2008 年 11 月 20 日 星期四 【微冷】

Butt 煙頭

您可能會覺得我好低能，不過我今日真係為佐一個煙頭好準時收工。

今朝沖涼時o係廁所食完煙仔，慣性丟佐落馬筒。出門口落到街時，先醒起自己唔記得沖廁，shit！雖則多次畀媽媽發現我留低個火機o係廁所，但係正所謂寧畀人知就莫畀人見，成個煙頭o係馬筒度，咪即係斷正！一於要返屋企沖佐去。

食完飯諗住返去搞掂，點知行到半路先記得自己冇帶鎖匙… @_@ 因為我公司、屋企同埋車鎖係分開三串咁擺…結果要折返公司，唯有放工早些少返屋企，早過媽媽，免得有說話聽。

六點半閃人，返到屋企仲係早過媽媽。真係冇沖廁呀pk！咁冇手尾點得o架…

>>December 27, 2008 at 5:56:58 AM GMT+8

2008 年 11 月 19 日 星期三 【微冷】

Reunion 重逢

估唔到可以再一次擁抱一個冇見四、五年o既好朋友，難忘！

能夠見返Joseph，有時真係以為自己仲係發緊夢。有時一提起佢，就會提起佢o個時唔知點解問我拎佐幾千蚊就一走了之，咁少錢都根本幫唔到o的乜，咁又突然之失蹤唔知佢生定死…由擔心到死心，真係冇諗過可以重逢，見返佢。

條友把口仲係唔收，仲係好似我咁係chain smoker。唔同o既係佢帶多佐隻狗出o黎，叫Snowball，過度活躍症，真係物似主人型。

過去呢幾年佢搞過乜佢冇特別提起，o係佢搞笑o既一面背後，佢自己一個人經歷過幾多？成長佐多少？做朋友o既，總係希望可以幫到手或者分擔到。anyway，好高興見到佢生生猛猛咁彈返出o黎，希望到我結婚o既時候（雖則唔知仲要幾耐），佢可以o係我身邊，就好似我大學畢業時佢o係我身邊一樣。

>>February 3, 2009 at 2:14:18 AM GMT+8

2008 年 11 月 18 日 星期二 【微冷】

Clam Chowder 蜆肉周打魚湯

今晚接完您放學返屋企之後，就去佐食麥當當，佢o地又賣湯喇。雖然冇乜好飲，但係又突然之間好想飲喎，結果都係order佐。

叫晒餐等佢執齊o的o野，都等佐好幾分鐘，跟住個crew就話o的湯要等，轉頭拎畀我。ok，咪等o下囉。

食食o下，個crew又突然拎住幾蚊散紙走埋o黎，話唔好意思o的湯賣晒，問我仲要唔要。係咪玩o野先我心諗？我就問佢要等幾耐，佢話而家開始煲都要等半個鐘，因為我叫佐好多o野食，半個鐘都應該可以等到，咁我就同佢講我等囉。

其實好明顯班友仔唔多想煲，因為今晚間o野收十二點，而唔係通宵，所以想早o的收爐。但係十點幾咋喎大佬，咁早就收會唔會過份少少呢？後尾仲有好幾個人都要湯，我估佢o地唔屈服都唔得啦。

等佐三十五分鐘，終於有得飲。好淡口，唔好飲。唉…


>>December 28, 2008 at 12:00:46 AM GMT+8

2008 年 11 月 17 日 星期一 【微冷】

如果這是情
黎明

如果這是情　我竟不清醒
莫非真的愛　從來沒說明
如果已注定　難避這段情
是非多波折　長存未了情

讓我的美夢　換你一世情
始終都等到一串好光景
願你可快樂　像我癡情
誰是最愛不必再驗證

人生似為情　究竟應不應
遇到心所愛　如何又冷靜
如果已共鳴　何用太無情
夢好多曲折　似醒心不醒

就算風已靜　熱愛不要停
痛苦只因不必要的反省
讓我擁抱著　熱愛不要停
尋獲最愛不必怕任性

讓我的美夢　換你一世情
始終都等到一串好光景
願你可快樂　像我癡情
尋獲最愛不必怕任性

就算風已靜　熱愛不要停
痛苦只因不必要的反省
讓我擁抱著　熱愛不要停
誰是最愛不必再驗證

----------------------------------------------------------------------------------------------------------------------------

原來而家要搵返一首十幾年前o既歌o既mp3都幾難o架，搵佐成個鐘先搵到呢首歌o既原唱版，即時cut佐佢做鈴聲先，我都知實會畀人話老土o架喇，不過o的係o個個年代o既黎明唱o既歌先至好聽，o的歌詞先至見得o下人。

>>November 25, 2008 at 1:00:30 AM GMT+8

2008 年 11 月 16 日 星期日 【微冷】

DIY Hotpot 自家製火鍋

而家出街打邊爐實在太過容易同方便喇，一諗到又要去街市買o野，再將o的o野食拎返屋企，仲要再切再洗乾淨，有得睇冇得食，洗到對手凍冰冰，肚餓到死都仲要等齊人先有得食，食完仲要洗餐死，再要執好o的食唔晒o既食物，同埋面對可能要連續食幾日先清理完畢o既殘餘物資，咁o既情況，我估真係冇乜人再會o係屋企搞埋o的咁o既o野。

其實我屋企人以前都會一年有幾次呢o的活動o既，不過真係太過麻煩喇，加上有時都幾難等到一家人齊晒咁聚埋一齊打邊爐，所以近呢幾年頂盡都只係一年搞一次，開心o下就算。

今晚您屋企又有興趣搞個火鍋party喎，我當然係要畀面出席啦，而且o係人家屋企食就等如出街食一樣，唔駛點做咩功夫但係又有得食個飽，幾開心呀！

睇o下懶洋洋o既小狗就十足十同我一樣，貪吃懶做呀！呵呵呵！


>>December 27, 2008 at 11:48:23 PM GMT+8

2008 年 11 月 15 日 星期六 【微冷】

Harddisk 硬盤

又死一個，一年一個，點解連個天都唔鐘意我？！

肥尹已經幫我整返好部P3，幾百蚊換佐塊底板，但係個火牛就放唔落個case，而且仲認唔到粒1G o既chip，搞到我都唔係咁想整返好部腦，o係度諗不如買部新notebook代替好過啦，不過又唔想駛錢…

不過悲劇總係接腫而o黎，早幾日老妹話佢部腦又short佐，開唔到，係個Windows花佐啦，已經係好耐之前o既事，不過用到就費事搞佢住。format過幾時到佐今次真係搞到冇得搞，證實連個HD都bye埋，咁就唯有拎住我部機o個個畀佢用住先。我係擔心我部機塊死人大陸板，都唔知認唔認到而且o個o的咁大容量o既HD，如果認唔到100G，咁買o黎都冇用啦，我不如買部notebook長期插住個external好過…

嗯…好苦惱…Bill Gates o的o野真係冇樣好。>_<

>>December 27, 2008 at 10:26:03 PM GMT+8

2008 年 11 月 14 日 星期五 【晴】

Salary Index 薪酬指數

今年個市搞成咁，SHK o既股價又係咁跌，究竟年尾仲有冇空間加人工呢？

今日上網睇o下o的所謂o既「薪酬指數」，發現其實以自己個post，好似都已經above average喇，但係工作量當然亦都係比其他公司far far above average啦…


同老細傾開出年o的友仔o既人工，最令我o地頭痛o既就係個sub-regional夾硬要我o地個site食佢o既60%人工，左減右減，乜都唔做，個budget都仲係負數。老細話有部分人o既起薪點比較低，想o係出年加返到average喎…老細又話英姐同呀李出年一定冇人工加，因為佢o地o既表現都遠比佢o地個post要求低喎…

咁，究竟出年盤數會係點呢？係咪所有工程都唔駛做呢？個sub-regional幾時先識得自行引退呢？

資料來源︰www.careertimes.com.hk

>>December 27, 2008 at 5:51:05 AM GMT+8

2008 年 11 月 13 日 星期四 【晴】

Match Maker 媒人

今晚約埋Josephine同Vicky出o黎食煲仔飯，睇o下幫唔幫到個女…

其實我都係想拎隻劉德華熊仔，先順手做個媒人，等Jose講解o下佢公司o既運作同前途之類，同埋學歷唔夠o既情況之下點樣安排老麥認可o既升職資格。係就係聽佐，有o既問題亦都問佐，空缺亦都係長期有（如果唔係都唔駛做到Jose隻狗咁…），不過睇Vicky好似欠缺佐o的熱誠咁喎…

講真，我都唔想介紹個冇心幫手做o野o既人Jose，如果真係有心做o既，我借住o的錢畀佢交學費先又如何？不過冇心o既就真係唔好搞x人喇，免得遺臭萬年呀！

早幾日叫Vicky寫份resume畀我改，send埋o的資料畀佢跟，結果今日都係乜都冇，可想而知佢o既搵工心態係點樣…唉…死得…

>>December 27, 2008 at 6:33:59 AM GMT+8

2008 年 11 月 12 日 星期三 【晴】

Vaporization 人間蒸發

今日食飯時Carol send佐個sms畀我，話我o地有個人間蒸發佐幾年o既一個friend，居然畀佢o係街度撞返！即時打返電話畀佢，佢o地交換佐電話，睇o黎我o地o既飯局，遲o的又可以多個人多雙筷喇。

我冇問Carol拎佢個新電話，因為我都唔鐘意其他人o係任何途徑得到我o既手電號碼，除佐係我親自畀佢o既。而且話晒都已經隔佐咁多年，即使感情冇變但係總會多佐一份生疏，一時間我估我都仲係要o的時間去調整o下…

對於佢o既人間蒸發，我估只有佢自己先會知點解，即使你問佢原因，佢都唔會答，即使答都只係o的無厘頭行貨o野，問o黎都多餘。

究竟佢而家個樣變成點呢？有冇肥到呢？見到佢時會感覺又會點呢？

>>December 27, 2008 at 6:16:51 AM GMT+8

2008 年 11 月 11 日 星期二 【晴】

Meet & Greet 蜥蜴行動

嘩！個名真係核突同老土到嘔呀！好在公司都冇人再提呢個中文名嗟，但係老一輩o既同事就實會記得呢個名。

「Meet & Greet」其實係一個好無聊o既o野，目的係要員工主動出擊去關心o的客o既需要，完成之後再做個reoprt。

當我入o黎o個時，係site I/C自己做o架，後尾係咁轉o的site I/C，結果為免遲交report就由我做埋同交埋，而我慣性係會做（或者「作」）6個cases，咁樣就可以meet埋個Balanced Score Card o既要求。

最近個sub-regional又發功，話我o地做乜每個月都係交6個cases，又係o個句「老闆問到你唔知點解釋」o既原因。其實公司o的高層又邊度有咁多時間睇你入佐o的乜o野Meet & Greet落去個report度o丫，只要合乎要求，根本冇人會理，尤其係我o地呢o的唔起眼o既site。

究竟個sub-regional咁執著又做乜呢？我同老細都冇理佢，但係佢就不斷咁翻來覆去咁拎呢樣o野o黎講… @_@ 老實講，佢今年衰佐個site，再被貶為人o地o既一個sub-regional，就梗係乜都驚死，成隻驚弓之鳥咁o架喇。佢而家就梗係乜都懶係緊慎咁o架啦，不過遲佐喇，如果佢早兩年已經有咁o既心態，就唔會搞到今時今日咁o既地位啦。

----------------------------------------------------------------------------------------------------------------------------

而家Angel o係大陸喎！都祝佢生日快樂啦！又大一歲喇！

>>December 27, 2008 at 4:47:27 AM GMT+8