2008 年 10 月 21 日 星期二 【酷熱】

Drainage Cleaning 通渠

夫婦通渠時遭化學劑灼傷
《明報》2008年10月21日 23:25

觀塘曉麗苑一對夫婦晚上使用通渠水和哥士的清理去水渠時懷疑產生化學反應，灼傷二人，他們被送院治理。

在晚上近九時，戶主夫婦用通渠水與哥士的清理洗衣機的去水渠時，懷疑兩種化學品混後產生化學反應，腐蝕液體四濺。二人遭灼傷面部及身體其他地方，一同送入聯合醫院治理。

----------------------------------------------------------------------------------------------------------------------------

一開個yahoo就睇到單咁o既o野，因為我都叫做讀過o下化學，所以你或者會覺得對於我o黎講，呢o的只係我o既common sense。但係對於一o的冇讀過化學o既市民o黎講，我都唔知應唔應該笑人好，因為其實呢o的咁o既事，o係香港唔係第一次發生，就算未學過，都應該聽過o下，所以我覺得呢o的「知識」，唔應該讀化學先有得學，應該自細由「通識教育」開始教。

通渠水即係濃硫酸，係強酸，接觸空氣會渾發出煙，接觸到皮膚會即時被酸蝕變黑。哥士的，曾sir最鐘意用o既o野，係強鹼，通常一粒粒白色固體，要溶落水先用得，接觸到手只會覺得滑滑o地，但係其實已經蝕緊皮膚。一酸一鹼溝埋，即時有化學反應，大量放熱同產生氣體，好似爆炸咁將o的酸呀鹼呀彈到周圍都係…唔係講玩。

幾時都話化學品就唔好亂咁溝埋o黎用，死得人的。

>>October 22, 2008 at 3:02:41 AM GMT+8

2008 年 10 月 20 日 星期一 【酷熱】

Will 心願

今朝終於都達成多個星期以o黎o既心願，成功接到婆婆返工！

琴晚o係公司做到三點先捨得走，為o既係趕起o的過期license畀老細簽，簽完可以即出街，唔可以再拖，只係想今年之內了結佐呢單o野。

做完o野返屋企沖個涼，四點幾，但係怕一訓落張床就唔識醒，起身時已經係下晝，見仲係幾精神，即刻挪車出發入佐大埔先算！

唔知天氣開始涼，定係清晨時分特別爽，條路冇乜車駕起車來都幾心礦神怡。入到大埔都只係五點幾，第一次試老麥「扭扭粉」早餐，食飽飽就蛇佐去工業村搵個地方恰o下，但係恰唔著。

八點，o係大埔海濱公園去個廁所，發現原來呢度風景都唔錯，跟住就去您樓下等您出門口。

真係唔駕車經過都唔知，原來牛池灣至九龍灣o的路o係朝頭早係咁鬼塞車o既，唔怪得之您朝朝都遲到… @_@

送佐您返工，再返公司做o下o野，之後再去接返您收工，多充實o既一日。

>>January 6, 2009 at 2:00:16 AM GMT+8

2008 年 10 月 19 日 星期日 【酷熱】

Media Editor 媒體編輯器

原來我部電話內置佐一個咁o既software，之前一直都冇發掘，係最近去廁所無聊冇o野做o係部電話度摷佐呢個function出o黎，都幾好玩！

除佐cut相、加o的眼鏡同帽之類o既普通funcion外，我最欣賞就係佢有一個半邊面對摺照鏡function，如果唔係好正面咁樣影幅相，就會出現以下呢o的效果，即係上闊下窄或者相反o既情況，勁搞笑。


不過美中不足，係佢冇一個任意旋轉張相o既功能，真敗筆。

>>October 31, 2008 at 12:48:27 AM GMT+8

2008 年 10 月 18 日 星期六 【酷熱】

Crisis 亂世

泰林主席：營運資金不足
《明報》2008年10月17日星期五

泰林電器主席林作禮晚上表示，由於租金上升，加上遇到金融海嘯，令營運資金不足，最終要尋求清盤。

他在晚上返回佐敦的總店時對記者表示，曾動用數千萬元挽救公司，但未能成功，十分可惜。

----------------------------------------------------------------------------------------------------------------------------

嘩，估唔到真係玩到咁大，所謂o既「金融海嘯」真係唔係講玩喎！一間接一間公司執笠，上個禮拜就「u-right」，今個禮拜就「泰林」，而家真係「亂世」喇。其實經濟呢o的o野不嬲都係上上落落好似波浪咁o架啦，其實我不嬲都唔覺得有咩咁嚴重，我亦都唔覺得對我有乜大影響，工都係咁樣日日要返，日子都係咁樣日日咁過…

快o的通縮就好…

>>October 19, 2008 at 1:23:43 AM GMT+8

2008 年 10 月 17 日 星期五 【酷熱】

Done 完成

今日再同老細傾一傾個draft budget，改佐少少o野，終於都完成佐一件心事。

我o個部分已經完成，但係老細o個部分只係o岩o岩開始。佢仲要同個麻煩o既sub-regional傾，再上regional i/c，同埋director，仲要我o地呢個場有兩個業主，雖然話出年唔諗住加管理費，但係要同樓上個業主解釋個site盤數點解當佢水魚咁屈，就真係有超級難度。

點樣可以化解佐個無能sub-regional o個60% o既人工，就係個site出年份budget bal唔balance o既關鍵所在。老細有個30%方案，但係個死人sub-regional捱死對抗，又話咩跟舊年就得，真係唔係佢死就係我o地亡喇…

>>December 1, 2008 at 3:11:24 AM GMT+8

2008 年 10 月 16 日 星期四 【酷熱】

Facebook

估唔到o係Facebook度會遇返一o的中學年代o既舊同學，仲可以o係其中一個同學o既相簿度搵返自己，同埋當年自己最好o既朋友，真係好難得…

其實已經有一段時間放低佐Facebook，因為實在太悶喇，唔o岩玩。

有日，Josephine無端端打畀我，叫我上Facebook度睇相，話有個佢識o既人話識我，係我舊同學，於是就搵返呢o的我去多年o既記憶，一段段發黃o既片段o係腦海中閃出。我又同郵差討論一番，佢都話乜都唔記得晒啦，而下面張相咁o岩又係由佢拿相機影，所以又冇佢個樣（都好，佢都唔想出鏡）。

您o地認唔認到中四o既我呢？


>>December 1, 2008 at 2:32:53 AM GMT+8

2008 年 10 月 15 日 星期三 【酷熱】

Marriage 結婚

最近身邊頻頻出現結婚事件！雖然唔係收到粉紅色炸彈要破財，但係真係好恐怖，好似呀豬呀狗都趕住埋齋咁…

早幾日o係個場撞到中學年代鐘意過o既一個女仔，佢仲係同佢鐘意o個個男仔一齊，計一計都已經拍佐有六、七、八年拖左右，佢o地同我講教會o個度呀邊個同呀邊個結婚，之後又呀某甲同呀某乙結婚，最後話佢o地兩個出年都結婚，駛唔駛咁趕呀？咩風氣咩熱潮呀？

最令人震驚o既，係一個細我幾年同我同一日生日，o個時勁friend o既教友仔，居然都結佐婚，但係我就完全唔知！不過佢o係醫院做佐幾年男護，多多少少都有返個錢，加上穩定o既收入同埋唔憂冇o野做，確係幾適合結婚o既…

或者我都係時候開始計劃o下個實質時間表。

>>November 20, 2008 at 7:40:47 PM GMT+8

2008 年 10 月 14 日 星期二 【酷熱】

Maintenance Expenses 維修費用

今日同Tim Tim傾過o下出年維修事項同預計要幾多錢…

舊年做budget時仲係呀man o既年代，其實都只係同老趙夾o下有咩可以做，盡量將維修費用o既比例o係條村budget之中o既扯返高o的，雖然budget多佐錢，但係直至呀man走之前，上半年o的工程都仲係乜都冇做過，留低一大堆爛攤子，直至九月Tim Tim上馬，先至開turbo清貨。

我唔係話呀man乜都唔做，只係相對佢份人工佢真係有負所托，好在佢終於都走佐，換佐個有生氣o既人返o黎。我o地不斷咁清以前呀man拖落未找數o既單，佢又不斷咁搵報價做o野，上單快，開工快，完工找數全部都快，總之都係配合我同老細o既tone︰「唔駛急，最緊要快！」

老細有好多o野想做，好多improvement同renovation o既works，但係…邊度搵錢o黎做呢？左計右計前計後計，出年都唔駛旨意諗加管理費，同一舊錢，面對住人工、電費、清潔費不斷咁加，有o的駛費又減無可減，惟有維修費用就可以有彈性咁下調…我都唔想減，但係有乜法子？！

>>October 19, 2008 at 1:40:52 AM GMT+8

2008 年 10 月 13 日 星期一 【酷熱】

White-hot 白熱

當溫度達到某種程度，就會放出有色光，稱之為火︰
紅 (2000-3500攝氏度)
橙 (3500-4600攝氏度)
黃 (4600-5700攝氏度)
黃白 (5700-7400攝氏度)
白 (7400-11500攝氏度)
藍白 (11500-25000攝氏度)
藍 (25000攝氏度以上)

當火去到白色時已經很熱，所以以此來比喻事情發展到最後或緊張階段。

所謂「白熱」，大概是來自英語「white-hot」一詞。
金屬受熱的確會發出不同顏色的光。

比如冶鐵，鐵越燒越熱，初時會發出紅光 (即所謂「燒得通紅」)，一直下去到最後，就會發出白光。

一件事情到了白熱化階級，指事情已經到了最後的發展階段，就像冶鐵一樣，很快會有結果。

「白熱化」屬中性詞，既非褒揚亦非貶低。

資料來源︰Yahoo!知識+

>>November 16, 2008 at 5:11:58 AM GMT+8

2008 年 10 月 12 日 星期日 【陰】

Shakey's Pizza 喜客比薩

無甚特別，無甚驚喜，唔怪得之冇人再排隊。

我估呢間o野都係得把口「喜客」，實情佢其實唔係咁鐘意有客入o黎幫襯。之前見「開飯喇」網頁裡面有o的食評話呢間o野幾好食，您家姐又曾經幫襯過話o的pizza好味，咁就趁住佢今日冇乜人唔駛挪籌或排隊，就入去慕名而食。

o係最角落o既卡位坐低佐，只見有個肥仔waitor係咁同個女水吧傾偈，叫佢過o黎問o下餐牌o的o野又敷遣了事，於是我o地就一人叫一個set lunch就算數，有意粉有pizza，即管試o下佢有幾好食。

車…都係一般貨色嗟，又唔係話特別好食，都係意粉屋、Pizza Hut o個個level嗟，仲以為會有咩驚喜添…我估我都會幫襯返Pizza Hut喇。

>>October 29, 2008 at 6:29:33 PM GMT+8