2004 年 11 月 28 日 星期日 【颳風】

to 大夫, 但我覺得自己冇忽似大學生呢......

個econ tutor好唔掂... 自己唔想上堂又話為我地好.... 頂佢唔順呀真係!!!

好hea呀今日!!! 又好無聊...等上英文時我同nicole同candy無聊到上cill 等...

有樣野想會長講, 雖則佢唔會睇到... 多謝你, 到時我會記住你講o既野!!!... 雖然我知到時我都依然會好驚..............

家姐今日話見到觀塘有陳慧嫻舊cd賣, 佢話見到有隻係我冇的, 問我要唔要........ 又會咁好o既無啦啦?! 如果今年生日禮物我話要一個fans club會藉的話佢會唔會俾呢??? haha!!!!

>>November 29, 2004 at 1:35:45 PM GMT+8

2004 年 11 月 27 日 星期六 【晴】

原本今日冇乜特別事發生都諗住唔打日記... 但夜晚睇留言版有樣野勁好笑.....haha!!!

話說上次冒我名留言個sandy lam fans又再o係我地地頭攪攪震, 我地已經唔理佢, 由得佢發up瘋等版主攪掂佢, 但佢依家死lur叫版主轉版面design, 連續煩左好多日, 到今日版主出擊啦!!!!!!!!!

Note Nr.: 7454 from 2004-11-28 08:23:54
by 版主

email: no email
url: no homepage

To: PC FANS
我一早答咗你啦，係你自己死lur，你唔好咁無聊啦，身體唔好架!!
我都唔明我點解要聽你講，你咁鍾意Change!Change!change!你咪去番你偶像個網頁叫個網主Change!Change!Change!囉，如果有人話你醜，你係咪即刻去整容先???呢到除咗我，無人會睬你架啦，你死咗條心啦，真嫻迷係好高智慧架喎，諗住見你無講粗口，我就大方d答你兩句啦，但係你都唔好自欺欺人先得架，你個IP已經出賣咗你啦，我一早知道你又化身第二個名踩場啦，我勸你及早回頭，你遲早會精神分裂架!!你傻咗，你屋企人會好傷心架，你都要念下父母養育之恩架，唔好咁自私啦!!
剛剛你o個個鹹濕留言我就刪咗啦，就算你留多幾多次粗口留言又好、鹹濕留言都好，我都會刪咗，如果刪唔切，d真FANS都當你無到架啦，咪以為自己好醒至得架!!你究竟知唔知乜嘢叫做IP架!!??
我都係唔同你講咁多，留番d時間比真Fans仲好!!

P.S. 無人想笑你d英文，係你自己申請比人笑咋!!

謝謝!!


wa..... 我一路睇一路笑... 你個cheap人都有今日啦! 係要攪到俾版主先安樂... 心理變態架!!!
小魔星呀... 原來我地個測係啱架!! 佢真係精神分裂架!!! haha!!!!!!!!!!

>>November 28, 2004 at 1:08:15 PM GMT+8

2004 年 11 月 26 日 星期五 【晴】

下個再下個星期就考試啦!!!!!!!!!!!!
快d鬧o下我啦!!!!
叫我快d溫書同埋唔好再上網hea啦!!!!!!!!!!!!!
搵人鬧吓我啦!!!!!!!!!!!!!!!!


今日姨媽打嚟, 咁我聽電話, 佢問我做緊乜, 我話溫緊書咁啦, 佢竟然無啦啦話:"考完試去買份禮物啦! 當係姨媽送俾你o既聖誕禮物呀!"... 我話唔駛啦! 我大個女啦!... 而且舊年都買左部電話俾我啦! 佢之後就講左一堆會攪喊我o既說話... wa!!!!!!!! 忍得幾辛苦呀!!! 好險.......... 好怕姨媽講呢d野, 我都唔知點應佢好...

>>November 27, 2004 at 9:13:06 AM GMT+8

2004 年 11 月 25 日 星期四 【晴】

無驚無險做左2個present~~

首先QM... 今次明顯比上次定好多, 上次出到去就好驚, 驚到將 part b o既野當part a講~ 今次好定~ 我仲叫nicole同我影相添~~~ patrick的comment係話我present得清楚, good presentation... 不過上次present到一鑊泡咁個comment都係呢個~~

之後係重頭戲 --- ISE present啦! 我地第一組present左先~ 所以有先入為主的優勢~ 我又搵人同我地影相~ 點知佢影得2張... 算啦~ 返到屋企開我地班個newsgroup睇, vanessa已經俾好分啦~ 我有A+呀!!!!!~~~haha! 我都冇乜present過d乜, 我講conclusion之嗎~~ 呵呵~~


今日影d相~~

http://community.webshots.com/user/eeeb_random

Random組強呀!!!... haha! 我地真係合作得好開心, 有劍士guide住我地做個PROJECT, 其實組長係劍士先啱~！！感謝random組同學, 包括nicole, katherine, camily, candy同劍士~ 多謝哂你地!! 希望我地下次再有機會再合作!!~

>>November 26, 2004 at 12:00:37 PM GMT+8

2004 年 11 月 24 日 星期三 【晴】

今日係最後一堂IC, 考埋個試添lu~ 都唔係好識架咋... 算啦~ 總算完成一個ic... 學我個同學仔話頭, 仲有4個嚟緊頭．．．．．．．．．　　　＝．＝”

放學後去ｃｉｌｌ度ｄｅｍ一次聽日的ｉｓｅ　ｐｒｅｓｅｎｔ，我好開心我地呢組同學都夾得好好，我地合作得好愉快．．．希望聽日順利啦．．．諗諗吓，聽日我有２個ｐｒｅｓｅｎｔ呀原來！我聽朝仲要ｐｒｅｓｅｎｔ　ＱＭ呀！ｈａ！！！

ｄｅｍ完一次後我就去搵ｐａｔｒｉｃｋ問數，我好似ｄ電腦咁要耐執吓，我又連ｄ好淺ｏ既野都唔識．．．ｐａｔｒｉｃｋ又可能懷疑我係白痴的！咁我上到佢ｏｆｆｉｃｅ時有個女仔問緊佢數，咁我坐ｏ係後面等啦．．．個女仔．．．佢猛問ｐａｔｒｉｃｋ係咪交左就會ｐａｓｓ咁，俾我感覺係只關心點先合格，又話驚平時分ｆａｉｌ，結果ｐａｔｒｉｃｋ摷番ｄ野出嚟答佢，話佢ｏｋ的咁．．．．．好"profit-oriented"囉．．．

仲有成個月先生日，但我已經收到一句生日快樂啦～～ｈａｈａ！！
　　　　　　　　　
　　　　　　　　　　　　Note Nr.: 7347 from 2004-11-23 13:59:58
　　　　　　　　　　　　　　　　　by 過路人(Tsui)


　　　　　　　　　　　　　　　　　email: no email
　　　　　　　　　　　　　　　　url: no homepage


　　　　　To:芝

　　　　　謝謝妳！其實都不太明白，
　　　　　我常事下係怎樣post^^

　　　　　PS:其實我都不知道妳是誰，
　　　　　只知道妳係慧嫻迷^________^愉祝妳生日快樂！
　　　　　Thanks!!!!!!!! 23-11-04 9:56pm


好似樣呀.................~~


>>November 25, 2004 at 1:48:30 PM GMT+8

2004 年 11 月 23 日 星期二 【晴】

好怕我放假時老豆又放假.............. 好不孝咁........

好怕俾佢知我食SUSHI... 係一個童年陰影...

細個果時有次... 3-4歲左右啦! 佢有個FD嫁女, 去以前的大會堂飲, 只得我同佢去~ 由屋企起程時我地先去屋樓下的大排檔食左碗麵, 但我果時未餓, 同埋我細個果時好少野的, 所以只係食左老豆果碗幾啖... 咁去到新城市後見咁早就行吓先... 咁行行吓我開始肚餓... 佢就話我求先好唔食!!! 咁啱果時新城市有間新開的SUSHI店, 係似依家惠康果D咁買完就走咁, 咁佢買左舊SUSHI俾我食... 係一舊3-4蚊的sushi, 咁食完後幾日佢唔知點同阿媽講起, 佢竟然無啦啦摷番出嚟鬧我, 話我好唔食10蚊碗麵而去食蚊舊sushi... 又話麵就大大碗都係10蚊, sushi只係一小舊飯就4蚊唔抵咁... 我記得佢係鬧到我喊... 因為, 既然你覺得唔抵咪唔好買俾我囉! 點解要食完先鬧?! 阿媽見佢咁就話:"為左舊sushi就鬧到個女喊... 食左都補唔番啦!!! 有乜為啫!"

到依家... 都咁多年, 我都好怕俾佢知, 雖然佢冇再話過我, 但o係佢心目中, sushi係唔抵食的, 佢唔講出口但佢個心係咁諗, 但問題係, 好似今日lunch咁, 我都係食5舊之嗎! 5舊都係$19啫............................... 同埋我怕唔知幾時, 佢又會摷番d唔知乜野嚟話我地.................好煩..

>>November 24, 2004 at 5:20:39 AM GMT+8

2004 年 11 月 22 日 星期一 【晴】

今日家姐放假~ 約左姨媽飲茶~ 咁我地搭的士去啦... 一上到架的士, 我連安全帶都未整好司機就開車... 呢個唔係一個問題, 問題係我地小路出大路, 大路有架車衝緊埋嚟, 司機踩brake, 果個moment好驚又撞車... 上次撞車又係坐司機後面個位, 今日又係, 幾驚撞車呀! 但呢個司機手車真係麻麻... 停車又唔係慢慢嚟, 而係勁brake, 所以我地都唔敢講野, 打醒精神, 同埋好想同司機講....... 我地唔趕時間.....

飲完茶返學~ 今日上QM教以前geog d野, 教到個coefficient of correlation時我就知... 原來2個geog miss教的方法都係錯的............ 依家諗緊好唔好話俾彩玲老師知應該點計.....................

今日劍士話我地組random, 5個女仔都唔同style, 嘉瑩係斯文的"公主型", 同佢講野要高貴d~ candy就係市井型, 分分鐘會爆句粗口, 我似個女班長, 同我講野要"academic" d~ katherine就causul d, 而nicole........haha!! 係爆笑型~~ ha~~ 勁攪笑~~亦都有少少無聊.......

會長姐姐今日話:

我都係鍾意係屋企執衫o既慧嫻，好攪笑!!
頭先被召入宮，姐姐搬晒幾車衫係客廳揀衫去開show，好鬼死忙咁，好似好大生意，個look笑死我....hehe~~

因為慧嫻好似今日起程去美國開concert... 但點解攪到咁"炆"水先執野呢?? haha! 想像到會長所見到的係一個戰場~ 嘻嘻~~~~

>>November 23, 2004 at 11:52:02 AM GMT+8

2004 年 11 月 21 日 星期日 【晴】

尋晚開始頭痛, 諗住訓完覺冇事所以冇食葯~ 點知今日出門口冇耐個頭又痛過....... 仲諗住要等5點半放學返屋企食葯... 但lunch後個頭越來越痛................. 好彩~ 原來ada有必理痛!! 即刻食左粒~ 的確係好快就唔痛... 但可能粒葯係extra的... so上econ時開始手腳都冇力............................. econ後諗住搵個地方訓覺, 等4點半上英文啦... 搵左好耐先o係CILL搵到個位... 但訓得好唔舒服, 都訓唔到o既! 等到5點半放學.. d葯已經過啦我諗, 又精神番~

上英文仲好笑... hilary竟然唔記得堂, 我地等左廿多mins後打俾佢, 佢先趕過嚟~~

放學又見到彩玲老師同契班主任, 彩玲老師又係一見我就問:"仲有冇病呀你??".. ha~ 之後我將turbo所講的大project講番俾佢知... 契班主任係完全唔知發生咩事...........

>>November 22, 2004 at 12:06:35 PM GMT+8

2004 年 11 月 20 日 星期六 【晴】

今日補習日, 同阿ken補econ... 但補到我地2個都好悶... 補補吓佢媽無啦啦好大聲咁嗌佢2兄妹... 我仲以為佢2個又唔知衰d乜, 點知原來佢阿媽話:『你2個再唔出嚟飲湯就下星期扣零用錢呀!!』...=.="........

仲有............... 邊個俾左我個電話俾california, 即係做gym果間?!!!! 好快d自首啦!!!! 個人打嚟叫我去做gym... 痴線... 叫我做gym咪即係叫我去死!!!


好襯呀! 好鍾意呢張相呀!~~~~
慧嫻搭學友... 係我的最愛配搭~~~
下次學友開concert我要去睇吓先得~~~!!!!!

>>November 21, 2004 at 12:31:11 PM GMT+8

2004 年 11 月 19 日 星期五 【晴】

to 大夫 : 唔通我無啦啦同你講"`QM pass左呀!!!" 咁咩?!.......haha!!!!

今日係我地EEEB的大旅行, 所謂大旅行, 人數係半班都冇, TOTAL有15人左右啦, 地點係我地個TUTOR, CY Tang的康樂園屋企~ 我地2點O係太和站集合, 但因為我去到大圍入左7-11睇吓有冇"壹周刊"而遲左少少, 再因為要O係大學站等埋NICOLE而再遲多少少, 我同CANDY & NICOLE去到太和已經2點2 lu...真係唔好意思... 我地分左3架的士去CY屋企, 原來CY買好哂野食俾我地啦! 不過D野食就奇怪D... 有SUSHI, 薯片..........炒飯啦, 炒麵炒河等等...... 最特別的係... 竟然有燒鴨燒肉同鹽焗雞........ =.=" 大家都覺得........ 呢D唔駛燒架喎! HAHA!! 算啦~ 所謂燒野食bbq, 係CY燒我地食, 因為佢逐份野食用鍚紙包好再燒, 所以基本上我地冇行近過個爐~

4點幾左右另一個lecturer --- Vanessa又嚟埋lu~~ 不過佢唔多舒服所以冇乜食野, 齋坐... 咁佢嚟到果時, 我同nicole & candy坐埋一齊吹緊水, vanessa竟然推張chair坐過嚟... 其實我諗佢只係認得我地個樣, 但唔知咩名咁~ 咁坐坐吓班人開枱打牌, nicole俾麻雀虫咬所去左打牌, 得番我同candy, 呢個時候vanessa竟然主動同我地傾計, 又問我上堂坐邊面, ha~ 佢話佢都覺得我坐果邊係靜d~ 原來vanessa唔知盤菜係點, 我同candy都"滴汗".................. 有個moment candy同vanessa講開馬鐵...某人又好著跡咁搭傘~ 哈哈~ 就係咁坐吓又講吓就5點幾6點lu! 玩啤牌同打牌果堆人未走, vanessa就話走先~ 問我同candy走未, 咁因為CY車番我地出火車站, so加埋3個男仔就一行6人走lu~ 搭火車得番我同vanessa and candy... 估唔到vanessa繼續同我地傾計, candy o係大學站落車後得番我同佢, 我仲以為會好..唔知點咁..... 但原來佢都幾好傾, 仲講佢d"低能"野俾我知.....

>>November 20, 2004 at 12:17:47 PM GMT+8