2009 年 1 月 9 日 星期五 【乍雨乍晴】

Fortune 幸福

最近行吉吉島，發現原來而家TOMY出o的玩具真係幾全面化，覺得而家o的細路真係超幸福。

我所講o既玩具，就係呢一種組合式o既玩具車版圖喇！


可能我細個時都已經有o的咁o既o野都未定，但卻從來未擁有過。好記得細個時有好多超合金玩具車，到而家我都仲放佐o係屋企o既櫃頂，有百幾架。要玩車仔，就要有個版圖，如果只係跟住地磚o的線o黎將o的車仔轆來轆去，真係會好無聊。

我o既版圖，就係建立o係好多好多張月曆紙、電腦紙上面，用鉛筆、間尺、擦膠等繪製，再逐張逐張紙用膠紙貼埋一齊。因為太長太大張，平時係會摺好收埋o係床下底，玩時攤開可以有成個廳咁大，亦會就住間屋o既地型而駁長o的紙，直至睡房等…

有時當我玩厭佐之後，會成張丟佐去重新再畫過一張新o既，唯獨缺欠o既係我o既版圖冇天橋同隧道，只係局限於一個2D o既平面上面，亦唔會切o的樓宇o既模型，因為揀唔埋嘛。所有地方，就好似地圖一樣，有字冇畫。

其實又樂在其中o既，因為版圖上o既所有o野，都係由我一手一腳親自設計同規劃，所以曾經有一陣子，我係好想讀urban planning，不過o係香港唔夠實用o丫，放棄佐lu。

>>March 25, 2009 at 1:51:57 AM GMT+8

2009 年 1 月 8 日 星期四 【乍雨乍晴】

Gulp 「食七咁食」

「食七咁食」是指人吃東西像狼吞虎嚥般，又或譏諷別人讒嘴。

這句話原來是由「做七」而來的。

在《廣東新語》中記載：「吾粵喪禮，亡之七日一祭，至七七而終。」

在祭禮中有許多地方(特別是僮族傜族地區)，是逢「七」皆大舉招待親友飲食的，所以稱大肆飲食的為「食七咁食」。

不過，現在我們返大陸旅遊，當地導遊為我們在酒家點菜時，通常都會叫八碟菜，而不會叫七碟菜。據說就是由於「食七 」源自「做七」。因為辦喪事後的「解穢酒」也有7道菜色，又稱「食七」，故廣東人外出吃飯時，會避免食7個(食送)，以免和「食七」類似不吉利。

參考︰Yahoo!知識+

>>March 16, 2009 at 10:41:27 PM GMT+8

2009 年 1 月 7 日 星期三 【颳風】

Sharing 分享

多謝分享輪第194號籌買返o黎o既一蚊蜜糖脆皮腸…

話說您呢個吉吉島fans，畀吉吉島o既「大割引」深深吸引，日日都要走去睇睇佢有乜特價平貨就即時要掃返o的平貨走，早幾日您最鐘意食o既「蜜糖脆皮腸」o係超級市場度做特價，仲要係一蚊一包，您就真係走去佢個supermarket度排隊，誓要搶到手為止… @_@

您真係走去排隊o架，派200個籌都畀您買到，真係頂您不順喇…唔好咁癲啦，傻婆！

今晚我突然改變主意去您屋企黐餐，呢包排到第194號籌o既腸仔，就係咁壯烈犧牲佐喇…嗚…原來呢o的脆皮腸，係可以煎o黎食o既，其實印象中又好似未試過，咁辛苦買返o黎，點整都係好味o架啦…呵呵呵…多謝您。

>>March 25, 2009 at 2:02:08 AM GMT+8

2009 年 1 月 6 日 星期二 【颳風】

Courtesy 禮讓

今晚駕車返屋企時好開心，因為我遇到傳聞之中禮讓o既巴士司機！

其實都只係小事一宗。因為早前o係o的新聞組度睇到，話有o的大型車尤其是係巴士司機，如果你o係路上讓佢o地先行o既話，佢o地會有一種獨特o既say thank you手法，就係過佐你之後打兩o下死火燈，多謝其他人o既禮讓。

又有人講到，其實呢種打燈致謝o既方式，早o係外國公路駕長途車已經偏及，但係香港就多數大車先會咁做，而o係香港就普遍會以手勢示意「多謝」，即係俗稱「畀個五」。崇洋o既我諗，既然外國都有人咁做，自己有時駕車受讓o既時候，都會用呢種方式say thank you。

今晚返屋企o係東廊行到筲箕灣附近，有架收工巴士來勢洶洶咁，我就打左燈旨意佢o係我右邊o既快線過，點知佢過佐我之後，因為我前面有慢車，佢返唔到入慢線，我就閃一閃佢燈畀位佢入返o黎，個巴士司機就畀佐個閃兩o下死火燈我致燈，呵呵，好得意。

其實o係香港，禮讓o既司機係好值得尊重o既！

>>January 13, 2009 at 1:38:36 AM GMT+8

2009 年 1 月 5 日 星期一 【乍雨乍晴】

Chairman 主席

做好佐份remarkable achievement，當然要拎去印得好好睇睇，釘得整整齊齊，門面o野，唔少得。

我條村個業主立案法團主席係開影印舖o既，呢幾年我每次做完份report，都會拎去畀佢laser print，貪佢夠快起貨。

今日拎佢畀佢print完，佢話︰「原來你o係新翠做！」我答︰「都就快四年啦！」

跟住，佢就同我講佢做主席o既o野，又話o的人唔聽話，違反公契養狗仲要大大聲，自己屋企唔買保險，公地水浸影響到佢o地，仲要去small claim法團（講真，公契話明只需買公地o既保險，因為法團同管理公司收錢係負責管公地，至於屋內任何損失，除非好明顯係管公地o既人有疏忽，否則都好難告得入。），種種事情都令主席意興闌珊，想話唔做喎…

睇一睇條村盤數，原來短短十年之間，都已經有成千幾萬o既儲備，確實唔o野少。主席之所以想做主席，原因只有佢自己知，我亦唔想估。但係普遍o黎講，人都只會企o係自己o既一方諗o野，公地o既o野就梗係話知佢。我鐘意養狗就養狗，鐘意丟o野落街就丟o野落街，鐘意嘈鬼住晒就嘈鬼住晒，一於話知你o地其他人死，呢三樣o野，亦可以稱為「物業管理三大死症」。

吃力不討好o既主席位總要有人坐，黎太都係加油罷，睇開o的人都開心o的。

都係o個句︰「人必自侮然後人侮之。」

>>January 13, 2009 at 2:12:20 AM GMT+8

2009 年 1 月 4 日 星期日 【颳風】

Car Accidents 車禍

最近唔知食佐o的乜屎，報紙日日都有報導幾單撞車o既新聞，唔通真係no news is good news？！

平時o係大埔出返o黎，極少行隧道離開沙田，一定係經大埔道走，今日最大o既新聞，就係有個van仔司機，懷疑一日開兩份工，太累，結果居然炒佐埋一個外彎度，仲要跌埋出車，畀自己架車同路膊夾死…好恐怖…

o個段路其實我每次都會經過！我現場視察過，睇車轆痕起碼炒佐上膊最少七次先至停低，正常o黎講o個度真係可以駕到咁快，因為條路夠闊同埋有少少向下暗斜，以我架車o黎講，踩盡油應該可以去到百三，但唔到極速。

今次條新路第一次大炒車，我認為同設計冇關，人為因素做成意外居多。

大埔道，危險但好玩。

>>March 18, 2009 at 2:15:55 AM GMT+8

2009 年 1 月 3 日 星期六 【乍雨乍晴】

復康會八達通機賣旗 料善款倍增
《明報》2009年1月3日

為鼓勵長期病患者發揮「助人自助」的精神，復康會將讓他們參與今日舉行的賣旗活動，更首次試用20部「便攜式」八達通，方便坐輪椅的義工在戶外籌款。市民今日可在中環、灣仔及太古城，以八達通卡「o都一o都」來買旗，每次拍卡會自動視作10元捐款，銀碼不能自行選擇。

首獲贊助20便攜式處理器
以往復康會的籌款活動亦有引入八達通付款，但因拍卡機要連接電源，殘建人士在戶外的籌款活動受到一定限制。在今日的賣旗中，八達通卡有限公司首次贊助20部最新的「便攜式」八達通處理器，香港復康會復康部總監潘經光說：「對於坐輪椅的義工來說，同時兼顧旗袋、旗紙和控制輪椅，很吃力，現在方便得多了。」他預期，此舉可方便市民捐款，相信可比以傳統旗袋所籌得的善款多出一倍，亦可節省點算大量硬幣的支出和時間。

方便坐輪椅義工籌款
61歲的龍生曾經中風，令他說話困難及右邊手腳傷殘，須以輪椅代步。面對病情，龍生曾有不少負面情緒，但參與復康會的「自我管理課程」後，他學會正面面對逆境。他覺得現在坐輪椅的生活，比起傷殘前「遊戲人間」的生活，更加有意義。雖然行動不便，他亦會參與今日的賣旗活動，積極投入生活。

----------------------------------------------------------------------------------------------------------------------------

對於全面以八達通代替散紙o既我，今朝一起身睇新聞見到終於都可以用八達通買旗，諗住多年o黎o既等待終於都完結，我亦冇藉口唔再買旗，點知出都街都仲係見o的人拎住o的旗袋o係度賣旗，好失望。

好心八達通公司就免費贊助o的機畀人賣旗啦！一年賺咁多錢都唔做o下善事！

>>February 23, 2009 at 3:05:24 AM GMT+8

2009 年 1 月 2 日 星期五 【乍雨乍晴】

Rental 出租

媽媽又o黎料，問我幾時結婚，標準答案都係「冇諗過」，費事畀佢食住上繼續問落去。

煩到嘔呀，呢期母親大人唔知發乜癲，三日唔埋兩日就問我幾時結婚呀、有冇諗住結婚呀之類o既問題，係咁畀o的壓力落o黎，都唔知佢做乜春，又唔講清楚佢想點，呢o的o野真係唔急得o架喎，尤其係o係香港呢o的鬼地方，話結就結咩？結扎都要排期啦！

媽媽話舅父搬佐去荔景，冇再o係北角住，即係佢買佐好多年o個個單位，可能係唔想收租要交稅啦，又或者多年o既租金收入層樓已經供斷，所以先咁自在。

不過咁樣又唔代表我要搬去間舊屋度先結到婚嗟…我都唔想住北角，您亦唔想離開大埔，住屋 問題即使有咁o既方案，亦唔係最理想。

點搞？

>>March 16, 2009 at 11:43:23 PM GMT+8

2009 年 1 月 1 日 星期四 【乍雨乍晴】

Jusco 吉吉島

您個傻豬今日o係電話度係咁同我講吉吉島呢期每日都會有特價貨品，限售n件，欲購從速…


究竟呢個吉吉島有乜魔力，落佐o的乜咒搞到您日日都要去打個round先得，唔去又會好似身痕咁o既呢？！

記得好細過o個時仲係住o係西灣河o的木屋，星期日間唔中爸爸媽媽都會帶我同妹妹去行公司，而當時最近o既大商場就係太古城同埋康怡吉吉島。

細個時屋企窮，太古城始終都係o的有錢人先去o既高消費地方，o個時太古城個溜冰場都未搬去未起好o既二期，一期地庫印象中亦都未有，一期旁邊幢寫字樓部分o既商場亦都冇，最有印象就係唔知邊個auntie幫佢個小朋友o係o個度o既老麥開生日會，其他時候都甚少去。

吉吉島係平民百姓中掃較優質o既平貨o既好地方，以前有間大商務，成日會去睇書，仲有食food court或者老麥，行supermarket。o個度地下大堂位有個鐘樓，每個鐘頭都會響音樂一次，有o的公仔o係度郁o下郁o下咁，好多年都不變，每次撞o岩響鐘，都會吸引到好多人停o係度睇，我亦曾經係其中一個。

我o地有時會行過去，有時又會坐電車，又或者行完吉吉島之後落北角婆婆度食飯，不過呢o的都係廿幾年前o既事，往事只能回味，為免記性差好快唔記得，我真係要o係日記度好好記低去。

>>February 24, 2009 at 2:14:13 AM GMT+8

2008 年 12 月 31 日 星期三 【乍雨乍晴】

Remarkable Achievement 年終工作報告

未做完，死得人…好慘呀！今年又係我做！已經做到第四本喇，真係乜o野諗頭都搾乾晒啦！

呢份o野又要好似舊年咁遲交喇，聽日係紅日，都叫做多一日做，但係我估最快都要下個禮拜一先完成到份o野，又要laser print又要訂裝，門面o野點都要做足，唔做就盞畀個sub-regional煩鬼住晒。

每年做呢個report，都會睇返晒全年o既相，一段段o既回憶扣人心弦，有樂有苦，但未至於悲。o係人事上o的人出出入入，個寫字樓有一半人（其實總數得四個人）係轉換佐，有差唔多半年公司成個月o既reports都係由我一個人做，原來得我自己一個人都可以做到咁多o野，真係要讚o下自己叻。

又有好多途人pk事件，保險cases特別多…希望2009年會好o的啦…

>>February 22, 2009 at 3:14:46 AM GMT+8