2005 年 5 月 23 日 星期一 【晴】


預計樓下裝修唔會咁快嘈完，所以８點幾醒左就拿拿臨起身。。。
自己醒總好過俾佢嚇醒。。。
ＴＨＥＮ同阿媽過新城市飲茶
再行街，又買衫。。。

１２點幾應該係ＬＵＮＣＨ　ＨＯＵＲ，所以返一返去先。。。
點知唔夠半個鐘又嘈過。。。地都震埋
同阿媽講野都聽唔到
又落中中度。。

ＹＵＫＡＲＩ問可唔可以上我度避難，原來佢正正樓上裝修
我就樓下。。。。。。。。

同一幢ｂｕｉｌｄｉｎｇ，乜得咁多人裝修？？

到中中度悶爆。。睇『天作之盒』。。。。仲悶。。。睇左一個鐘就熄機唔睇。。。。
下次帶定慧嫻ｃｏｎｃｅｒｔ過嚟至得。。。。。。。。。。



好野~ 又有公司叫我聽日見工... 睇佢個地址... 似大公司喎!! haha!!!
睇返... 叫 『MC.Founder Ltd 』.. 都唔知乜來的...
中午打左俾表哥仔話做佢果度果份clerk添
但表哥仔話佢可能又會再轉工... 因為搵到份有好d offer的...
如果表哥仔走左... 份工好變得less attractive to me 啦喎.....
人生交义點... haha!!!!!!!!!!!~
唔得!! 今次要in得認真d!!!
唔好好似上次in carborn咁冇心機!!

>>May 24, 2005 at 9:34:35 AM GMT+8

2005 年 5 月 22 日 星期日 【晴】

樓下裝修，攪到屋企好似地震咁．．．
ｌｕｎｃｈ後同阿媽去中中屋企避難
最後睇左ｈａｃｋｅｎ　ｘ　ｊｏｅｙ　ｌｉｖｅ　ｃｏｎｃｅｒｔ
睇左半本書
睇埋叮噹先返屋企．．．．

>>May 23, 2005 at 10:11:37 AM GMT+8

2005 年 5 月 21 日 星期六 【晴】


最後一日補習，輕鬆哂！
以後唔駛記住要佢溫乜野，唔駛驚佢會唔會又甩我底，唔駛做ｄ我緊張但佢唔緊張的事．．．


同表哥仔傾開，佢話佢做緊果間公司請ｃｌｅｒｋ，問我做唔做．．．
但得４５００一個月．．．
人工係少左ｄ，但計番車錢飯錢，其實都有得袋架喎！
同埋，我都係過日晨啫．．．
點好呢？！十五十六添！
但仲有個問題．．．．．做的話，將會係第三次同表哥仔同一間公司做．．．

>>May 22, 2005 at 9:49:43 AM GMT+8

2005 年 5 月 20 日 星期五 【晴】


執迷不悔

這次我重頭面對 過去和以後　人如何自欺 再不管這對否
人如何不捨 也放開所有　縱墮入深溝 完全不想悔疚

我決意沉迷下去 放眼迎以後　人尋求自尊 你心中感覺否
人如何長久 卻了解不夠　縱獨自飛走 完全不想悔疚

身邊的聲音祝福我的一切　我已聽厭你說我那樣美麗
若付在舊日子不在可貴　我說我這次 要痛快有我的依歸

今天且忍心一聲再會　不須傷心風中依偎　勉強與你 到底終會
再熱烈後變飛灰　今天且忍心笑笑乾杯　可知一天我會蕩回
你縱會說已早改變　獨自夢下去都不悔




迷失左幾日，俾人話完後反省過係咪真係我問題．．．
但今日大長夫話唔係，放心哂！
我信大長夫多ｄ，因為話我果個人都只係大學ｇｒａ左一年！
論社會經驗來說，大長夫比較可信！！

>>May 21, 2005 at 10:06:48 AM GMT+8

2005 年 5 月 19 日 星期四 【晴】

姨媽o係電話同姨丈講：係呀！呢度又冇學生餐，你又唔嚟，我地食左阿芝一個月糧呀！
佢識咁講就好啦... 代表佢精神番~


喉嚨好痛．．．．．

TO大夫：冇呀～ｈａｈａ！

>>May 20, 2005 at 10:36:05 AM GMT+8

2005 年 5 月 18 日 星期三 【晴】

好開心呀!! 今日紫樺陪我去葵涌廣場去搵早果排好姨話有好多慧嫻二手cd果間鋪
好姨話果度有『心滿意足』,
我一去到, 一見到有就即刻攞住先~~ 嘻~
諗住只買呢隻, 最後忍唔住買埋『你身邊永是我』同『永遠是你的朋友』 ~ 嘻~
『永遠是你的朋友』呢隻78蚊... 其實我覺得以二手來說都貴, 但無奈睇左好耐, 呢隻個價都仲企得好硬, 唔知係咪因為係佢臨走前最後一隻... 但89年果時賣左35萬咁多.... 依家10幾年後... 二手市場個supply應該好多先啱, 但都仲值$78, 唔知咩銀圏版仲$98, 唔知邊隻仲過百, 勁... haha!!
就係咁... 我就買左$134, 紫樺又買隻趙薇...
看鋪個人見我手上攞住幾隻陳慧嫻, 就同我講:『果邊仲有幾隻陳慧嫻呀!』
正當我考慮緊買唔買埋『今天的愛人是誰』時, 個人話:『好好聽架呢隻』... 滴汗呀真係... =.="
好心滿意足咁離開...
之前仲同大夫講話唔會一次過買, 會逐隻逐隻買, 但今日紫樺話:『機會難逢呀!』就憑佢呢句話, 即刻決定買... 哈哈!
total... 14隻... 嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻~~~

食埋野就去荃灣, 又行左間二手cd, 入到去聽到佢播緊個音樂好熟... 但好耐都仲未有人唱...
原來係反叛remix...

行到好攰....... 膞頭好痛.......... >.

>>May 19, 2005 at 10:32:31 AM GMT+8

2005 年 5 月 17 日 星期二 【晴】

考完試啦~ 返到poly先食早餐, 收到大夫的sms~ 多謝!!~

exam.... 都ok o既~~

exam過後去左唱k, 點幾唱到四點半... 抵呀!!
途中我去toliet, 明明出去之前都睇過門牌係152先出去,
點知去完toliet唔記得左... 諗緊係 158 定 168呢?!...
打電話俾劍士又唔通, candy電話原來仲係震機...
個waiter問我：小姐有咩幫到你呀？
我話：我唔記得左邊個房呀！
佢就問我幾多個人同叫左咩野食野飲咁幫我搵番．．．ｈａｈａ！！好低能呀！！！
最後因為冇人所以可以繼續... 同candy唱到五點半... 勁攰...

搭巴士返屋企時撞車..................... 唉... 原來真係會有人遇兩次交通意外架...
好彩唔係撞得好勁, 應該係話撞左我都唔知, 上左車冇耐, 行左廿零三十米左右啦, 只係無啦啦聽到 "呯啪" 兩聲咁, 仲以為有人跌coins,
then司機就剎完制再落車先知原來撞車, 同架私家車撞... 大家都冇事, 2架車都可以繼續行,
之後全程都唔敢訓覺... 諗番起 "呯啪" 果兩聲...... 好心寒!!!


>>May 18, 2005 at 1:07:25 PM GMT+8

2005 年 5 月 16 日 星期一 【晴】

雖則我帶２份ｎｏｔｅ同３隻ｃｄ落中中屋企（ｃｄ仲多過ｎｏｔｅｓ），但我冇掛住聽歌唔溫書架！！！！
尋晚１２點幾先訓，因為睇完筋肉擂台，攪得個冷氣再搵野遮得個窗嚟已經十二點啦就！
但．．．難得我咁有心帶ｎｏｔｅ．．．邊可以唔溫就訓架！！死都睇幾頁先訓～
訓到唔知幾點，家姐返嚟嘈醒左我，ｆｅｅｌ到佢開一開度門睇吓我．．．

今朝要等送貨，所以繼續留守．．．．．

今晚諗住返屋企訓，但都係算啦．．．尋晚都訓得ｏｋ，費事我執哂ｄ野返屋企，
又到大家姐執一堆野落去咁無謂啦！同埋聽日可以訓晏少少都得～～嘻嘻！！

屋企無時無刻都有人講緊野..... 聽到我煩哂.................. 靜1min都冇........................

前日大圍有個ｐｏｌｙ男仔因為讀書ｐｒｅｓｓｕｒｅ大而跳樓．．．
ｈａｈａ！！幾個人嚟叫我『唔好俾咁大壓力自己呀！』
我係讀ｐｏｌｙ啫．．．我呢ｄ係ｈｅａ讀．．．冇乜壓力～～
聽日考完試，下午約好唱ｋ！～　ｙｅａｈ　ｙｅａｈ！！！！
過多幾日到同姨媽去据扒！！！！！！！！！！！好野！！！！！！

>>May 17, 2005 at 11:05:03 AM GMT+8

2005 年 5 月 15 日 星期日 【晴】


haha!! 避也無從避~~
今晚要搬落家姐屋企訓...
又攞住枕頭行落村尾...
唔好碰到yukari...


前晚發左夢... 勁騎呢呀！！
發夢同彩玲姐ａｎｄ後備班主任去外地旅行（但唔記得係去邊！）
家姐嚟送船，去到碼頭家姐問我有冇帶暈浪丸 ，我就走去問彩玲姐，點知佢一排十幾廿粒咁攞出嚟！ｈａｈａ！
之後下一個畫面就係去到酒店，臨訓時睇睇吓電視播陳慧嫻９７年個ｃｏｎｃｅｒｔ！～
我想睇埋先訓但佢兩個唔俾！熄電視要我訓．．．．嗚嗚．．．

>>May 16, 2005 at 2:39:28 PM GMT+8

2005 年 5 月 14 日 星期六 【晴】


忍得住... 補習時冇發脾氣... 冇鬧人, 冇拍枱.....

契媽又嚟左, 屋企好嘈, 今晚唔駛搬.. 聽晚就唔知啦...
但我要exam前一晚一定要o係自己屋企訓!!!
今次同我一樣鍾意陳慧嫻果個契爺冇過嚟...

>>May 15, 2005 at 2:26:20 PM GMT+8