2004 年 9 月 18 日 星期六 【乍寒還暖】

哈！今朝賴床。晏晝返屋企。今日有家事要辦。
仲驚阿爹阿哥冇飯食，買埋俾佢地，點知原來爹爹已經食左。
等埋媽咪返黎就出發去「世界」。

第一次做咁既 "Receptionist"。

看著爺爺的遺容，坦白說，我不敢碰。
沒有像叔叔般，把心裡的話全都說出來。
只有默默的，在心裡，跟爺爺道別。

爺爺，我會生性的了。
你最不願見到我和哥哥頂咀。
我答應你，我會盡量遷就。
你好好安息吧．．．

>>October 29, 2004 at 12:06:58 AM GMT+8

2004 年 9 月 17 日 星期五 【陰】

今朝仲有閒情煮麵食。上堂 Break 個陣去所所，接到爹爹電話 -- 姑媽情況危急！即刻執野走。
冇錢打的過海，所以揀左搭地鐵轉的士，但搭到一半就再接到電話 -- 噩耗。心情難以形容。
去到醫院，好多親友已經圍晒響度，個阿婆攬住姑媽唔放，我接近唔到，完全接近唔到．．．

我冇好似個阿婆咁喊到呼天搶地，係不停流眼淚。出左房就狂打電話，打俾契媽時就失控了。
唔係第一次面對親友離世，但肯定係第一次半個月內失去兩個近親！心好痛，打擊好大。
終於有幾氣走近床邊凝望姑媽一陣子，心情終於平伏，接下來，就不禁討厭起個個阿婆起黎。

終於，要喊既都喊完，都應該俾姑媽真真正正咁「抖下」，大家都離開。我俾錢買左 D 餅。
大家上左賽西湖，食完餅，Hea 左成個下晝，晚飯斬料返去，然後一齊無無聊聊睇電視．．．
終於，撐左姑媽幾年，今日扮左成日冷靜既姑丈喊了 -- 我第一次見姑丈喊。睇見，心都酸。
又睇左陣電視就跟車返竹園，再轉小巴返宿舍。返到黎都唔願訓．．．好彩有 Peggy 安慰我咋！

或者，姑媽係知道黎緊兩日我地會為爺爺既喪事勞碌，佢唔想為我地增添麻煩，所以．．．
但點解唔等埋我黎，見埋你最後一面先走？不過，只要你想離開，我都希望你可以舒舒服服咁走。
真係有 D 怪自己，今日上堂時，仲同 Jessie 諗緊放學去邊，反而唔會諗下去探下你，結果？
對唔住呀姑媽！我仲好記得，上星期幫你量血壓，我仲餵你食雞翼添 >< Rest in peace...

>>October 7, 2004 at 2:08:30 AM GMT+8

2004 年 9 月 16 日 星期四 【晴】

今日先後去九龍塘同乙明村補習，夜晚上竹園食飯，跟住趕番落九龍塘搭巴士入去睇波。
點知．．．唉！唔覺意 Miss 左個電話，覆番俾人話不特止，原來個電話係打黎話場波取消左！
車都開左，我又唔慣搭兩個站落車，結果一樣係入到本來要去既站，等左勁耐車先返到宿。

無奈地，等車時見到家諾，魚魚反而電話都再冇個俾我，原來返左大圍玩．．．算啦 /_\

>>October 7, 2004 at 1:52:58 AM GMT+8

2004 年 9 月 15 日 星期三 【晴】

朝早晏晝唔記得喇！夜晚去左駿景園補習，跟住出沙田搵勤哥哥食飯。
本來諗去住南豐閣食海南雞飯，點知裝修執左；結果同佢去左味千。
跟住又好有聊地去左沙角食糖水 ^^" 食左碗芒果西米露，正！跟住就返宿 lu...

上次 Sandy「突然」請我食豆腐花，今次我都有請番佢食，買左碗腐竹俾佢 ^^

>>October 7, 2004 at 1:49:23 AM GMT+8

2004 年 9 月 14 日 星期二 【晴】

嘿！Jessie 唔知醒，學都唔返；我都唔知醒，咁就冇 Super Sandwich 食喇！食左個香辣牛肉。
準時返到 Lab，老師都遲到少少既 一-一 又話傳譯員唔可以遲到？！跟住上堂就慘喇．．．
係我一貫既作風：第一堂 Interp，錯漏百出。唉．．．被老師開咪話我譯漏野/ 譯得唔好。灰。

證實左自己既 Short Term Memory 係差到不知所謂；更慘既係我好似連 CI 同 Sight 都唔多掂 ><
跟住派番份 Quiz，係預期中既慘狀，得 5 分。不過最高分都係 7.5，拱我都唔係好差嘖？
不過都係唔應該架喇！因為今個禮拜個份我又大把唔識。唉！呢科係我每個禮拜最大既打擊。

上 Journal 個陣冇乜點訓，算好叻架喇！落左堂同 Suki 去食麥記，仲叫左爹爹幫我買六合彩 XD
跟住上畢架山補習。今日細路仔思維好亂，仲要唔聽人講喎！教到我好似同佢嗌交咁 一.一
本來六點走，點知個頭起身，個頭工人就拎左碗湯入黎。又係節瓜湯 ^^" 最鍾意就係有湯飲。

今晚練習冇咩特別，自問認真左，開波同 Gloria 一齊 Jog 左一圈，自己一丁友 Jog 多兩個。
練習時大多數時間都係自己練，盡量由基本做起。唔問人喇！大家都太勁，教我盞浪費時間。
一次又一次向人提起．．．但又諗起小傑話：如果你係鐘意o個樣運動就放個心落去囉～
或者我應該向好個方面睇啦：其實 Team 入面都有好多好人既～ 例如小主同 Patpat ^^

練完又去樂富食飯，今晚阿曉都有黎，咁就有人看住我，等我唔會食 D 我唔應該食既野喇 ^^"

要獨立，我可以好獨立。雖然有 D 野係逼出黎，但我真係冇「要人送返屋企」既需要。
同邊個送冇關係。有人想送，我已經好開心，但如果唔順路就唔好啦！點解要辛苦自己？

一返到屋企就 Send msg 俾魚魚，數番晒俾佢知我以前返過咩工。之前冇機會講起嘛！
今晚又洗兩機衫，叉足電既 Sandy 竟然同我一齊夜訓～ 雖然點都唔夠我夜。又有得開冷氣 lu...
臨訓前同魚魚傾左好耐。魚魚終於都搵到工，我諗佢真係幾開心，雖然都嫌唔夠多錢 ^^"
其實工作經驗真係好緊要，冇可能補一世習嘖！見完工兩個鐘就接到電話，真係叻。

黎緊又係一個新既階段．．．丫！唔知會變成點呢？希望係變好啦！我信你的；也信自己。

>>September 18, 2004 at 12:24:07 AM GMT+8

2004 年 9 月 13 日 星期一 【晴】

嘿！差 D 唔知醒，不過都係食唔切早餐。上堂又恰眼訓，一係就聽歌 ^^" 落堂搵阿占傾左陣。
可能係好耐冇傾偈啦！好似有 D 距離。跟住同 Jessie 去拉把印野，再一齊落深水步買野。
哈！響一間好細既茶餐廳食左個細得黎飽既 Tea。響高登買左我要既 CDR 就搭巴士返宿舍。

為左等阿 Ken 哥，響又一城行左一陣先上去補習。Yeah！今日又有七人車接送喇 ^^ 好開心呀！
夜晚返去勁睇電視 ^^"《金枝玉孽》x《天國的階梯》x（沖完涼之後）《情事緝私檔案》。

>>October 28, 2004 at 2:30:18 AM GMT+8

2004 年 9 月 12 日 星期日 【晴】

今日唔知醒補習 >< 唯有又扮唔舒服啦！食左個粉，執好野就同爹爹媽媽去投票。
拎住個架，好鬼重呀．．．返到黎又去左又一城百佳。返到宿舍洗頭沖涼做 Journal。
做好就等車入大圍，又去睇隊長踢波，然後搭 86C 返宿。繼續做 Journal．．．

>>October 28, 2004 at 2:15:51 AM GMT+8

2004 年 9 月 11 日 星期六 【晴】

繼續賴床。哈！竟然仲有閒情煮意粉。約左謝茜響九龍塘等，一齊去旺角買電器（？！）
去完友誠去百老匯，跟住行埋中原。本來都心動架喇！但因為師傅既一席話，我去左旺電。
當然，最後都響旺電買左 -- $570 一部 256MB MP3。個樣都幾 OK 架喎！好滿足呀 ^^

跟住去食左 D 野就再行新之城，以 $80 買左一件鮮綠色既闊領中袖衫。希望著得靚啦 ^^"
今晚返屋企訓。爹爹特登返黎同我食飯 ^^ 今晚又湯又菜又魚，好豐富呀！睇左成晚電視先訓。

>>October 24, 2004 at 3:21:14 AM GMT+8

2004 年 9 月 10 日 星期五 【微冷】

嘿！今朝又賴床，起身仲有時間食個碗麵，然後返學。
放學先上竹園，等爹爹載我同叔叔同阿菲去賽西湖探姑媽。
夜晚返宿。一個人，悶下悶下，走左去同 Peggy 傾心事。

>>October 24, 2004 at 3:11:16 AM GMT+8

2004 年 9 月 9 日 星期四 【乍寒還暖】

今日竟然同魚魚去左 IKEA！好鍾意行 IKEA，雖然一個人行都開心，但有人同行，係唔同 D。
行完就趕去補習同補習。今晚響 Multi-Purpose Hall 有 Hall Dinner 都可以謂幾無聊囉．．．
最開心係阿 Jay 真係買左糖水黎搵我 ^^ 多謝！我地仲一齊影左 D 相 -- 佢變成我地既一份子喇！

今日又傾電話，不過係同魚魚，仲竟然講左好多平時冇乜機會講既心底話，包括尋晚件事。
"Don't get too close with others; Don't love/ hate; Don't hide/ lie." 係魚魚俾我既意見/ 要求。
仲有四大問題：

1. 幾時開始鍾意；
2. 鍾意乜野/ 點解鍾意；　　　　　「我唔會唔要妳架！我而家係越黎越鍾意妳，
3. 會唔會同其他人作比較；　　　　 因為妳會諗我鍾意咩、唔鍾意咩；因為妳識笑。」
4. 會唔會仲鍾意．．．

傾完，開心番晒，好似放低左個包伏咁。始終，坦誠相對係好難得既 ^^ 四點幾終於訓 lu...

>>October 24, 2004 at 3:15:52 AM GMT+8