2009 年 1 月 19 日 星期一 【微冷】

Incurable in Property Management (1): Throwing Objects from Height 物業管理三大死症之一︰高空擲物

>>February 23, 2009 at 2:20:00 AM GMT+8

2009 年 1 月 18 日 星期日 【晴】

10K 十萬

架車終於都步進十萬大關！


>>January 22, 2009 at 1:28:29 AM GMT+8

2009 年 1 月 17 日 星期六 【微冷】

Annual Dinner 年夜飯

極之無聊，只此一次，下不違例。

我之前三年都一直冇去annual dinner，出bonus畀我仲更實際啦！我又唔鐘意「so so」…原本我同Tim Tim都唔想去，但係老細o既威迫利誘，同Zoe o既邀請之下，我o地都應承佐去。


嘩，o的人都冇乜邊個識，而且佢o地又癲癲o地咁，係咁灌紅酒…結果就係要飲到醉晒先至收手。自從上次失戀之後我都已經戒佐酒，同埋又要駕車唔可以掂酒，不過淨係睇o的傻仔係咁隊係咁隊，都幾鬼死過癮，笑死…

本來點幾就可以有得訓，但係又要做柴可夫送o的人返屋企，仲要畀呀Peter嘔到右邊後車門都係，嘩…臭到嘔呀…頂…唯有拎架車去油站，買佐好多清潔劑，係咁洗係咁擦…結果搞到四點幾先返到屋企訓…唉…

>>April 6, 2009 at 12:27:27 AM GMT+8

2009 年 1 月 16 日 星期五 【乍雨乍晴】

Advice 勸告

收到bonus支票喇，都畀老細「哦」佐兩句…

主要都係叫我收歛o下o的脾氣啦，唔好o係日常之中講咁多粗口，尤唔係o係同事之間o既交談之中…

我都唔知係曾幾何時自己搞到自己咁樣，粗口爛舌咁，句句都包含佐粗口成份，我爸爸都有少少爛口，但係我真係「青出於藍」喇…

記憶中好似係小學五、六年班開始爛口小學生o個o的記念冊有好多同學都留言叫我唔好講咁多粗口。又因為係讀男校，所以直到中五為止都係咁爛口；直到上佐中六，轉佐校，同埋畀人帶佐返教會，可以話個人正氣佐、純品佐。

不過好境不常，後尾因為一o的人事上o既o野，離開佐教會，又走返入社會呢個大染缸。工作工作工作，再加埋入佐行管呢一行，真係開正我o個瓣。呢一行最普遍就係食煙同講粗口，唔知同工作性質要受氣同埋壓力大有冇關。

老細，我會嘗試講少o的o既…我會努力的…

>>March 30, 2009 at 12:16:38 AM GMT+8

2009 年 1 月 15 日 星期四 【乍雨乍晴】

偈躉膠

「偈躉膠」係用固定引擎於車架的物件，亦可緩衝引擎發動時所產生之震動，但當用了一段時間後，因膠質老化而失去柔軟度或更嚴重而脫落膠質時不能緩衝引擎發動時所產生之震動，車身就會異常地震動。

當怠速同倒車時特別明顯，而MOVE有三個「偈躉膠」，一個於偈油隔前方，一個係引擎後下面(車太)尺上方，最後一個係電池下面波箱次上。

最多散是前面那個，但4至5年車齡多數連後面那個都會散，反而左邊細既就比較長命。

至於價錢方面，分開三次換同一炮過換晒人工方面都唔同，而新品價錢最貴是後「偈躉膠」，繼而是前「偈躉膠」，最平是左邊細「偈躉膠」，而人工亦是相同次序。

參考資料︰Move Club Hong Kong 香港移動會

>>March 29, 2009 at 8:17:52 PM GMT+8

2009 年 1 月 14 日 星期三 【乍雨乍晴】

挪威軍醫：加薩戰爭以色列測試殘忍新炸藥
法新社2009年1月12日

兩名挪威軍醫在被戰火蹂躪的加薩醫院工作10天後，今天返回挪威，他們指控以色列在加薩攻擊中測試一種「極為卑劣」的新型武器。

吉伯特（Mads Gilbert）在挪威首都奧斯陸國際機場向記者透露，他和同事法斯（Erik Fosse）在加薩西法醫院（Shifa Hospital）工作看到的傷者傷勢。他說：「我強烈懷疑加薩被當做以色列新武器的實驗室。」

這兩名軍醫是於12月31日由支持巴勒斯坦的救援組織「挪威幫助委員會」（NORWAC）派至加薩戰區。他們指出，他們在加薩清楚地看到，以色列使用仍在實驗中的炸藥「重度鈍性金屬高爆炸藥」（Dense Inert Metal Explosive，DIME）。

61歲的吉伯特說：「這是非常具有威力的新一代小型炸藥，爆炸威力強大，爆炸範圍在方圓五到十公尺。」

他表示：「我們並沒有看到直接由這種炸彈造成的傷害，因傷者通常是被炸成碎片，無法生還，但我們已看到許多令人不忍卒睹的截肢傷患，沒有發現砲彈碎片殘留，這令我們強烈懷疑一定是DIME炸藥造成。」

58歲的法斯指出，這種武器會導致「肌肉和組織分離，看起來很不同（和炮彈造成的傷勢相較）。過去30年我在不同戰區目睹及治療許多不同的病患，但這次傷者傷勢情形很不同。」

他說：「如果是被DIME炸藥直接炸傷，你就像被截肢一樣，那是很大的壓力，且不會有碎片殘留。」

吉伯特強調，這種程度的傷害顯然是由這種新型炸藥所致，他也說：「以色列應透露使用何種武器，國際社會應調查。」

----------------------------------------------------------------------------------------------------------------------------

GlobalSecurity.org

>>January 16, 2009 at 9:18:06 PM GMT+8

2009 年 1 月 13 日 星期二 【乍雨乍晴】

Colleague Reunion Dinner 同事團年飯

今晚老細請食團年飯，全體出席。好o野！

老細好o野，仲叫到個sub-regional夾一半錢，犀利！

今日同時亦係英姐生日喎，出於敬老精神，我一於買個蛋糕同佢賀一賀！


>>March 29, 2009 at 8:15:59 PM GMT+8

2009 年 1 月 12 日 星期一 【乍雨乍晴】

Increment 加人工

答案係︰冇。

今日收到小道消息，話人工超過15k一個月o既職員今年冇人工加！唔係嘛？咁pk？！你老闆真係搵鬼同你做喇！

消息話老細都唔知點樣同我o地發報呢個總公司o既指示畀我o地呢班「高級」員工，不過既然事實係咁o既話，都只係得兩個選擇︰一係留o係度默然接受，一係走出去搵過份好工。

唉…

又有消息指我o地個regional i/c將會再接多幾個盤，諗起都覺得大件事。個region咁樣急劇擴張，到底幾時會到爆破o既一日呢？真係「鄧」個regional辛苦…

>>January 13, 2009 at 1:27:57 AM GMT+8

2009 年 1 月 11 日 星期日 【乍雨乍晴】

Hibernation 冬眠

懶到出汁，凍到發瘟。

平時放假都已經勁唔想郁，今日仲要凍到新界結霜，就更加唔想郁…

原本約佐Kenji夜晚出車，但係都冇離開過間屋…called off。

本來諗住填返滿個日記簿，但係又因為太凍結果連床都唔想落，放棄。

總結就係今日除佐食早、午、晚三餐之外離開過張床，而o係o個段時間曾經順手去埋廁所小解之外，其餘時間都留o係張床上面，唔係訓就係睇地圖，甚至連廁所都懶得去。足不出戶，睇住地圖都當駕車出佐去兜風囉…

正在研究新路線中。

>>January 13, 2009 at 1:51:14 AM GMT+8

2009 年 1 月 10 日 星期六 【乍雨乍晴】

Group 一堆人

曾幾何時開始，我o地兩個人o既拍拖約會，居然變成佐同您屋企人o既集體活動…

真奇怪。唔知係咪拍拖拍耐佐就會咁o既呢…定係因為我個人係個大悶蛋所以先會諗唔到o的新奇刺激o既地方帶您去呢？

您話呢，如果同您家姐一齊，個人會安心o的，o係條街度冇咁容易身體覺得唔舒服，又會有o的咁o既事o既呢…？！

不過明明應該係二人世界，點解又會多佐個家姐或者姨甥仔o係中間o既呢？！

>>March 28, 2009 at 1:43:53 AM GMT+8