2005 年 1 月 5 日 星期三 【晴】


同左阿媽去馬鞍山幫家姐買pillow... 好重呀...

家姐今日放sick leave~~~~

今日見過表哥仔~ haha!! 佢放學攞野上嚟~ 佢... 企o係門口又唔敲門, 但打電話入嚟叫我開門, 都講左門牌俾佢知, 好奇怪................................

今日家姐睇完醫生上嚟話聽到瘋show快活人播千千闋歌, 但我聽唔到...
到我同阿媽同姨媽行緊馬鞍山時, 佢地入左間鞋鋪睇鞋... wa!! 播緊紅茶館呀!!
姨媽仲同我講話"咦?! 呢個咪......" 我話"係呀! 陳慧嫻! 我一入嚟都聽到啦!" haha!!!


紅茶館 詞：周禮茂　唱：陳慧嫻

紅茶館 情侶早擠滿
依依愛話未覺悶
跟你一起 暗暗喜歡 熱愛堆滿
你身邊伴情侶一般

紅茶杯 來分你一半
感激這夜為我伴
跟你一起我不管 熱吻杯中滿
要杯中情贈你一半

* 愛意我眼內對你在呼喚
怎麼竟不知道杯中吻鋪滿
似你這般 未領會心中愛戀
懲罰你來後半生保管 *

紅茶館 情深我款款
怎麼你在望窗畔
枉我一心與你一起 做你一半
你的生命另一半

獨白：你係度諗緊咩呀?
諗緊你女朋友呢!
你冇女朋友? 梗係唔信啦!...
你個樣... 咪又係幾似juno!!
點知冇人鍾意你喎!
或者有你唔知啫!

Repeat *

紅茶館 情深你款款
終於愛念在交換
且說一聲要我一生 做你一半
你的生命另一半
你的生命另一半
你的生命另一半


>>January 6, 2005 at 10:09:18 AM GMT+8

2005 年 1 月 4 日 星期二 【晴】


1月5日的第二篇日記...

今日睇到個e-mail, 係講有個人同一個icq上識的人拍拖的故事, 寫到懶感動咁..........
wa!! 有冇兒戲d呀! icq喎! 見都未見過就拍...
人地係乜人你都未知啦!...

俾著我... 係恨拍拖都唔會咁囉... 太兒戲啦... 警訊都有影啦!...
點講呢, 我揀男朋友會揀個正正常常咁識的, icq的我一定唔會諗! 我點知佢想點呀大佬!
對我嚟講, icq上的net friend係一d有相同興趣and話題的人, 正如我icq list上的各位慧嫻fans...
但呢d相同興趣and話題又唔同一對couple果種喎!!

曾經有個fans死纏爛打咁叫我send張相俾佢睇, 但add左1星期架咋喎!
我梗係打死都唔肯send啦!!! 之後同阿yan講, 佢話果個fans都係咁同佢講...
我問呢個fans點解一定要send相先?! 佢話"因為你係fans所以我想知你係咩樣囉!"... 冇事呀嗎?!
大家都係fans, 開開心心咁o係icq講吓慧嫻咪算囉! 唔一定要咁啫!
我拒絕send拒絕左咁多次都醒水啦吓!..

而且我覺得... 如果果個人真係鍾意我的話, 我會抗拒你o係icq話你鍾意我囉.... 太唔formal啦!
以前有個同學仔, 同佢icq得好熟, 感覺係....好似"我不寂寞"果隻碟之中慧嫻話『彼此都知只差一點點, 故事便會開始』果隻!... 原來真係會feel到的... haha!!!
有日佢icq同我講話佢鍾意我.... 簡直犯哂大忌啦!!!.... icq講我點知你係咪玩我架!!!... 而且佢唔識打中文, 次次都係用英文icq, 我又點知我所理解的意思係咪就係你所諗果個呀?!
呢個係一個原因啦, 另一個原因係... 果時覺得自己未ready好, 所以冇開始到~~
諗吓... 都差不多2年前的事了~

到舊年, o係其他人口中知道佢依家同當年同班的另一個同學拍拖
但我又冇乜感覺...
可以証明當初我地冇開始係啱o既....

呢件事其實只有表哥仔同kiu知... 冰封左好耐啦俾我~ haha!!!


好~~ 發完up瘋~ 多謝收看!


>>January 5, 2005 at 12:31:36 PM GMT+8

2005 年 1 月 4 日 星期二 【晴】


ｔｏ巧：多謝！

今日睇ｐｃｏ見到呢張ｐｏｓｔｅｒ．．．．


唔知讀陳楷的同學仔仲記唔記得呢張poster, 不過應該唔記得... 我係fans先咁記得...

話說中一的某一堂music, 如常地排隊入music room, 咁再如常地坐自己位啦, 一坐低我就擰左轉頭同後面個同學講野...

無啦啦隔離個同學指住出面個broad話:『你睇吓!』一睇之下．．．．ｗａ！！！慧嫻．港樂奇妙旅程音樂會ｐｏｓｔｅｒ呀！！！！

勁開心！！個同學話：冷靜ｄ呀你．．．．．．　　＝．＝”

之後連續果一個月左右的ｍｕｓｉｃ堂我都會成日望住張ｐｏｓｔｅｒ～因為好難得有機會學校會貼ｃｏｎｃｅｒｔ　ｐｏｓｔｅｒ．．．而張ｐｏｓｔｅｒ仲要係我最有情意結的慧嫻～！！！！！

但到依家諗番，最後悔ｏ既事係．．．．冇問教ｍｕｓｉｃ的ｍｉｓｓ　ｔｓａｎｇ攞左佢．．．


尋日想阻止紫樺唱"玩味"同"距離"，我話唱完會沙聲，紫樺話：『咁咪好囉！你返到屋企就會因為沙聲而忍你老豆唔會頂撞佢！』但可惜尋晚都係忍唔住．．．．．．．．就當我地夾唔嚟，諗法唔一致罷啦．．．．但睇怕除左佢個無聊人朋友之外，都冇乜人諗法會同佢一樣．．．

成家人之中我同阿媽2個的血壓係高的，曾幾何時阿大話：『終於都明點解得你地２個血壓高啦！因為你２個每日對住佢的時間最耐！』．．．．．．．．．．．

為左我健康著想，我都唔想同佢講野！你話我不孝又好，衰女都好啦．．．．．．我唔想我ｄ血壓長期處偏高水平！！！
我都唔知點解會咁，總之就無名火起啦．．．

自１２月４日的日記那個ｌｉｓｔ後，呢個係『我的要求列表』下集
１．唔好再做ｄ令我起火的事好嗎？？
２．唔好成日做ｄ懶係為人著想，但實情係會煩擾到人的事好嗎？？
３．講少ｄ電話好嗎？個無聊人唔好再打嚟好嗎？？（個無聊人做巴士司機的，以前曾經炆到諗過專登去搭佢架巴士，搵ｄ野挑剔吓佢，繼續去九巴ｃｏｍｐａｉｎ佢，以洩我心頭之憤！！！亦諗過趁無聊人打嚟而老豆又唔ｏ係屋企時同佢講叫佢唔好再打嚟！）打嚟講埋哂ｄ無聊野，有時講埋ｄ衰野以為我地唔知！！！咪當我地低能啦唔該你地！！！
４．放工返到屋企時可唔可以靜少少？？少少啫．．．我要求唔高，少少我已經好滿足！
５．可唔可以唔好成日自己漏低ｄ野在某一個地方就話係我地整唔見ｏｒ掉左你ｄ野？？？？
６．同你講野時你，可唔可以聽埋我地講先，唔好以為我地係問你心諗的那個ｔｏｐｉｃ就係７．咁講講講？！－－－－離題呀大佬．．．．
８．唔好懶係遷就我地咁好冇？？你咁做除左一ｄ都幫唔到我地之外，亦令我地個個無名火起．．．
９．用吓正常的邏輯思維諗吓野好冇？？

下集唔代表呢個ｌｉｓｔ就咁就完，下次唔知幾時佢激親我時會繼續！！


>>January 5, 2005 at 9:38:39 AM GMT+8

2005 年 1 月 3 日 星期一 【晴】


TO yan, killing me softly好好聽呀~~ 今日唱k唱過~ I just fall in love again仲正呀~~~~~~~


唱k, 唱左好多歌, 正確d講, 係好多陳慧嫻歌...數下先...

這一天
傻女
夜機
秋色
love me once again
玩味
距離
明日有明天
今天夜裡總下雨
Don’t cry for me, Argentina
什麼都想要
情意結
拈花惹草
愛你

應該唔只... 仲有但我唔多記得............因為我都點左3-4轉.....

足足一打有多~~ 仲唱左幾首oldies, I just fall in love again, killing me softly with his song, only yesterday~

同行的紫樺以前係唔識love me once again的... 但由於我好鍾意唱呢首歌, 唱到佢唔知個歌名都識唱... 可想而知我唱過幾多次~~

臨尾時紫樺話想唱玩味, 唱得玩味又要唱埋距離... 我話唔好唱呢2首啦! 會死架! 但估唔到佢鍾意到我唔點佢都點呢2首... 咁啱得咁翹, 唱唱吓距離就cut歌... 啱啱好...

臨尾時想唱d未唱過的慧嫻, 例如... 最後的纏綿啦... joe la taxi, dancing boy... 但未唱到已經cut左, 仲有好多的學友... oh~~~ 算啦~~ 估唔到紫樺要我等埋佢一齊唱情意結.............. haha!!!

紫樺話:『你唱d舊歌(英文舊歌and月半小夜曲之類)係同我唱k唱好啦! 同你依家d同學唱佢地以為你唔知咩年代架! 係我同你一齊讀咁耐書先知你係咁咋!!』 haha!!!!!!!!!!!

我話俾紫樺知尋晚發夢miss mok打嚟催我約turbo食飯...... wa.......救命呀!!!! 唔係我唔約呀!! Turbo姐唔得閑呀...................................

我d封殺命今日剋到埋紫樺, 佢要c餐, 落左單點知賣哂, 叫另一個餐又miss左張單, 到去實惠買野又買唔到.... 而我.... 攞本u+都攞唔到........... 天呀!!!!!!!!!!!!!!!!!! 乜得我要乜冇乜架!!!

好彩最後o係西田買左2個叮噹立體揮春! 超靚呀!!!!!!!!!!!!!!!!!!!!!!!!!!!!!!!!!!!!! 好鍾意呀!!!!!!!!


《Only Yesterday》
Baby, Baby
Feels like maybe things will be all right
Baby, Baby
Your love's made me
Free as a song singing forever

Only yesterday when I was sad and I was lonely
You showed me the way to leave the past and all its tears behind me
Tomorrow may be even brighter than today
Since I threw my sadness away
Only Yesterday...


《Killing me softly with his song》
Strimming my pain with his finger
Singing my life with his words
Killing me softly with his songs
Killing me softly with his songs
Telling my whole life
Killing me softly with his songs...


《I just fall in love again》
oh, I just fall in love again
Just one touch and then it happens every time
And there I go I just fall in love again, and when I do
Can't help myself, I fall in love with you...



>>January 4, 2005 at 11:56:44 AM GMT+8

2005 年 1 月 2 日 星期日 【晴】


暈完船浪精神哂!! 講出嚟都笑大人個口呀..... 由中環搭去尖咀都暈.........


Only yesterday...
Close to you...
Killing me softly with his song...
Torn between two lovers...
Endless love...

好快我就會識唱.... 好好聽~~


>>January 3, 2005 at 10:28:34 AM GMT+8

2005 年 1 月 1 日 星期六 【晴】


今日同紫樺一齊去左工展會... 佢買左好多野~ 我就冇乜~ 志在入下去~

行完工展會就去銅鑼灣, 諗住去吓皇室堡...點知我地2個都唔識行, 最後搭叮叮去中環~ 好耐冇搭過啦~~ 好開心呀~~~

去到中環, 幾經辛苦搵到個toliet後又搭船過番尖咀... 但今日好大浪... 依家好頭暈....

到尖咀後見到45條關注組的人募捐, 紫樺想同余若薇or吳藹儀影相... 可惜佢set得部機嚟已經唔見左佢地~ haha!!

之後搭地鐵再搭巴士返屋企~~~

好頭暈呀真係... 有咩遲d補番......


>>January 4, 2005 at 10:26:12 AM GMT+8

2004 年 12 月 31 日 星期五 【乍雨乍晴】


元旦快樂!!!!

今日做IC Training的workshop repor做左成日... 足足一日, 由上午11點幾做到8點幾... 要寫的其實唔係多, 只我諗唔到點做!

今日同小魔星同duhesme用"three-line"玩ICQ, 勁正! 美中不足係用唔到中文! 好好玩~ 睇住人地打錯字打改番咁~~

如果想捐錢去南亞個disaster, 最好捐去2個地方! 一係無國界醫生, 因為醫療的經費好高, 所以苂國界醫生的經費好龐大! 一係捐去馬會認頭捐double果d地方! 即係你捐$1馬會又捐$1果d! 雖然馬會講左佢捐的upper limit係一千萬...



>>January 1, 2005 at 12:49:47 PM GMT+8

2004 年 12 月 30 日 星期四 【晴】



除夕啦今日~~

《明天已是下世紀》

曲:馬永齡 詞: 雋詠 編: 方樹樑

懷舊唱機 忘掉了閉起 幽幽地 唱得動人心扉
旋律四起 詞話到處飛 在說戀愛將會怎跨世紀
不想聽不必哼對不起 已發現了他的吻是勉強地
現在連悶態他都收不起 彷彿愛就要結束不再理

*曾經講戀到下世紀 要極完美 要共同創造愛的驚世傳奇
明天都經已下世紀 原來是兒戲 一閃的驚喜 一瞬的綺美 不必歡喜

繁盛有幾 時代也會飛 小天地 已跟著環境飛
華麗有幾 情熱也會死 是每一秒一變一種正比
今天抱他心不再跳起 每句話語他都覺沒有趣味
所織襯衣也再不稀罕披 多麼快並已送走一世紀

Repeat *

那半句“怎都不爽約”實在沒意味 我也再不想不乾脆地 說起

真可戀到下世紀 卻未完美 卻未能創造愛的驚世傳奇
明天都經已下世紀 承諾是兒戲 一閃的驚喜 一瞬的綺美 不必歡喜

戀到下世紀 要極完美 要共同創造愛的驚世傳奇
明天都經已下世紀 原來是兒戲 一閃的驚喜 一瞬的綺美 不必歡喜



希望在明天~ 明日又有明天~~
所以希望新一年有新希望!!!
希望下一年所有衰野都走哂~
天下太平~
人人開心 (--> 之後[乙水]再埋我開心)
之後再交埋彩玲老師份功課就最好啦~~~~ (同turbo一樣)
仲想表哥仔今年升到大學
屋企人平平安安, 身體健康 (好押韻)... ...

haha!! 阿yan真係留言俾慧嫻......仲爆埋我地講過d乜俾慧嫻知!!!.................估佢唔到~~

ic今日教visio... 聽到好攰~
到放學, 小菁未攪掂... 叫我陪多佢一陣...
咁好啦! 橫掂都得閑...
佢攪掂就走, 等等吓lift小菁無啦啦話:『gigi! 陪我去食tea!』
果個moment好似少少餓, 於是同左佢去舊can
但入到舊can又唔想食, 最後變陪佢食
明明周圍都好多位, 唔知點解佢係要坐有人果張...
食食吓佢話:『gigi我想俾個surprise你!』
我仲唔知佢做乜, 之後同枱果個人起身, 走左去坐小菁隔離...
仲同我講:『你好呀gigi!』
所有謎團都解開啦!!!
小菁處心積累... 又要我等佢, 但又叫yvonne唔好等佢喎!
之後又要我同佢去tea.....
原來我icq的netfried約左佢!
而呢個netfriend就係慧嫻fans --- "新的我"啦!!! haha!!!!!!!
真係辛苦哂.........

自從o'camp前知道我的netfriend識得我的同班同學小菁識後
一直都只諗住有日小菁會約我同"新的我"出嚟(係預先通知果隻)
但估唔到今日小菁殺我一個措手不及!!!
失驚無神約佢出嚟~
仲要鬼鬼祟祟咁... 但佢掩飾得好好呀佢!! haha!!!
小菁仲o係度數.. 話我上4日堂都要轉張wallpaper做陳慧嫻...
咁我話啦,,, "屋企冇用呀嗎!! 咪o係度用... 滿足吓都好!" ha~~
講講吓小菁問"新的我"依家有咩做
佢答小菁"冇乜... 得閑聽吓歌... 聽陳慧嫻囉!"
嘩!!!!!! hahaha!! 之後小菁"擔心"我地聽到上腦!!~


>>December 31, 2004 at 12:29:59 PM GMT+8

2004 年 12 月 29 日 星期三 【晴】


今日9點左右返到poly.. 因為尋日臨走冇問今日返幾點, 所以唔敢9點半咁過份!!

lunch前開過icq問人野, 咁冇close就走左.. 返嚟繼續開工做個task時阿yan icq hi我~~
wa~ 好耐冇同佢傾過啦~ 佢問可唔可以陪佢chat吓...
我以為佢唔知有咩事添! 嚇得我呀!!
原來佢係放假悶得滯...
最後我地傾電話傾左7個字~~~
由傾吓尋日張年曆咭, 到佢的中六生涯... 再兜番轉碩再講慧吓慧嫻...... 講左好多野~~~~~~haha!!
咁我一路講電話... 劍士好無奈咁自己做住先~~ 因為果份係group task........
我講完時佢都完啦... 唔好意思呀..... haha!!
不過兵得好爽呀我覺得....... 冇乜機會咁樣同人講咁耐都係講同一個人~~ ha!!!!

個training course返左3日, 聽日係last啦~~ 呢3日同小菁熟左好多~
講開小菁... 好好笑~~
佢係我icq list中其中一個慧嫻fans的朋友仔!
到o'camp前我問個fans, 你朋友仔叫咩名, 佢答我叫小菁~
到當日....... 哈哈~~ 我地好有緣地同一組!!!
有成五六組我地都撞得啱同組... 証明我地有好緣!

尋日打完針......... 今日小菁同劍士take turn嚟撞到我打針的手臂...... 仲唔只一次!!!! 個位仲痛痛地...
我打完後左手手臂痕痕痛痛咁, 今朝劍士話佢feel到自己"興興"地同wing wing地,
我仲笑佢... 攪錯呀! 我都冇事啦! 冇鬼用!!
點知到下午... 到我有少少wing~ haha!!!!!!


表哥仔呀!! 表妹唔係話你蠢呀!!!
咁人地肉緊你點解會唔知之嗎!!!
俾個良心你當狗肺!! 哼哼!!!


>>December 30, 2004 at 11:09:29 AM GMT+8

2004 年 12 月 28 日 星期二 【晴】


今日再上ic... 原訂教3日的東西, 昨天已經教完, 所以傾掂數今日返晏d, 9點半前返到

我9點3左右返到已經有同學返左嚟做緊野lu!

上午已經做了2個task, task1仲以為好難... 點知我半個鐘左右就攪掂... 嘻~

得閑時大家吹吓水，劍士話佢照過胃，咁我話我下個月都要照，依家好驚．．．
佢個衰人講照胃個況時用埋哂ｄ『插』、『隊』同『戙』呢ｄ字眼！！！
又話ｄ醫生，ｏ係ｄ麻醉葯未發作時就開始整支野入口．．．
我就聽越驚．．．．．．．．索性唔聽！自己上網！！！！！！！！！！！
唉．．．攪到今日心緒不寧．．．個心又跳到亂哂籠．．．
可唔可以唔照呀？！？！．．．
距離１月１４日越近我就越驚．．．．

由於真係太得閑, 今日的lunch有個半鐘~ 於是同劍士, 小菁and Yvonne去尖東食．．．
聽到好多野～
原來佢地果組相處得唔係咁好．．．好慶幸我果組好和睦．．．

到下午原定點半開波上堂．．．點知ｈｅａ左２個鐘先開波．．．悶到爆燈！！！
大家又各自ｉｃｑ的ｉｃｑ，吹水的吹水，打ｏｎｌｉｎｅ　ｇａｍｅ的打ｇａｍｅ．．．

３點半過ｄ先上堂做ｐｒｅｓｅｎｔ，由於想去打針ａｎｄ趕住去郵局攞野，
所以我做第一個先，ｎｏｒｍａｌ地阿ｔｏｍ又出招ｂａｎ人．．．
呀．．．．唔係！！應該係ｂａｎ我一個，
我ｐｒｅｓｅｎｔ後聽多五六個人先走，佢都冇出招．．．．．．

走之後同劍士同ｙｖｏｎｎｅ一齊去ｃｌｉｎｉｃ打針．．．
比我想像中痛咁啦．．．抽血反而冇咁痛

打完針後火速趕返新翠郵局攞大夫寄俾我的郵件～好彩趕得切．．．仲行到身暖哂！！～
又收多隻叮噹生日公仔！！！哈哈！！！！

之後再去紫樺度攞ｆａｎｓ　ｃｌｕｂ的信～
有慧嫻年曆咭兩張～
兩張都係ｏ係慧嫻屋企影的～


>>December 29, 2004 at 1:12:42 PM GMT+8