2005 年 6 月 25 日 星期六 【晴】

好難忘呀今日!!　　　　　　　　　　　（今日日記會勁長．．因為我想記低呢個咁特別的日子～）

約哂12點在鑽石山92號巴士站等，一去到離遠見到應該係ｅｓｔｈｅｒ，
相認左佢之後見到前面有兩三個女人望住我ｏ係度笑，直覺應該就係版主同版妹佢地～

等到大夫嚟埋我先問大夫邊個係版主，佢講緊時版主已經行過嚟，
版主話：『我咪俾左個眼色你囉！』但我好似睇唔到．．．
圍埋傾計等齊人時版主話有雜誌記者睇到端午節慧嫻寫俾ｆａｎｓ果張野，打去問慧嫻諗住作野．．．
點知慧嫻答得佢好精彩．．
記者問點解係呢幾個人，慧嫻答佢：
大長今啱啱嚟ｈｋ，冇理由要人做舵手；
田北辰就因為靚仔所以有份；
有隻貓係因為隻貓係慧嫻個仔，所以要兩母子一齊上船；
有蔡楓華係因為佢果排攞住個ｏ急去馬會攞２００萬，有新聞所以有佢份～
咁記者就問點解蔡楓華ｏ係度釣魚？！慧嫻就話（勁爆笑）．．．貓係食魚架嗎！佢唔釣魚我隻貓邊有野食呀！
最後版主驚ｄ雜誌唔知會亂寫乜，於是走去買哂ｄ雜誌嚟睇．．．
佢話買到佢窮：『個陳慧嫻又唔俾番錢我喎～』．．．ｈａｈａ！！！！！！

１２點３左右就上車ｌｕ～～我地包左個下層咁滯～
版主俾左條慧嫻織的頸巾俾ｓｔｅｖｅ，係佢答中問題的禮物，
一上到車版主就叫ｓｔｅｖｅ：凍就嬲住條頸巾啦！　ｈａｈａ！！！
ｏ係車版主就播慧嫻錄個電話ｒｉｎｇｔｏｎｅ俾我地聽：『豬扒聽電話啦！！』
仲有個ｏ係度勁嗌『米蘭站．．．．巴士站小巴站』．．．係完全聽唔到的！～

去到西貢就分ｔａｘｉ去ｂｂｑ場地，
因為大家都唔太熟，好禮讓，版主見到就話：『哎呀！！是但啦！』
隨手就推左一個人上的士，閂門後話：『真係呀！執笠都要咁勞氣！』
我地枱ｄ人係咁勁燒．．．　燒到個網自己著火．．ｈａｈａ！！！！！！
我同ｅｓｔｈｅｒ，大夫，ｊａｎｅｔ，ｇａｌｉｉｌ，海哥仔，ｏ靚妹等等人一枱，
版主周圍走同我地傾計～

但個場好熱．．．我又流鼻水，又流汗，用佢卷紙巾抺到我成面都紙巾碎我都唔知，
俾佢地笑我唔用ｔｅｍｐｏ，大夫仲俾左包我，多得佢包ｔｉｓｓｕｅ，我搭巴士時先夠ｔｉｓｓｕｅ抹鼻水．．．ｈａｈａ！！

燒到４點幾就開始玩二級試，我同ｅｓｔｈｅｒ，好姨，耀，ｐａｉ　ｐａｉ同一個我唔記得左名的女仕一組～
好姨問我：『你有冇溫書呀？！』冇呀我話，版主就同好姨講話：『得架佢！ｏｋ架！』
ｇａｍｅ分３ｐａｒｔ，有填充題、問答題同運動題．．．
４組個皇牌都放ｏ係填充題，原來係填歌詞，有一首我同ｅｓｔｈｅｒ都完全唔識
好姨叫是但填個落去．．．ｈａｈａ！！！
ｔｈｅｎ問答題就攪笑啦．．．問ｄ歌係邊個填詞作曲、ｃｏｎｃｅｒｔ的日期等等等等，我地又係亂寫．．．．　但無啦啦俾我諗到奇妙旅程個作曲．．ｈａｈａ！！
運動題我地派個男丁出去踢〔足建〕，４組代表最叻果個踼都只係唔知２定３下．．．
玩完版主問我：『鬼靈精識唔識呀你？！』我話：『梗係識啦！冇難度呀簡直！』ｈａｈａ！！
最後大夫佢地果組ｗｉｎ左，我地組第二名，相差０．４３分咋！！！
我地２０分，佢地組２０．４３分呀！！！
版主話佢都驚計錯分，所以ｄｏｕｃｂｌｅ　ｃｈｅｃｋ過！
ｇｉｆｔ係慧嫻在日本買的ｈｅｌｌｏ　ｋｉｔｔｙ禮物．．．
版主話：『慧嫻為左你地好，買ｄ野你地唔啱用你阿媽都啱用呀！』
好姨就好攪笑咁話：『唔通係媽媽巾？唔係點解唔係老豆啱用係阿媽啱用呀？！』ｈａｈａ！！
點知慧嫻份份禮物都冇搣價錢牌，版主話咁係要証明真係日本買，ｈａｈａ！！
見到都過千ｙｅｎ．．．
最後就到人人有份的抽獎ｌｕ～
版主話係慧嫻去美加登台時買返嚟的ｍｅｍｏ　ｐａｄ，
好靚呀！！我果個係鞋形架～　慧嫻果然好鍾意鞋．．．ｈａｈａ！！真係好靚架！！
版主話慧嫻成日一買野就掃哂人地ｄ貨．．ｈａｈａ！！
仲有版主送俾我地每人一張咭，每一張都寫上不同的說話架～～
好感動！！！～～

我又借左ｅｓｔｈｅｒ件會褸同ｓｔｅｖｅ的慧嫻頸巾影相，ｈａｈａ！！
同版主影相時，影完一張，好姨話：『你唔攞哂你ｄ會刊會褸出嚟一齊影？！』係喎！！！

一齊行返出西貢巴士站，走時版主無啦啦問我：『你識唔識返屋企呀？！』
識呀我話～
『小心ｄ啦咁自己！』．．．．．
個感到好奇怪，一來仲有人細個我但佢只問我一個．．
二來好似一個識左好耐的人咁．．．
聽到佢叫我做『鬼靈精』, 好親切呀（其實我唔想用呢個詞語，但我諗唔到其他字代替）！
從來未見過佢，但傾計期間講番以前我留言版所講ｏ既野（佢話我叫過佢唔好陪慧嫻跑步喎．．冇乜記憶．．．．），覺得好似識左佢好耐咁（事實上我都上留言版打攪左佢２年啦．．．）
同埋好好笑，我同佢有個一模一樣的袋，咁我又帶果個去ｂｂｑ，佢一見到就問我做咩偷左佢個袋用，ｈａｈａ！！

一路搭巴士返沙田，一路冒住嘔的危機睇會刊．．．
坐坐下ｆｅｅｌ到塊面好乾，就諗起ｊａｎｅｔ話：『今晚返去做ｍａｓｋ先得！』

返到屋企．．．勁打乞痴兼流鼻水．．．．ｈａｈａ！
但依然係好開心～～～～

好．．．今日２００５年６月２７日，係ｆａｓｎ　ｃｌｕｂ的ｌａｓｔ　ｄａｙ，
ｂｂｑ係一ｈａｐｐｙ　ｅｎｄｉｎｇ，ａｔ　ｌｅａｓｔ大家都開開心心，
冇好ｓａｄ咁！




唔知仲有冇下次呢？！？！






sorry呀 nicole, 劍士, katherine and candy... 甩你地底...............................


>>June 28, 2005 at 1:39:37 PM GMT+8

2005 年 6 月 24 日 星期五 【晴】

今日ginny冇返嚟.. 我就冇野做咁坐左3個幾鐘...
到12點半, account sort好野我先有得sort report...
諗住sort到1點走, 星期一先返去繼續, 但諗諗吓... 唔得!!
星期一我唔返喎!..
死死氣氣sort到點半先走...

聽日去bbq~ 好期待~ 唔知真係俾版主掟落海掛...
今次小心d燒野食先得~~
form 1時我地班燒野食, 我成日以為d野燶左就即係成舊都熟哂...
我燒到d雞翼燶左d咁就食...
如是者幾次之後, miss wong忍唔住話 : 『gigi, 你第時個老公一定生cancer死呀!』

慘la... 阿媽唔想我聽日玩足成日呀!...
佢話一陣我玩到病左, monday覆診俾醫生見到以為我仲未好唔肯close file呀!!!!!
點算好呢?!...

>>June 25, 2005 at 10:56:00 AM GMT+8

2005 年 6 月 23 日 星期四 【晴】

放工大雨到倒水咁...等巴士時最大雨, 返到公司對腳濕哂,
最後走去攞幾張toliet的抺手紙自制左一對紙拖鞋... ginny見到勁笑,
趁早早地公司冇咁多人我就拿拿臨print野先, 因為出去攞都冇咁樣衰~
ginny話 : 真係服左你呀....

lunch去左元氣食sushi, desmond見我刺身又唔食, 沙律又唔食,
佢問我 : 你究竟有咩係食架?!

6點放工發返poly, 點知搵唔到candy佢地... 到我上到mono 個office...
俾我聽到佢講電話 : 唉! 係呀! 依家先有得開始做野!
喂!! 大佬!! 唔係我地約你架喎!! 係你屎忽痕約我地返嚟咋喎!!!
之後同candy去都會食飯... candy講番mono頭先講乜...
原來都幾無聊吓...

mono下年唔o係poly教啦!! 天大喜訊!!!


>>June 24, 2005 at 2:28:23 PM GMT+8

2005 年 6 月 22 日 星期三 【晴】

話說有張澳門三益船公司單, ginny叫我摷個電話打去問張單我地要俾幾錢,
咁上網搵到一個forum有人post過, 就照個電話打去...

一聽對方應該係中年女人一個,
我話想check番張單幾錢,
佢話:冇架喎! 張單俾番個客仲點check呀!
咁我就收左線...

ginny親自出馬再打去...
ginny惡死d同佢講, 佢就話有機會check到...

收線後ginny同我講 : 呢d船公司d人冇呢禮貌, 唔駛同佢咁客氣呀! 陰聲細氣同講佢都聽唔到呀!

hahaha!!!!!!!!!!!!!!!!!!

lunch前做緊confidential的工作........
hoseph無啦啦走過嚟話要借我部機用....
驚驚.........




睇怕7月尾滿約後都冇得續約, 因為真係冇乜野做,
由我5月30號第一日嚟到mc. founder, 到今日... 6月23日, 都就一個月,
ginny繼續係好忙, 但我都好似唔係好幫到咩手...
我所做的都係好耐唔耐先會發生一次的事,
例如做份單for shippment to澳門... 一個月先會做幾次...
又例如做d客借demo機的loan form... 一個月都唔知有冇3次...
唯一日日都要做的事就係send 班sales的outstanding payment report, 10分鐘會完
入invoice sent record再入信封, 俾埋courier, 10分鐘內做完
收winfax, 俾盡都係3分鐘..........
其他時間, 如果有data入就入data, 冇data就一係o係度hea, 等ginny有冇野俾我做.....

今日好hea好悶, 最後問ginny : 好悶呀.... 有冇野做呀..
佢就是但摷d野俾我file, 走上五樓傳送document好... haha!
好過齋坐, 就發癲....
由2點幾食完lunch, 到依家4點9都冇野做, ginny又走左唔知去邊.........

>>June 23, 2005 at 8:43:41 AM GMT+8

2005 年 6 月 21 日 星期二 【晴】

LUNCH佢地話去amp飲茶, 但果個時間多人,
desmound話 :ｇｉｇｉ，呢個世界冇ｆｒｅｅ　ｌｕｎｃｈ，係你貢獻ｏ既時候啦！
即係叫我落去搵位．．．
初頭都冇乜野．．．
但越諗越唔妥，個心好唔舒服，梗係覺得唔知點咁．．．


５點幾ｇｉｎｎｙ叫我攞野上５樓俾ｃｉｎｄｙ．．．我最怕果個人．．．吱都唔笑
戰戰兢兢咁放低份野俾佢我就拿拿臨走，
點知佢叫返我轉頭，佢要我等埋佢簽好再攞俾隔離房的ｃｏｎｎｉｅ．．．
一入到ｃｏｎｎｉｅ房，佢摷緊朱古力食，仲問我：你食唔食呀？！．．．．
滴汗．．．
落番去我同ｇｉｎｎｙ講，我入到ｃｉｎｄｙ房我又好驚．ｇｉｎｎｙ問我驚乜．．．
我都唔知．．總之見到佢我就會驚啦．．．ｈａｈａ！！

>>June 22, 2005 at 1:29:17 PM GMT+8

2005 年 6 月 20 日 星期一 【晴】

又好多野做呀公司........

食左咁多日free lunch, 尋日諗住我埋單.
點知ralph話 : 唔好啦gigi, 呢d係我地唯一俾到你o既福利...

之後就搶左我手上張單...

ginny今日教我做payment requisition form, 用嚟找數俾人...
佢話 : gigi你得閑話我知我教你做呢個呀!
以為好複雜, 點知原來只係要填表...
仲要係唔駛填哂... 幾個item就ok... haha!!
仲等我打醒精神聽佢講...
lunch時我問佢野, 只係我八掛想知果2個column係乜同有咩分別,
佢又好nice好有耐性咁慢慢解釋我聽...
好啦... 溶化到ginny呢座冰山啦~
返到office佢仲攞哂佢蓄緊的hello kitty扣針俾我睇
我仲以為佢有好多個, 點知原來佢10個都冇... haha!!!

>>June 21, 2005 at 1:04:42 PM GMT+8

2005 年 6 月 19 日 星期日 【晴】

夜晚同紫樺食飯, 因為佢要攞fans club封信俾我...
我地去左太子一間樓上cafe.. d野食都ok~
如果d野食可以再快d嚟就仲好d~~ haha!!

順便打埋電話去fans club度報名,
第一次冇人聽, 咁就算啦...
過左冇耐佢又打返嚟, 但因為我電話冇電, 用紫樺個電話打,
個人講野好快, 都聽唔切, 紫樺仲聽到以為係恆生card換領唔知乜...
講講下佢俾左個電話我同佢講, 佢又好快咁講多次 : 求先係咪打過嚟慧嫻fans club呀?!
我要load一load聽到佢講乜... hahaha!!!

原來呀邊個邊個冇哂介心咁同紫樺講左好多野... 嘻嘻!! 笑爆呀真係!!

>>June 21, 2005 at 1:35:48 AM GMT+8

2005 年 6 月 18 日 星期六 【晴】

尋晚開始骨痛.. 唔知做乜...

今日同媽咪&家姐行街,
又同家姐買左2條同款唔同色的褲, 可以交換著~~ 正~
買一條變兩條, 抵!!

>>June 19, 2005 at 9:04:47 AM GMT+8

2005 年 6 月 17 日 星期五 【晴】

YUKARI!!! 你又話朝早打俾我?!
我等左你一日...
你係咪唔想要番個琴呀?! haha!!
=.="



>>June 18, 2005 at 10:36:07 AM GMT+8

2005 年 6 月 16 日 星期四 【晴】

等收fans club封信..
雖則知道係個壞消息,
算吧啦~ 早就預左~
証明我加入得有意義!

26號攪BBQ呀........ 但又約左nicole佢地打邊爐... 點算呀?!?!
今次係fans club解散前最後一次gathering...
但又一早約好左nicole佢地...

呀!!!!!!......... 唔滯呀!!!
點解會撞到咁應架!!!!!
nicole, candy, 劍士, katherine.... 你地睇唔睇到呢篇日記呀???
如果我甩底去fans club果度你地會唔會話我衰女呀??
我真係好想去呀!!!!!!!!!!!!!!!!
我等左好好好好好好耐架啦!!!!!!!!!!!!!

>>June 17, 2005 at 12:51:17 PM GMT+8