埋佢囉～
又夾硬要送我返屋企 >< 事但啦唉！仲同我講「單車」，真係嚇得我死。響 Lift 口仲講．．．
「唔得！」我講得好清楚架喇～ 仲係第二次講得咁清楚架喇！日記為證，我唔係衰人呀！

「做咩咁既聲氣既？！係咪有野煩呀？」「係啦．．．」
「係牙？！唔，咁你遲 D 先過番俾我知啦？」「．．．不如我而家講啦！」
「哦？！．．．好額！」「．．．我有人追呀！」
「係牙？！唔，咩人黎架？」「．．．囉！」
「我識唔識架？」「你應該唔識架！」
「咁佢係唔係．．．架？」「好似係掛！」
「唔～ 咁好彩你個陣冇入．．．嘖！」「唔．．．」

>>April 2, 2004 at 4:34:58 PM GMT+8

2004 年 3 月 22 日 星期一 【微冷】

今日都算知醒，沖個涼洗埋個頭，悉心打扮返學。由於太姿整遲左，要打的去火車站。
撞到同學仔，邊坐車邊傾偈，點知去到大圍佢接到電話：「Duncan Sick Leave 呀！」
．．．等我仲用左十倍價錢趕去火車站 >< 算喇唉！返到學校搵埋 Winny 同 Thomas 佢。

竟然係玩 Tarrot！真係好不可思議．．．最不可思議既係阿 Mike 講既解說，我都識講。

跟住上堂～ 細 San 話我今日靚 ^^ 晏晝去南山食飯。竟然又花左三堂堂時間再深究份功課。
最尾個堂又做 FYP，不過總算有聽書。放學同 Jessie 去 Food Court 食左個開心 Tea =)
跟住先去補習。遲大到呢 ^^" 等車個陣終於接到魚魚電話。表弟病左，都好，唔駛勞氣。

補完習落左樂富中心買番對耳筒。唉！我用親 D 耳筒都咁短命。唔買 SONY 喇～
搭車去九龍塘，就然見到 Bryan 響又一城行落黎 @@" 兩下 Eye-contact，係咁多了。
等埋魚魚，Hea 左一陣。佢禁錢個陣，我諗我好似睇到 D 野．．．點解要睇到 =(

《我恨我是女人》　趙學而

開心從來未想我　孤單了才願找我
如舊抱著我　如舊熱切地親我
像是情人　偏不愛我

開心完全是因你　傷心了還是因你
從沒有伴侶　從來沒法認識你
心想放棄　卻已沒處飛

仍繼續繼續再親　動人動情動心
你傷我都要這麼震撼
我願你是女人　戀愛不發生
不必求你再熱烈抱緊
繼續繼續再等　沒停沒原沒因
等每一次你的過分
我恨我是女人　熱情難自禁
偷泣仍要這樣共你親吻

可能真係唔見好過見；尤其是係你過份敏銳既觸覺令你發現到一 D 你唔想見到既事實。
我唔會問到底事實係咪咁。係又點，唔係又點？我好清楚自己咩身位咩位置。我冇資格。

如何自處　怎麼我今次　願意孤擲一注
為何可以　拋開了一切
為你一人　自棄森林　任性一次

飯都冇胃口食，只係食晒碟唔留得既送；連最愛既雞翼都完封不動。浸個浴，醒下吧！

>>March 22, 2004 at 11:57:29 PM GMT+8

2004 年 3 月 21 日 星期日 【微冷】

嘩！今日成十二點幾起身，成日都留響屋企，不過做既野就唔多，主要都係上網浪費時間。
終於都有的起心肝做下功課既 ^^" 夜晚有人上左黎裝和記，阿哥又唔響度，搞到一頭煙。
最勞氣就係有人多事幹幫手。幫手喎～ 幫手猛左我電腦個插蘇囉！我部新電腦未試過咁慘架！

結果係我用唔番 ICQ，嚇到我死，又驚冇左個 UIN，更驚冇晒 D History，整到我幾乎喊咁口 ><
發晒脾氣．．．好彩最後都用得番，順手做埋 Reindexing，冇壞就最好啦！嚇得我丫 =(

>>April 2, 2004 at 1:46:02 AM GMT+8

2004 年 3 月 20 日 星期六 【晴】

今日晏起身啦！補左兩個習。
夜晚就去慈雲山睇波，睇完咪響大家樂食左個飯囉！
好似係咁掛！唔記得喇～

>>April 5, 2004 at 5:45:37 PM GMT+8

2004 年 3 月 19 日 星期五 【晴】

#12．．．完全唔記得左今日發生左咩事。

>>April 2, 2004 at 1:34:34 AM GMT+8

2004 年 3 月 18 日 星期四 【晴】

又係 18 號呢 D 黑仔日子！有幾黑仔？唔知醒囉 >< 冇上小濤。上完兩堂就交 FYP 鬆人。
響 Canteen 買個飯，諗住上表弟仔度補習啦～ 我頂丫！冇人通知我大少要去睇牙囉！
我係摸門釘囉～ 真係敲晒門先知衰喎！又拎住盒飯唔知點搞，位置同時間又唔三唔四 ><

不知所謂！結果係搭 85C 返屋企，仲要響架車度消滅左個盒已經買左半個鐘有多既飯囉！
返到去凳都未坐得熱又話要去乙明補習，跟住又去駿景園．．．好悶呀！日日見 一.一

>>March 30, 2004 at 1:44:11 AM GMT+8