2004 年 12 月 17 日 星期五 【晴】


今日契班主任生日!~ haha!! 係咪好奇怪點解班主任都有得『上契』呢~ 其實係因為, 我同呢個miss好有緣, 我中一時佢教過我, 再教我果時已經係中四, 佢好冇眼光咁欽點我做科長... 人地d科長係會幫個miss點埋邊個冇交, 但我呢個科長只負責收, 收完就俾佢, 佢點好邊個冇交就俾張紙我我先去追... 我收簿又收到一鑊泡咁, 人地係一行行咁夾好... 但我............. haha!! 係一本一本散收收咁俾佢, 佢改果時就要逐本揭，試過有次係我收完後原來上堂又要用, 佢竟然為左方便我派, 親自夾番好一行行咁先俾我（咁o既科長炒魷啦！！）中五時要買精讀，咁好自然又要收錢啦，收錢呢個重責當然落ｏ係我呢個處事咁『精明』ｏ既科長身上啦！果次係橫掂收開錢，順便收多少少做影印費，但由於中五果年有ｒｅｐｅａｔｅｒｓ，一齊收咁多唔ｆａｉｒ，咁佢就計好ｒｅｐｅａｔｅｒｓ收幾多，我地又收幾多咁．．．佢俾張ｎａｍｅｌｉｓｔ我收錢時我仲為佢會要我計每人幾錢，但一睇．．．嘩！ｍｉｓｓ自己計好哂啦已經！我只要跟住佢寫個ａｍｔ收就得啦！所以我呢個科長好廢！～但唔知點解佢都依然好鍚我，佢知我鍾意叮噹就專登摷番叮噹貼紙貼喺我ｄ功課同ｑｕｉｚ度（當然係做得好果ｄ先係啦！），聖誕節又送左個叮噹布袋俾我，到同我寫紀念冊又睇得出佢好認真咁寫！佢話由我中一開始佢已經見我成日皺眉頭，到中四教我，我依然係咁．．．仲話我一皺眉頭個樣就好似ｄ公仔（吓？？？？？？？？）！ｈａｈａ！！！

到中五畢業典禮時，我班個班主任唔得閑，學校就安排左契班主任嚟同我地點名同數齊人數咁，但中五呢次畢業典禮我班只有７－８個人去．．．但佢都照數，勁攪笑！到中七個畢業典禮時，當時個班主任又咁巧合地唔得閑．．．嚟同我地點名果個又再係契班主任！於是我就同紫樺笑佢係『後備班主任』！到我ｒｅｐｅａｔ呢年，我真正個班主任ｍｉｓｓ　ｌａｍ同『後備班主任』好熟，有日『後備班主任』就同我講啦：『其實我同你關係好複雜！我係你『後備班主任』，你個班主任ｍｉｓｓ　ｌａｍ又係我契媽，但你叫ｍｉｓｓ　ｌａｍ做班主任．．．．』ｗａ！聽到我一頭冒水，都攪唔掂，攪左一輪就改口叫左佢做『契班主任』啦！哈哈！！

好～懷緬過去後就到今日．．．．．．．．．．今日做織女．．．ｏｒ木蘭都得～
『織織復織織，阿芝當戶織，不聞機杼聲，唯聞冷針聲．．．』　嘿嘿～木蘭辭就係中一時契班主任中文時教的～

好心急想收慧嫻張生日咭！！好想生日前收到！但又冇聽紫樺話收到．．．．


>>December 19, 2004 at 9:29:36 AM GMT+8

2004 年 12 月 16 日 星期四 【晴】


今日買左好多野, 係送俾人的禮物同咭等等~做聖誕老人都幾開心架原來!!~

之後又行豐澤, 百老滙同泰林, 因為我想買部只有basic function的dicsman, replace左俾復黑王"教壞"左果個discman... 百老滙度見到有部有mp3功能的賣498, 但冇呢個function的要500幾........真奇怪~~ 豐澤有部200幾的... 幾合心意~~~返到屋企睇報紙...oh~ 有部仲199添喎............ 不過一定好易壞~ 都係好似對豐澤呢d有信心d~!!

之後仲染左個髮同剪左髮添~~!! 嘿嘿~~ 幾滿意!! 染左個唔太誇的COLOUR... 因為我驚太誇會俾阿媽鬧~ 點知我返到屋企佢縑唔夠誇喎! 話誇少少會好睇d.......... 原來我阿媽.........咁開通!! haha!!!!!!!!!!!!!! i love u so much呀!!!!!!!!!!!! 個頭剪完後輕哂~~ 我太多頭髮啦........... 依家頭.........好大陣味呀!!!!!!!!


純粹個人意見, fans見到唔好圍攻我.. 亦唔準留言報串俾版主and慧嫻知.....................點解佢咁著好似矮左咁..........??


>>December 17, 2004 at 1:22:25 PM GMT+8

2004 年 12 月 16 日 星期四 【晴】


今日買左好多野, 係送俾人的禮物同咭等等~做聖誕老人都幾開心架原來!!~

之後仲染左個髮同剪左髮添~~!! 嘿嘿~~ 幾滿意!! 染左個唔太誇的COLOUR... 因為我驚太誇會俾阿媽鬧~ 點知我返到屋企佢縑唔誇喎! 話誇少少會好睇d.......... 原來我阿媽.........咁開通!! haha!!!!!!!!!!!!!! i love u so much呀!!!!!!!!!!!! 個頭剪完後輕哂~~ 我太多頭髮啦...........


>>December 17, 2004 at 11:01:54 AM GMT+8

2004 年 12 月 15 日 星期三 【晴】


又考左個對得住自己o既exam...

有一part係二揀一答... 一題係monetary policy, 另一題係protectionism... 2題都識喎! 點揀好呀??????
於是就"穩中求勝"~ 都係穩陣d好~~!!!

但出嚟有好多人都話難, 我就諗... 會唔會係我唔識所以俾題目trap左都唔知呢??????

exam後同劍士, nicole, candy同katherine去左扒王之王食, 佢地据扒... 但我唔想食扒呀... 好肉呀! so食焗飯啦都係...... 咁食完坐到11點, 我眼訓啦..... 咁我地就埋單lu~~ 再暫時約下星期一食dinner~!!


>>December 17, 2004 at 2:09:42 AM GMT+8

2004 年 12 月 14 日 星期二 【晴】


Econ...

Econ...

再Econ...

解決埋個ASAD model...

決戰Econ時間：明晚６點半至８點半

可唔可以唔好再夜晚先考／測呀？？？

坐低溫Econ溫唔夠半個鐘就開始頭痛............ 係天意叫我唔好溫????






今日慧嫻連續唱左4個幾鐘頭的歌俾我聽.....仲辛苦過開concert!~~~ haha!!!!!!!!!



真情流露(原名: 可曾記起愛)
「超時空要塞」電影版主題曲
　
當天這世界的空間多冰冷
默默地令我感嘆
在靜靜夜晚
長靠於窗邊星光暗淡
那晚我看到漆黑天空星閃過
實在令我驚嘆
像是在預告 明晚的天際星光燦爛

只想只想真情流露
何時跟他跟他一同停步
欣賞欣賞星河誰做
柔情幾許幾許鋪成長路
星光之中妨如迷路
完全只因只因心如迷霧
情深到老

今天我發覺他的心多溫暖
像活著在我心間
又像未習慣
懷裡的擁抱只恐變幻
這晚我倆到海邊相擁他使我
漸漸地覓到璀燦
在靜靜夜晚 來看他雙眼心輕跳彈

路上冰涷 那怕路上夜靜冰涷
來共他相擁抱

多少多少真情流露
隨時跟他跟他一齊停步
欣賞欣賞星河誰做
柔情幾許幾許鋪成長路
星光之中妨如迷路
完全只因只因他來情路
來將我抱

>>December 15, 2004 at 11:07:47 AM GMT+8

2004 年 12 月 13 日 星期一 【晴】


今日又補習... sally失驚無神打嚟叫我同佢補history... 因為同佢補開果個夾唔啱時間同佢補, 而且佢聽日又考試...... 於是就同姨媽姨丈食完lunch, 姨丈就車埋我出去何文田補習~~ 啱啱開始補果時我地係o係sofa補的, 因為感覺會好d, 輕鬆d~ 但補補吓佢阿媽返嚟... 要移師返去餐枱補（好彩佢打個電話先返嚟，我地般得切啫～）~ haha!! 最後俾sally同佢o既history折磨左2個鐘........ 勁眼訓!!! history我又唔識喎!! 似佢教我多過我教佢囉今日.... HA~ 呢個月以來同阿ken補習成日補個deposit creation process, 以前我成日都唔識計呢課，補到依家我識計～～！！

今日同sally傾計時傾開~ 就記得原來我曾幾何時係想做nurse的~~~~ 但我醒覺到自己想做呢個job時已經太遲....... 因為已經中五, 冇讀human bio.... 冇得做~ 不過唔怕~ 我依家都係我屋企的nurse, 上到為家人量血壓（熟手技工一名～）, 下至"塗"手搣葯丸（呢個係我的絶技~~~!!!!!!!!!!!!!）同提屋企人食葯都係我呢個"黃姑娘"的職責~~~ haha!!!!!!!!!!!只係提得人又到自己唔記得食葯之嗎～～～哈哈！！

14號啦今日! 一個月後就要照胃啦.........阿媽話『唔驚! 我照過都唔辛苦!』 你梗係唔辛苦啦! 你o係私家醫院照邊會辛苦呢??????? 我o係公立醫院照呀大佬!!!

小魔星！支持你！！仲有咩唔明可以問我～識的話我一定答你！！！！ｄｏｎ’ｔ　ｗｏｒｒｙ，ｂｅ　ｈａｐｐｙ！！～


>>December 14, 2004 at 12:30:08 PM GMT+8

2004 年 12 月 12 日 星期日 【晴】

今日係QM Exam~ 首先考完停筆的第一個感覺係『甩難』, 二係想返屋企燒左本QM書, 三係覺得考左個對得住自己o既試~ 我開始學到點樣考試時冷靜d~ 話說我要o係第2同第3題之中揀一題嚟做, 第二題我已經計左一半時發覺下一part好難... 咁諗住睇真d第3題先再算啦~ 但第3仲難..死死氣氣繼續計第2題, 計到果part時都諗住算啦~ 識就識, 唔識就算啦~ 哈! 無啦啦睇睇吓... 原來都唔係咁難架咋喎~~ 於是就無驚無險咁完成埋佢~~~

考完食完lunch就去補習lu~~~~ 補英文作文................超悶..............補75分鐘就算..............................


開始鍾意聽carpenters!~~~

>>December 13, 2004 at 11:47:37 AM GMT+8

2004 年 12 月 11 日 星期六 【晴】

今日補習補到發火........

衰仔自己又唔背def！同佢背佢又冇心機背，諗住解番個意義俾佢聽，等佢容易ｄ背啦，佢又唔聽我講，係咁話：『得啦！跳啦！下一個課啦！』好！識呀嗎！背俾我聽呀！個衰仔又背唔出！好想鬧佢．．．但又唔想攪到咁僵，於是我就玩住咁鬧佢話：『點呀依家！自己又唔背！同你背你又咁！想點呀！』最後佢．．．可能都ｆｅｅｌ到我有ｄ火，最後就範～原來呢招有效，起碼俾佢知我已經冇耐性再同佢拉鋸落去～係一個ｅａｒｌｙ　ａｌａｒｍ～～～～～最後今日補左２個鐘．．．補完之後喉嚨攰到極點．．．係咁講野講左２個鐘．．．聽日到同佢補英文．．．佢連ｇｅｒｕｎｄ係乜都唔知．．．再誇ｄ係佢竟然ｐｒｅｐｏｓｉｔｉｏｎ後個ｖｅｒｂ要用ｇｅｒｕｎｄ都唔知．．．．．．ｏｈ！！！點上英文堂架你？！

>>December 12, 2004 at 12:06:58 PM GMT+8

2004 年 12 月 10 日 星期五 【晴】

淹沒在econ同QM之中................................. 煩死人!

以前kumon同事esther今日結婚... 估都估唔到佢同Ian係一對...haha!! 點都好啦, 祝你幸福快樂啦~




極度期待《版主大戰慧嫻》下集... 笑到肚都痛...

>>December 11, 2004 at 10:48:38 AM GMT+8

2004 年 12 月 9 日 星期四 【晴】

都係唔用慧嫻做表情公仔啦... 好變態咁好似...

今日10點就開始溫econ.. 悶到發癲呀真係!!! 痴線...........

之後又幫家姐試個cut mp3的software~ 得啦今次... 佢話我成部電話都係慧嫻, 佢夠全部都係容祖兒啦! 曾幾何時容祖兒唱『未知』果排我地晚晚都聽，仲有排係鍾意容祖兒架我！因為佢唱歌都唔錯的！在我的排行榜上仲一度超越左有十幾年情意結的慧嫻添！而陳慧嫻ｏ係果時在我心目中會係一個．．．．升了上神枱咁，好似係變成精神上支持佢．．．有一排仲唔想俾人知我鍾意聽陳慧嫻添！變成所有人都只知我鍾意聽容祖兒，只想將陳慧嫻收埋．．．．．

但隨住容祖兒出的歌越多，越覺得佢唱ｌｉｖｅ有時真係好麻麻，成日都沙聲，好唔ｐｒｏｆｅｓｓｉｏｎａｌ，而差不多時間，睇報紙話陳慧嫻復出喎！（應該出山洞先啱～）於是就學紫樺話齋，我又重投番去陳慧嫻ｏ既懷抱（ｈａｈａ！！！ｖｖ）～亦覺得鍾意聽慧嫻咁多年，收埋佢好似好可惜咁．．．覺得好似好難得有一樣野係由我細個已經開始，直到依家都咁鍾意（應該話依家係比以前有過之而無不及），個感覺好得意，點講呢，係好似例如有一支筆係你由細用到大的，到依家大個左都唔捨得丟左佢咁．．．～之後就一路係咁搵番佢好多舊歌嚟聽，所謂舊歌真係好舊，係佢去讀書前的歌，而聽的過程中有好多ｓｕｒｐｒｉｓｅ，因為聽到有ｄ係細個時聽過，一聽番就諗番記細個聽這首歌果時有什麼諗起（例如最後的纏綿啦，不羈戀人等等等等．．．．）～亦都認識番好多好ｈｉｔ但我唔識的歌（例如ｌｏｖｅ　ｍｅ　ｏｎｃｅ　ａｇａｉｎ啦，秋色啦），好彩搵番嚟聽．．．佢演唱會有唱到～哈哈！（有興趣聽可以ｃｌｉｃｋ個ｐｌａｙｌｉｓｔ～）

另一方面，越來越覺得容祖兒好唔ｐｒｏｆｅｓｓｉｏｎａｌ，為左國慶ｓｈｏｗ唱ｌｉｖｅ而養聲，所以國慶ｓｈｏｗ前的表演一律ｍｉｎｄ咀．．．一個專業的實力派歌手唔係應該唔駛專登養聲架咩？唔係應該隨時隨地話唱就唱架咩？？？？？？？？我唔敢話慧嫻唱ｌｉｖｅ真係好到同ｃｄ一樣，但起碼我覺得佢唔會為一個ｓｈｏｗ而ｍｉｎｄ咀其他ｈｏｗ囉．．．

咁自從慧嫻０３年出山之後，就一路都好鍾意～又上吓去歌迷會個版吹吓水，有次『明日有明天』唔知上邊個榜攞第一，我地個個都ｏ係果度『飲杯』！版主又爆吓慧嫻大鑊咁．．．好攪笑！覺得．．．．．陳慧嫻原來唔係想像中咁斯文～而在留言版上識左好多人，最熟係大夫啦，ｙａｎ同小魔星，咁佢地都好好人啦，例如大夫教識我咩叫『Murphy's Law』啦，我唔開心時大夫會用另一個角度同我分析問題．．．唔知點解我會好服佢講的道理！阿ｙａｎ同小魔星俾我的感覺係好似的～２個都係好有禮貌（的而且確有ｄ　ｆａｎｓ係ｓｅｎｄ完野俾佢，唔該都冇聲，ｓｅｎｄ過野搵你ｓｅｎｄ野俾佢果句野係『ｓｅｎｄ個ｘｘｘ俾我呀！』咁樣．．．）但阿ｙａｎ同小魔星都好乖的，唔該前唔該後，ｇｏｏｄ！仲曾幾何時我同阿ｙａｎ２個有機會去訪問慧嫻的！！我地兩個開心到不得了！諗定點同慧嫻影相，同佢講乜，又諗定訪問慧嫻ｄ咩好（張紙仔仲ｏ係度！ｄ問題好似係徵詢埋小魔星的意見的～），阿ｙａｎ仲誇張到諗埋著咩衫去！哈哈！！我地又話訪問前一晚我地訓唔著～到時變成『兩隻熊貓襯慧嫻』～但最後都去唔成．．．因為陳慧嫻唔記得自己約過人．．．ｊａｃｋｉｅ就心急到死，ｉｃｑ一見到我地就問我地ｊｕｌｉａ（專登過嚟錄音的ＤＪ）有消息未～但ｊｕｌｉａ最後都等唔到佢返左美國ｌｕ．．．枉人地山水遠嚟．．．哈哈！！！

無啦啦講左ｄ無聊野添～～　ｈａｈａ！！！

>>December 10, 2004 at 12:25:39 PM GMT+8