2009 年 4 月 16 日 星期四 【炎熱】

Cash Gifts 禮金

Carol係我o地幾個老友之中，第一個好有勇氣選擇結婚o既人，而上回講到Carol要結婚啦，仲將會見家長添，今次飯聚就係要分享o下雙方家長見面o既情況。

今晚又係我o地飯聚o既時間，首先出場o既係David仔搬o野整親條腰o既爛gag，仲要由打個乞嚏引發至叫十字車送院，由facebook裡面o既相睇到，David好似好enjoy輪椅生活喎，真係大吉利是喇！咪玩啦！

更大件事o既係，Carol同男友呀John傾唔掂「禮金」o既問題！本來中國人嫁娶，其中一舊要駛o既大錢，就係呢舊錢，可惜Carol呢位新加坡男友好似完全冇呢個concept咁，唔知係「鬼仔」性格定係o的乜o野其他原因，總之兩個人雖然見晒家長，但係就講到呢樣o野而停佐o係度，呀John居然仲可以成個月都隻字不提結婚o既事，都咪話唔令人心急。

好在距離結婚仲有一段好長o既日子，用一年時間去plan我估真係好有需要，而且經驗所知，聽過好多人（包括朋友o既朋友等）講，拍佐成十幾年拖相安無事，一去到結婚就即刻傾唔掂要分手，所以而家聽定、諗定呢o的過來人經驗，都係有幫助的。

Joseph份人冇o野叻，係做埋晒o的雞仔媒人呀、和事佬呀o個o的o野就比較在行，又即管睇o下下次Carol o既Home Warming呀John會唔會出現，睇o下Joseph有冇機會點醒呢個傻佬先… @_@

>>April 27, 2009 at 2:29:27 AM GMT+8

2009 年 4 月 15 日 星期三 【酷熱】

Reborn (2) 重生（二）

嘩，個日記down到第六日終於都開返，不過唔見佐三日o既日記同埋o的留言！對於我呢o的失憶人士，都唔知點樣搞返o個幾篇o野出o黎。

琴晚埋佐Kenji部車o係屋企樓下o既街邊，因為今朝要一早入去接小貓去做typing test，邊有九點鐘就要考試o架，真係眼都未掙得大呀…

上個禮拜五收到車房傑少通知，已經o係元朗搵到個二手turbo。其實要條友仔做o野真係唔難，但係要條友有心機做先係最難囉，之前一直冇聲氣，點知今次唔駛一個禮拜就搵到件料，再加一日起貨，完全係depends on心情！

約好佐琴日拎部車過去，咁又跌佐四千五…@_@ o的朋友仔個個都話叫我換車好過，但係渣開部車又有感情嘛，點可能話放棄就放棄？我份人就係咁o架喇，對新事件有o的抗拒。

今次真係好似廣告話齋，一次過減退三大問題。最值錢o既turbo壞，新o既「撻撻」聲冇佐，凍車畀油亦都即時好力佐；第二亦係最煩o既死氣蕉漏氣問題，估唔會記得得搞，以後唔怕凍車起步嘈住人喇，亦冇咁尷尬，架車靜晒，感覺良好！第三個車房話整好佐o既o野，就係劭地自稱發現到有條水箱喉爆佐漏水。先唔好估係咪劭地拆o野時扭爆佐，向好o既一方面諗如果真係解決佐水箱漏水o既問題，又確係一件好事，以後就唔駛怕踩得盡架車會死車（雖則我都未試過亦未驚過照踩可也）。

架車係好力佐，「cher」佐，又有畀o的時間去重新適應過架車既performance。不過加速同爆turbo o個o下好似慢過以前喎… >_<

>>April 16, 2009 at 3:31:21 AM GMT+8

2009 年 4 月 14 日 星期二 【炎熱】

Standard 水準

今日真係食佐屎呀，唔知係長假期後冇心機做o野，定係畀琴日o既事影響，全日都可以話冇做過o的乜o野出o黎…

失準呀…嚴重失準呀！作死！一早返到去，見到檯面o係老細房出返o黎o個疊o野，發現上個禮拜交o既末牷A全部都做錯晒，究竟我係咪發緊夢？好唔開心囉，唔知自己搞乜囉，好在老細睇一睇，如果唔係就害死老細。

份清潔合約明明記得提間公司改返o岩個銀碼，點知自己draft份合約同memo時，又落佐個錯銀碼落去，真係鬼掩眼，食晒屎…

Rates o的信又唔知做乜事，明明對佐、改佐幾廿百次，點知一個屈尾十，原來裡面又有隻好重要o既字錯佐！不過呢一個錯字，令到成封信唔可以出，就係今年退兩季差餉，點知信裡面寫錯佐四季…頂…o徙佐成百張信紙…點搞呀？

今日最叻就係交佐個舖畀個新客，同埋幫另一個新客搞掂佐電錶轉名單o野…冇喇…

Dominic，請你唔好再食屎喇，清醒些少啦…

>>April 16, 2009 at 3:48:17 AM GMT+8

2009 年 4 月 13 日 星期一 【陰】

Fault 錯

今日發生連環幸事件！

1) 老妹部電腦又試中佐毒，頭先諗住format佐部機，點知部機未read完隻windows開機碟，個火牛就燒佐…灰…

2) 個diary又down佐幾日都未up返，冇得寫日記，慘。

3) 小貓星期三要去考word同excel o個o的政府工試，下晝就拎返您部notebook入去畀您今晚練習，點知您又話唔駛，要我拎返走，都好小事嗟。最衰就係拎返部機返屋企時跌佐部notebook落地，隔住兩個套個機都可以殼跌得爆…跟手畀人話我整爛部機，又話一早叫我唔好拎來拎去，又話我好心做壞事…幾乎連個人都跌埋落地，但係您只係關心部機都有o既？！仲要cut線添…嗯…

4) 今日一入到大埔，您同屋企人飲完茶，諗住同您兩個人行o下街，但您又揀佐同大家姐、二家姐、兩個姨甥一齊行街…行完之後去拎車，我架車連司機只係可以坐四個人，但您兩個家姐係都要迫上車，結果四個大人兩個細路迫o係架車裡面，我都費事出聲喇，因為o的人明知架車最多可以坐四個人，都係要呃自己兩個細路坐埋入去唔計…而家o係大陸咩？有意外連保險都唔賠呀！

超載唯有開快o的，唔通真係搏見到差佬咩…您又話我開得快，咁多燈位快極都有個譜啦…而家炒人牌車牌o個個又唔係您，到中招要交罰款o個時有您又會怨自己。您家姐仲要叫個仔如果見到有警察就扒低，呢o的就係叫做家教？

姨甥仔一上到車又話熱又剩，我唔想開後面隻窗，係怕個細路有危險，但姨甥仔係都嘈住要開，為免嘈您就話開啦…唉…而家真係細路大晒咩？落車時仲pk，之前講過無限咁多次話唔好o係向馬路o個邊門落車，姨甥仔係都唔聽係要開o個邊門落！嬲到震呀！唔出聲罵唔得！

>>April 22, 2009 at 12:06:00 AM GMT+8

2009 年 4 月 12 日 星期日 【雨】

Chinese Calendar Birthday 舊曆生日

太開心喇，居然有成班人同我慶祝生日，多謝晒大家呀！




>>April 22, 2009 at 1:40:43 AM GMT+8

2009 年 4 月 6 日 星期一 【微冷】

Rheumatism 風濕

嘩…頂佢個肺，又唔知做乜事，一起身就發覺左邊頸至膊頭打落到雞翼位扯住扯住，唔係又訓「奶」佐條頸呀嘛…

我已經好乖，冇打側訓冇扒o係度訓o架喇，琴晚全程攤平訓，今朝都係搞成咁…灰…

一返到去已經不停咁做做做，個左肩又停咁痛痛痛…頂…真係忍痛係咁做，仲要做足十一、二個鐘先收工，電話不停咁講，又要夾住個電話邊講邊打電腦，真係死死o地…

最近好似成日都係不明不白咁訓醒覺就背脊痛，有同事話呢o的叫做「風濕」…嘩…有冇咁早風濕呀…不過都就快三十歲喇喎又…好驚呢…

其實以我個人喜好o黎講，我就最鐘意攬住另一半訓o架喇，無論係正面攬好，又或者o係背面攬（多年訓練後已接受），攬住一齊畀到我一種好親密o既感覺，我覺得畀kiss更加親密（所以我會攬住個男人，而唔會同男人kiss…哈哈…）。13妹話呢種叫做「樹熊抱抱症」，不過又唔係個個女人都受落。

我鐘意緊緊咁抱住對方，稍為用力，肉緊佐少少，又唔係個個人都頂得順。

擁抱的感覺，就如擁有一切般滿足，因為我所需要的，就係懷中的您。

>>April 7, 2009 at 2:16:21 AM GMT+8

2009 年 4 月 5 日 星期日 【微冷】

Jumpin Gym 冒險樂園

好高興，小貓搵到另一個自我減壓o既辦法！就係去冒險樂園玩。

琴晚收工就入大埔食您煮o既飯，但係都要搞到十一點半先食完飯，上o下網咁，十二點幾先訓。

試o下fix您部notebook，睇o下會唔會快o的啦，唔得o既話就要format再裝過Windows o架喇。

下晝，您話要去照顧您兩個姨甥仔女，我就冇乜興趣喇，因為o係佢屋企好悶o既…估唔到o係我走佐之後，您會同您姨甥仔去佐冒險樂園玩，仲玩到上癮添！

其實冒險樂園o的機係好低能o既，但係低能之中又要有技巧，只要掌握到的話，就會好似o個o的師奶、呀婆咁勁，係咁拎飛同分，o係遊戲中忘卻現實中o既煩惱事，其實亦算唔錯。

小貓除佐o係日常工作中飽受壓力外，亦要為搵長工而損耗心神，再加上屋企o既瑣事，確實好容易會谷到爆煲！好在，而家除佐行吉之島外，小貓又發掘到多一樣舒壓o既方法。有時做人真係咁辛苦，返工又咁勞慮，梗係要搵o的o野搞o下去平衡返啦！

如果用錢就可以買到o既快樂，我覺得又唔需要咁介懷駛多一百幾十囉，係咪？！下次等我同您去玩啦！yeah！

>>April 6, 2009 at 1:08:12 AM GMT+8

2009 年 4 月 4 日 星期六 【微冷】

Loneliness 孤獨

清明節要當值，不過五點半接到您o既電話，覺得好唔舒服，屋企o的人又返晒鄉下，想我過o黎陪o下您。好慘呢，小病貓…

訓得四個鐘，真係好眼訓呢…但見您見咁辛苦，孤伶伶一個人，就即刻起身沖個涼再用極速飛入大埔啦，七點正到達，安撫安撫，小貓乖乖…我知您唔係特登阻住我訓，而係呢一刻您真係需要我，故此唔需要覺得內疚喎。Just call my name, and I'll be there…

話時話，而家領匯o的停車場真係飛禽大咬，貴到傻，唔知係咪想趕走晒o的客。

不過十一點又要走喇，因為要當值囉。十一點八返到柴灣，停車場居然爆滿，門口仲要排隊入。停車場出面係條雙線雙程路，但兩邊經常泊滿車，今日亦唔例外。

我入到去一半，因為前面有死車停佐，對面又有個駕貴車o既傻佬想出，我見佢自己o個邊明明大把位，但係死都要我駛埋一邊讓佢，真係駕貴車大晒咩？我踩定死都唔郁，最後佢都係慢慢咁駛出，到同我平排時，講晒粗口又罵晒人老母咁，我幾想用清潔工華哥o個句窒返佢︰「搵我老母？我老母o係下面喎…」或者用師傅o個句︰「我老母o係和合石喎，你真係想搵佢？」不過最終我都係冇出聲，一來係我媽仲在生，唔玩得；二來我真係不屑理佢，你估我咁易撩慶o既咩？！

我乜都冇做過，就可以激到個傻佬o係一家老嫰前面爆晒粗，都幾過癮。

最後車場條友見我拎住張月租飛fing fing o下，亦都畀我先入去，返到公司仲早佐十分鐘。

>>April 6, 2009 at 12:46:27 AM GMT+8

2009 年 4 月 3 日 星期五 【微冷】

Rebuke 責難

好！都係時候講o下今晚發生o既事。

話說愚人節畀人post佐個電話上facebook之後，我都仲係十五、十六唔知去唔去好，如果去我就一定會o係成檯人面前鬧到佢狗血淋頭，唔去的話又失去佐一個相聚o既機會，最後見佢訂好晒檯安排好晒唔駛我操心，我就用兩日時間，去諗定o係台詞，o係今晚討伐佢啦！

都係o個句啦，其實我份人真係比你o地想像中更加小器o既，不過勝在冇記性，過佐啖氣就算。

我仲以為條友用晒facebook咁可以約到一大棚人添，挑！原來都係得六個人，即係柒頭皮Ivan、我、舊老細Warren、Billy仔、Trevor同埋神秘嘉賓︰Stephen！

係人都知我係串咀o架喇，所以真係忍唔到口。一坐低見到Stephen，就問佢拎電話號碼，再跟手暗串條柒人，講︰「唔駛講我電話你聽啦，一早都已經畀人post晒出o黎…」

係食緊飯o既時候，我又提到本來想約ken仔，不過佢已約佐人。Trevor好奇原來我同佢仲有聯絡，我就問Trevor︰「你要唔要佢個電話o丫？不過我要問過佢先可以畀你喎…」

大家帶住愉快o既心情食飯，因為Billy仔同Trevor知道佢貼佐我電話上網件事，知道我一定會開條柒頭皮拖，所以佢o地兩個由坐低o個一刻開始，都只係等睇戲。最後o係埋單前，當然真係要KO佢啦！

我以︰「請問你幾時先將我個電話o係facebook上面刪佐去呢？」為開場白，跟住就狂罵︰「我覺得你真係好x柒！」雖然成段鬧o既過程只係幾分鐘，但「好x柒」呢三個字重複佐最少二十次，因為我覺得佢真係好x柒。跟住我又話︰「識佐你四年喇，四年o黎你都係冇變過，一樣咁x柒！」

不過，Warren條友手指拗出唔拗入，居然話post佐個電話上facebook都冇乜所謂啦，反正冇乜人搵佢…即時畀佢吹脹佐…搞到我都冇乜癮繼續罵…

另一方面，條友畀我狂插o個時，一句聲都冇出過，咁就更加冇癮鬧啦…畀佢捉到我路，知道我鬧人時，如果對方唔反抗唔出聲就好快自動收皮…定係佢已經習慣佐做錯o野畀人鬧？！

最後，我再補多句︰「原本叫佐呀Wing一齊出o黎，但佢一聽到你個名，佢就即刻話唔出…」

唉…唔多盡興，得我一個人鬧，班友又唔幫口，只係識得笑…

>>April 5, 2009 at 10:31:56 PM GMT+8

2009 年 4 月 2 日 星期四 【微冷】

Privacy 私穩

嘩！今日真係好x慶！晨早溜溜就畀人激到啤啤聲響！

琴晚未夠十二點就死佐上床訓，訓佐八個鐘頭以為飽飽滿滿又係新一日o既開始，點知原來噩夢只係o岩o岩先開始。

話說上個禮拜同以前老細傾完電話，我就順勢話不如約o的舊同事出o黎食飯交流o下，原本諗住星期一晚食，但係後尾有幾個人都話要開會，所以就順延至今個禮拜五。

我原本只係諗住約五、六個熟少少o既同事出o黎食飯，因為我個人不嬲都係鐘意搞小圈子，最憎就係一大班人食飯，檯頭同檯尾甚或至一張圓檯分幾group人傾偈，極無聊，不過…好景不常…

星期二，我其中一個最seven o既舊同事Ivan打o黎（此人我已經o係我日記裡面提過無數次，超seven無比），一開始就話泉章居星期五晚會好爆，要等位。本來我以為可以訂位就大晒，但係佢話訂佐位都要等喎，我信佢，仲以為佢比以前醒佐好多，咁細心諗到呢o的o野，點知o的無厘頭o野只係o岩o岩先開始…

條友無端端講佐一大堆人名出o黎，問我有冇約，我唔係話冇，就係話唔識、唔記得有個咁o既人，同表示冇o個o的人o既電話。跟住佢就話由佢約，我冇乜所謂啦，既然有人請纓幫手，冇理由唔畀人幫。咁我就叫佢約到人之後畀個人數我去訂位，跟住收線。

今朝起身睇完yahoo新聞都未醒，開去facebook度睇o下，一睇，火都o黎！

琴晚條x樣o係facebook度出佐個invitation，仲要用我舊老細o既名義去約人食飯，都算，因為我都係用舊老細名義，但係我係同佢傾完電話後，兩個人有共識先至撻佢個朵約人。但係一睇落去個post度，就超唔對路！原來條x樣除佐借人個名之外，仲居然夠膽死o係個facebook度留晒我同舊老細o既手電number！

有冇搞撚錯呀？！即時爆粗想屌柒佢！佢有冇用過個腦諗o野o架？亂咁貼人個手電上facebook都得？！

星期五晚我一定到，因為我真係要當面屌撚柒佢！大家等睇戲。

詳情請click下面連結︰


>>April 3, 2009 at 1:41:20 AM GMT+8