2009 年 4 月 26 日 星期日 【雨】

Devastation 蹂躪

死喇，今日訓得太多，搞到夜晚唔係好想訓添…

爸爸媽媽今日去佐一日遊，老妹又唔知去佐邊，今晚穢椾n食自己，於是就出佐去同Kenji兜返轉，試o下我o個架慘遭車房蹂躪o既Move仔。Move仔好慘呀，而家無論我畀幾大啖油，都會傳出「o格o格」聲，超級嘈，穢凭Y壞，機件有問題，只差未因為太嘈而畀差佬逗…

真係仆坉茧鞳A屎都滾埋！琴日車房懶好人咁拎佐我架車去再整，唔好意思前唔好意思後，又解釋（掩飾？）話個turbo條芯壞，又話唔知點解有條喉冇駁，搞到冇偈油氣入個turbo，又話可能係上手車主一早已經拆佐條喉云云…搵鬼信咩？我係易呃但係唔係戇x o架嘛！

講真，唔係見係老友，畀錢自己人賺好過畀外人賺，我o地成班人一早就過佐檔去其他車房啦！今次真係畀錢買難受，仲要委屈佐我o既Move仔，勁慘呀，真係渣落都「鄧」架車辛苦…

而家車房話同我搵過隻turbo，我覺得九成換上去隻turbo係冇壞o既，只係車房班友唔識裝，先至搞到隻turbo壞埋，我估可能之前燒佐大燈同埋錶板盞「D4」燈，都有可能同車房手工差有關！

唔識整咪話唔親整囉，我咪搵過第二家人囉！真金白銀我畀得起錢，亦冇拖欠即時磅水，唔該唔好當我傻仔咁呃啦！聽到最嬲o既一句說話，就係︰「好彩你係同我買咋，我o地仲可以拖返賣turbo o個條友，而家我o地仲要蝕人工蝕錢幫你搞；如果你係自己買個turbo返o黎換，就真係乜都冇o架喇！」

哦！真係唔該晒！吼！嬲爆！

>>April 27, 2009 at 2:53:37 AM GMT+8

2009 年 4 月 25 日 星期六 【雨】

Deaf? 聾？

大件事，今朝一起身沖涼o既時候，沖沖o下醒醒o地，突然發覺右邊耳仔好似聽o野唔清楚咁，聽o的聲好似隔佐一重o野咁，但係又唔係到達耳鳴o個個地步，因為我未聽到尖聲。另一方面，今朝起身亦唔係有嚴重o既鼻敏感，以耳鼻喉相通咁計，如果係因為鼻敏感而導致有菌入耳，照計應該連吞口水都會感覺到耳膜拍拍聲先係，但係到目前為止，我右耳都仲未有感覺到任何痛楚。

其實而家聽o野o既感覺，就好似渣車上落山或者坐升降機上落幾十層樓時，由於o係短時間之內有好大o既高度o既改變，令到內耳o既氣壓同空氣中o既氣壓差距增加（正常o黎講，海拔越高，氣壓越低），如果以渣車落山咁計，由於o係山頂氣壓低，落到山腳時氣壓較出頂高，身體內o既氣壓就會比外界較低，耳膜就會畀外面o既空氣壓住，聽o野就會唔清楚。

通常食香口膠、大力呼吸氣又或者咳兩o下，體內、外o既氣壓就會平衡返，聽覺就會正常返，但今日試過好多次都冇用，又唔痛又冇流鼻涕，我亦唔係o係高噪音環境下工作，亦唔係好鐘意戴耳筒大聲聽歌，完全摸唔清自己個身體出佐咩毛病。

今日暫時唔想去睇醫生住，即管睇o下過多兩日會唔會自然好返…

死啦…蕭芳芳上身添…

>>April 27, 2009 at 2:05:27 AM GMT+8

2009 年 4 月 24 日 星期五 【陰】

Moving 遷移

我唔知點解showhappy呢個日記網，突然之間奇奇怪怪咁，繼server出事冇晒幾日o既日記之後，又有o的「html code」又失晒效。html code失效，除佐令我貼唔到網頁direct links之外，就連「基本設定」裡面個自我介紹都update唔到，搞到轉唔到首background音樂，好鬼死煩呀！

2002年尾寫到今日，一直想搵個穩定o既日記網寫日記，但係寫來寫去，都係覺得showhappy o既自由度最大，因為可以用好多html code。Yahoo、Windows Live等等等等，好多都用過，但係個介面真係唔鐘意，太煩複，唯獨showhappy簡單。

我曾經試過轉，但係咁多年o既o野，點可能話搬就搬？

早排Geocities加價，我就將我所有日記裡面o既相一次過搬佐去Photobucket，同Yahoo相連o既服務真係越來越差，就好似幾年前，Yahoo Photos將我其中兩個accounts o既相一個唔該就洗晒，嬲到震。之後Yahoo Photos又再轉埋Flickr，就更煩更垃圾，所以我又再一次決心搬家，將我本舊o既網上相簿，一次過搬埋過去Photobucket。

今晚，終於都完成喇。
http://s488.photobucket.com/albums/rr248/dominic_lei/Personal/

>>April 26, 2009 at 6:57:02 PM GMT+8

2009 年 4 月 23 日 星期四 【雨】

Death 死亡

一連接獲兩個預告死亡o既消息，內心陣陣不安…

今朝早佐少少落床，一上facebook，就睇到個好朋友話屋企人有事，一問之下，原來係老豆cancer末期，雖然對於呢件事早就已經有晒心理準備，長年累月o既抗戰，係會令人習慣、適應定係看透？假若真係要宣佈完結，心境又真係可以心如止水？定係心如刀割？

結果我冇返屋企食飯，出佐去一齊兜風。因為怕返到屋企見到o個個傷心、焦慮o既母親大人。屋企得一個男人，要承受自己o既情緒，亦要承擔母親o既情緒，或者有時真係需要抖一抖氣…做兄弟o既都幫唔到咩手，只有陪伴o下，希望畀o的力量去照顧o個位面臨精神崩潰o既呀媽…

好境不常呢句廢話，同埋一不離二呢個爛gag，o係我返到屋企時出現佐。

媽媽臨去訓前，突然o係我房門口同我講︰「呀(女麻)有腸癌，今日去佐做詳細化驗，但醫生話有90%係腸癌…」語畢就返入房…

雖然(女麻)(女麻)年紀已大，本身亦有大量老人病，都知道時候差唔多，但係o係我堂細佬結婚，甚或至係我結婚之前得到呢個消息同結果，係咪有o的唔係好o岩時候呢？當諗到細個時(女麻)(女麻)o既照顧同愛錫，心亦有o的戚戚然…

死亡，輪到我o地自己選擇的嗎？！

>>April 24, 2009 at 1:37:46 AM GMT+8

2009 年 4 月 22 日 星期三 【陰】

Disappointment 灰

唉…好灰呢…有兩件事令我好唔開心，亦都好困擾。

第一，就係我部Move仔，畀傑少換佐個turbo之後，而家無論熱車定凍車，開得快定開得慢，全天候廿四小時總之郁車，就會有「o達o達」聲o既噪音咁響。呇捘鏣丫！大拿拿拎佐四千五蚊出o黎，今次真係貼錢買難受！

架車嘈到心都煩埋，畀大啖o的油落去都會驚架車痛，何苦呢？點解要咁對我架Move仔？！最賤就係傑少老豆話試車時已經覺得有少少雜聲，係咁話入氣條喉有事，咁挪車時你又唔講？整車時你又唔問我駛唔駛整？但係而家o的雜聲係持續同長久呀！！！！！咁點計先？！早知畀夠六千買隻新turbo好過，仲要唔係搵呢間車房做…而家後悔都遲…唉…

第二件事仲衰，就係今朝拎佐部notebook去維修中心，師傅睇完之後，話個型號已經fade out佐，冇spare殼換，叫我死佐條心兼收皮…唉！真係一次意外，足以致命…而家部機搞成咁，真係難辭其疚…

無話可說…哀莫大於心死。

>>April 24, 2009 at 1:39:00 AM GMT+8

2009 年 4 月 21 日 星期二 【酷熱】

《我愛你》
王菲

多簡單　愛情　像就做完的夢　清楚　模糊
多簡單　像第一次問你愛不愛　你說　愛　愛
多美麗　回答　它輕輕的掠過　不願落下

這一些熱的烈的情　蒼白的浮冰　多無影

散　散落　那些忽而現又有時隱而不見的飛
散落　那些抓也抓不住的才是真的

多簡單　愛情　它輕輕的掠過　不願落下
這一些熱的烈的情　都無影　多透明

散　散落　那些忽而現又有時隱而不見的飛
散落　那些忽而亮轉而模糊隱隱約約飄落
散　散落　那些忽而現又有時隱而不見的墜
散落　那些抓也抓不住的才是真的

----------------------------------------------------------------------------------------------------------------------------

久違了o既王菲新歌…滿有期望，雖然仍然好有王菲飄渺o既味道，但係呢…首歌又真係一般佐o的囉。

>>April 22, 2009 at 1:42:50 AM GMT+8

2009 年 4 月 20 日 星期一 【清涼】

Flattery 阿謏奉承

嘩，今朝一起身個喉嚨好似痛痛o地咁，唔通感親？不過無論您點詐死詐病都好，都係要返公司面對超級多o既工作，一坐低就開始要做o野…

終於都交收埋近期最後一隻吉舖，希望o的租戶生生性性，租務部亦唔好貪心，大家開開心心續佐租就算喇…半個鐘就可以KO個客，果然係爽快之人！

雨季開始，我o地個場就變「水場」，天花一度二度滴晒水咁，幾鬼死煩呀，康業跟o野又慢吞吞咁，走走踢踢一大輪，先至有得返埋位，不過o個時已經係十一點半… @_@

老細又要開例會喇，例會有個好處，就係老細會不停提醒我有乜欠劭既o野未做…但真係太多…點做呀？！

食完飯諗住有安樂日子過，點知一個電話接住一個，CCC Meeting o既minutes做唔到不特止，仲要連o的今日deadline o既reports都做唔到…最慘就係遇著個長氣客，係咁詐型話租務部迫客裝貴閘，又話o係柴灣裝唔值，再叫我幫o下口…頂…我又何得何能o丫，租務就係「神」，點都係租務話事，最後答案o架啦…即管睇o下拎過o黎個版過唔過到骨先啦…

今日遇到最cheap o既事就係有間舖裡面個類似話事人，小晒鬼咁嘈話舖裡面天花漏水，入到去睇個舖條expansion joint就爆笑，因為雖然條joint底已經一早全部加晒水盤，但係由去水個喉咀接駁到去水位o個一段喉管居然畀人切斷佐，都係小事；好笑o既係，個裝修佬居然只係縛個膠裝o係度接水！！！德哥睇完個情況，梗係罵罵聲啦，因為唔知邊個咁聰明咁切斷佐條喉嘛，但係我o地做o野點都係向前望o既。

拿，我o地呢o的做客戶服務o既，真係要幾假都有，點都要扮晒關心個客。睇完個情況後，搵位接返條去水喉，我就大大聲咁話︰「拿拿聲去搵o下有冇料，冇就即刻去買！襯住人o地而家轉季執緊貨仲有時間，就快脆入o黎整埋去，唔駛阻住人o地做生意！」跟住個舖o既話事人即時話︰「真係抵你做經理o既！」

對唔住囉，雖則呢o的較為正面又好聽o既說話好多人都鐘意聽，但係奉承o既說話我係完全唔受o架囉，轉頭一離開間舖，妠N畀我咒罵佐兩o野。點解要罵？其實o個o的工作係應該由個客自己做，不過我o地點都要扮o下o野叫做提供客戶服務。為佐等兩位師傅條氣順o的，快手o的完佐單o野就算，我就點都要企返o的同事o個邊支持o下o架喇！

阿謏奉承o既說話，好多人都鐘意聽。不過做人o既o野，都係實事求事好。

>>April 21, 2009 at 2:54:40 AM GMT+8

2009 年 4 月 19 日 星期日 【雷雨】

Public Announcement 公告

真係第一次，第一次個日記網會出email畀用戶，解釋個server衰乜同埋為唔見佐用戶o既日記而道歉。雖然showhappy話會還原用戶唔見佐o既日記，但係我都唔抱o的乜期望，更加唔敢諗所謂o既「稍後」，究竟係會「後」到幾時…

又諗，其實係咪因為showhappy個討論區摺佐，所以先用email形式去通知用戶以下o既消息呢？唉…

快o的畀返o的日記我啦…唔該…

----------------------------------------------------------------------------------------------------------------------------

致各用戶

Showhappy 網站於 2009 年 4 月 11 日出現故障。事故原於近日伺服器搬遷期間，其中出現的技術問題所致。但不幸地，由於資料庫備份系統同時出現故障，本站遺失了由 2009 年 4 月 6 日至 故障出現時即 2009 年 4 月 11 日的所有新資料。本站對此深感抱歉，將盡一切方法回復你們寶貴的日記。

本站現已回復正常服務，2009 年 4 月 6 日或之前的資料已經全數回復。

至於遺失了的 2009 年 4 月 6 日至 2009 年 4 月 11 日的新日記資料，本站已有方法回復，稍後會提供一個介面，用戶可以在該介面看到你在該段時間內的最新 3 頁的日記頁面。用戶可從該介面備份你們的日記內容，重新寫回你的日記上。

不便之處，敬希原諒。
本站定必致力保障所有日記資料的安全。

如有任何意見歡迎到討論區發表。
需要您們的支持，使網站能邁向將來！
--
God bless us.
Wicka Chan
Webmaster of Showhappy.net

>>April 20, 2009 at 12:49:40 AM GMT+8

2009 年 4 月 18 日 星期六 【雨】

Rest 休息

今日ok喎，dayoff訓到差唔多一點先起身，再渣車入大埔陪小貓。

小貓已經一早入佐冒險樂園「玩住等」喇，推代幣機其實係有方法玩o既，係咁狂入代幣盞畀忡租濾架咋！睇到小貓玩得忘我，興奮高呼，拍手叫好，就知道幾百蚊只係濕濕碎。一刻間將過去一個禮拜o既悶氣完全拋於腦後，再加埋遊戲後o既relaxed，係用錢都買唔到。

仲有個好處就係，冒險樂園都有o的cash coupons換o架，唔怪得之咁多呀婆師奶o黎玩啦，以錢換錢喎，仲有得玩消磨時間，何樂而不為？！間唔中仲有o的人係咁拍機，我玩緊o個邊都周不時畀劭地係咁用力拍拍o下，而賺多幾個代幣，爽！

最後我o地玩佐差唔多成五個鐘先走，再去食日本o野，您o既胃口同腸胃好返好多，可能同冒險樂園效應有關。見您食到咁多o野，緊張o既心情得到放鬆，多好。

嘩！今晚行大埔道出九龍又有車炒佐埋山，搞到連我架車都上埋電視（Online TV）呀！



>>April 21, 2009 at 2:46:12 AM GMT+8

2009 年 4 月 17 日 星期五 【陰】

Display 陳列品

老妹部電腦冇時間整，買佐個火牛又唔o岩用，自己部機又砌唔掂，冇時間慢慢研究之下，今日去佐豐澤揀機，點知發現佐有部display貨，都只係賣二千七，o的料又唔算係好差，再加上有三年保養，雖然長開佐兩個禮拜甚至一個月，但係我覺得都抵玩，反正我之前用o個o的電腦都係晚晚長開，除佐壞harddisk亦唔覺可以有乜大病痛，所以即碌卡買，唔駛諗，當係補送老妹生日禮物。

想買衫好耐喇，今日難得有機會，點都拉埋Kenji去行個圈啦，結果執到一百蚊兩件，都ok喎。


我仲想買多條牛仔褲同埋鞋喎！

>>April 21, 2009 at 2:56:03 AM GMT+8