2005 年 5 月 2 日 星期一 【晴】


今次自己衰, 出門口唔睇吓個電話就上左去, 我問題, 今次唔會鬧你!


睇到小魔星同vicky的日記... 又令我諗起同yukari d野~~
計清楚先, 應該係88年識yukari, 我係轉校過去而同佢一班, 因為阿媽話原本間幼稚園教d野太淺, 又冇功課做...

果時只知道同班有個女仔同我住同一層, 我住12樓佢住5樓~
細個果時好興畫畫送俾人, yukari話佢曾經畫過一張俾我, 但我收到後俾番佢, 仲要加多句:『你冇油顏色o既?! 你返屋企油完先再送俾我呀~~』--> 但我完全冇印象~

到生日會, yukari同我都係12月生日, 咁學校就會每班同一個月生日的同學影張相, 前面放滿左多"道具"食物~ 咁我同yukari中班同高班都同一班, 所以我地連續兩年都一齊影相~
有一年係全班之中得我同佢係12月, 造就左我地一張合照~
另一年就有個男仔, 但個男仔好高, 高我地成個頭.... 阿媽問我, 佢係咪企高左?!..

有時睇番d旅行相, 都會見到我同yukari一齊... 幼稚園畢業相o係一間小學度影, 我同yukari都企最高一行, 間小學就係我同yukari一齊讀果間~ haha!!

佢近幾年先爆番一樣野我知... 佢話有一年去旅行, 目的地彭福公園, 入面有個鴨仔池, 老師每人派d白方飽俾我地餵鴨仔................. yukari佢........ 竟然食左塊方飽.........haha!!!!!!!!!!!!!! 果時一聽到.. 笑到我收唔到制!!

到左小學, 一年級同佢一班~ 有次christmas, 班主任同我地全班合照, 印象中我同yukari好似係坐得好近, 隔一兩個位only, 所以大家起身埋位影相時, 我同yukari又企埋一齊... haha!~
之後..... 都好似再冇o係小學同班啦.............
果幾年時間同佢少左好多contact, 見到都只一句hi!

升到中學..... haha!! 又再同校啦. ...
於是我地就開始話, 可能第時我地大學都會同一間添呀!!!!!! (依家已經唔係啦不過~~)
我地耐唔耐就撞到一齊返屋企, form 2終於又再同佢坐番o係同一個班房~
因為我地班主任係出名癲癲地, 唔多理班務的, 又多騎呢野, 於是呢個人就成為左我同yukari的話題.... 同佢又friend番好多~~
仲試過放學去佢屋企打機~ haha!!!

中二果年第一次自己同朋友出夜街行花市, 就係同yukari 同紫樺行~
有次肺炎冇返學, 但臨近exam, yukari幫我攞功課, 佢lunch時攞上嚟, 我就諗, 點解唔放學先一次過呢?!... 原來佢上嚟係打探我口風,
佢好著跡咁問:『gigi你鍾意咩花架?!』.... haha!! 之後又話:『呀! 係呀! 一陣放學我要遲少少先攞到d野上嚟俾你呀!』
我咁聰明梗係知佢同紫樺佢地來通左買野俾我啦!!
只係估唔到........ 佢地買花之餘仲買apples... haha!!!!

咁差不多果排, 咁因為病左所以醫生要抽血驗(同一個月病2次都大大單的.. haha!!!!!!!!), 但
抽完之後我o係醫務所暈左, 之後冇事咁第二日又返番學...
一返到去, yukari話:『gigi............. 我尋晚發夢你死左呀!』啋!!! 大吉過你呀!!

到exam時, 中文作文佢全班高分, 佢話:『gigi! 其實我作文係作緊你呀!』... 原來係因為篇文係講"生病記"呢類topic, 佢將我d野落去當係自己... 即刻啤住佢呀真係要!

咁一路到中五都冇再同佢一班... 但我地依然成日一齊返屋企!~
耐唔耐我自唔掂電腦佢就上嚟幫我整

會考後佢讀asso, 我讀form 6, 阿媽話佢冇理由唔得!!! (想點呀大佬... ha!!)
到舊年有日我問佢知唔知邊度學日文好, 佢竟然話:『我教你啦!』於是佢就用友情價教我日文~
近呢一兩年, 我地都一齊行年宵, 仲要食麥芽糖夾餅~

咁兜兜轉轉, 佢asso後升上HKU, 我repeat後就讀poly,
最後..................... 順利的話, 我地又會同一年大學畢業~~
我地約左好, 會一齊著住畢業袍影相~~~~~~ yeah yeah!!!!!!!!!!!!!!!!!!!

>>May 3, 2005 at 7:29:27 AM GMT+8

2005 年 4 月 29 日 星期五 【晴】

今朝扭計要去街... 但最後都係買唔到想買o既野
反而野食就買大好多.......... 滴汗呀真係!...

>>April 30, 2005 at 9:58:05 AM GMT+8

2005 年 4 月 28 日 星期四 【晴】

趁得閑d，補番ｄ日記先．．．

首先係表哥仔果份，佢話頭５－６個ｃｈｏｉｃｅ都係ｐｏｌｙ，果然係我表哥仔．．．當年我都係咁．．．如果佢入到ｐｏｌｙ的話，真係唔知邊個糟質邊個．．．

尋日打羽毛球，ｃａｎｄｙ唔知點解會日都拍到自已個頭，ｎｉｃｏｌｅ就『自投羅網』．．．我同劍士一組雙打時好舒服，因為劍士打哂我唔駛點郁～但之後到同ｃａｎｄｙ一組．．．佢又唔郁我又唔郁，我地仲笑ｃａｎｄｙ只會打佢方圓２步內的波，要行的一律唔打，ｈａ！！

ｉｃ有２份ｒｅｐｏｒｔ要做．．．死啦．．．
我連photoshop同illustrator有咩分別都唔知!!　好悶．．唔想打．．．．

手錶爛左，諗住用住另一隻頂住先，ｅｘａｍ埋先去慢慢買．．．
點知連呢隻都冇電．．．好黑仔．．．
黑到．．．．．．．輔學抽唔到學小提琴，要等第二輪．．．．．

尋日打完波，ｃａｎｄｙ話佢三肢酸軟．．．ｈａｈａ！！

>>April 29, 2005 at 10:48:43 AM GMT+8

2005 年 4 月 27 日 星期三 【晴】


好累呀今日... 尋晚趕工中文的business plan, 攪到12點半先趕完...
到今朝又返早... 訓醒時wing wing地... 幾驚耳水又唔平衡!!
今日仲要打羽毛球, 打完去飲茶, 食完野頂唔住要訓一訓, 因為之後個堂IC要test...
結果放學返到嚟............. 都係要繼續做.................

大夫問我尋晚做到發脾氣時有冇諗起murphy's law...... 尋晚炆到乜都諗唔起!
已經眼訓, 但未執完又未訓得, 想聽住陳慧嫻做, 點知部腦蝦我 play唔到!!!.............
murphy's law係大夫年幾前教我的... 我仲記得點解~ 有次行街見到書局有本書真係講murohy's law~
"everything that may get wrong, it must go wrong" 好似係類似咁的句子啦~ haha!!
有機會出錯的東西, 它最後一定會出錯!
所以今日做乜都唔會順利, 但唔怕! 聽日會好好多!!

放學o係poly見到王sir.. haha! 佢問我:『year 2呀你?!』 =.=""
一年前你仲俾我煩住教我econ.................

>>April 28, 2005 at 2:51:46 PM GMT+8

2005 年 4 月 26 日 星期二 【晴】


聽日又測普通話，星期五交中文，今日仲要加多份下星期三deadline的workshop report，如果聽日個IC唔即堂做report... 仲多一份．．．一日俾多幾個鐘呀得唔得呀？！

今日放學搭小巴，一來落雨，二來．．．．．．．．．．．．．唔想又撞到行路冇聲個ｍｉｓｓ，我連續兩日放學都見到佢．．．．．．．．好恐怖！！！ｈａｈａ！！！！！！！成日都撞到ｄ教ｇｅｏｇ的ｍｉｓｓ．．．早排成日見彩玲姐，呢排到佢．．．　．.．!!

>>April 27, 2005 at 10:43:18 AM GMT+8

2005 年 4 月 25 日 星期一 【晴】


今日返學前去尖咀的library還書, 咁我一路行一路好專心地聽普通話版"紅茶館",
諗住聽順d普通話, 測驗時會tune 得啱channel...
行行下無啦啦有人拍我, 俾佢嚇左我一跳．．．我仲以為係candy,
個女仔話：『小姐，我地本飲食雜誌將會有個專輯，想搵一班人一齊食吓影相咁呀！我覺得你適合想推薦你呀！』
我有睇警訊ｏ既～　果個ｍｏｍｅｎｔ想串佢『係咁筍你就自己做啦！』
但我咁厚道梗係冇講啦～只係話『唔駛啦唔該』咁就走左！ｈａｈａ！！

普通話ｔｅｓｔ，我地成班抽簽，因為我坐得入，變左最後一個抽．．．抽中左第一個去考．．．．
ｃａｎｄｙ考完後要幫手計分，睇到我６０分ｆｕｌｌ　ｍａｒｋｓ有４０幾．．ｈａｈａ！
ｏｋ啦．．．我唔貪心要Ａ，俾個Ｂ+我滿足架啦~ 俾我cover番ISE個C就得啦~ HAHA!!!

尋晚表哥仔興過乜, 發哂脾氣咁話唔改choice，嚇得我以為佢唔知做乜，明明啱啱同佢講完電話佢話會改，仲諗好埋點改．．．
ｈａｈａ！表哥仔～知唔知點解我咁著緊去幫你諗辦法呀？！
因為明日有明天呀嘛！！！！！！！！！！死未！！
尋晚同佢講講吓．．．講開我老豆張『格言』，佢一講我就知邊張，我攞住個電話係咁笑，
笑左好耐都出唔到聲，講唔到野．．．　ｈａｈａ！！！！！！！好攰呀笑到．．．
收線後我講俾阿媽知，阿媽又笑，阿大就講左句：『佢知唔知個醜字點寫架！！』

>>April 26, 2005 at 1:26:28 PM GMT+8

2005 年 4 月 24 日 星期日 【晴】


今日中文test, 要作2篇文, 好趕... miss話仲有一分鐘時我仲寫緊... 拿拿臨埋尾, 以保合格~
marketing派番mid-term test, 有B+, 都滿意~~ 呵呵~ 仲以為dr. tam係俾分, 點知係俾grade, 好怪...
原來mc係20題啱左16題~~ 好野!!!!!!!! mid-term成績好, 到exam我就會有心機架啦~ haha!!!!!!!!!

放學又做GE份paper... 都唔知做唔做得切, 直覺我將會攪到變一鑊泡.......
今個week係最後一個week啦, 過埋下星期的revisioin week就exam啦...... 好快呀過得!
星期五中文又deadline...........
仲有book左阿ken的密集式補習....... haha!!!!!!!!!

今日作起文先諗起, 過往5年, 返學都係因為"冇得揀", 同為公開試而返學,
但依家, 係為左想見班同學, 一齊玩一齊笑而返學
同埋, 學識左讀書的重要性, 以前讀書係為考試而讀, 但依家我明白左點解要讀書~
某程度上係因為有次睇到一個陳慧嫻訪問, 佢話「我只知道若有機會受教育，就要好好地把學業完成，至於別人怎樣看自己都不用刻意地去分析，重要的是知道讀書是對人生有著重要而正面的影響。」
睇完之後,,,,,,,, 諗吓... 原來自己讀書讀得好hea, 到我想追果時已經追唔切
我唔想呢d事再發生o係我身上，所以我會俾心機讀書
同埋我知道，我讀好書，快ｄ畢業，身邊好多人會戥我開心～
起碼姨丈會開心，因為佢又有好多野食～ｈａｈａ！！
姨媽又會好開心～我預左畢業時阿爸阿媽都唔會嚟睇我畢業典禮，但冇所謂～
姨媽一定會嚟～就算冇飛佢都會嚟～ｈａｈａ！！！！！
姨媽好想我入大學，我入到佢好開心
佢曾經講過，叫我依家讀到就讀，讀唔到就算，唔好勉強自己
佢意思唔係叫我好ｈｅａ咁讀．．．．而係叫我頂唔順的話可以ｑｕｉｔ．．．．
我讀過ｕ佢已經好滿意～ｈａｈａ！！

>>April 25, 2005 at 11:15:11 AM GMT+8

2005 年 4 月 23 日 星期六 【晴】

今日拜山，原本唔想去，但諗吓要攞野俾表哥仔先應承去，
點知前日表哥仔話佢返工唔去！！想死呀你個死仔！！
最後我都冇攞姑姐轉交俾表哥仔，因為怕姑丈知道會唔知哦表哥仔ｄ乜
點知姑姐姑丈輪流嚟問我係咪有野俾表哥仔！．．．．都係寄俾佢罷啦～

今日見到大表姐個女，好鬼得意～同佢影左張相～～

諗住早ｄ打的去圓玄學院，仲以為早早地冇乜人可以直上到去唔駛行上山．．．
點知去到山腳已經係車龍．．．老豆要我地落車行．．．．．．．．．．
就係咁樣行上山．．．．ｗａ．．．．
上到去先９點半．．．　其實幾唔ｆａｉｒ，
點知次次都係我地家要一早上到去等齊人！
就好似今日咁，９點幾等到１２點幾１點齊人話食燒豬．．．
但有ｄ人話個仔要學抬拳道所以遲嚟．．．有細路仔大哂呀？！
又唔見我細個果時我成家可以遲？！都唔知咩道理嚟架！！！
佢地一嚟到就食野，但我地就等等等等等．．．．．．．．．．．
等到妹子表妹同我講：好悶呀表姐．．．．．．．最後佢連我水樽都唔放過要玩吓．．．．
真係悶得好交關！！

拜完山就同阿媽家姐打的返大圍，食完野我又出何文田補習，
等唔到架死人小巴，等９世都冇一架！！最後又打的．．．．但
都覺得ｏｋ．．．因為今日補左２個鐘頭，補番條數！
最後仲同ｃａｒｒｉｅ夾好時間同阿ｋｅｎ補習，
ｃｏｍ好就寫住張紙要ｋｅｎ簽名！ｈａｈａ！！

>>April 24, 2005 at 11:48:10 AM GMT+8

2005 年 4 月 22 日 星期五 【晴】

今朝未訓醒就電話響，原來姨媽ｏ係暈低左，
阿媽飛奔落呂醫生度等佢．．．
點知阿媽走左無耐，姨媽話佢唔去呂醫生度，上醫院．．．
咁我咪自己上醫院囉．．．
上到去等左半個鐘左右．．．點解仲唔見佢地呢？！
打電話佢俾地．．．原來佢地食緊早餐．．．激死呀真係．ｈａｈａ！！
唯有打的落番去ｊｏｉｎ佢地．．．


姨丈勁攪笑，早餐今日阿媽請，阿媽話留番下次食翅先姨丈請，
點知姨丈即刻話：『知唔知呀阿芝！』．．．硬食左一野．．．
之後到阿媽去埋單時阿媽又講多次話食翅先佢請，
今次我醒啦！！我知姨丈又嚟，我即刻話：『知唔知呀姨丈！！！』
ｈａｈａ！！！！！！！！！


睇左表哥仔個日記．．．ｃｈｒｉｓｔｍａｓ果次我都玩得好開心呀！
多謝你無啦啦俾我拉左出嚟玩．．．我話睇燈飾你又即刻陪我去！
果晚我話去邊就邊，玩乜就乜，你都冇ｓａｙ　ｎｏ～
我地又ｏ係港島走來走去，幾經辛苦先睇到果棵千色聖誕樹．．．好靚呀真係！！

>>April 23, 2005 at 3:00:21 PM GMT+8

2005 年 4 月 21 日 星期四 【晴】


HAHA! 報左summer輔學的小提琴呀~
雖則我都諗過學樂器好似好無謂咁... 畢業果時張cert寫住你學小提琴又怪怪雞雞咁...
但學紫樺話頭... 學到自己鍾意的東西, 應該開心先啱~ haha!!!
不過最後抽唔抽到都未知....

今日一齊唱k同劍士慶祝生日, 如果唔係俾鬼翀尋晚踼爆左俾劍士知, 應該會sirprise好多...
karaoke又送左支香檳俾我地, 但大家都覺得係蜜桃味的汽水多過香檳,, haha!!

救命呀....... 尋日唔記得續借，ｄ書ｏ係哂ｌｏｃｋｅｒ．．．．
ｔｏｔａｌ　４個ｉｔｅｍ，星期一要俾圖書館罰$24．．．真係．．．笑到合唔埋個口
啦．．．ｃａｎｄｙ仲叫我寫日記記低佢．．．．．．．．．．＝．＝””

唱完就一齊返poly, 打左陣乒乓球.. 同nicole 2個打到亂哂籠, 正確應該話我地2個都係亂打~
之後去補習... 點知上到去阿ken唔o係度!!!!!!!!!!! 你個死仔!!! 又係咁!!!!!!!!!!!!!!!!!!!!!!!!!!!!!!!!!!!
打俾佢原來去左自修室, 叫佢返嚟又話要半個鐘先返到,
問佢做乜唔話我知又話唔記得!! 扮野啦!!!!!!!!!!!!!!!
我都唔明點解人補習我補習, 我會補到咁! 火都嚟埋呀!!!!!!!!!1

返到屋企冇耐........... 又變左個戰場, 唔好迫我埋牆角好冇呀?!
人食葯你食葯, 乜得你食到亂哂籠?!
咁大個人都係咁!!! 醒少少當俾我清靜一日好冇呀?! 唔該！！！




呼天不應　容祖兒

作曲：王菀之
填詞：黃偉文
編曲：藝琛

天你若聽到　請你待我好　我就跌倒
經已站到宇宙變色　天老地老都証實了生活殘酷
我對愛戀努力不到　抱不服態度　不過來到這刻難保

*假使天你有靈　開恩賞賜我一段情
等一生所愛變成等天打救這種絕境
我似變得透明　 舞會裡誰也不認領
經已認了輸　你聽見難道沒有反應
假使天你有情　怎忍心欠我這段情
兜兜轉轉的掙扎過程　花的心血你都望清
無人能做公正　假使天你憐憫這耐性
當我尚有心跳判我獲勝*

天註定了的　反抗沒有益　我明瞭的
經已像個戰士豁出一切地愛
只要被愛 出盡全力 當我借了
最後一擊 向天上借力 禱告完了 只等奇蹟

repeat *

受苦皆因深愛起　如果哀求你　可又會念我謙卑
留下些生機　可惜一再証明 呼天不應也不動情
兜兜轉轉的掙扎過程　花的心血你都望清
無人能做公正　假使天你 憐憫這耐性
給我命裡天使　賜我後勁

有美滿的愛情　我怎會傻到這樣求你
這些說話 要是求天亦不應
大概沒有人願聽

>>April 22, 2005 at 11:26:55 AM GMT+8