2004 年 8 月 29 日 星期日 【溫暖】

Wow！今日係七月十四．．．仲要係我第一晚入主 Hall 2 既 11xxx 房。
朝早返左宿架喇！夜晚特登入大圍睇魚魚踢波，冒住大雨都要睇，比賽嘛！

今晚好熱鬧，有好多女生，阿誠同阿邦同家諾既阿邊個邊個都有黎喎～
哈！今晚佢地總共入左九球波，仲猛話多得班女生既出現。唉！我真係冇用 ^^"
魚魚雖然唔係正選，但一落場就有波入，見佢都幾開心，咁就係最好啦！

睇完要自己走，因為怕阿 Jay 早過我到 Hall @@" 買埋個飯就行去搭車。去錯站 ><
阿 Jay 率先過左黎參觀我間房，Peggy 見到佢時，佢仲冒認係我同房添 一-一"
都係開心既〝有個傻婆肯老遠走黎陪我捱飯盒；我捱住餓等埋佢先食架！

「係咪好驚呢？唔駛驚！有我．．．」by 救生員．瘋。

>>September 14, 2004 at 2:02:19 AM GMT+8

2004 年 8 月 28 日 星期六 【溫暖】

繼續搬宿既日子，繼續收到河起瘋既手機短訊。
叫我買齊野喎！連私人野佢都翕埋 一0一"""
有朋友咁關心自己，總會係開心既 ^^" 多謝你！

硬係覺得自己好似好大陣仗咁，見其他人都冇我咁煩既？
不過，淨係部電腦都夠啦！冇辦法～～～ 佢係我既生命之源 XD

>>September 14, 2004 at 1:50:43 AM GMT+8

2004 年 8 月 27 日 星期五 【晴】

「有無穿夠衫出街呀？好冬呀．．．」少有的一點暖意 ^^"
還有一點笑意：「瘋褸」XDDD 呢個朋友，交得過。

肥 Jay 今日唔開心，我同佢講野，佢就話我 一-一" 「你講說話常常扮老餅的．老屎餅。」

>>September 11, 2004 at 4:31:14 AM GMT+8

2004 年 8 月 26 日 星期四 【晴】

今朝補習。
晏晝約左 Jessie，要佢陪我上去 Reg Hall，點知撞正食飯時間，白行一趟。
落小菊食左飯先（小籠包十蚊四隻！）然後上 Hall 開門入房望左兩眼。

晏夷去葵芳配眼鏡，仲順手行左一陣街．．．唔，我淨係記得咁多咋！

>>September 11, 2004 at 4:26:34 AM GMT+8

2004 年 8 月 25 日 星期三 【晴】

今日 Last Day 喇！
返早。最後一次晨早返黎開門打卡，
開電櫃，扭 Sauna，開女廁後門。

最後一日見田ｘ嬌、曾二，仲有好可愛既 BB；
最後一次巡池，最後一日著住制服著埋褸扮經理 XD

多謝你地．幾個同事同我去聯和墟食正宗上海菜．好好味。
仲同我影左十幾張相，仲祝我學業進步．．．多謝你地。

最唔捨得既，可能真係 Ame，因為佢係我最好既拍檔！
梗係唔少得多謝教左我好多野既 Kyle 啦！仲有 K.M. 同 Oli。

我仲特登 D 鎖匙呀、簿呀各樣影相 XD
因為好多都係我既傑作黎架！
我要響綠悠軒留低好多好多腳毛。

>>September 11, 2004 at 4:18:28 AM GMT+8

2004 年 8 月 24 日 星期二 【晴】

今朝同魚魚去睇《千機變 II 之花都大戰》。我諗都冇諗過自己會睇呢套戲 ^^"
不過魚魚叫到，佢又想去睇，我又想同佢睇戲，冇所謂啦！好彩，比想像中好睇。
睇完仲響大家樂食左個下午茶，跟住就各散東西。去左旺角唱左三個鐘 K．．．

夜晚同小傑佢地食飯，因為個靚女佢聽日就去法國喇！有排都唔返架喇佢 XD
都係去讀書嘖！話唔捨得又冇乜，話晒而家科技咁發達，要通訊都唔係咁難嘖！
不過成大班人出黎食飯既情況已經買少見少：唔係各有各忙，就係遍佈世界各地。
都唔係唔好既～ 每個人都有唔同既機會，唔同既發展，都係一件好事黎既 =)

食完 Pizza Hut，行左一陣，又話要去食許留山。呢班友食極都唔飽架囉！
跟住又無啦啦去左陪阿峰食飯，又響度吹水，佢仲幫我呃左條電話繩返黎添 XD

>>September 11, 2004 at 3:59:02 AM GMT+8

2004 年 8 月 23 日 星期一 【晴】

朝早補習，晏晝夜晚返工。冇了。
部份資料片段遺失。 <-- 即係唔記得。

>>September 11, 2004 at 3:40:45 AM GMT+8

2004 年 8 月 22 日 星期日 【晴】

今日隻左手有 D 痺，痺左成日。
夜晚睇奧運，諗住睇跳水，捱唔住。
留到咁夜，係同阿 Jay 傾偈。

這是我說的話：

每個人做每件事都總有個原因，
即使只是強行給自己找個原因。
能夠做得決絕也非壞事，總好過拖拖拉拉。
總不能對一而再再而三背棄自己的人太好；
我卻還在學習。

謝謝妳，忽爾和我分享了妳的心事。
謝謝妳對我的信任和坦白。
如果化身成屎～和欣宜的我可以換妳一個微笑，（甚至喪笑）
那是值得的。

我很珍惜．這個一見如故的朋友。

>>September 11, 2004 at 3:30:31 AM GMT+8

2004 年 8 月 21 日 星期六 【晴】

資料片段遺失。

>>September 11, 2004 at 3:18:41 AM GMT+8

2004 年 8 月 20 日 星期五 【晴】

Happy Birthday to Bernard,
though you won't be reading this.

忘了．忘不了。

打從個多月以前，已不斷想著這天：嗯，八月二十日，是他的生日。
兩年前給他寄過一盒值百多塊的食物，郵費接近二百元，但始終還是寄了。
全因知道他很拮据，幾乎沒吃的。因為他突如其來的一封信。突如其來。
以為他真的掛念，以為他終學會珍惜，以為可以重新開始；即使只是普通朋友。
那兩封信，至今沒有丟棄，是不想像六年前那樣。即使你再一次把我忘了。

禮物，找過，找不到，結果沒有買，不能寄。電話也沒打，因為應承過自己。
買不到，寄不了，也許是天意。「離開．不應再打攪愛人．對不對？」生日快樂。

　　　　　＊　　　　　＊　　　　　＊　　　　　＊　　　　　＊

呢排真係超唔夠訓，朝早唔想起身。原來長期返早都唔係過癮。差 D 發爹爹脾四。
更勁既係我執番好個樣，執好袋，換埋衫，但竟然撻番響張度度訓番著。唉！
返左呢份工兩個月多，加埋都唔知搭左幾多錢的士。唉！搵得個少少，洗就洗咁多。

今日阿峰冇返，冇人行過搭嗲，有 D 悶。最大既衝擊，算係話到 K.M. 發脾四。
其實，我都唔想咁，但唔知點解，我越黎越覺得睇唔過眼。會唔會只係我借題發揮？
但．．．蛇王蛇到影響到人地，我真係忍唔到。雖然，我真係唔應該咁樣落佢面。

阿 Jay 話，佢覺得 K.M. 響我加盟後多左一份朝氣，心裡面突然一酸：我係咪做錯左？
但都唔緊要啦！如果佢係要嬲，都係嬲多幾日。仲有唔夠一個禮拜我就離職 lu...

放學去畢架山補習。拎住 Oli 借俾我隻蛋（雪櫃），心裡面好感激。期待住宿既新生活。
不過．．．白痴！兩個都住沙田，點解我要揀響粉嶺交收？仲要拎埋佢出九龍塘 ><
入左學生屋企又拎埋佢上三樓，走個陣又拎番落黎，低能架！返屋企時要抱住隻蛋行 XD

今晚冇食飯 -- 冇飯食。唔緊要既，我都唔肚餓。又做《You've Got Mail》，有 D 悶。
又同阿 Jay 傾左陣電話咁。如果可以，我去君頤峰幫手都冇所謂，最緊要我做得開心。
不過冇人需要我啵 ^^" 其實自己都好唔得閒。聽日就 Reg 科喇！但我毫無頭緒囉 ><

近來，我越黎越在意 "Byebye" 同 "Byebye 啦" 既分別。究竟係幾時開始變成咁？

>>August 20, 2004 at 10:52:42 PM GMT+8