2005 年 5 月 13 日 星期五 【晴】


諗起聽日又要補習就苦惱，心情仲未回復，聽日又要面對新戰．．．


　　　　是跟他一起拉拉扯扯 勉勉強強進進退退
　　　　又是慾望又是絕望 前望加些渴望
　　　　又像共伴又像納悶還是說謊?

　　　　命中嗎? 羞愧吧! 知錯吧! 請答話!
　　　　反對吧! 保證吧! 請答話!!!

>>May 14, 2005 at 10:37:29 AM GMT+8

2005 年 5 月 12 日 星期四 【晴】


『誰說有不散筵席』．．．
『縱是告別也交出真心意　默默承受際遇』．．．
『離開似是為來生的重逢』．．．

歌迷會可能會停止運作，係好唔捨得．．．ｏ係果度認識左好多ｆａｎｓ，
我地ｏ係留言板果度吹水唔抹咀．．．討論好多不同的ｔｏｐｉｃ，
由０３年年中到依家．．都２年啦～日日都去睇野．．．
我又多左個名，叫『鬼靈精』．．．ｈａｈａ！係會長改的．．．
個個都好好人，係一個『有情意結的鐵竇』．．．
就算歌迷會真係停左，我地依然會係好朋友．．．

大夫會繼續俾我煩，俾我轟炸式地問問題、
ｄｅｌｌｋｗｏｋ會繼續催我快ｄ去溫書唔好玩咁耐、
阿ｙａｎ放假放到悶時可能又會打嚟同我吹水（天馬行空地）、
小魔星會繼續同我發夢作故仔兼亂吹水、
ｄｕｈｅｓｕｍ會繼續講完一輪野後就話『我玩你芝嗎！』、
新的我又會俾我煩佢問佢英文、
繼續發掘下有咩ｆｉｌｅ係ｇａｌｉｌ有我冇、
ｅｓｔｈｅｒ及康妮會繼續每日ｃｈａｔ一兩句
ｃｏｎｎｉｅ會繼續耐唔耐ｓｅｎｄ句ｉｃｑ或ｅ－ｍａｉｌ問我近來點、
陳步禮同海哥仔會繼續潛水
ｊａｃｋｉｅ可能會繼續努力在加拿大搵ｓｐｏｎｃｅｒ，搵慧嫻過去開ｃｏｎｃｅｒｔ、
繼續同平凡人再認識吓、
ｐｃｏ的人則會繼續ｂｔ．．．．．．．．．．．．．．．．．



既然版主話慧嫻自己都唔知點的話，其實停吓都好，俾版主抖吓～
由『為你好』到『情意結』隔左３年時間，話唔埋３年後，即係０６年佢又出番嚟～
ｈａｈａ！！！好阿ｑ精神～但咁諗好舒服～

點都好啦，入過會已經還左我心願～
未入會時我都諗過，如果有一日歌迷會摺左，咁我就連入會機會都冇．．．
所以我先要入會，起碼呢一日來到時我都唔會後悔，我都曾經做過『陳慧嫻國際歌迷會』會員～　ｙｅａｈ　ｙｅａｈ！！

又係時候挑戰我地的耐性啦！！ ＸＤ

>>May 13, 2005 at 2:29:59 PM GMT+8

2005 年 5 月 11 日 星期三 【晴】

今日會考考econ．．．

聲明：尋日唔係我唔補習，係大少爺唔肯補，佢考得好唔好都唔關我事！

我可以做同我應該做的我都做哂，佢考得好唔關我事，係佢好彩，佢考得唔好，都唔關我事，叫佢背野又唔背，讀又唔讀，但自己又唔識，唔識得嚟仲要以為自己好勁！

我應承得ａｕｎｔｉｅ，收得佢錢，我就有責任盡我能力教你！責任我ｆｕｌｆｉｌｌ左，但你自己唔肯去做就冇得怨人！

尋晚同ｃａｒｒｉｅ講電話，諗住問吓佢走的時候大少爺返左屋企未，同埋佢ａｕｎｔｉｅ有冇鬧佢．．．點知．．．大少爺有張大皇牌ｏ係手，冇人敢鬧佢．．．．．．．．唉．．前世呀真係．．．．．．．．越講越火滾！

ｃａｒｒｉｅ用『ｗｏｒｒｙ』嚟形容，我話：『你ｗｏｒｒｙ都好ｄ，我直情係把火！』

對大少我已經好失望，唔好話攞咩ｇｒａｄｅ，ｐａｓｓ已經還得神落！點解會有ｄ咁ｏ既人架？！？！




我o係另一個日記版鬧得仲勁．．．呢度已經收歛左．．．

>>May 12, 2005 at 12:45:43 PM GMT+8

2005 年 5 月 10 日 星期二 【晴】

今日做左好多野..

補習, 但又放飛機
返poly溫書... 點知冇帶student ID.. 邊度都入唔到
想走之際... 在D core見到個女仔坐左o係樓梯度, 原來佢唔舒服, 幫佢打俾個fd後扶左佢落podium, maybe podium多d fresh air, 坐坐吓佢話自己ok... 咁我就走左
then去見工... 唔知100%見工成功率仲有冇得保持... 但有個感覺唔係好想佢請我...
途經以前成日食葡汁飯間野... 執左啦喎...
返到屋企... carrie打嚟... 衰仔飛甩我唔補習話食lunch就一直都冇返屋企, auntie問我乜事.. 咁你橫掂都話要罰佢, 唔爭在爆埋俾你知佢之前點對我... 2次上到屋企先話唔補, 1次等左成個鐘... 預計何文田有一個屋企今晚會大地震... 唔好怪我, 鬧又鬧過, 講道理又同你講過, 機會我又俾過你, 你都係咁, 冇乜埋怨人!!
之後同表哥講電話講左好耐.. 每一分鐘佢都有野俾我串到......

係時候要數吓佢d低能野...
佢in 新世界, 人地叫佢介紹自己, 佢連屋企有咩人都講埋....
帶佢去公司附近話食葡汁飯間野食車仔麵..佢就彈左d咖喱汁落件衫... 姑姐打嚟問點洗...
到in kumon... 人地又叫佢介紹吓自己, 佢就問人:『中文定英文呀?』
then人地問佢有冇信心入大學, 佢話:『聽天尤命啦!』 由於我家姐有份in佢... 返嚟笑到收唔到制...
到今次... 人地叫佢用普通話介紹自己, 佢話唔識, 人地叫佢試吓, 點知佢開口講一句人地就話"得啦得啦".........




唔滯呀!!!!!!!!!!!!!................................................................................................. (螺地+細路仔咁扭計地叫)

Note Nr.: 9067 from 2005-05-11 11:33:07
by 版主


email: no email
url: no homepage


To: JamesX & CarolineYan

係有咁o既事，不過此報導與事實有些出入。
兩星期前慧嫻接獲學友邀請，希望慧嫻可以係六月份打後接棒做陳潔儀的角色，因為陳潔儀有私人理由未能繼續做下去。基於慧嫻與學友的好友關係，慧嫻都好想幫學友解決問題，所以都好有誠意咁想去接受邀請。因為國語版"雪狼湖"在香港公演的時候，慧嫻無暇抽空欣賞，而她看過的廣東版本已是7、8年前的事，所以她已於四月尾前往重慶親身睇一次國語版"雪狼湖"。慧嫻非常欣賞陳潔儀的表現，認為她是完美的，很難有人比她更適合這個角色，所以慧嫻亦親自勸過陳潔儀，希望她能繼續完成整個巡迴演出，但陳潔儀表示簽約時已道明只可演到5月尾，她的確有其他重要事情去處理。慧嫻表示她是一個完美主義者，只得一個月時間去排練，她認為做得到也未必做得好，所以她由重慶回來一星期後的7/5已婉拒了邀請。


謝謝!!




10個可惜呀.................. T.T
學友+慧嫻... 咁就冇左... 冇得睇啦........
我唔滯呀!!!!!!!!!!!!!!!!!!!!!!!!

>>May 11, 2005 at 3:09:16 PM GMT+8

2005 年 5 月 9 日 星期一 【晴】

即興地去左剪頭髮....................
5點幾無啦啦有人打嚟叫我見工....
搵左一輪先搵得番係邊份....

>>May 10, 2005 at 1:14:49 PM GMT+8

2005 年 5 月 8 日 星期日 【晴】


今朝趕時間返去ｅｘａｍ，又冇小巴．．．唯有搭的士出大圍．．．
ｍａｒｋｅｔｉｎｇ個ｅｘａｍ感覺上冇ｍｉｄ－ｔｅｒｍ咁好．．．
考完出嚟．．落雨落到個天好似冧落嚟咁．．．風大雨大．．．

食完野ｈｅａ左個幾鐘，係ｃｃ冇野做，心情又唔多好．．．上左ｐｃｏ睇慧嫻一出山的第一個表演．．．搵左好耐．．．但睇完心情繼續唔多好！因為知道一陣補習好惡鯁！

補習又補到扯火，我明要佢讀中文係好悶！
但悶都要讀架！！全世界都係今日考完ｍａｔｈｓ架啦！
唔係只有你一個係咁喎！！佢用ｄ就訓著的『ｏ依ｏ依吟吟』語氣答我問題
我已經拍左一次枱問佢：『依家聽日係你考定我考呀？！點解我仲著緊過你呀！！』
咁佢醒一醒，之後冇耐佢話：『等一陣先！』我以為佢去ｔｏｌｉｅｔ
但過左好耐都未出嚟．．．諗住叫吓佢．．．點知佢條友走左入房訓覺！！！！！！！！！
火都嚟埋呀即刻！！！！！！！！！！！！！！！！！！！！！！！！！！！！！！！！！
真係好火滾呀我！！！

途屋企途中經過呂醫生度就順手攞埋報告，醫生讚我叻，上次食緊葯驗都１３．２，停左葯都仲ｋｅｅｐ到有１２．６，所以醫生唔我食葯住～
佢話問題應該係出於我身體造得慢．．．ｈａｈａ！！
１２月先再驗ｌｕ～～

驗到血型係Ａ+，醫生話：『如你所願啦！』
我地3姊妹都係A+... 我話好呀~ 家姐有事我可以俾佢...
家姐話但係我有事佢唔會俾我....
我話:『你俾我都唔要呀!! d血都唔係我o既! 但o係我身入面流喎!!』....
家姐話:『到時你就冇得揀啦!!』
其實... 我一路唔敢講啫............ 舊年入院其實我知醫生想同我輸血
但我唔想... 咁醫生問我有冇暈... 其實有, 但我都答佢冇.....
因為... 好核突呀!! 夾硬整d血o係人地身入面!! 仲要流過哂全身喎!!!!!!!!!!!!!!!!!!!!!!!

>>May 9, 2005 at 2:16:11 PM GMT+8

2005 年 5 月 7 日 星期六 【晴】

去補習途中在火車站見到有康乃馨義賣... 買左2枝, 一枝俾阿媽, 一枝for老豆... 費事佢呷醋...
then打的上去... 個司機好攪笑... 好多野講... 我話"唔該", 佢問我:『點解你咁有禮貌?』...吓?!..都唔知答...

ken連中文書都冇... 精讀又冇咁本, 唔知佢點考中文...................

>>May 8, 2005 at 10:19:10 AM GMT+8

2005 年 5 月 6 日 星期五 【晴】


慢吞吞！點做野架！！足足２日都未出到份ｒｅｐｏｒｔ！


一入嚟有冇俾首歌嚇親呢？！～呵呵～
我自己都嚇左一跳．．．因為整完唔記得左～
首歌叫《變心》．．．尋晚無啦啦搵番嚟聽．．．好正．．．
當年隻碟一買番嚟，家姐就已經鍾意左先～

『曾也自問　心縱有不甘　仍然一次兩次地苦忍
　別人在笑我　真愛得笨　莫要做個認真的女人？
　
　來到現在　早已太傷心　誰還可以再次地啞忍
　你這麼遙遠　就似迫我必須變心』

仲加多左首歌，叫《失戀的主角》．．．又係好好聽的～
『誰在昨天　曾承諾永遠一生相愛
　歷遍了風霜　始終一再　在我的身邊不可替代

　無奈這天　濃情誓約似煙消失了
　地老再天荒都失踪了
　失戀的主角　已是我　再是我　永是我』


無啦啦覺得隻碟原來好好聽～～～～～


今日補完習時阿ken阿媽返到嚟... 原本想同佢阿媽講佢個仔放我飛機d野..
但尋晚carrie話阿ken個手提爆左2000蚊, 俾佢阿爸阿媽知道左...
諗吓.. 又費事火上加油...
跟住我同ken講:『我俾你平平穩穩過渡埋個母親節先... 你醒定d!』
費事攪到人家嘈屋閉啦...

>>May 7, 2005 at 11:15:13 AM GMT+8

2005 年 5 月 5 日 星期四 【晴】


ｔｏ大夫：
唔駛多謝～我生日你送隻嫻情俾我，我仲多謝你啦～～


尋晚訓訓吓行雷, 好大聲, 諗起呢首歌... 呢排都成日聽呢首歌~~
JEALOUSY

曲:中島美雪 詞:林振強 編:歐丁玉
雷電發瘋飛馳 割開都市
夜雨摸黑呼你萬次
情人在吻誰 我多妒忌 你可知
離別你已多時 早應可以
學會放開 不再在意
為何在這時 我都妒忌 欠意思

* Jealousy... Jealousy... Jealousy...
這刻一個她可有把注視
震蕩你可愛面兒 像雷電令人做錯事
明明是無謂妒忌 卻很妒忌
明明別了 偏偏依依
多麼的痴 多麼的遲 *

雷電已經瘋狂 四周奔放
像要散出天網地網
誰人在你旁 吻乾你汗 與你躺
胡亂構想瘋狂 想得沮喪
夜似鐵般一個巨網
牢牢地困囚 我於妒忌裡發慌
Repeat *

Jealousy... Jealousy... Jealousy...
是否她已鎖緊你的注視
Jealousy... Jealousy... Jealousy...
是否她已編寫你的意義
Jealousy... Jealousy... Jealousy... Jealousy...

今田西田大減價，朝早同阿媽過左去食完早餐就入去睇吓有冇野啱買～
一嚟佢就買左４個濾水芯．．．已經一千一百幾．．ｈａｈａ！
行到去ｖｅｒｔｉｃａｌ　ｃｌｕｂ．．．６折呀！！又買多條裙，我ｏ既～
如果要買斯文衫最好趁呢幾日去西田果間買．．．真係抵呀！！！
最後買多個粉紅色的水樽．．．折左都４９個幾．．．係唔多抵．．．
但我依家用緊果個唔爭氣．．．成日漏水，激死人．．．

呂醫生除左進修佢ｄ神學之外，唔該佢進修吓點幫病人抽血．． ．
我隻手仲痛緊同痺緊．．．．．．．．．．．．．　　T_T...　

>>May 6, 2005 at 10:51:39 AM GMT+8

2005 年 5 月 4 日 星期三 【晴】

TO Yukari, 唔好咁啦~ 呵呵~~ 一路打果時諗番... 其實好好笑.... 嘻嘻~~~~~~~~

Happy Birthday to you,
Happy Birthday to you,
Happy Birthday to 大長夫,
Happy Birthday to you~~~~~~~~~~~~
大夫收到我寄俾佢張生日咭啦～
佢仲ｓｅｎｄ番個ｓｍｓ俾我，話收到仲開心過收到慧嫻果張生日咭～
ｗｏｏ～～　ｈａｈａ！！　真係開心～　我地位高過慧嫻呀！！！ｈａｈａ！！XD


今朝橫掂都去開呂醫生度, 就驗吓血, 今次我記得啦!! 我要佢同我驗埋血型呀!!!
姨媽都一齊入埋去, 佢同成日笑我果2個姑娘見我唔驚都幾surprise, haha!
呂醫生就問我：『咁你依家識抽血未呀？我都要驗血啦！不如你同我抽啦！我自己同自己抽咋！』跟住姑娘話：『係囉！佢叫我同抽喎！我睬佢都傻呀！』哇哈哈！！！！！
跟住我同醫生講：『係咪我肯你就敢俾我抽先！我唔驚呀！！』醫生俾我大佢就冇聲出．．．依家諗番．．．其實唔應該串佢住．．．因為支針仲拮ｏ係我手臂度．．．ｈａｈａ！！
抽完阿媽又要我食糖，醫生話：『咁你就唔啱啦！係食都抽之前食啦！係有事佢都暈左，點食呀！』姑娘就話：『咪好似小長今咁咬完先俾佢食囉！』ｗａ！！幾核突呀佢幾個講到！！

總結係．．．有個家庭醫生係好好多．．．佢可以跟番哂我以前ｄ　ｒｅｃｏｒｄ，佢話：『你個數值咁飄忽，咁你呢世都要ｋｅｅｐ住耐唔耐ｃｈｅｃｋ住，ｄ葯就唔日日食，每隔幾日食一次啦！～』我諗．．．吓？！．．．呢世？咁長遠呀？！．．ｈａｈａ！！！最後．．．睇吓我幾時有ｍｏｏｄ先落去攞報告啦～～　ｈａｈａ！！～～

次次去睇醫生我地都會攪到人地個醫務所好嘈...
如果我自己一個去都好d, 至多同姑娘吹吓水
但好似今日咁, 其實真正睇醫生的係我同姨媽, 阿媽又入去醫生度
呂醫生叫姑娘攞d樽嚟, 另一個又入埋嚟吹吓水... 一間細細的房, 就有6個人............勁嘈呀攪到!! 哈哈!!
阿媽o係度行行企企, 有chair都唔坐, 之後又走去上磅, 點知攪到"呯鈴嘭欄"
姑娘話:『你唔好拆左我地個磅喎!!』
最後姨媽又發揮佢指揮醫生的本能...叫醫生直接開葯俾我，等我唔駛自己出去逐樣試．．ｈａｈａ！


再俾人放多次飛機，你等星期日睇好戲啦！！哼哼！！！！



賤人個icq info.... 睇到真係笑大人個口!
『田心谷六村公立小學首席模範良好學生
博愛醫院陳楷紀念中學首席高才生及榮譽模範生
6A班至高無上jar FIT人及首席班領導人 決策軍政大事
歷任男班長及高級榮譽領袖生組長
多次打擊校內不法活動 屢獲殊榮 譽滿全球
高級環保大使及頂級榮譽性教育大使 多次提供寶貴意見
中史學會首席榮譽歷史顧問及當然主席 第一副史神
陳楷軍區童軍總元帥 運動會儀仗隊總司令 號令四軍
現為沙南26旅童軍團高級資深訓練員
沙西10旅高級榮譽深資童軍
城市大學社會科學系高級榮譽副學士1年級』．．．．．知唔知個羞字點寫架!!!! XD

>>May 5, 2005 at 2:37:36 PM GMT+8