2008 年 9 月 11 日 星期四 【清涼】

應如何看鐵票與游離票
施永青
2008年9月11日《AM730》

傳媒在評論選情時有一種普遍的看法︰就是認為如果投票率低會對民主派不利，因為民建聯有鐵票，任何情況下都會出來投票，挺硬建制派。

我覺得這種分析過度簡單化，只能看作是民主派的宣傳策略。把對手的支持者說成是鐵票，即是說這批人沒有分析能力，不懂得獨立思考，只曉得一味死挺，並暗示這種盲票所反映的意見不值得尊重。這種取態其實不符合民主精神。

另一方面，如果把對手的票說成是鐵票，等如說對手的支持者已全部出來投票，而沒有出來投票的市民其實大部分是支持民主派的。因此，只要投票率高，民主派就會以更大的比率勝出。這種解釋，可以令民主派有雖敗猶榮的感覺。

其實，任何政黨都會有鐵票與游離票。對一個政黨的信念與要行的路線堅信不移的人，就可被視作會投鐵票的人；按政黨在不同時候的不同表現，每次可能有不同的選擇的人，就會被視作處於游離狀態的選民，每次都得努力去爭取。因此，不但民建聯會有鐵票，民主派一樣有鐵票，而且不會比民建聯少，否則民主派憑甚麼在選舉中勝出，大家都得先鬥誰的鐵票多，再鬥誰爭取游離票的能力強。

投票率低對民主派不利的原因，與民建聯有鐵票無關；而是因為民建聯屬建制派，而民主派則主張改革；當社會比較安穩，人民生活過得去的時候，人民就會容易接受現有的、已建立起來的制度，不急於有大改變，沒有太多的事情要寄望政黨去做，連投票也懶得去投。因此，在這段時期沒有出來投票的人其實是支持建制多於支持改革的。

相反，當經濟不景，政府政策又失誤的時候，人們對建制就容易產生不滿，希望有所轉變。這個時候，人們有很多事情希望政黨去做，所以會有更多的人出來投票，而且多會投票給改革派，以讓他們得勢，可以多做些改革。至於那些在這個時候也不出來投票的人，則可能有兩類，一類是仍可接受建制的人，另一類是對政治相對冷感，對民主選舉不存厚望的人，兩類都不屬於民主派的支持者。因此，民主派把沒有出來投票的人，也看作是自己的支持者的看法，只是一種自我安慰吧了。

現實是激進的改革派通常聲音比較多，容易令人以為他們已代表大多數人的意見，但社會上大多數人是沉默的，他們的意見通常比較中庸、保守。如果這批人都出來投票，不見得一定對改革派有利。

因此，世上有些國家，會規定國民都得出來投票，不去投票的要罰款，目的就是不想讓少數激進派自以為可以代表沉默的大多數。

>>September 15, 2008 at 5:03:48 AM GMT+8

2008 年 9 月 10 日 星期三 【清涼】

Kowloon Peak (Fei Ngo Shan) 飛鵝山

飛鵝山呢o的咁o既鬼地方，聽講話成日有人上去「車震」，會唔會係因為望住咁靚o既九龍半島，做愛都會做得暢快o的呢？


聽日唔係放假，但係都同佐Kenji出去兜圈，無他o既，都係想幫佢練熟o的路，第時咪唔駛做路癡囉。基本上而家出車我都唔會再做咁多帶路o既角色o架喇，畢竟頭係自己行出o黎o既，自己搵出o黎o既路印象點都深刻o的。因為身為頭車，除佐可以訓練認路標同睇路牌外，同時亦都可以減少依賴前車，只係死跟住人o地車尾燈o既問題。實驗證明效果幾好，今晚Kenji o既表現唔錯，值得一讚！:)

>>September 20, 2008 at 12:45:24 AM GMT+8

2008 年 9 月 9 日 星期二 【清涼】

Compartment 車廂

作死！玩佐架車咁耐，真係到今日先至發現，原來架車o既後座，係可以再推後o的o架！

今日接放學o既小貓返到大埔，您話要買粥食，所以我就留佐o係架車度等。無聊間坐到架車o既後座，試o下後座o的冷氣如何。摸一摸個凳底，發現有個掣，試o下拉一拉佢，發現個後座好似仲可以推後o的，於是就落車執後少少副hi-fi，再上車試一試，嘩！原來仲可以推後成寸幾兩寸位o架！

車尾行季位雖然細佐，但係反而仲好，可以o岩o岩頂實個裝水抹車o既筒，後座就闊落佐些少，有乜好處？！咪就係因為我諗起對上一次接婆婆返安老院o既時候，因為佢個膝頭哥關節硬晒對腳只可以微曲，當佢上車o既時候個車廂太窄，令到佢有o的痛，而家個車廂闊落佐，或者可以再試一次接佢上車都得喎！

有機會真係要試o下先得！

>>September 20, 2008 at 12:35:25 AM GMT+8

2008 年 9 月 8 日 星期一 【清涼】

Vote 投票

本身都對政治o野冷感o既我，睇完選舉事務處o個份候選人o既介紹之後，真係發覺冇個好投。但係我最後都有去盡「公民責任」，琴晚收佐工之後去佐投勞永樂一票，諗住佢都有o的機會，點知佢最終都係輸佐…

其實真係有o的睇唔過眼o個班公民黨居然係唯一條飛可以o係港島區挪到兩席，其他四席都係分豬肉。呢班咁o既公民黨其實都係o的有錢人士，發原地都係半山區o的有錢佬，真係為基層市民做o野o既都係呢一、兩年之內o既事，而且亦唔係好多。或者，人家個個都係律師，真係有咁好口才可以「撥亂反正」。不過以今時今日o既大氣候，似乎即時佢o地點樣大聲疾呼，都唔能夠改變到中央集權呢個事實。

所以都係算罷啦，投邊個都係咁上下，可以爭取到退多o的稅嗎？o徙氣。

>>September 20, 2008 at 12:55:34 AM GMT+8

2008 年 9 月 7 日 星期日 【酷熱】

Race 族裔

o係我泊車o個個停車場，計埋我o個架「小白」，裡面總共住佐四架同款o既Move仔，除佐其中一架泊佐o係個梗位度，其餘三架都係泊浮動位四圍泊，但係我o地都好鐘意泊o係二樓，今晚又撞o岩可以三架泊埋一堆喇，雖然唔係三架平排泊o係同一個窿度，但係都好值得影張相留個念，話畀人聽呢個位o係我o地o既地頭！插旗！

其實真係好唔明白點解o個個人會咁傻，租個梗位o黎泊。一來又要畀多o的月費；二來佢個位雖然鬼鼠少人搞，但係出車時比較煩又容易有車阻；三來o個個位近住騎樓邊，一打風落雨就會撇到架車污糟晒（試過打完風白車邊灰車！！！）。都係我o地三個夠兄弟，希望有日可以泊到三架平排，我架白色o係中間，到時影相一定仲型仔！


>>September 19, 2008 at 2:17:28 AM GMT+8

2008 年 9 月 6 日 星期六 【清涼】

Family Violence 家庭暴力

政府不斷透過唔同o既媒體去宣傳「家庭和諧」o既信息，不過家庭暴力事件都仲係永無休止。

「贏佐場交，輸佐個家，值得咩？」呢個口號可能已經深入民心，但係唔見得情況有咩改善…所謂家家有本難念的經，一家唔知一家事，我呢個外人都係唔應該畀咁多意見。

天下無不是之父母，雖然有點「愚孝」，但係對於上一代o既父母o黎講，就絕對o岩聽又o岩駛。永遠都係，唔好奢望去用個人力量改變任何一個人，可以做到o既，就只係改變自己去適應，再等待o個個人去自己改變自己。要一個人去改變一套用佐六、七十年o既生活方法，簡直係mission impossible，但係冇辦法，你認命又好反抗都好，呢個事實都唔會改變。

「不能改變，唯有忍耐。」

另一方面，貴為一個從事社會工作o既人o黎講，受o既教育點都畀老父母多，而且更加係專科、更深入o既知識，理應o係處理人際關係中o既衝突同磨擦，會比其他「外行人」高。唔係話一時「火遮眼」忍唔住，就可以將自己o既「真我」完完本本咁表現出o黎。

唔係話要做聖人，聖人都會有錯。既然係咁，有緣份先可以聚埋一齊，真係傾唔掂數o既咪無聲抗議算囉…

>>September 20, 2008 at 1:35:22 AM GMT+8

2008 年 9 月 5 日 星期五 【清涼】

《聖荷西謀殺案》
2009年3月4至8日
香港大會堂劇院

破天荒炮製
驚心動魄、懸疑心理劇
佔有慾、嫉妒、猜疑 ─ 瞬間爆發！
是美麗和熱情的到訪，還是挑釁與競爭的操控？
一個陌生的城市，三個異鄉人互揭底牌所引致的殺人事件。


內容︰
發生在美國聖荷西一個華人家庭的謀殺案，夫婦阿Ling與阿Tang明明生活得好地地，沒料到兒時好友Sammy的一次到訪，竟把潛藏的危機誘發成不可收拾的殺人事件…… 香港舞台劇獎最佳劇本獎三屆得主莊梅岩，夥拍全能演而優則導李鎮洲，實力打造懸疑心理劇，集合本地劇壇近年最受注目的演員劉雅麗、鄧偉傑、彭秀慧，最難得一見的組合，最鮮有舞台劇種，豈能錯過這演技大比拼之作。


製作、演出︰
導演：李鎮洲
劇本：莊梅岩
佈景設計：曾文通
主演：劉雅麗、鄧偉傑、彭秀慧

資料來源︰香港藝術節

>>September 18, 2008 at 11:48:13 AM GMT+8

2008 年 9 月 4 日 星期四 【清涼】

Property Assistant 物業助理

新PA終於都o黎佐報到喇，估唔到原來佢係…

之前聽老細講，話佢個「老num」比佢自己仲要細，都唔抱o的特別期望，不過同一間公司做o野，最緊要o既並唔係個樣，而係人緣易唔易夾同埋做唔做到o野有冇貨交。

老趙晨早已經畀定電話我，話Elaine佢好做得o野，係就係有時會慢o的，但係佢係一個願意OT為你搏到盡死掂o的o野o既人，一定可以幫到我手。心諗︰真係好員工難求喎！o係公司做o野，真係冇乜大過失都唔會炒佐你，做佐咁多年都仲咁有heart，確實難得。好多o係同一間公司同個崗位做佐好多年o既「老臣子」，都已經變晒做老油條，夠鐘準時打卡閃人就話知你，真係會有好似我咁戇居o既人嗎？

突然間覺得個site好有曙光，新STSO Tim Tim好有衝勁，加上有個有經驗o既PA o係度坐陣，或者將來o的o野可以去得快o的，互相幫助之下，全體人士都可以準時六點鐘收工！yeah！

>>September 19, 2008 at 1:24:56 AM GMT+8

2008 年 9 月 3 日 星期三 【清涼】

學者倡單程證名額減半　人口質素受壓
《明報》2008年9月3日

【明報專訊】港大社工及社會行政學系講座教授周永新認為，現時內地人持單程證移民香港的名額每日有150個，即一年約5.5萬人，但當中15歲以下的青少年僅佔三分之一，加上學歷普遍較低，對人口結構造成壓力。相對之下，本港輸入內地人才數目一年僅6000人，縱使人數可略為增加，在比例上也難抵消單程證政策的對人口質素的負面影響。

他認為要根本解決問題，特區政府應提出把單程證每日名額大減一半至75人，並應讓港人較年幼子女優先來港，因他們較易適應及融入香港。

大部分港人內地子女已來港
周永新解釋，當局1995年時把單程證名額由75人倍增至150人，主要是人道理由，讓港人內地子女加快來港與父母團聚，隨著港人內地子女大部分已來港，是時候削減單程證配額。

他強調，絕不是反對家庭團聚，但要求與港人結婚內地配偶等3至5年才可來港，也是合理的。

據本報分析廣東省公安廳網頁數據，即使是輪候來港時間最長的廣東省，港人內地配偶申請來港的等候時間，已由04年的7.4年漸減至今年的5.3年，反映輪候者正減少。

港府無意改變單程證制度
不過，政府高層堅持，無意改變單程證政策，因單程證計劃源起於港英年代，長期由內地公安部門負責推行，香港在回歸後已成為中國的一部分，若在此時改動這政策，影響到家庭團聚，政治上很難說得過去，亦難獲政黨支持。

----------------------------------------------------------------------------------------------------------------------------

完全講出柴灣居民質素越o黎越差o既原因。

>>September 6, 2008 at 12:04:36 AM GMT+8

2008 年 9 月 2 日 星期二 【清涼】

Senior Technical Services Office 高級工程服務主任

新o既STSO終於o係琴日「開學日」到任喇！好o野！好快又可以甩難喇！

公司o的人個個都話佢係builder底，一定可以搞掂我o地個場好多好多漏水等等o既結構性問題，不過又聽人講做商場都係要顧電同冷氣居多，builder底冇乜用…嗯…點都好啦，我o地場仔細細，好多o野都應該好快上手o既嗟！

今日幫新同事入HR資料o既時候，居然有大發現呀！原來呀Tim佢係同我婆婆同一日出世o架！好神奇呀！o係我身邊居然有兩個人都係四年先得一次生日呀！我估呢o的應該可以叫做緣份呱…

好o野！又有人同我一齊去食飯喇！

>>September 16, 2008 at 1:09:33 AM GMT+8