2008 年 12 月 20 日 星期六 【颳風】

Rejuvenation 反底

可喜可賀！擾攘佐成半個球季，聯賽排名連續幾個月暴跌至尾二o既愛隊，周中終於都做出最明智o既決定，將英超第一個黑人領隊，前曼聯o既名宿恩斯炒魷！yes！真係大快人心！

接任o既人二十四小時之後就即公佈，原來搵佐大Sam！呢條友好o野o黎o架，係屬於知人善用o既好領隊，有heart又有火，超ok！之前就係佢，年年都搞到布仔畀保頓食住，而家佢過佐o黎布仔，唔知可唔可以食返住保頓呢？


不過有理冇理，即時搶分護級最緊要，新官上任三把火，第一場就炒佐Stoke三隻蛋！好耐冇試過一場波入三球兼唔失波，睇o黎隊波應該救得返喇！加油呀！布仔！


>>December 26, 2008 at 2:53:51 AM GMT+8

2008 年 12 月 19 日 星期五 【微冷】

Boost 造勢

真係誇張到嘔！居然同一日有成七、八本八卦雜誌o既封面都係佢兩個，今次真係上晒位喇，恭喜晒佢o地o既造勢計劃成功。

拍佐廿年拖唔結婚，得閒又可以搞單偷食事件，點知今次玩大佐，搞到臨急臨忙要改變策略玩埋結婚，呢兩位過氣人士都真係幾無聊幾搞笑，聽同事講話周慧敏出年要開演唱會喎，唔怪得知咁落力搞o的花邊新聞出o黎做起個勢啦！

娛樂圈真係好無聊。


>>December 22, 2008 at 2:05:22 AM GMT+8

2008 年 12 月 18 日 星期四 【微冷】

Plastic Forks 膠叉

唔好睇少呢兩隻out-focus晒o既叉呀，佢對我o地今晚o既BBQ活動意義重大！


話說今晚一行六人去深水灣BBQ，買齊o野都已經九點半，再等齊人出發都已經成十點幾。shit…第二朝仲要返工…

入到去開始晒燒o野食，先發現「冇叉用」，之前明明買佐o既，搵晒三架車都搵唔到，冇法，唯有好似印度人咁用手挪o野食。

不過咁搞法都唔係辦法，o的o野食咁鬼熱，用手真係好唔方便。去廁所o既同時，我o地發現路邊有間類似士多咁o既物體，就走埋佢睇o下佢有冇叉賣。原來o個間唔係士多，係一間食店，當時人o地正在收舖中，呀偉問個黑人舖東買叉，個黑人就隨手畀佐七支叉佢，仲要唔收錢（可能趕收舖），呀偉硬質廿蚊畀佢當飲茶，我o地就即時上車閃，費事佢走過o黎畀返o的錢我o地。


有時真係唔明點解，外國人永遠都比中國人大方同helpful…唉…

>>December 28, 2008 at 6:01:37 AM GMT+8

2008 年 12 月 17 日 星期三 【微冷】

Interaction 互動

聽日放假，晚間返佐公司做埋少少o野，做完就同Kenji吹水，期間實在太悶，於是就大家拎起自己部電話玩「互拍」。

係就係無聊o的，不過睇返又真係笑到碌地o架…不過有好多內容都係公司o既o野，其他人未必知我o地講乜…

（原先upload佐兩條片上Youtube，但係為免有咩麻煩，都係remove佐佢為妙。）

有時夜更o既生活又真係幾無聊o既，當地鐵收埋車，全個場o的門鎖晒，人影都唔多個，又唔可以訓覺，要o係咁靜o既情況下維持個人o係清醒o既狀態，其實都幾難搞…

>>February 8, 2009 at 2:43:38 AM GMT+8

2008 年 12 月 16 日 星期二 【颳風】

Enneagram (2) 九型人格（二）

今日收到隻email，係《頭條網》send過o黎o既，因為呢期我玩緊「九型人格」，所以個標題顯得好吸引︰


揀佐「開始測試」之後，就出佐九格問題，每條問題都有九個答案（按圖放大），雖然要睇超多字，但係我都好畀心機咁慢慢睇、慢慢諗、慢慢答…結果用佐成廿分鐘先做完一個咁簡單o既test…


做完即刻按「看結果」個掣，點知就彈佐呢個「結果」出o黎！


即時火都o黎埋！再試一試個test，原來佢o個九個答案，係一至九型順序咁排，如果揀同一個序號o既答案多過或等如三題，o個個就係個佢test出o黎o既「人格」，即係一個人最多可以同一時間擁有三種人格；如果冇一個序號揀佐多過三題，就會出佐我o個個答案！！！

或者我真係唔係咁了解我老細，要落力o的去參透佢o既性格。但係據我研究佐幾日o既初部了解，九型人格都可以分正邪咁進步或者退步，分別係「三、六、九」同埋「一、四、二、八、五、七」循環，仲會有「側翼性格」，即係一個人同一時間可以起碼有四、五種性格，咁佢憑乜出個咁o既答案？起碼都將o的答案次序調亂去啦！有冇兒戲些少呀？

《頭條網》冇心做就咪鬼做啦，o係度交埋晒o的白痴行貨！所以我即時send佐個email去罵叉佢︰「用了二十分鐘去做你的問卷，但居然得出這樣不知所謂的答案，你的「九型人格」測驗完全廢，冇x用。如果我真的這麼了解我的上司，我根本就不用做你的問卷！多謝你浪費了我二十分鐘的時間和四支煙。」

大家不妨click入去做o下，等佢以為自己個網有幾百萬個clicks，等佢繼續自我陶醉o係佢o既世界之中︰http://www.headlinejobs.hk/enneagram2/index.asp?source=Headlinejobs_8190_081216_EP

>>December 17, 2008 at 2:15:41 AM GMT+8

2008 年 12 月 15 日 星期一 【颳風】

Speeding 超速

好耐好耐之前，Kenji已經話唔知o係邊度聽到個報告話，如果普通道路o既時速上限由50km/h提升到60km/h的話，途人畀車撞到之後o既死亡率會提出佐唔知幾多個巴仙。過佐好耐，佢又問我有冇證實過佢講o既o野o岩唔o岩，冇呀，人講我咪聽囉。

今日心血來潮，上網search o下呢o的資料，原來真有其事！50km/h撞埋個人度，原來已經有超過85%會死，若果加到上60km/h，就會超過95%死，真係嚇人！


而停車o既距離亦都會多佐10米，所以都幾危險o架喎。又學多佐o野喇。


資料來源︰
1) 香港政府新聞網︰交通安全︰基本時速限制維持五十公里
2) World Health Organization︰United Nations Road Safety Collaboration > Projects > "How to" road safety manuals > Speed management : A road safety manual for decision-makers and practitioners

>>December 28, 2008 at 1:15:21 AM GMT+8

2008 年 12 月 14 日 星期日 【颳風】

Enneagram 九型人格

無無聊聊睇到facebook有人post佐個網頁出o黎係講九型人格，即管又上網search o下有o的咩test可以玩o下，結果就係咁玩佐四、五個鐘… @_@

----------------------------------------------------------------------------------------------------------------------------

Enneagram Test Results:

The Enneagram is a personality system which divides the entire human personality into nine behavioral tendencies, this is your score on each...

Type Score/% Type behavior motivation
5 49/70% Detachment: I must be knowledgable and independent to be happy.
1 48/68% Perfectionism: I must be perfect and good to be happy.
8 43/61% Aggressiveness: I must be strong and in control to be happy.
9 40/57% Calmness: I must be peaceful and easy to get along with to be happy.
6 38/54% Anxiety: I must be secure and safe to be happy.
4 30/42% Hypersensitivity: I must avoid painful feelings to be happy.
7 28/40% Adventurousness: I must be high and entertained to be happy.
2 20/28% Helpfulness: I must be helpful and caring to be happy.
3 18/25% Image Focus: I must be impressive and attractive to be happy.

Your main type is Type 5:


Your variant is self pres:


Your main type is which ever behavior you utilize most and/or prefer. Your variant reflects your scoring profile on all nine types: so = social variant (compliant, friendly), sx = sexual variant (assertive, intense), sp = self preservation variant (withdrawn, security seeking).

Enneagram Test: Advanced Test (131 questions)

>>December 17, 2008 at 1:38:18 AM GMT+8

2008 年 12 月 13 日 星期六 【颳風】

新鴻基：兄弟恩怨背後的家族企業困局
文︰陳蓓蓓
《華澳日報》2008年10月11日

撲朔迷離的郭家百日之爭
作為在香港富豪榜上雄踞榜眼的豪門，郭氏兄弟一向是媒體追蹤的焦點。十餘年前，「張子強綁架郭炳湘一案」至今還讓人記憶猶新，郭炳湘被塞進小木箱，僅靠氣孔呼吸，全憑愛妻李天穎「單刀赴會」談判及其餘兩兄弟與歹徒齊心周旋，才得以逃生。可世事難料，當年同心協力、不懼外敵的三兄弟卻有了蕭墻之亂。

今年2月，新鴻基地產（簡稱新地）蹊蹺地宣布主席兼行政總裁郭炳湘因個人理由即日起暫時休假。郭炳湘在休假期間，不會履行行政總裁之一切職務及職責，而其職務及職責將由新地副主席兼董事總經理郭炳江及郭炳聯分擔。

但外界傳言，此番休假只是新鴻基地產董事會給郭炳湘的一個體面下臺的機會，不然也不會將休假這樣私人的事情通過公告的形式宣告天下。5月15日，郭炳湘三個月休假期滿，新鴻基地產也同時召開董事會，商討「前老總」的去留。還差1小時董事會就開了，一張法院緊急開出的禁制令傳到了公司。禁制令禁止全體董事就有關郭炳湘退任的議案投票，即使議案通過，也禁止公司執行投票結果。法院也插手公司事務？

更讓外界震撼的是，就在公司官司鬧到法院後，郭炳湘對外聲稱自己健康狀況良好，所謂的患病問題根本就是兩個弟弟在造謠。外界盛傳，此次新鴻基地產的紛爭，更涉及到郭炳湘的個人感情，是其紅顏知己擾亂了公司的舊有格局。但從郭炳湘日後向法庭提供的材料來看，似乎回避了以上因素，只是提到：「自2007年5月以來，兩個胞弟一直在公司的地產租賃、土地購置和董事委任等問題上持不同意見」。

然而無論頭緒多亂，郭炳湘最終還是被罷免了職位，事後他只能對外聲明：「董事局完全無視他過往18年對新鴻基地產的貢獻及辛勞，以‘莫須有’的理由撤銷他的職務，他對此表示遺憾。」

新鴻基出了個「卡米拉」
對於外界關心的「紅顏禍水」問題，無論是新鴻基還是郭家人都不願意對外公開。但傳聞之中，正是紅顏在新鴻基的所作所為，讓本來同心同德的三兄弟出現了裂痕。

觸發郭家恩怨的奇女子叫唐錦馨，英文名Ida，與57歲的郭炳湘年紀相仿。Ida也是行事低調的商界女強人，曾經營電子廠，後做投資生意。據知情人士透露，Ida個子不高，皮膚較黑，愛打高爾夫球。她年輕時就已結識郭炳湘，但因郭父郭得勝的反對，兩人關係才未進一步發展。後來Ida婚姻失敗，與郭炳湘的關係再度密切，日漸得到郭炳湘的信任，兩人關係突飛猛進，轉眼間已維持10多年。

新鴻基內部及商界不少人都知道Ida的存在，更形容郭炳湘與Ida的關係，是英國查爾斯王子與卡米拉的翻版。坊間傳言，Ida近年到新鴻基工作，憑藉其人脈及與郭炳湘的關係，不斷擴張勢力，更安插「自己人」加入新鴻基。而且Ida親自到內地招攬生意，引起郭家其他成員的強烈不滿和擔心，尤其是老二郭炳江，請求郭老太出面主持公道。

最令郭老太不滿的是Ida居然向新鴻基的「元老派」挑戰，包括郭老太胞弟，即郭氏三兄弟的舅舅。知情人士估計此女如此舉動，不排除是有家族成員承諾讓女方主政，包括涉足管理象徵家族的郭得勝信托基金。

郭老太用心良苦，勸長子回頭，但不得要領，便早于農曆新年期間就已敲定，逼長子「休假」。但畢竟是親生骨肉，郭老太為了讓事件留有餘地，給郭炳湘機會，她親自前往國金中心新鴻基地產大本營，請求郭氏家族的世交及受郭炳湘尊敬的四叔李兆基出面，勸郭炳湘顧全大局，希望能力挽狂瀾。但這仍無法令郭炳湘回心轉意，郭老太唯有忍痛出手，以行動向郭炳湘發出警戒，而次子及三子早前亦因公事與兄長不和，支持母親的決定，最後迫使兄長下臺。

緩兵之計，母親主政
熟悉新鴻基的人都知道，兄弟失和後，母親主政並不令人意外。郭氏三兄弟一直對年邁但魄力十足的母親郭鄺肖卿非常尊崇及孝敬。郭老太在家族德高望重，郭炳江曾說，母親是三兄弟的精神支柱，每遇到公事上的問題，都會請郭老太發表意見，三兄弟為了公事吵架，都是由郭老太出面調停。

新鴻基地產的發展，和郭老太不無關係。郭氏三兄弟的父親郭得勝原籍中山，早年隨父經營雜貨批發，戰後來到香港，1952年成立鴻昌進出口公司，專營洋貨批發。而郭得勝有兩位太太，其正室不幸早逝，郭得勝于是迎娶郭老太為填房。郭氏後來獨家代理日本「YKK」拉鏈，適時香港制衣業興旺，生意順風順水，更得到了「洋雜大王」的美譽。

1958年，郭得勝與好友李兆基、馮景禧合作進軍地產界。1963年，三人合資300萬港元創辦新鴻基企業有限公司，郭得勝任董事局主席，與李、馮並稱「三劍俠」。三人在10年後拆夥。1990年，郭得勝因心臟病病逝，其地產王國由三位兒子炳湘、炳江及炳聯共同掌管，但郭老太仍是新鴻基的靈魂人物。

新鴻基於1972年上市，郭氏家族三兄弟目前為最大股東，持股量約43.59%，新鴻基另直接或間接持有多家上市公司股權，包括載通國際、數碼通及新意網等。目前新鴻基擁有雇員超過2.7萬名，擁有從事買地、規劃、建築、工程及物業管理的專業人才，也是香港擁有最多土地儲備的公司之一。今年1月底，《福布斯》公布香港40大富豪榜名單，郭氏三兄弟以1872億港元的身家，成為香港第二大富豪，僅次于李嘉誠。

香港家族企業，繼承後普遍縮水
「兄弟同心，其利斷金」，在注重家族企業理念的華人社會，三兄弟聯手分工，成就家業的故事屢屢被傳誦。而事實上，人們一直沒把他們作為個體分開過。「郭家三兄弟」，每一次排名時，媒體都把他們當作「一個人」。

而郭氏兄弟已經故去的父親，似乎早就預言到了日後三子的不和。外界通常所知的就是，當年郭得勝為了避免自己去世之後三個兒子爭產分家，便將郭家持有的新鴻基地產的權益放到了一個基金當中，而基金的受益人包括郭得勝的妻子郭鄺肖卿和他的三個兒子，即郭炳湘、郭炳江和郭炳聯三人，並且，由於郭老太鄺肖卿在基金中的權益最大。盡管之前在新鴻基地產當中不擔當任何職務，郭老太卻屬於郭家實際上的大主管。於是，現在即便郭炳湘想單幹，也不能從信托中撤出股份，而在三兄弟中，他持有的新鴻基股權最少，短期來看，他重返大位的難度極大。

郭家的紛爭也讓很多亞洲企業家感到困惑。隨著許多七八十歲高齡的創業者準備把控制權移交給下一代，更多問題將不可避免。接班計劃顯示，保持家族控制權是第一位的，盡管也會作出一些讓步。亞洲最富有大亨之一李嘉誠已把長子李澤鉅安排在其房地產旗艦公司長江實業。但更為國際化的和記黃埔（長江實業持有多數股權）則由非家族成員管理，當然目前由李嘉誠控制。

事實上，在亞洲最大的1000家企業中，大約2／3家族控股。在全球化的背景下，這些企業的領導者正在試圖讓他們的家族更加適應時代的變化。深受儒家傳統影響的東亞國家，雖然很多20世紀創業的企業家依然希望在自己的兒女中選擇企業的領導人，但已經有很多企業家開始接受「外姓」的職業經理人，家族權益通過股權來實現，而不是直接掌控企業的所有經營。中國有一句古話，叫「富不過三代」，即富家豪門難免隨著時間流逝日漸驕矜。新鴻基地產的爭執，表面上是一次再偶然不過的事件，卻體現出一代創業、二代守業後，第三代接班人所面臨的困局。而據香港中文大學發布的研究報告稱，香港家族企業在後代的繼承下，公司市值普遍縮水，交接8年期間，股票回報率降低80％以上。但願「富不過三代」不是讖語，而只是條座右銘。

郭家之後，豪門之內，戲才剛剛開場。

華澳日報︰「中華大地」版

>>January 27, 2009 at 1:46:48 AM GMT+8

2008 年 12 月 12 日 星期五 【颳風】

Butt (2) 煙頭（二）

又講煙頭？係呀，有o的無聊o既小研究要發表。ccc…

夜晚有時會好無聊咁一個匿埋o係露台度食支煙仔，唔係為提神，只係煙癮難耐…想當年搬佐入中大o既宿舍，真係全天候咁o係房裡面煲煙，煙灰缸可以光明正大咁放o係間房裡面，唔駛好似而家咁慘，o下o下要搵地方煲…

講返我o既無聊發現先，就係原來一支普通長度o既煙，o係正常吸啜o既情況底下，只係需要「凳」三次煙灰，支煙就會食完，而由於只「凳」三次煙灰，煙灰o既體積比較大，唔會細細碎碎咁飛到四圍都係，特別o岩我匿埋o係廁所度煲煙屙屎時用，因為我係唔會「凳」煙灰落地下o既，費事整污糟o的地方要人善後。

報告完畢。

>>February 8, 2009 at 2:51:02 AM GMT+8

2008 年 12 月 11 日 星期四 【颳風】

Snoop 索料

我唔係八卦想知佢o地班友仔搞緊乜，而係最近見有其中一個同事好似好唔開心咁，而且又好似畀其他同事杯葛緊，所以先想索o下料，打探o下佢o地班友咩胡蘆賣咩葯。

今晚同Kenji出佐去吹吹風，聽o下佢有乜意見要發表。原來o個個我o地想升佢o既同事，最近唔知係咪因為身負呢個重任，好似好大壓力咁，而且一般o黎講佢o既交際能力係比較差，o係同事之間引起佐o的不必要o既誤會…

講真，人望高處，升職即係代表加人工，雖則責任係會大佐，但係冇人會同個錢字作對，尤其係佢o地份工，得o個八千幾蚊一個月，如果有機會升一升，分分鐘可以多幾百至一千蚊駛，有邊個會唔想？

不過呢份工，除佐你要分內o既保安等工作做得好之外，其實亦要有同其他人維持良好關係o既能力，否則升佐你但係又冇人服你冇人肯幫你，最終都係徒勞無功，而且亦唔會做得開心。

等我搵日得閒同佢傾一傾先…

>>December 12, 2008 at 4:35:56 AM GMT+8