2005 年 2 月 14 日 星期一 【晴】


今日上完中文等食飯時先知原來一陣的普通話堂要present 2分鐘... 死啦~ 完`冇左件事添~ katherine再講吓先有番d印象... 好似真係講過要...

我地去飲茶食lunch期間, 個個都好努力咁prepare,
佢地係練習讀多幾次, 而我係prepare份講稿,
又冇字典... 諗住打俾老公仔(嘔...........)叫佢幫我查吓d拼音... 但我諗佢未起身... 算啦~ 咁唯有避開唔識d字再打吓天才波....
因為太遲先寫好份稿, 我冇時間背熟佢... 到真正present時其實我唔係好記得個內容,
但我一早知自己會咁, 所以一出去交左份稿俾阿sir後我就企o係佢隔離較後的位置....
一開口講左2-3句已經唔記得之後係點, 就[目及]吓交左果份稿~ haha!! d同學都見到o係度笑, 我又忍唔住笑... haha!!!
有驚無險咁就講完lu~ 好野~~ 感覺係....... 第一次覺得自己真係講普通話.... 唔係英文....
可能我地接觸拼音係由英文拼音開始, 所以到學普通話, 以及貪得意學的日文拼音都有英文的影子......

同埋今日阿sir讚我讀 qian 個音讀得準~~ haha!!!!!!!!!!!
其實都幾攪笑... 呢幾日無啦聽多左國語歌... 所以就算放左個假, d普通話都仲keep得住一d!!~


>>February 15, 2005 at 11:16:42 AM GMT+8

2005 年 2 月 13 日 星期日 【晴】

情人節快樂～
多謝劍士同小菁的情人節禮物～　ｈａｈａ！！！

今個sem好多野做........中文同management都要做business plan....... 2份呀!!! 死得啦!
如果2份都係同一group人就好啦!!
扮哂野咁做一份就交2邊.... 正呀!....不過可惜唔係呀........

business plan... 令我諗起02年個暑假果場惡夢.........
至憎做business plan... 做10世都未做完!
又要打野喎......

marketing下個月又要present..... 中文都有present添呀...
GE又話要定論文題目.........
好多野做呀!.......

但之後又諗吓...... 算啦都係... 個個都要架啦...
GPA要過3！！！！！！！！！！！！！！！！！！！！！！！！！！！！

情人節．．．原本想ｐｏｓｔ『最美的預兆』．．．但小魔星ｐｏｓｔ左
咁我ｐｏｓｔ另一首啦！

《玩味》<-- 送俾有情人的~ 　　　

擁有您 原是我極美的傳奇
是我可與你 融入世上每分悲喜
曾是太害怕一旦別離 誰又去為我撫慰這憶記
愛是完全沒法將心比己

這世界 原是有著太多限期
願意只有我 倍伴我自我玩味
鳴謝你愛我愛得入微 營做這份真切的出奇
世事可曾是有完美 信可安心戀一世紀
　
地老天荒星空轉移 轉不去我對你的真擎
前路或是未及預知 只知道我與您的故事
能成就一生的意義 這真心的一次
人祈望繼續愛吧 即使多透支 也願意
　
這剎那 回味你贈我的傳奇
願我可與您 無憾繼續這夢寐
明白我與您己經別離 情路更是曲折與疏離
世事可曾是有完美 信這真心相戀至死
　
地老天荒星空轉移 轉不去我對你的真擎
前路或是未及預知 只知道我與您的故事
廷續在心底的每日 這真心的一次
人祈望繼續愛吧 即使多透支
　
地老天荒星空轉移 轉不去我對你的真擎
前路或是未及預知 只深信我與您的故事
能成就一生的意義 這真心的一次
仍祈望繼續愛吧 即使多透支 也願意

《今天的愛人是誰》<--送俾未有情人的~~

秋天的風身邊輕輕吹　像對我說聲也許
就算以往愛得多累　仍然願意與你再聚

* 多少痴戀 多少空虛　逝去了我不再追
沒法再信有一生相對　然而在這晚你叫我心醉 *

# 你令我又再置身戀愛裡　就算我已心似水
你似看透我　連隨還問我這一句 #

@ 今天的愛人是誰　就算往日愛 統統都失去
再次遇上 再次愛上 別說唏噓
這一刻的愛人是誰　若你已令我 這刻心相許
算吧 讓你猜對 @

相牽的手跟相依的腿　讓愛意更加凝聚
累了再看眾星相聚　悠悠夜裡悄悄去睡

Repeat * # @ @



今個情人節．．．無啦啦做左人地個老婆仔．．．我又無啦啦多左個老公仔．．．．．．．
嘔．．．．．．．．．．．．．．．．


>>February 14, 2005 at 1:19:13 PM GMT+8

2005 年 2 月 12 日 星期六 【晴】


今日補習... 原來好多人補阿ken唔同科... carrie補佢理科, 我補佢econ, account d商科野, 耐唔耐執吓佢d中文... 有時阿kiu得閑又去補吓佢d理科... 原來仲有一個人補佢英文.......wa!.......................
真係戥佢辛苦.......

補完後佢兩兄妹一齊吸塵, 吸到雞手鴨腳咁... 我坐o係度睇勁攪笑!!!

原本想post陳慧嫻d露營相...... 但咁多... 有排攪... 算罷啦都係!

同阿大場戰爭我又輸左... 係輸心軟............ 但我仲未可以完全變番以前咁...
點解我無啦啦答佢野架會?!?!?! 好低能呀!!!
明明話要嬲多幾日先架嗎!!!!!!!!!!!!!!


>>February 13, 2005 at 10:21:48 AM GMT+8

2005 年 2 月 11 日 星期五 【晴】


今日打仗... 打左4個幾5個鐘........

小龍女又溫書.... 舊年最高領導人生日就溫geography, 尋日就溫economics...
但問題係佢一路做mc一路睇住阿大同妹子表妹玩波子棋...........
溫乜呀溫!! 收埋佢好過啦! 攞左出嚟1個鐘都冇又落去食飯囉!!!

大人開枱就爭d攪到鬧交收場..............

細路仔就出左個井度跑呀跑...跑呀跑... 跑跑吓冇哂聲又要出去睇吓佢地............

我就最多時間都係坐o係我張慧嫻海報度........
因為每一年佢地走左之後我都會發覺張poster又爛多左..........
張poster係中二時紫樺俾我的.... 過左咁多年... 已經好多膠紙... 再爛的話就冇得救架啦!...
可惜的係... 我下午食完飯返到屋企時見到張poster已經又爛多左d...................

坐o係poster度就同阿七勁傾偈... 只有佢係一個正常的姑姐... 所以到dinner我都痴住佢坐...
隔離枱有阿三, 四同老豆+最高領導人...........................嘈到拆天!!
阿中仲要坐左o係阿三同阿四中間!! 我就同阿七背仲佢地果枱坐... 都聽到勁嘈,
之後我同阿七講話下次領導人生日我又要同佢一齊坐!!!!
大軍徹退後阿中話........... 都唔知應得邊個,,,,,,,,,,,haha!!!

返屋企就開始戰後重建...............................

仲有d事...嘻嘻~~~ 唔打得出嚟,,只可以電講俾表哥仔知... 嘻嘻~

講開表哥仔..............
話說今晚又係去番尋晚同表哥仔家人去食果度, 咁尋晚我同表哥仔搶單, 連個阿姐都俾支筆叫表哥仔自己寫個飯咁...

點知今日個阿姐問阿媽係咪同女婿食飯.....................................................................
又係我同表哥仔俾人誤會....

>>February 13, 2005 at 4:18:19 AM GMT+8

2005 年 2 月 10 日 星期四 【晴】


今日表哥仔家人嚟拜年...
食完lunch, 上我屋企坐一坐就同表哥仔and佢細佬(即係我表弟)去新城市行...
原本諗住唱k... 點知最早都要等到5點半先有...
最後行吓街, 入機鋪打吓機, 食吓野就走......
打機打到我隻手依家都仲痛.........
食飯時仲手震, haha!!!!!!!

今日表弟叫左我幾次"表姐"..... 但感覺好怪........
仲係小朋友果d表弟妹叫我表姐都覺得冇乜野...
但今日呢個表弟... 仲高大過我...
o係百佳買野飲時佢問"表姐你飲咩?"...
搭車時唔知開咩, 佢話"表姐呀..." 咁...
呢2野都好怪.............. haha!!!!!!!!!!!!!!!!!

慘啦... 聽日大軍殺到... 10幾個人迫o係我唔夠400呎的屋企............. 救命!!!!!!!!!!!!!


尋晚分別send左2封e-mail俾2本書的作者, 基本上係出於好奇同貪玩而send
但估唔到... 2個作者都尋晚覆我e-mail... 個感覺好得意~~~~~~~~~~~


>>February 11, 2005 at 2:30:25 PM GMT+8

2005 年 2 月 9 日 星期三 【微冷】


今日完全冇踏出過門口.......
而且到依家(5點半為止), 我講唔夠10句野
唔講唔係因為我唔舒服, 而係唔想同d成日無啦啦發人脾氣, 之後又扮冇的人講野!!


>>February 10, 2005 at 9:39:55 AM GMT+8

2005 年 2 月 8 日 星期二 【微冷】


恭喜發財呀!

祝我所有朋友仔, 讀緊書的就學業進步, 做緊野的就升職加薪!!

祝我d歌迷朋友仔事事心滿意足, 人人為你好, 永冇gloomy sunday!! 特別for女fans就"智慧嫻淑"!!
我地好似已經唔再玩祝人不勞而獲, 無本生利, 財色兼收果d啦.. haha!!

再祝我所討厭的人, 出入平安!!

祝我表哥仔來年靚仔d!!..............................................暗示:舊年唔靚仔~

祝我屋企人身體健康!!
屋企可以安寧d.... (今日屋企好似赤口咁........ how come?!... 算啦, 我唔想初一同佢嘈!! 我會忍!)


初一的例牌節目係去阿[女麻]屋企拜年.....
係一個每一年都唔願去的地方... o係佢屋企樓下我極唔願之下"生生"氣氣咁上去...

下午同阿中去睇戲, 睇左超人特工隊.....................
完全係阿中想睇, 所以我要陪佢睇...



返到屋企睇波, 當港隊失左第一球之後, 旁述不停話"假如龍門xxxxx的話第一球唔會失", 又"如果龍門xxxx"................
想點呀! 守龍果個都唔想架! 你又冇落場踼, 你以為自己高高在上咁睇就知哂所有野呀???
而且都失左啦! 仲如果假如嚟做乜?!

原來我呢幾日的日記都唔記得set個font size...
先記得大夫尋晚話咩d字又大又細! haha!!


>>February 9, 2005 at 1:26:22 PM GMT+8

2005 年 2 月 7 日 星期一 【晴】


今日節目豐富!!!!~ 仲見番好多好耐都未見過的人~~~

首先朝早要去補習.......... 見到阿kiu~~~~
佢幫sally補~ 我幫ken補.....
對於ken....... 我真係冇辨法....
我好想佢明白讀書的重要性... 以免將來後悔莫及...
今日教佢econ個exchange rate, 我講左半個鐘, 佢話自己個半個鐘好集中, 所以聽明左....
但之後做落exercise又係另一回事....

kiu話佢同sally下午去打保齡~ 我又去!! 不過我約左miss mok, turbo同william食lunch...
最後唯有返沙田同佢地食左先, 食完再出去奧海城join佢地...
講番餐飯.... 我都冇心機... 好眼訓, 因為呢排成日都訓得唔好!
硬係好似有d野心掛掛咁, 但又諗唔到有咩喎!...
唔係咁就係無啦啦札醒.............. 『等天亮說晚安』~

食完就各有各走... miss mok話去實惠買野...
唔知點解我feel到佢係想我地是但搵人陪佢行...
但無奈我地個個都有下場...........

miss mok話佢想讀master... 因為同行好多老師都有個master degree
佢冇的話會好蝕底!!
佢又送左佢暑假去捷克旅行的手信俾我地.... 都幾靚!!

食完行去博康搭87A去奧海城join阿kiu同sally~~
碌左2局... 阿kiu碌到爆甲! haha!!!!!!!!!
我打第一局打得好d... 因為有力d
打到round2成日落坑... 失禮街坊呀真係!! XD
turn out的comment係....... 我手力勁差!! haha!!
碌完去左KFC食吓野... 傾吓sally個阿哥...阿ken 的事.........唉... 佢幾時先識諗?!




>>February 8, 2005 at 1:34:54 PM GMT+8

2005 年 2 月 6 日 星期日 【晴】


下午又整多個裝飾... 呢個順眼好多~~

夜晚同yukari去維園行年宵...
因為佢好想去...
同中七同學say聲sorry先.... 甩左你地底...

同yukari2個行行吓見到有個賣野的女你戴住個小皇冠好靚, 於是問佢邊度有得賣
佢答我地288.......... 點知我地2個行得2行... 究竟係288定228呀?!....
行到228時... 果間又係賣小皇冠.... 就以為係呢個... 於是買左
到行到288時先知............ oh!!!!!!! 288果d仲靚呀!!!!!!!!!........算la... 都買左咯...
yukari不停同我話我地呢個靚d.......... haha!!!!
行到好攰呀我地~~ 但我地要"show off"吓我地個皇冠, 冇o係維出面個站搭車...haha!!
扮左一晚小公主~

回程好好feel~~ 因為有人同我一齊返屋企(yukari住我低幾層~~)...
佢又講吓佢d攪笑野, 又聽我講左個好無稽的陳慧嫻笑話....
年宵入面因為好迫人, 我地又挽住手行.........
16年啦識左yukari....
由幼稚園中班識佢到依家...
好多事都令我覺得我地好有緣份...
希望下年都繼續一齊行~~

大夫話祝我『智慧嫻淑』...haah!!!!!!!!!


>>February 8, 2005 at 12:54:23 PM GMT+8

2005 年 2 月 5 日 星期六 【颳風】


我部mp3唔知係咪迴光反照, background light壞左好耐, 今日無啦啦有番喎!..............

今日補習補12點.... 去到阿ken同sally2個都未起身...........................好無奈...


好煩呀!!.... 星期二約左turbo, miss mok, 賤人同miss mok個妹食飯............
但冇人肯出主意食乜............
想點呀!............ 諗到頭到爆!!!!


>>February 6, 2005 at 9:04:31 AM GMT+8