2008 年 11 月 10 日 星期一 【微冷】

Bundling Contract 捆綁式合約

最近物業管理界裡面最熱門o既話題，並唔係公司會唔會減人工同埋裁員，事關我o地呢行人工不嬲都唔係高，同埋請極都唔會夠人手。我o地討論得最多o既o野，莫過於大埔富善村o個單飛lift事件。

睇戲真係睇得多，有條粉腸拎住把電鋸鋸斷釣住架lift o的纜令架lift急墜，電梯斷纜加安全夾失靈兩件事一齊發生…

好事不出門，醜事傳千里。又睇o下新昌同蒂森今次點樣解話。又正所謂一不離二就二不離三，呢期幾日又會有新聞話o的lift有事，究竟係咪不嬲都冇事而家又突然有咁多事呢？呢個真係香港o既奇怪現象。

>>December 27, 2008 at 4:33:21 AM GMT+8

2008 年 11 月 9 日 星期日 【微冷】

避孕失敗6成人用避孕套
《明報》2008年11月4日

本港家計會所做調查顯示，因避孕失敗而懷孕者中，使用男用避孕套的佔62%。

家計會於去年12月至今年4月上門進行問卷調查，成功訪問了1,510位15 至49歲已婚或現正同居的婦女。

在訪問期間有實行避孕的1,078名女受訪者中，被最多人用作主要避孕方法是男用避孕套，超過六成。

家計會指，男用避孕套的使用率多年來不斷上升，由1982年的20%，升至2007年的63%。曾經是最多人使用的女性結紮手術及口服避孕藥，多年來使用比率不斷下降。女性結紮手術由1982年約28%，下降至2007年的9%；口服避孕藥則由1982年接近27%下降至約8%。至於子宮環的使用率，由1992和1997年的大約6%，上升至2007年接近12%，增加差不多一倍，相信是因為近年有更多內地婦女來港定居所致。

調查顯示，在曾經進行人工流產的女受訪者中，表示在進行人工流產前有避孕的佔一半﹝51%﹞，因某次沒有避孕而導致懷孕的有22%，沒有避孕的佔27%。顯示避孕失效或沒有持續每次使用避孕方法而造成意外懷孕的佔很大比例。在有避孕﹝包括因某次沒有避孕而懷孕﹞的受訪者中，使用男用避孕套的佔62%。

家計會執行總監范瑩孫醫生指出，男用避孕套的避孕效能，較其他避孕方法如口服避孕藥、子宮環、避孕注射針等為低。如果要得到更高的避孕效果，又想以男用避孕套少感染性病的機會，可考慮在避孕套外加用其他的避孕方法。

----------------------------------------------------------------------------------------------------------------------------

係唔係都死，不如唔好戴啦！

>>November 15, 2008 at 5:46:32 PM GMT+8

2008 年 11 月 8 日 星期六 【微冷】

職位編號︰16387

部門︰房屋署

職位名稱︰房屋事務主任

薪酬︰總薪級表第9點（每月14,890元）至總薪級表第27點（每月36,740元）。
入職條件︰申請人必須具備下列資格︰
（a）香港高級程度會考兩科合格，以及香港中學會考另外3科取得第3等級╱C級或以上的成績，或具備同等學歷 [見備註1]；
（b）符合語文能力要求，即考獲香港中學會考中國語文科和英國語文科第3等級或以上成績，或具備同等學歷[見備註2]；並能操流利廣東話和英語。

註︰
（1）上述（a）項的科目可包括中國語文科和英國語文科。
（2）政府在聘任公務員時，過往香港中學會考中國語文科和英國語文科（課程乙）C級和E級的成績，在行政上會分別視為等同2007年或以後香港中學會考中國語文科和英國語文科第3等級和第2等級的成績。
（3）具備電腦科技知識者，會獲優先考慮。
（4）為提高大眾對《基本法》的認知和在社區推廣學習《基本法》的風氣，所有公務員職位的招聘，均會包括《基本法》知識的評核。申請人如獲邀參加遴選面試，會被安排於面試當日參加基本法筆試。筆試會於面試開始前或結束後舉行。申請人在基本法知識測試的表現，會用作評核其整體表現的其中一個考慮因素。

職責︰主要負責
（a）協助執行公共租住屋村、出售單位屋村、工廠大廈、非住宅物業和停車場的管理和維修保養工作，以及執行其他與房屋委員會業務╱活動相關的工作；
（b）會見公屋申請人和出售單位買家、調查和審查申請公屋和購買出售單位的個案，以及執行編配單位和其他相關的職責；
（c）執行與寮屋、清拆、受限制道路、非法泊車、阻塞道路和拋棄垃圾違法行為等相關的執法職務；以及
（d）推行房屋委員會制定的房屋政策。 （註：可能需要不定時工作及借調至其他政府部門工作。）

聘用條款︰獲取錄的申請人會按公務員試用條款受聘，試用期為三年。通過試用關限後，或可按合約條款受聘，為期三年；其後當局才會考慮按當時適用的長期聘用條款聘用。

查詢地址︰九龍何文田佛光街33號房屋委員會總部第二座3樓房屋署委任分組
查詢電話︰2761 6566
截止申請日期︰14/11/2008
刊登職位報章及日期︰明報（31.10.2008）及南華早報（1.11.2008）

附註︰
（a）公務員職位是公務員編制內的職位。申請人如獲聘用，將按公務員聘用條款和服務條件聘用，並成為公務員。
（b）除另有指明外，申請人於獲委任時必須是香港特別行政區永久居民。
（c）入職薪酬、聘用條款及服務條件，應以獲聘時的規定為準。
（d）頂薪點的資料只供參考，該項資料日後或會有所更改。
（e）附帶福利包括有薪假期、醫療及牙科診療。在適當情況下，公務員更可獲得房屋資助。
（f）政府的政策，是盡可能安排殘疾人士擔任適合的職位。殘疾人士申請職位，如符合入職條件，無須再經篩選，便會獲邀參加面試╱筆試。
（g）持有本港以外學府或非由香港考試及評核局頒授的學歷的人士，亦可申請，惟其學歷必須經過評審以確定是否與職位所要求的本地學歷水平相若。有關申請人須郵寄修業成績副本及證書副本到上述查詢地址。
（h）截止申請日期臨近期間，接受網上申請的伺服器可能因為需要處理大量申請而非常繁忙。申請人應盡早遞交申請，以確保在限期前成功於網上完成申請程序。

申請手續︰
申請表格（G.F.340 （Rev. 3/2008））可向民政事務總署各區民政事務處諮詢服務中心或勞工處就業科各就業中心索取，亦可從公務員事務局的互聯網站（http://www.csb.gov.hk）下載。申請人須把填妥的申請表於截止申請日期或之前送達上述查詢地址。

申請人亦可經公務員事務局的互聯網站（http://www.csb.gov.hk）在網上申請。申請如非使用G.F.340（Rev. 3/2008）遞交，或資料不全，概不受理。

申請人如獲邀參加面試，通常會在截止申請日期後10至12個星期內接獲通知；如未獲邀參加面試，則可視作已經落選。如有查詢，請致電上述查詢電話。

----------------------------------------------------------------------------------------------------------------------------

又試有兩個唔相識o既人叫我apply呢份政府工，仲要兩個人都係同一日生日！無奈小弟真係對政府工冇乜興趣，加上我又對KS忠心耿耿…唉…

不過計落都冇乜著數，事關如果起薪點真係萬四蚊，即使佢第二年開始加我人工，第一年都會搵少佐差唔多六皮o野，加上呢期財赤咁勁，政府部門o係經濟低潮之下，未必真係咁正。

或者婆婆可以考慮o下o既，我就一條KS辛苦命，都係咪搞喇。

>>November 9, 2008 at 2:25:44 AM GMT+8

2008 年 11 月 7 日 星期五 【陰】

Vacancy 空缺

光陰似箭，話咁快Vicky都就快失業兩個月，今晚放佐工，捉佐佢出去遊個車河，順手開導o下佢。

自從佢失業之後，Kenji都少佐帶佢出街喇，佢日日都屈o係屋企睇電視，成個隱青咁，真係怕佢遲早又發病，到時又會搞到麻q煩煩。

佢有搵工呀，但係遇著呢個「金融海嘯」，加上佢又只得中三學歷，真係諗唔到佢可以做到o的乜，做sales又唔係佢o既強項…唉…想話介紹佢去跟Josephine做老麥，佢又唔多願咁…激死…

今晚佢出o黎搵許小姐，不過而家連佢都唔想再請人住喇，點死？究竟邊度仲有空缺？

>>December 27, 2008 at 4:29:17 AM GMT+8

2008 年 11 月 6 日 星期四 【陰】

Lantau Link Visitor Centre 青嶼幹線訪客中心

琴晚兩條友，除佐上佐大帽山之外，仲去佐青衣四圍兜，新路段新地方新事件，頗有新鮮感，平時亦唔會去o既新地方，feel so good！

左兜右兜，o係我個腦裡面o個本地圖係咁轉，但係都搵唔到呢個聽聞睇青馬大橋最靚o既地方︰青嶼幹線訪客中心… @_@ 正準備離開個青衣島o既時候，架車經過o既天橋，加埋路邊o既指示牌，o係個腦裡面load一load…係呢條路喇！

搵到條路，入到去個停車場，嘩！強迫人畀錢泊車o架！算數，人一世物一世，要畀錢都要入去一次！

講真，o的夜景係咪特別靚呢？又唔算係，但係真係可以毫無遮擋咁側望影晒成條青馬大橋，比之前去過唔駛錢o既機場十大工程展館好得多。我o地係咁用相機、手機影相留念，因為可能唔會再o黎另一次。


o係個瞭望台o既另一邊，就係汀九橋，兩條橋一人一邊，平分春色。


我o地仲玩o個度o既望遠鏡，唔駛入錢o架，可以望到去柏麗灣，但係見唔到有人沖涼。我o地仲用埋個相機，經過個望遠鏡放大，影佐個月亮同埋馬灣o個邊o既路牌…最後玩到趕頭趕命衝返落去停車場挪車走，費事又畀佢屈多個鐘o丫嘛！ =)


>>December 26, 2008 at 2:26:57 AM GMT+8

2008 年 11 月 5 日 星期三 【炎熱】

Tai Mo Shan 大帽山

今日我同Kenji都放假，一於拉佢出去一齊遊車河，去o的我o地仲未開發o既地方。

上次同呀狗仔軒出車行荃錦，佢曾經提過大帽山上面有個廁所，我o地今次就試o下上去，點知都係搵唔到個廁所。不過唔緊要，我o地咁有係好有冒險精神o既領航員同車手，一於向世界出法，向住香港o既最高點出發。

雖然駕車係唔可以上到呢個最高點，不過車可以到o既地方，我o地就盡量上，上得幾高得幾高！又係冇街燈o既車路，單線雙程有避車處o個隻，都幾好玩，好明顯又係一個偷情o既聖地，勁多凹位可以停低架車慢慢搞o野。

既然上得去，就梗係要同架愛車影返幾張靚相啦！大帽山上超大風，o的風仲要都幾凍…我估我唔會係駕車上去睇結霜o既人喇…



>>December 25, 2008 at 4:27:39 PM GMT+8

2008 年 11 月 4 日 星期二 【陰】

Caught red-handed (In flagrante delicto) 斷正

今日心情超靚仔，因為晨早溜溜就畀我撞破佐18樓肥婆o既好事！！！

話說今日早佐些少起身，順理成章又早佐些少出門口，一出到電梯大堂，就見到其中一架lift上佐18樓，由於時間許可，即時由後樓梯跑上18樓，一推開樓梯門，就見到個呀叔o係度(手禁)住架lift！

哈哈哈哈哈！原來真係有人朝朝早hold住架lift！死pk自私鬼！我即時走入架lift，個呀叔就叫入屋裡面個屋裡面o既人快o的，而衝出o黎，就係次次架lift o係18樓畀人hold住，而落到我o個層開門而見到o既死肥婆！今次你仲唔斷正！

即時怒一怒beep佢，等佢知道佢o既惡行已經畀人揭破！成三十幾、四十歲人仲要個老豆幫佢hold住部lift，超冇用，正廢人！

>>December 25, 2008 at 4:10:28 PM GMT+8

2008 年 11 月 3 日 星期一 【雨】

Detex Lock 消防通道鎖

好玩到震！畀二萬幾蚊裝三把鎖就可以玩到班專貴住客「陀陀令」，high爆！

長年累月都畀上面食住，唔係因為佢o地係DMC manager，亦唔係我o地怕事，只係我o地咁多手o既老細，都係咁息事寧人，你有你玩o野，你煮到埋o黎我o地就食，你要夾硬o黎我o地就諗辦法化解…

自從轉佐老細之後，上面o既勢頭好似越o黎越惡，做o既o野越o黎越放肆，即使係o的雞毛蒜皮o既小事，亦都放大o黎搞，吹晒雞搵埋議員、律師、政府部門有咁大玩咁大，不過我老細都唔係傻o既任你玩，今次食住個勢裝Detex locks就係一個經典，簡直幫我o地一吐烏氣。

佢o地話我o地用鐵鍊鎖佐佢o的防煙門，我o地就安排搞Detex locks，合情合理合法咁鎖住幾條佢o地上面班尊貴業主廿年來出入o既路，勁爽！日日都有人o係counter、o係電話罵叉，又或經返佢o地o既DMC manager同我o地交涉，不過都冇用，一於少理。事關o個條其實係逃生通道，即係有緊急事用o黎逃走o既「非常口」，通過道門o既方向應該由內至外、再由上至下咁走落地面，並唔佢o地班人日日用o黎出出入入、上上落落，濫用佐o既行人通道。

老細，你係得o既！

>>December 25, 2008 at 4:02:27 PM GMT+8

2008 年 11 月 2 日 星期日 【陰】

凝溶
容祖兒

世界也許假的　聲音是真的
雨季有種淅瀝　很潔淨
永遠那麼深的　呼吸是淺的
空氣　正喘息　我很想去應

過去變得乾的　聲音是濕的
這晚有種偏僻　好叫我透明
愛也許瘋的　思憶是啞的
所有說不出的　我都想去聽

年華最細碎　感觸很似水
就靠聽得出的　直向海　浮去
從來　不退　美麗到有些心碎
將會凝於光影裡

年華最細碎　感觸很似水
就靠聽得出的　直向海　浮去
從來　不退　美麗到葬於心裡
都會溶於聲音裡

從來　不退　渴望凍結於冰裡
都會溶於聲音裡

----------------------------------------------------------------------------------------------------------------------------

咁好聽o既舊o既歌，又會突然間畀人摷返出o黎做節目主題曲o既？！真係勁。同「刀o麥好媽媽」隻歌同一隻碟o架！

>>November 9, 2008 at 2:46:39 AM GMT+8

2008 年 11 月 1 日 星期六 【酷熱】

Kindergarten 幼稚園

今日o係大快活食下午茶，隔o黎坐佐兩個師奶，o係度講緊點樣整個細路入名校（幼稚園）…

師奶A講到自己個女好似識飛咁，上至天文下至地理，interview個教師問乜都識得答，言談之中仲講到個女連個教師冇問o既o野都搶住o黎講咁，仲要讚個女識串返個教師轉頭，自以為好威咁。

我就真係唔知當時個教師會覺得好嬲定好笑，不過如果我係個教師，我就唔會收呢o的咁o既細路喇，串串貢o既細路唔緊要，可能仲有得教；但係連老豆老母都鼓勵佢串串貢的話，我估真係冇得教。

尊師重道，點都係求教o既第一大原則。

>>December 25, 2008 at 3:46:38 PM GMT+8