2004 年 12 月 27 日 星期一 【晴】


今日返去上ic.... 悶到發癲, 個tutor好唔掂, 照note講, 之後仲再加多句"你地自己睇都得架啦其實".... 咁你o係度做乜???? 佢d steps去得勁慢, 於是我地個個都自己照note做d step, 都冇乜人理佢... 做得快得滯就停吓... 仲個個開哂icq o係度chat, 今朝有duhesme, 下午有小魔星陪我chat... haha!! 我咁樣都知佢做緊乜.............

好彩今朝冇聽阿媽講著件冇咁厚的褸, 力爭著件最厚的褸... 去到poly凍到傻呀~ ! 痴線... 諗住去遠d食飯都唔好啦.. 近近地canteen算啦...

大夫呀大夫...... 嚇死我啦... 做乜無啦啦寄隻『嫻情』復黑王俾我做生日禮物呀?!?!... 咁重禮.............


>>December 28, 2004 at 10:05:37 AM GMT+8

2004 年 12 月 26 日 星期日 【晴】


tsunami(唔識打個中文字...『海x』呢!) ... 好恐怖, 成左好多人

大自然報復啦!

環保啦大家!

『唔要膠袋啦唔該』... 都唔係好難啫! 我都成日唔要人地d膠袋啦! 每人一日用少一個膠袋, 一日就用少左幾百萬個架啦!

錫吓個地球啦!

讀過geog的都知做唔到sustainability的話會好大煲... 個煲爆緊啦!...
geog呢科教我更加錫住地球,
唔想入面所讀的"theory"出現o係真實的世界!

其實危害人類本身的, 不是大自然
不是拉登, 不是美國, 不是戰爭...

而是人類自己!





為免俾人串, 今日掟起心肝update過我網頁, 仲改左名~~

終於都記得啦今晚...
要多謝紫樺同學...... 佢24號果晚收工後,
佢專登買左個美心fruit tact俾我... 好好食呀!!!!!!!!!!!!!!!!!!!!!!!
d fruit好新鮮添呀! 粒提子有核架!! haha!!!!!!
多謝!!!!!!!!!!!!!!!!

原來矇豬眼的表哥仔依家都仲有入嚟睇我日記..........
仲以為我地冇一齊做野後就冇添~~
表哥仔... 你考完試記得再寫番日記呀!
表妹想睇~~~~~~~~~~


>>December 27, 2004 at 12:44:24 PM GMT+8

2004 年 12 月 25 日 星期六 【晴】


今日lunch後同阿大去惠康買聖誕禮物佢姨丈姨媽阿媽老豆,
買左毛巾俾姨丈, hand cream俾姨媽, 金莎俾阿媽and提子餅俾老豆...
開飯前拆禮物, 唔係d咩名貴禮物, 但四老都好開心~ 我地都好開心~~

我地三姊妹用部dc玩借位吞間尺, o係姨媽屋企嘈到拆天,
姨媽以為我地3個玩到抽筋~~
haha!! 好低能呀!!!!!!!!

去親姨媽屋企食飯都好開心, 希望我地2家人都健健康康, 開開心心......
呢段咁好的關係可以一路keep落去!


>>December 26, 2004 at 12:39:59 PM GMT+8

2004 年 12 月 24 日 星期五 【晴】




今日睇到個奇觀....... 屋企樓下有為數大約30的馬騮聚集...... 都幾恐怖... 有d肥到好似隻狗咁, 有d就生滋的...haha!!! 之後有security嚟到, 30幾隻馬騮一齊跑番上山... wa!! 幾壯觀呀!!!!

有新相~~~~~~~

http://community.webshots.com/user/eeeb_random


>>December 25, 2004 at 10:14:27 AM GMT+8

2004 年 12 月 23 日 星期四 【晴】


生日生日生日!!!!!!!!!!!!

首先係鳴謝...
多謝holly, 留長, 滔, laa laa, 小魔星, kidith, 新的我, winnie, garfield, dellkwok, dexin, katherine, 阿yan, sally, 小邱, 阿巧, 表哥仔, 以及好多其他慧嫻fans 的icq message~~~

再多謝sherman, 大夫, kidith, orling 同nicole的sms... nicole好準時... 係 00:00.... 係咪捕住架???

仲有生日咭....



尋晚返到屋企.... 阿大唔訓住等埋我返嚟同我講生日快樂..........oh........... i love you!!!!!!! 之後我地仲好似d外國人咁"high"吓2邊面..不過基本上我地日日都會咁~~ haha!

好~~~
之後到2004年的回顧...

其實2004比2003年過得開心好多, 咁有唔開心事就難免梗有架啦~ 冇先唔正常...

今年同識左好多新朋友啦, 主要都係讀u的同學啦,
我地圍內玩果幾個都幾好~~ 相處得好好~~
而o係a level後返工, 又同表哥仔熟好多好多...

今年雖然健康上有d問題, 但我又唔會因為呢樣野而對2004年有好負面的觀感,
因為我病左果時身邊好多人都好關心我, 最睇得出係屋企人啦,
某程度上佢地依家對我會採取一個較為"放任"的態度, 冇以前睇得我咁緊,
例如我買復黑王咁呀, 以前阿大會話我好買, 但依家唔會啦,
佢地覺得, 我開心同鍾意就得!

但同一時間我知呢個"放任"政策某程度上阿媽會擔心多左,
所以依家我會報告行蹤
因為有次試過唔記得話佢知我第二度先返屋企
到咁上下佢見我放學幾個鐘都未返就好緊張咁打俾我,
原來佢驚我暈左冇人知.................. =.="
但佢會扮係問我聽日落唔落街食早餐...
同樣地我沖涼耐d佢都會敲門...

咁2004年... 亦都逹成左一d心願啦...
最重要果個係讀大學啦, 終於都得啦今年! 好開心因為証明我冇浪費repeat一年的時間
其次係入歌迷會... 好細個已經想入, 今年多得紫樺出手相助, 幫我達成願望!
其實諗番, 舊年切生日蛋糕時所許下的生日願望都實現左7-8成架! 天父對我好好架啦!

風車呢樣野真係唔可以亂買...
03年前都ok的, 但到新年貪得意買風車後就行衰運,
到04年新年再買... 又好似真係轉走d衰運咁... 好奇怪...
今年同我行年宵的人請禁止我再買風車!!

到今年的生日願望.............就係..............................................................





唔話你知!!! 講左唔靈...
親眼見過有人大大聲咁話要身體健康... 但3個月後就入醫院...
俾我迷信一陣................


>>December 24, 2004 at 10:15:51 AM GMT+8

2004 年 12 月 22 日 星期三 【晴】


呵呵~~~~~~~~~~~~~~~~生日咭... 聽日生日... 今日就收到~ haha!



寫我中文名架~~ 佩芝~~ haha! 雖則潦左少少~~



我張咭俾其他人的多左份禮物~~
因為張貓貼紙好唔覺意咁痴埋2條貓毛~
隻貓係貼紙嚟架... 唔係件衫o既公仔... (嘿嘿~~)
呵呵呵~~ 多謝慧嫻, 多謝版主~~


仲要多謝紫樺... yukari... nicole送的生日咭 and 禮物!!!


上午食早餐時阿媽叫我試吓奶茶, 好~ 試吓啦~
點知飲完半個鐘都冇, 仲行緊去車站就開始肚痛啦!
附近毎toliet又close左, 唯有去呂醫生度借啦... 熟客仔就係有呢d好處啦~
姑娘一路開門俾我一路話:"10蚊次!!!" 我話" 好! 一陣過數俾你!!!".. haha!!!

之後阿媽陪我出長沙灣攪grant loan d野~ 好巧合地見到留長同學~~ haha!!
長沙灣... 佢又唔識路我又唔識路, 不過好彩憑我的方向感+地圖都搵到~~

返屋企時順便約紫樺同學攞我張慧嫻生日咭~ haha!!

到夜晚, 約左表哥仔去睇燈飾...
似佢開心過我
我成晚都俾佢玩!

在火車站會合到表哥仔後, 我就就去尖東食野先~ 在poly附近食~
食完就出海旁~ 途中有個"賣花太太"走過嚟叫表哥仔"支花俾.............." ha!!
我就諗緊佢會唔會話係"女朋友"~ 好彩唔係~~ 呵~ 唔係表哥仔就有難~~

一路行到去5支旗桿, 搭ship過海...
由於2年前千色聖誕樹係o係會展...
我又好天真咁以為今年都係...
落船時表哥仔話........................ "咁靜o既... 冇人o既... 一d氣氛都冇喎......."
於是佢打俾佢家姐我表姐問........ 原來今年棵樹去左皇后像廣場...
so... 搭mtr~~....途中有d蝦碌事.... 入錯閘....... 絶對係意外.......... 但表哥仔笑到碌地, 面都紅埋... 低能!!!

到中環.... 出啱個出口但行錯方向... 又越行越靜...
於是走番轉頭... 終於都見到傳說中的千色聖誕樹啦!!!!!!!
影左好多相~ 勁影~~~~~~~ 起勢咁影!!!!!!!!!!!!!!!!!!!!!!!

回程又搭船...

返到尖咀, 表哥仔要隻鹿角... 我想買個皇冠架... 但睇啱果個係人地買完戴住o係頭...
都見唔到邊度有得賣~

回程勁攰... 因為由6點半見面開始我地冇停過咁講野, 笑, 玩, 行........回程已經唔想講野...

小小亂打亂撞之下返到紅磡, 表哥仔話送埋我返屋企先... 但時間好炆水, 我真係驚佢搭唔切尾班火車返大埔... 所以佢諗住陪我由大圍火車站搭的士返屋企, 再送埋我上樓, 點知個的士哥哥唔肯等, 最後車到去我樓下, 表哥仔"原車遣返"返kcr station!!~ 返到屋企... 臨訓都要拆左表哥仔張生日咭睇左先!! haha!!

表哥仔呀.......... 你份禮物陷我於不義呀!!!!!..............你有冇補充呀??



>>December 24, 2004 at 7:42:34 AM GMT+8

2004 年 12 月 21 日 星期二 【晴】


有感而發............................

越大個就越覺得平安夜生日, 除左易記之外係冇樣好的......................

想正日慶祝...... 但周圍都勁多人...
想睇燈飾.......又好似要人地同你慶祝咁...
咁留o係屋企啦....... 但家姐們又約哂人......又係得我一個................

表哥仔呀!!!!!!!!!!!!!!!!!!!!!!!!!!!!!! 表妹好想睇燈飾呀!!!!!!!!!!!!!!!!!!!!!!!!!!!!!!!!!!!! 唔戴帽得唔得呀?!?!... 你都係想玩我啫...



今日曾經諗過不如拆左條頸巾再織過... 因為我起40針好似太多... 但最後.. 都係算啦~ kiu唔會介意的...

沖涼時無意中發現抽血個位瘀左... 數數吓呢2個幾月以來抽左6次血啦... 可能太密啦... 所以瘀左一忽......好恐怖ar...

聽左好多學友... 學友有首"寂寞的男人", 慧嫻有首"我寂寞"... 所以有"一對寂寞的心"...yeah yeah!!
都係覺得慧嫻同學友襯d...haha!!



>>December 22, 2004 at 9:20:15 AM GMT+8

2004 年 12 月 20 日 星期一 【晴】


今日lunch同姨媽食............. 好驚... 佢俾左封利是我... 大封都係我咁大個女以嚟最大的一封... 諗緊點"還席"... 姨媽仲送左個半島酒店的聖誕禮物俾我, 係用隻襪裝住好多野食~ 有apple, 餅同朱古力~~ 好靚架!!!!!!!!!!!!!!!!!!!!!!!!!!!!!!!!! 多謝呀~~~~~~~~~~~~~~~~~~~~~~~~~~~~~~~~~~~~~~~~~~~~~


《這個冬天不太冷》 --- 張學友

從來的冷冬　迷朦也是凍
素素世界太灰太沉　令我夜裡沒有一個夢
碰見你我竟不經意不受控
愛上你氣溫也突然為我驟暖　風也未流動

我與你像幻像　長長夜未冷
燈點點　放肆閃得更加燦爛
而全城繁星空中　千色煙花透射瀰漫
我與你夢著夢　長長夜未冷
相戀中　暖暖身體變得怠慢
永遠也懶放開臂彎

濃濃秋與冬　嚴寒卻未凍
猶如春天不歸來　沒有夏季愈愛愈嚴重
紅紅這冷冬　霓虹裡亂碰
碰到處處太多笑容　令我共你視野都震動

我與你像幻像　長長夜未冷
燈點點　放肆閃得更加燦爛
而全城繁星空中　千色煙花透射瀰漫
我與你夢著夢　長長夜未冷
只擔心　痛快息間變得有限
劇烈地　熱烈地熱烈地　共你告別平淡

我與你望著夢　長長夜未冷
相擁中暖暖身體變得怠慢
永遠也懶放開臂彎



補番尋日個日記:
話說切蛋糕時... 手震~~~~~~haha!!! 但我今次冇喊~~ 免得好似holly同阿tin佢2個衰人, 次次有人生日切蛋糕都攞番我嚟笑!!~~


>>December 21, 2004 at 11:09:56 AM GMT+8

2004 年 12 月 19 日 星期日 【晴】


今日好開心~

首先今日要返poly覆診, 出門口時打俾紫樺約佢"交換禮物"~ 佢勁攰呀.... 之後搭車去新城市換鞋 因為尋日買對鞋都係好似細左少少~~~

換完鞋就返poly食埋個lunch先覆診, 因為我知dr. wong會叫我抽血~ 今次份repor又靚左~ 雖則依然係有2個 item fail, 但都好貼近個normal個數啦~~但有樣野好可惜... 睇啱呢個dr wong, 但佢做到1月底就會離開poly個clinic啦............. 唉... 個家庭e生呂全信又移左民, 諗住投靠poly呢個dr wong啦, 點知佢又走.........................

之後就返屋企啦~ 行到大圍見到有個人行色沖沖咁... 望真d......turbo嚟架原來! 佢趕住返cu交功課~ 都唔記得笑吓佢miss wong份功課點添~~ 見佢咁趕都唔敢同佢講咁耐, 講左幾句後就bye bye 啦~~

返屋企take a rest, 俾阿媽見吓之後（因為覆完診俾佢見吓先佢會安心d~............ 我諗~）就出觀塘啦~ nicole, candy, 劍士, katherine同阿jet同我慶祝生日~ 我地去哂劍士屋企打邊爐~ 食左好多野~ 不過我地已經就住就住唔買咁多... 好理性咁買架啦~

上到劍士屋企, 我地幾個女仔坐低傾計, 留低劍士一個男仔洗菜整野~~ haha!! 佢屋企打掃得勁乾淨~~

我地8點幾9點開始食, 食左冇耐katherine同阿jet都到啦~~ 個半鐘後, 即係...十點半左右啦... 好飽啦~ 不過好彩我地買菜多過肉先食得哂~

11點我諗住走啦~~ haah~~ 佢地攞個蛋糕出嚟~~ 睇落個cake唔平架喎..... 咁吹完candle 食完cake我又打算閃果時... katherine同攞個布甸出嚟~ 佢話佢都唔知有cake, 所以自己整左個布甸~~ wa!!!!!!!!! 結果個布甸俾我地當蛋糕咁又插多次candle, 又許多次願~~ keke~ 個布甸好好食~~~~!!!!!!!!!!!!!!!!!!!!!!!!!

多謝哂你地同我切左我人生中第二同第三個生日蛋糕！！ｈａｈａ！！！！！

我地的聖誕禮物，全部都係食得的～～我買左ｏｒｅｏ，每人一小包咁，個劍士又跟我！！即場ｏ係屋企摷ｏｒｅｏ，仲要每包多我一塊頂爛市！！！！ｋａｔｈｅｒｉｎｅ又就每人好多包即沖奶茶！又係ｏ係公司攞的～我估數目可以同上次的薄荷糖媲美～～ｎｉｃｏｌｅ就送左包有好多糖同朱古力的俾我做生日禮物～仲有張咭仔添～～而劍士的聖誕紀念品，就係每人ｐｒｉｎｔ一張ｔｉｍｅｔａｂｌｅ！！！！ｈａｈａ！！！！～多謝～～～～～～！！！

仲要多謝ｃｌａｓｓ　ｒｅｐ　ｋｉｎｄｅｒ同學，專登打俾ｎｉｃｏｌｅ同我講生日快樂～～ｈａｈａ！！


>>December 21, 2004 at 7:10:41 AM GMT+8

2004 年 12 月 18 日 星期六 【晴】

.
sorry呀大夫~~

尋晚睇電視, 關心妍唱歌真係好掂~ 抵慧嫻咁睇得起佢~ 睇睇吓.... 佢個looik同形象真係好似慧嫻!

今日同家姐行街, 家姐送左對鞋俾我做生日禮物~ 同時亦睇袋做書包... 但都好似唔太睇得啱~ so買唔到住~~

織緊俾kiu的頸巾已經有32cm長啦~~~~~~~~~~ yeah yeah!! 我變~ 我變~ 我變變變~~~!! 織織吓由40針變左做42...haha!!!!!!!!!!算啦~ 我知 kiu唔會mind~~


>>December 19, 2004 at 9:28:19 AM GMT+8