2005 年 7 月 14 日 星期四 【驟雨】

又屈我做錯野!!!!!!!!!!!

當日我同你講過我做的時候遇到呢個問題, 所我adjust過個summary加左d remarks提自己, 問駛唔駛send俾個copy俾你做refence, 係你話唔駛!
咁我話我冇入到有問題果d, 費事到時執起上嚟唔知邊d要改邊d唔駛, 你又話ok..

好!! 到今日你話我入漏野, 我講番果日我所講o既野, 你反應到好似我冇講過咁!

我知你份野係urgent, 當日我都停左我做緊o既野嚟做左你果份先, 做完我都交帶好哂, 講清楚你知有咩問題....

好!! 算呢樣野!!!

個desmond又衰, 早唔行遲唔行, 係要揀正呢個時候過嚟話食tea, 我話唔食啦, 我唔係因為俾人屈而唔食, 只係唔肚餓食唔落, 點知咁就俾你入到我位...

專登講句 : "唔緊要啦! gigi你食野先啦! 至多你做番d野遲d先走啫!"
desmond就問我 : "你做錯野呀?!"
你擺到明係要俾desmond知啫! 講囉!
desmond咁問, 我可以點答啫! 話唔係呀?! 你又有野講; 話係! 我條氣又唔順!

平時唔知邊個呀! 10點幾都未返嚟, 老闆打親嚟就要我同佢講大話, 話行開左!
尋日lunch由點幾食到5點4先返嚟, 老闆又打左成個下午電話嚟又係我同你頂! 死撐住話你行開左, 大佬呀!! 你自己走開咁耐, 咪當人傻啦!! 有冇咁啱真係打親嚟都行開左呀!!!

算啦!! 你鍾意點就點啦! 橫掂唔會續約囉! 唔續咪唔續!!! 好叻咩!!! 我都唔稀罕呀!
算啦!! 由得你啦! 我條氣係好唔順架啦依家!!! 你鍾意屈我食死貓咪繼續囉!!!
近呢個幾星期都屈左我幾次啦! 都唔爭在多呢次囉!
今日都15號, 仲有12日就27號我就滿約囉, 睇你仲屈我食得落幾多隻!!!

今次喊完, 我唔會再因為你屈我而喊!!!!!!!!!!!






又睇多次舊年美國 (定加拿大呢??) 個巡迴演唱會, 好攪笑...
坐o係地唱歌, 點知件衫太多details... 唔小心倒瀉左放o係大喇叭後果樽水,
仲要整濕埋自己套衫, 一唱完就問觀眾攞tissue, haha!
之後原來前一場著果套衫時有人送花俾佢, 點知紮花果d紙痴住左件衫, 攪到要 "lung" 住紮花...
坐唱完想起身, 件衫太累贅, 好難起身, 問觀眾 : "有冇人可以幫我起身呢?!"
點知冇反應.. =.=" 佢就話 : "唉! 算啦, 唔駛啦, 我自己嚟! 我又冇骨骼疏鬆!"
跳舞街隻舞.... 嘻嘻.......... 睇完開心返!~

>>July 15, 2005 at 2:32:25 PM GMT+8

2005 年 7 月 13 日 星期三 【晴】

今朝一返到公司, 就諗起尋日d野, 好唔開心, 好想即刻離開公司範圍... 開msn睇吓有冇人可以同我傾吓... 點知太早, d fd未online... 成個上午都好冇心機做........

到lunch打俾紫樺傾左陣... 發洩左出嚟, 條氣又順左d, 又買左生日熊俾自己先開心d, 下午先有番d心機做野!~~

好明顯依家係hea住... 所以打吓日記先... 無啦啦.............. 覺得我張枱真係好亂.........

其實hea人唔只我一個.. desmond都係, 佢得閑到無啦啦攞隻bluetooth handfree出嚟俾我聽歌... 但唔係陳慧嫻喎.. 係careless whisper, 好好聽~
之後佢又同班sales o係度玩隻bluetooth, 試吓點樣聽聽吓砍去接電話, 攪到亂哂籠, 佢仲要話 : 就係咁樣攪到亂哂先好玩架嗎!

尋日聽到, 原來前日龍蝦lunch食左desmond 2700蚊呀好似!!! 總之係over $2000啦....
desmond話佢earn到錢就鍾意請大家食吓野開心下,
但saiman就唔同, 佢鍾意促進重工業的發展 --- 因為佢4年內撞過7次車, haha!!!!!!!!!!!!!!!!!!!!!!!!!

>>July 14, 2005 at 9:39:46 AM GMT+8

2005 年 7 月 12 日 星期二 【晴】

lunch時去左間新野度食, 臨近食完阿ralph先話 : 我之前嚟2次食, 2次食完都肚痛!
我就同ginny講... 早知的話我一定唔會去!!!!

感覺上又俾ginny屈... 明明上次佢send俾我做reference個file都唔係今日佢send俾我呢個, 今次呢個多左野, 佢又話我入錯野..............
唉... 之後到desmond, 大大聲叫 "gigi wong!!!", 以為唔知做乜, 佢係嚟講上次搵hotel資料果份,
佢問我點解冇singapore 的data, 我話 : 過左期啦! 6月中架個exhibition係!
佢就再諗吓就話 : 依家7月幾多號呀?!......... 好! 算呢個!!....... 收貨今次!
大佬呀!!!! 點呀!! 加落去一陣又話我唔睇野, 唔加落去又話...
唔想續約啦依家!!!!!!!!!!!!!!!


睇左個video, 好攪笑,
一來係因為d內容對白攪笑...
二來係因為我睇得好smooth, send俾人睇時冇人入到去睇, 冇人load到...
到我睇完, dexin話同時有10幾個人睇緊都得... 攪到好似我霸住哂, 其他人就睇唔到咁, haha!!
我個網真係勁~~

>>July 14, 2005 at 1:27:59 AM GMT+8

2005 年 7 月 11 日 星期一 【晴】

今日係ralph同joseph的生日, 佢地同月同日生日同一team, 真攪笑~
尋日desmond話今日lunch一齊入布袋澳食, 所以叫埋saiman今日車 [手查] 返工, 以便lunch車哂成eam人入西貢~

點知今日一朝早, saiman就o係樓下撞車, 不過人冇事... 最後入唔成布袋澳, 但去左隔離利苑...
有龍蝦呀今餐!!!!!!!!!!!!!!!!!!!! 龍蝦兩味咁啦好似,
一味係蛋白龍蝦柳, 有舊西蘭花, 平時我唔食但今日都食埋棵西蘭花....
另一味係泡飯.... 勁正呀呢個!!! 飲第一啖湯已經........... wawa!!!!!!!!! 超美味呀!!!
好鮮味架!!!!!!!!!!!!!!!!!!!
入面d西芹.. 平時我又係唔食, 但我又食埋... 入面有炸米, 脆卜卜咁... 好正呀呢個泡飯真係!!!!!!!!! 好回味呀......... 流哂口水...
最後食到4點先走, 食左2個鐘... haha!! 因為要等saiman同raymus去攪掂撞車d野先,
但最攪笑係, 全公司都好快知saiman撞車, 因為果時10點左右, 正值係d中層去高層返工時候, haha!!!
desmond話梗係我黑住佢地... 因為以前佢地次次出車去遠d的地方食都冇事, 今次加埋我就撞車, 我就話, 唔怕話埋你知... 我自己都撞過2次車, 係我黑住都唔出奇~ 呵呵...

到6點幾我走的時候, ginny話有cake食... 但冇紙碟, 叫我去買...
但只買都膠兜, desmond話生日流流 [手查] 兜唔好意頭, 我又好快諗到話 : 咩呀! 盤滿砵滿呀!!
笑到佢地死, 估唔到我都有d急才~~ 我也有清醒的時候~~
又一齊食蛋糕~~ 芝心架個cake~~~ 好食!!
但我都係like個泡飯多d......................................... 好掛住....


>>July 12, 2005 at 1:34:00 PM GMT+8

2005 年 7 月 10 日 星期日 【晴】

lunch時desmond當住我面問ginny, 我有冇需要續約...
ginny話要, 但我覺得只係因為我在場所以佢先咁講...
desmond話 : 但佢冇乜野做架啦喎依家!
ginny話 : 有架, 仲有d xxx 要keep住update架! (xxx係我唔記得左係乜)
究竟會唔會續約呢?!


食lunch時desmond問左我一個IQ題, 但我聽過, 笑到死... 『銀芽... 銀芽....』
無無聊聊咁佢又問我知唔知插o係碟飯d葉有咩用...
我話阻止人地挾野食, 點知desmond又係咁諗,
ginny話真係擔心呀, gigi d智慧同desmond一樣, haha!!!!!!!!!!!!!!!!!!!!!!!

臨走click開個e-mail先知ralph4點時send過e-mail俾我, 幫佢sort report... 死囉!! 佢仲話urgent的...
攪埋俾佢先走得..........

>>July 11, 2005 at 1:20:10 PM GMT+8

2005 年 7 月 9 日 星期六 【晴】

小魔星講得啱, 我日日都係晴天, 尋晚諗左好耐, 我真係好晴天, 唔知抑或我冇記性加耳仔軟, 例如早幾日俾人跣咁, 我係好嬲, 嬲到明知表哥仔返緊工我都要打去同佢呻, 但轉個頭我又覺得... 唔好咁小氣啦! then又繼續同佢講野同佢食飯......... 係咪好滴汗呀?!?! 我都好滴汗....

一朝早返工係晴天的, 因為office冇人, 可以任意妄為~~~
到做野做到變陰天... 但開櫃桶望吓見到隻鞋... 變番晴天...

好好彩我好阿Q精神, 失意時我會唔開心一陣....................
then諗諗吓我就唔知諗左去邊, 諗左其他野咁就唔記得左....
你話我傻都好啦... 但我好開心~~



同表哥仔諗jupas... 佢比我以往更清醒, 知道自己想要乜, 但我係煮到嚟先食, 最好唔好要我決定~
今次好難得我可以好理性咁同佢分析, 我自己以前攪jupas都係憑感覺去揀讀咩好 (唔好學我...)
但今次我識得從科學化d的角度去諗... ｗｉｓｈ　ｕ　ａｌｌ　ｔｈｅ　ｂｅｓｔ！
但可能有ｄ位又太科學化，佢好似唔係好接受咁．．．有個位都拗左好耐吓．．．希望你明白，我係由『穩陣』的角度出發～～
明日有明天+傻女各１０次！！ｙｅａｈ　ｙｅａｈ！！！！！！！！！！！


>>July 10, 2005 at 10:48:02 AM GMT+8

2005 年 7 月 8 日 星期五 【晴】

日日都係晴係因為我lazy, 冇揀個weather.. haha!!!!

同ginny掉假...又欠多政府8000幾...

個ck校友會攪bbq, 阿kiu搵我問, 咁我主動去contact佢地, 佢地又唔reply人,
咁我諗住梗係攪唔成啦!
點知阿媽落街時見到d人o係ck燒緊野食!! 真滴汗! =.=" haha!!

原來今日已經9號,
7月5號果日唔記得紀念下2週年添... 2年啦咁就!
真係一個好難忘的晚上呀~~~



我又有野想講...
我想話, 今日接觸o既你唔同左以前我認識果個,
你以前唔會咁同我講野,
究竟係咪我唔太了解你......
抑或係你已經變左?! 唔同左以前o既你?!
以前個感覺好好, 好舒服, 可以乜都講,
但依家好似唔同左, 好似對你好陌生咁... 對唔住!!

>>July 9, 2005 at 2:35:06 PM GMT+8

2005 年 7 月 7 日 星期四 【晴】

LABEL奇遇呀今日~~
做做吓野有個唔識的男同事走嚟問我d label o係邊度攞!
我仲o係度load緊... 個心淨係諗... 大佬... 我做緊confidential的東西... 得開少少先講得唔得...
佢話佢見過我print label, 佢依家要, 但無奈冇blank label, 咁我話我都係問ginny攞, 佢仲問番我邊個係ginny.. (你好人有限啦... ginny o係 mc founder咁出名你都唔識?!?! haha!)
我話我都得一張, 叫佢搵office assistant搵, 睇在佢都算係靚仔份上, 就俾埋我最後一張佢...
佢又再問, 你咁有冇print果個file呀?! 我唔就位呀!
哦... 於是寫低佢個e-mail俾我... 真滴汗, 得寸進尺+打蛇隨棍上!!
點知佢過多幾個字又嚟!!
佢梗係以為我仲有, 但其實我果d已經print哂野...
ginny見佢走嚟2次就問我咩事, 最後佢俾低4張blank label我, 仲話:佢可能仲會返嚟搵你!
haha!!
條友為左張label都算係神心囉... 只係見過我print, 有半層office的人都用果部printer, 佢咁都搵得番我... haha!!


今日又放榜, 諗番起好多呢2年放榜o既野... 都係唔開心的多!

希望vicky唔好唔開心啦!

希望表哥仔可以快d揀到自已條路啦! 你好叻仔架啦!! 表妹仔 proud of you!!

賤人你終於都pass啦... 3年啦... 真係好想知, 點解你中文oral會fail... 莫非你爆粗?!?!

>>July 8, 2005 at 1:51:50 PM GMT+8

2005 年 7 月 6 日 星期三 【晴】

一返到office開e-mail就把火!!

之前ginny教落的payment requisition form, 佢教我company填對方間公司, payee係自己mc. founder,
咁我一向都攪唔清payee同payer... 見佢咁實牙實齒, 加上佢又做過咪信佢囉!
上次照咁填就冇事發生, account照過數...

今日隻e-mail就係account send過嚟俾ginny, ginny話係我錯!!
可憐的是佢完全唔知 (or扮唔知呢?!) 佢當初係咁教我,
佢forward隻e-mail俾我時仲再加多句 "please revise carefully!!"
完全當哂錯果個係我!!!!!!!!!!
感覺係....... 又俾佢跣左...
lunch時得我同佢食, 食得.......好辛苦... 都食得唔開心o既!!

>>July 7, 2005 at 1:35:04 PM GMT+8

2005 年 7 月 5 日 星期二 【晴】

返工... 都好似唔知做乜咁, 忙又唔忙, hea又唔hea咁...

夜晚半班7A同學的gathering, 去左旺角一間樓上cafe食, d野食嚟得超慢....
叫走醬又話唔記得左,
我地十六個人佢又以為我地得10個, 俾左個勁細的area我地...
認真麻麻呀間野!!

但我地玩就玩得幾開心~ 玩左陣uno後就同d男仔玩緊鋤大d, 臨走last一鋪俾我win左... haha!!!!!!!!!

走果時俾菜心老點!!! 點左我地去唔知邊度話有得搭巴士,
點知最後係有巴士, 佢搭果架呀嗎!!
我地搭果架都唔經果度!!
唱衰你至得!! 嘻嘻!!

>>July 7, 2005 at 1:45:12 AM GMT+8