2008 年 10 月 1 日 星期三 【酷熱】

Veterinary 獸醫

今日放假，為佐狗仔著想，您終於都肯帶佢去睇醫生。動物睇醫生不嬲都貴過人，所以冇錢真係唔好養動物，盞死…畀佐七舊水之餘都仲要呃您呀爸話睇佐二百蚊…唉…

獸醫o個度o個幾條街我未去過o架！唔駕車入過去都唔知大埔係有o的咁o既地方，好新奇呀！

醫生話呀B o的腳趾同埋耳仔發炎囉，所以要戴個頭盔等佢lam唔到隻腳，費事一直唔斷尾，仲要食抗生素同用葯水洗腳添呀，真係冇陰公…所以話有時養動物真係幾咁麻煩，第日結佐婚真係唔好再搞o的咁o既o野喇…唔該…


>>October 10, 2008 at 12:16:10 AM GMT+8

2008 年 9 月 30 日 星期二 【清涼】

Retirement 退役

我部電腦終於都死佐…嗚…唯有借住您部notebook o黎用住先…

拎佐部電腦畀Kenji個friend肥尹幫我整，肥尹睇完之後，都話塊底板o既PS2頭壞佐，裝唔到Windows，冇得救…其實而家一般o既底板只可以用三年左右，我呢塊板呢部機，輾輾轉轉都用佐成五、六年，可以話係超額完成，咁多年o黎鞠躬盡瘁，而家光榮引退，死而後已。

之前肥尹幫Kenji搵到塊舊板，救返佢部機，但係我部機實在太舊，P(III) 1 gig實在再搵唔到o岩用o既板，但係肥尹話可以搵人訂做一塊OEM (Original Equipment Manufacturer)，手工都只係五舊水之內，總好過買過晒新底板、新CPU同新RAM，而且肥尹話佢有幾條舊SD RAM可以送埋畀我用，計落都有so，一於去馬！

估唔到您呢部notebook都幾快喎，有時真係唔明點解您o係屋企仲要用o個部行得慢過蟻同蝸牛同龜o既舊notebook。外型美觀、體積輕巧、運作迅速，ok喎！

不過我暫時只係要借佢個腦一用，因為o係屋企用如果冇mouse同埋number pad其實都幾煩o架，仲有睇慣佐個15吋mon嘛…


>>October 9, 2008 at 11:48:38 PM GMT+8

2008 年 9 月 29 日 星期一 【清涼】

Swirl 旋渦

好慘呀！聽日又要開CCC Meeting，救命呀！又係到最後一日先有時間去準備…結果放工又係拉佐Kenji出去陪我site visit。

又係駕住架車四圍去，今次都係唔過海喇，睇o下香港島呢邊有乜啟示先…我o地一車就落佐中環，但係冇地方泊低架車慢慢睇喎…去到Pacific Place三期，又唔發現有乜好睇，但係就經過一條時光隧道…最後都係返佐落去Times Square。


好彩三兩下手腳就搵到o的可以聽日講o既o野，個腦又突然之間「叮」一聲有o的頭緒…搞掂晒係時候就諗住去食o野。但係我o地兩個去挪車之前o係Times Square出面個水池附近煲支煙o既時候，都畀呢個水池上面o既一個旋渦o既上面o既一張紙碎吸引住！

呢張紙碎因為浮面o既關係，無論點樣跟住個水流去轉，去到接近旋渦o既中心位置，就會彈返出o黎，好過癮。兩個傻佬o係繁忙o既鬧市之中，望住張紙o係度轉轉o下，影o下個旋渦，用口吹o下張紙以圖吹佢落個旋渦中心，逗留佐十幾分鐘，最後都係「督」佐張紙落去走人…好無聊，但係好休閒。


食完o野車佐Kenji返屋企，我再返公司奮勇作戰至四點…勁眼訓呢…

>>October 8, 2008 at 4:06:00 AM GMT+8

2008 年 9 月 28 日 星期日 【清涼】

「土法」測毒奶　黑布過濾驗酸鹼度
《明報》2008年9月25日

為防三聚氰胺「腎石奶」，人人想盡方法自保，台灣有醫學教授甚至教市民用簡單的pH值測試，和以黑色布製成的過濾器，自己在家中DIY做小實驗，分辨奶品含三聚氰胺的風險。

毒奶pH值接近8
檢測方法很簡單，據台灣報章報道，台北醫學大學醫學系教授林松洲說，三聚氰胺是一種白色結晶粉末，雖沒什麼味道，攙雜入奶粉後不易被發現，但因三聚氰胺溶於水，並呈鹼性，如果在牛奶中加入三聚氰胺，pH值接近8，已露出蛛絲馬跡，因一般牛奶的pH值約為6.5。

過濾後留白色晶體或有問題
另一個自驗方法，是先按較平常濃的分量，用100℃熱水沖奶粉，然後攪拌，務求將奶粉完全溶於水不留固塊，之後將該杯奶放入冰箱降溫。準備一塊黑色布和一隻杯，將黑布蒙在杯口上作為過濾器，待牛奶冷卻後，將之倒在黑布上過濾。若牛奶內含有三聚氰胺，透過上述熱水沖泡和冷卻過程，三聚氰胺便會結晶。如黑色濾杯能濾出白色固體，要先用清水沖洗白色固體數次，排除其他可溶物，沖洗後若仍有白色晶體，可將晶體放入清水中，若晶體沉入水底，便很可能是三聚氰胺了。

中大生化系副教授陳竟明說，上述實驗的確是其中一個「土法」測試，但大前提是奶粉內的三聚氰胺含量要很高。

他笑言﹕「台灣人寧信自己多過政府，所以會自己做實驗，香港人樣樣依賴政府，應該沒有人會自己做實驗。」

----------------------------------------------------------------------------------------------------------------------------

嘩！呢個堅！民間智慧！

>>October 2, 2008 at 1:24:03 AM GMT+8

2008 年 9 月 27 日 星期六 【清涼】

Retry 再試

最近您o的腸胃失調好似好返好多喇，今日我o地又去「親親大自然」試佢一試，果然冇事o丫！所以我成日都話其實您係心理上o既影響居多。

今晚有o的掃興o既事，就係您因為我丟佐您o個兩隻紙碟而大發雷霆… @_@ 您呢隻環保小貓話我好浪費，話要為下一代著想o下。嗯…唔知點解，一離開佐公司就咩環保意識都冇晒，我o既慳家環保意識只係停留o係工作o既層面。不過我覺得佢o的碟都唔知乾唔乾淨嗟，而且拎佐返屋企又有咩用呢？o係屋企有幾何用紙碟o丫，真係唔想帶多件垃圾返屋企，不如下次留返o係度唔好拎走又唔好丟，由得o個度o的人處置好過喇。嗯。

真係估佢唔到，居然畀我挪到第三種顏色o既卡！究竟佢有幾多款唔同色o既卡呢？我要儲齊佢一套！


>>October 8, 2008 at 3:04:37 AM GMT+8

2008 年 9 月 26 日 星期五 【清涼】

Disobedience 違抗

係呀，我係特登唔聽你支笛呀，咁點o丫？你係sub-regional i/c就大晒呀？！

事情係咁o既，老細今日要入沙田做audit，咁o岩我又冇同佢夾時間，我又約佐人o係另一個site做audit，因為下個禮拜開始會有好多o野做，我唔想改期再拖，於是決定如期完成。

又唔知點解個sub-reg又會諗起我o地兩個今日都要出site，於是佢就晨早溜溜打電話o黎，唔畀我出site，但係我發現下個禮拜真係會好唔得閒，又要做budget又未出租單、n咁多個reports要交等等，我就一於唔q理佢，下晝四點幾交低好晒o的身後事就出site做audit。

又唔知點解我出site o既事又畀人爆佐響口，跟住條sub-reg就打我手提係咁狂罵，仲話我「霸王硬上弓」（？！），後尾我同佢講個site負責o既同事下個禮拜放大假，今日唔做要拖成個幾禮拜，佢先至冇再罵，我再加多句︰「我會做得好好睇睇，唔會畀機會internal audit o的人插你。」（IA個head係佢死佢死敵、死對頭），佢先收晒聲，改為話我冇事先通知佢。哦。

其實我覺得佢唔畀我出site，美其名就話如果有VIP落去我度，唔知邊個可以招呼佢o地；其實內裡我覺得佢係有私心。因為我出o既site就正正係令到佢身敗名裂o既site，而家o個個site已經唔係o係佢o既管轄範圍，佢梗係一於好少理話知人死啦！但係有時o的o野又唔係咁講o既，公司有幾大o丫！

今日你幫人，第日人幫你，有時蝕o下底都要o架啦，如果學似佢咁樣做咪最終搞到佢而家咁o既境況囉！

>>October 8, 2008 at 4:02:52 AM GMT+8

2008 年 9 月 25 日 星期四 【酷熱】

難字解讀︰三鹿為粗
《明報》2008年9月24日

【明報專訊】三鹿毒奶粉事件鬧得沸沸揚揚，是早前的新聞焦點。說起三鹿，有一個古字倒是由3個「鹿」字組成的，寫作「麤」，和今天的「粗」字相通。還有一個「犇」字，由3個「牛」組成，即今天的「奔」字。

關於「麤」（粗）和「犇」（奔），有這麼一個小故事：
北宋熙寧年間，丞相王安石寫了一本解釋文字形體的書，叫《字說》，在當時廣為流傳。有一天，蘇軾看了這本書，覺得有些地方說不通，忍不住向王安石提出：「丞相學問淵博，您所寫的書我不太懂。比如『犇』字和「麤」字，牛的身體比鹿粗壯得多；鹿的速度比牛快得多。現在把這兩個字乘三重疊，意思卻剛好相反。3個「牛」加在一起，竟是個「奔」字；而3個「鹿」加在一起，卻是「粗」字，這是為什麼呢？」王安石一時也答不上來。

這則故事收在南宋名將岳飛的孫兒岳珂所寫的《桯史》裏面。王安石推行新政，招來不少批評，當時的人喜歡拿他的著作取笑他。

其實，「麤」本來沒有「粗」的意思，和蘇軾想的一樣，它原本的意思就是跑得快。《說文•麤部》的解釋是：「麤，行超遠也。」鹿跑得又快又遠，所以這個字用3隻鹿來表示。順帶一提，塵土的「塵」字，原本寫作「（見圖）」，在「麤」字下面加個土，代表鹿群走過揚起的塵埃，後來簡化為「塵」字。

清代學者馮李驊認為，「麤」原本指跑得快，跑得快就不免氣粗，由氣粗而衍生出粗壯之義。他還說，牛也有跑得快的，晉代王愷就有一頭跑得很快的牛，叫「八百里駮」。所以「麤」字變為「粗」，「奔」字寫作「犇」，也不一定沒有道理。

也有人認為，由於鹿很容易受驚，一受驚就又蹦又跳，冒冒失失的，所以引伸出粗率鹵莽的意思，又由此產生粗疏、粗劣、粗大，甚至粗鄙、粗暴等意思。不管如何，「麤」在後世最終被「粗」字取代了。

現在看來，三鹿牌奶粉既以「三鹿」為名，也隱隱有了粗劣、粗率、粗疏、粗暴的味道。

作者簡介
洪若震，畢業於香港中文大學中國語言文學系，並於該系取得碩士、博士學位。現任香港城市大學中國文化中心導師，教授中國文化課程。主要研究範圍為古文字學、漢語俗字及音韻學。



>>September 26, 2008 at 2:11:44 AM GMT+8

2008 年 9 月 24 日 星期三 【陰】

Canvas Shoes (Lancelet Shoes) 白飯魚

琴晚返完風更賺錢，訓醒覺再去接婆婆返屋企，食飽飯好眼訓，睇佐陣書就暈佐。

婆婆玩繡花玩到十二點半先訓，同佢訓前講完電話之後，走佐去露台煲支煙，見到對面有家人晾佐對白飯魚出o黎，我就用佐一支煙o既時間，回憶起當年中學o既生活。

慈幼真係冇乜o野好，好就好在有個大山頭，有幾個唔同大細兼唔標準o既球場。中一至中五都要上體育堂，每次上堂一開始，呀Sir就唔會理你係潺仔定係大隻仔，即使烈日當空，有理冇理都要o係「大操場」跑十個圈（當然實有人偷雞跑少佐啦！），十個圈之後就例牌做體操再加廿下掌上壓同埋廿下sit-up，所以當時真係都幾fit o下o架。

最鐘意就係跑圈，因為我鐘意跑步。中一至中三，我o地有班傻仔好跑得，而我就特別鐘意同朋友仔呀Bee一齊跑，通常我o地頭九個圈都係一邊搞住其他人一邊玩一邊均速跑，直至去到最後一圈，過佐某一條線，先會開始喪跑，鬥快跑到終點，大家有贏有輸，好開心。

唔知呀Bee而家點呢？希望佢而家o既生活愉快啦！



>>September 25, 2008 at 1:36:59 AM GMT+8

2008 年 9 月 23 日 星期二 【寒冷】

Mahjong 麻雀

估唔到個風行得咁快，一o野就話殺到埋身，八號風球唔駛我等，六點收工時間即時扯起，好o野，返OT風更又有錢賺！正正正正正！

今晚特別齊人，有機會可以打返四圈！今年都冇打過麻雀，新年o個段時間都冇人啋我，唔知係咪個個人都忌佐老古，怕佢條友仔又寫信去總公司告狀玩串個party。

今晚唔駛諗咁多喇，大家做好晒o野之後，閂晒門玩餐飽先算啦！今晚手氣唔錯呀，連「簡簡糊」都食得出，不過我o地唔係玩錢o既，純綷邊個輸得最多就請飲o野，打o下牙鉸咁嗟…

個風六點半終於都除佐，掛佐十二個半鐘，但係完全唔影響一般打工仔o既返工時間。人o地就趕返工我就返屋企訓餐飽…zzz…

嘩！成日都會經過o既杏花村居然玩「海水倒灌」沖開渠蓋變噴泉喎！


>>September 28, 2008 at 5:34:21 AM GMT+8

2008 年 9 月 22 日 星期一 【清涼】

Mega Tower擬減樓層現轉機
《明報》2008年9月21日

極具爭議、策劃逾20年的合和中心二期(前名為Mega Tower)發展項目終見轉機。合和聯席董事總經理胡文新昨指出，已委託專家研究折衷方案，包括考慮減低樓層或發展規模；據悉，合和將年底前公布方案。他同時強調，93層高的酒店發展項目早於1994年已獲城規會通過，「我們會根據合法及行之已久的程序，發展合和中心二期」。

早前因遮蔽山脊被否決
發展局發言人指出，合和中心二期發展項目的交通改善計劃不獲灣仔區議會支持，令工程刊憲程序需延遲，當局現正等待交通評估的更新數據，再諮詢區議會，「工程刊憲後，政府便會與合和商討換地安排」。

早於1985年開始籌備的合和中心二期發展項目早於94年獲城規會批准，在船街興建一幢93層高的酒店，包括108萬平方呎的酒店，共有2197個房間及68.7萬呎的寫字樓。合和其後多次修訂設計，直至2005年把項目改為興建兩幢58層酒店，但被城規會以遮蔽山脊線為由否決。合和今年初決定沿用94年的已批圖則興建合和中心二期，灣仔區議會和保育組織都擔心計劃會影響該區景觀和通風。

合和自2004年已委託6至7間公司，研究折衷方案，據了解，現已整合約6個方案，合和聯席董事總經理胡文新指出，方案包括考慮減少樓層或發展規模，但暫未能公布減幅，據悉，合和將於年底前公布有關方案。

設網站向市民解釋細節
胡文新又指出，區內大部分市民希望項目早日開展，「但任何項目也有反對聲音，可能有市民誤解項目」，合和遂已設立網站向市民解釋項目細節。但本報昨登入該網站時，發現當中並無具體提供項目興建後的交通流量數據、1994年已批項目的樓層等，只具體講述合和將斥資改善交通的計劃。

灣仔區議會發展規劃及交通委員會主席吳錦津表示，合和早前諮詢區議會時只談及其改善交通的安排，至於樓宇高度、發展密度等，一概沒有詳述，「即使談交通，只以2003年的交通流量作基礎，根本不能令議員放心」。


合和聯席董事總經理胡文新表示，合和中心二期項目包括在堅尼地道旁興建一個佔地6萬平方呎的公園，承諾保留地盤內具保育價值和健康的樹木。



相關資料︰合和中心二期官方網站

>>October 2, 2008 at 4:32:42 AM GMT+8