2004 年 6 月 25 日 星期五 【晴】

我既舊曆生日響五月初八，即係今日。自己生日快樂。請番今年生日，其實都幾灰。
沒有蛋糕，沒有慶祝，只有工作。慶祝嘛，只有魚魚早一天跟我吃上海菜，和遲來的禮物；
還有錢．．．生日利是嘛！唔係唔知足，唔係嫌錢腥，只係真係少左一份生日的喜悅。

又一次睇喜力個啤酒廣告睇到定晒格 @@" Jennifer Aniston 真係好靚 >< 我似佢七成都好丫！

今晚仲有精神睇波：葡萄牙對英格蘭，不睇不可。打後我都應該唔會點睇啦～ 唔夠訓。
結果上下半場再加時上下半場都分唔到勝負，射十二碼解決。碧咸打頭陣，又大炒．．．
睇見佢咁，我個心都有 D 酸。雖然最後射失既唔係佢，但大家仍然會覺得佢係大罪人。

食左兩個蛋白，偷食左個蛋黃 ^^" 十分緊張的兩個幾鐘賽事。返上床已經六點，天都光晒了！

>>July 19, 2004 at 12:26:34 PM GMT+8

2004 年 6 月 24 日 星期四 【晴】

今日係幾乎十年前住麗晶花園既王老師（小學老師）生日啊！我好記得架 ^^"
不過人家準唔記得我啦！我就淨係識背佢個地址。另，歌手吳浩康涉藏毒被捕。
唉！佢初初出道我都唔鍾意佢架 >< 但佢 D 歌真係幾好聽，點知搞成咁．．．

本來以為今日有新同事黎，諗住俾個好 D 既印象佢，就打醒十二分精神返工啦！
點知又係因為合約未出，新同事被吹到啤一聲，仲未有工返，我地就更加啤一聲！
因為少左個同事幫手，黎緊幾日既返工日數亂晒，我星期日仲要冇得放假添～
轉左星期一囉．．．星期二又要 OT 四粒鐘，即係直踩 13 個鐘囉 一-一 我死喇 ><

>>July 19, 2004 at 11:59:57 AM GMT+8

2004 年 6 月 23 日 星期三 【晴】

幾想買番對 Birkenstock @@" 我見新個 D 好 Colourful 好靚～ 亦好貴囉！
同埋講得黎我都唔知幾時先去買，買得黎都唔係著啖鞋既季節了 XD

隻核突野又飛黎屋企喇 >< 好彩我聽到聲即刻閂窗嘖！但佢賴死響出面唔走囉 ><
一窗之隔，佢飛黎飛去伏響度都搞到我好唔自在 >< 佢甫左幾乎成個鐘呀！

多謝魚魚。好靚呀 o^^o

>>July 19, 2004 at 3:13:21 AM GMT+8

2004 年 6 月 22 日 星期二 【晴】

「我鍾意妳個陣妳都唔係咁小器既」而家唔鍾意了？
雖然我知唔係，不過聽完，個心都會唔舒服架嘛！
都唔係小器，只係有時．．．我唔緊張既，我理得你？

一係就從來都冇鍾意，唔會以前鍾意，而家因為咁就唔鍾意我的。
不過，既然呵番，算了。「我覺得你算你鑽牛角尖既人」by 邪



>>July 19, 2004 at 3:09:25 AM GMT+8

2004 年 6 月 21 日 星期一 【晴】

尋晚入極都入唔到黎，話我登入錯誤，搞到我勁驚 >< 冇左呢個日記，我會好傷心架！
好彩 n 日之後俾我入得返黎 ^^" 岩岩尋日先死完 Server，雖然我呢期都唔得閒寫 XD

請注意！今日已經係 7 月 18．．．呀！係 19 號。幾一個月次後，我補番一個月前既日記。

今日搵過謝茜，但佢 D 態度係一貫地差。我冇咩特別目的，係想響佢走之前關心多佢幾句嘖！
點知佢 D 應度係咁樣架嘖？真係幾冇癮囉！唔開心呀、問我借錢個陣就咁好口喎．．．
其實我同佢都幾夾 -- 兩個都咁硬頸，不過佢硬 D，又獨立 D，但講野就唔多會理人感受囉！

突然有感而發：我憎一個人，可以憎一世，只係唔會做出面。例如邊 D 人我要憎一世？
BG 先生絕對有資格居首，但願佢以後唔再搵我；林先生也不例外。可恨下年又要見到佢 ^^"

>>July 19, 2004 at 3:06:04 AM GMT+8

2004 年 6 月 20 日 星期日 【晴】

今日數過我至今（今年）見過幾多次工：則魚涌、粉嶺、美孚ｘ３、長沙灣、
沙田、葵浦、觀塘、尖沙咀ｘ２、九龍灣ｘ２、中環．．．仲有份諗極都諗唔起。
見 15 次（總共 12 份工）有 4 份請我，成績都算唔錯掛？都值得開心既 ^^"

開始我輪班既生活。其實返夜對我黎講冇咩難度，因為 2-11pm 先係我既 Working Hour。
不過仲係好多野要記，都幾怕做錯野架 @@" 好彩幾個同事都幾 Nice，幾易相處啦！
但 D 客就好 Mean 好麻煩 一-一 我係咪唔適合做 CS 之類既工作呢？成日都覺得 D 人好煩。

重點項目：今日響會所拍死左隻鈍烏蠅 XD 哇哈哈哈哈！抵死～ Weewee 聲丫拿？！

>>July 7, 2004 at 9:44:01 PM GMT+8

2004 年 6 月 19 日 星期六 【晴】

淨係記得今晚飲左兩支益力多，同埋無啦啦好聚精會神咁睇《五億探長雷洛傳》@@"
自從要返工，波都唔想睇了。丫，都唔係唔想睇既，係真係冇咁既精神睇囉．．．

>>July 7, 2004 at 8:57:57 PM GMT+8

2004 年 6 月 18 日 星期五 【酷熱】

今日係 Ruby 生日～ 自己生日快樂 =) 多謝所有同我講「生日快樂」既 你/ 妳。多謝晒！
今年陪我過生日既係識左三日既同事、見過幾次既住戶、一堆收番黎既錢同埋開出去既單。
沒有蛋糕，沒有禮物，沒有慶祝，只有工作、工作和工作。晚飯嗎？獨個兒吃仙桃園。

淡淡的 21 歲生辰，卻做了一個影響未來三年，甚至一生的決定。希望這個決定沒有錯。

「我寧願入 City 拎 2nd Hon 甚至 1st Hon，都唔想響 HKU 拎 3rd Hon，極限 2nd Hon。
　唔係對自己冇信心，係對自己既信心有限，自己知自己去到邊。
　我有我叻既地方，但我真係唔夠全面，呢個係事實。
　多謝大家寶貴既意見，我會揀 City 的了。
　入 HKU 有太多 Uncertainties，入 City 至少我肯定我有幾個朋友仔。」

HKU BA vs CityU BATI。我鍾意既始終係 Interpretation。名牌，我買得起，只係怕著得唔好睇。

>>June 19, 2004 at 2:26:06 AM GMT+8

2004 年 6 月 17 日 星期四 【暴雨】

第二日返工，又要搭的士去火車站，下次真係預多 D 時間，唔係搵埋都唔夠我搭的士。
今日又好多野學，兩日學埋學埋咁多野，都唔識消化，其實都幾辛苦，但又好有挑戰性！
我份人呢，同時做幾樣野就會亂，尤其是係人多、趕時間、有人響旁邊睇住既時候。

第一次犯錯：開池之前冇打去天文台聽下有冇雷暴 @@" 竟然到除下前十分鐘先知．．．

放工仲要去火炭補習，時間都算易過，碌埋呢個半鐘，$2000 就袋袋平安，七月再續。
陳太都打過俾我，都係七月再續。睇黎，呢個暑假都唔駛再旨意悶，不過肯定會幾辛苦。

我真係打左電話去話姑姐。都話對鞋唔好著架啦！二百幾蚊買多對著爛腳既鞋，太可惡喇！

補埋習去沙田，又係搭的士 XD 約左魚魚呀！今晚佢請我食飯，當係慶祝我生日啦 ^^"
食上海菜，兩個人食左二百幾蚊，都幾大食喎！不過有 D 徙既係個砂窩雲吞雞。
個湯真係好得，但魚魚唔食雞又唔食雲吞，我食左好多隻雲吞架喇！但 D 雞未食過。
臨尾仲嗌左「高力豆沙」@@" 甜到漏。不過太飽，唔可以盡情享受囉～ 都好正！

雖然你唔係陪左我好耐，雖然未有禮物，雖然未到生日．．．有你就夠了。多謝魚魚 "3

>>June 19, 2004 at 11:48:26 AM GMT+8

2004 年 6 月 16 日 星期三 【暴雨】

好緊張呀！Formal Dressing 去簽約呀～ 我真係好小心咁睇份 Contract 的．．．
費事一陣想 Quit 個陣 Quit 唔到就大件事了 XD「第二、三個月離職需要七日通知」。
人事部阿 Peggy 唔「敦」起個樣個陣都幾 Nice 既。無啦啦多左好多野拎囉 一-一"

第一日返工，好緊張呀！一返到去又要見番 In 我個三個人，又係咁握左幾次手 XD
跟阿 Jay 行左轉 L3，話遲 D 我地要巡埋。咁大，行到腳都爛都似。講開腳爛．．．
唉唉唉唉唉！講起腳爛，我對腳就真係爛喇！呢對咁既死人鞋著到我對腳爛晒 ><
第一日返工就五個水泡喇 >< 腳爭個個仲要係打橫計成吋幾長，痛死我喇！
點頂喎？結果我放工即刻喊晒口咁返屋企，換件衫又飛番出左佐敦買過對鞋。

本來諗住買番對我有既（白色），著得舒服就算。點知姑姐一黎就 Bilibala 猛話 ><
間舖個阿姐又好似上次咁，叫佢黎 A 黎就拎 BCDEF 黎，仲要全部我都唔鍾意。
猛話呢對好、個對好，我話唔鍾意就唔鍾意啦！頂你又露趾又珠片又花花又閃石！
跟住佢同姑姐又唔咬弦，一個又話大 D 好，一個又話緊 D 好，真係好煩．．．
結果我都係俾面姑姐，買左佢話好個對。跟住又無奈地撇甩佢，因為我仲要買衫。
同埋嘈左咁耐，我見寶肥都好累，同埋好悶．．．響 G2000 買左件衫就同佢去食野。
諗唔到食乜次下，中左入味千。今次我終於冇食吉烈豬扒定食喇！竟然係食拉麵。
邊食邊傾，傾飽就一齊行去搭火車。個傻婆無啦啦以為自己跌左個銀，騰晒雞。

返到屋企拎對鞋左試右試，見唔到個 Size，突然間響度諗：個女人會唔會呃我架？

>>July 7, 2004 at 8:53:46 PM GMT+8