2004 年 6 月 21 日 星期一 【乍寒還暖】

嘩，今日係端午節，真係開心，琴晚去左男友同事屋企，佢係住係愉景灣架．．．好正囉！不過交通真係唔多方便．．．不過一去到一睇，嘩，d風景正都暈，面對住海景，只得四層高既海澄湖畔．．．真係令人羨慕既dream house呀，前邊仲有好多一幢幢既house，有私人花園架．．．正都暈．．．當然我個朋友只係買四層高果隻啦，邊有咁多$丫．．．哈！不過個格局又幾好，雖然得一間主人房，但係如果係兩口子住既真係唔錯．．．不過邊輪到我去諗咁多丫，我邊有可能二人世界咁好既日子丫，唉！除非有奇蹟出現啦．．．我信架，先排我發個一個夢，真係有奇蹟．．．我真係希望果個夢會實現到囉，哈！

我地琴晚係佢度過左晚夜，我地打麻雀由兩點打到五點呀，哈，好累呢，跟住先訓覺，訓到十一點幾先起身食野，跟住梗係又去玩啦，去左愉景灣海灘游番個龍舟水囉，嘩，睇住d龍舟比賽，好死正，我地又有帶我地隻吹氣浮船玩，一路漂漂下咁，好好玩呀．．．後來玩完再返過去沖身！唔，真係玩得好開心，好在男友有帶埋我去玩，如果唔係都體現唔到咁正既地方呀！

>>June 23, 2004 at 4:29:49 AM GMT+8

2004 年 6 月 18 日 星期五 【晴】

哈，差唔多成個禮拜冇寫過日記喇．．．是關日子真係日日如是．．．唉．．．雖然有時候可以同媽咪妹妹飲下茶行下街，又可以約男友去玩下咁，不過始終不及有份工個人更加積極吧！

唔，我已經好努力搵工，希望早日搵到啦．．．

>>June 20, 2004 at 10:23:12 AM GMT+8

2004 年 6 月 14 日 星期一 【雷雨】

唔，今日成日係屋企好乖冇出過街，不過電視又壞左，所以腸電視睇得好辛苦，又冇街好去，其實都幾悶．．．

唔，唔知咁既情況要捱到幾時，我寧願日日返工．．．雖然有時候都覺幾疲乏，但係總好過日日係屋企到發呆丫．．．唉！

>>June 16, 2004 at 3:24:31 AM GMT+8

2004 年 6 月 13 日 星期日 【晴】

剛去完旅行返黎，個人都好似好累咁，可能玩得太盡喇，哈．．．而且都好似有少少未可以提得起勁咁．．．唔得呀！我一定要好好咁回復番之前既鬥志呀！唔可以再pair落去喇！

琴日男友病左，我好擔心佢，佢今日請左病假，所以我都點都要過一過去睇一睇佢咁先至安樂！不過見到佢都好似唔係太差，只係因為成日伸鼻同埋d藥太燥，所以成日容易流鼻血．．．真係令人擔心佢喇．．．聽日仲要返三節呢，真係辛苦佢！

今日見到佢，真係好開心，因為足足成個星期冇見過佢喇，真係好掛住佢．．．我知佢都好掛住我，佢後來見到我都攬住我．．．唔通真係小別勝新婚？希望我地既感情可以越來越好啦！

>>June 15, 2004 at 10:24:02 AM GMT+8

2004 年 6 月 11 日 星期五 【晴】

嘩哈哈．．．終於去完台灣返黎喇．．．今日都成十二點先返到黎，好累呀！坐飛機坐車都好耐，累到人要死喇．．．

不過，今次台灣之旅確實幾好玩，一來可以去見識一下人地既文化同風景，二來又可以shopping，三來可以自己學習獨立既生活日子，考驗一下自己，四來希望可以打個好運轉返黎咁．．．其實我都好滿意今次既行程，一切都好順利架！仲有買左好多收穫番黎添，哈！人人有份永不落空！

唔，返到黎喇，而家又要轉心一意去做我要做既事．．．繼續努力搵工呀！希望可以快d成功啦!

>>June 13, 2004 at 8:07:16 AM GMT+8

2004 年 6 月 7 日 星期一 【陰】

唔，今日上午同老公一齊去食飯，真係好開心，其實好唔捨得老公架，因為有成幾日見唔到佢喇．．．嗚！

今日下午去左面試．．．感覺好怪，因為個老闆好嚴肅咁，攪到我都好怪咁．．．而且個筆試既問題好攪笑，好似中文既作文題目咁．．．不過我都好用心去做架．．．講真，面試完之後我都感覺如果我做呢份工既話，真係有少少大才小用．．．因為做既野好似冇乜發展空間咁．．．不過人地請先算啦．．．我都希望仲有多少少機會去試下．．．

聽日要去台灣喇，要一朝早五點起行喇．．．唔，希望有個開心愉快既旅程啦．．．

>>June 8, 2004 at 1:55:00 PM GMT+8

2004 年 6 月 6 日 星期日 【晴】

今日一朝早去左面試．．．嘩，傻架，攪足三個鐘，又要written test，又要indiv. int.，又要group int.喎，人都癲呀！真係由九點攪到十二點先至有得走囉．．．

不過今次既面試我唔係冇信心，只係身邊既對手實在太強喇，加上我都了解自己唔應該唔會太適合呢份工作，所以．．．我都對呢份工冇咩期望．．．都好，起碼自己都知自己想點先啦．．．

唉，聽日又見工喇，聽日份工更加唔係社工既工．．．真係有少少矛盾，唔知點好咁．．．不過都見左先啦．．．

聽日後就去旅行喇，真係又興奮又唔捨得男友．．．唔，希望去完個旅行番黎可以行番個大運啦．．．

>>June 8, 2004 at 6:30:13 AM GMT+8

2004 年 6 月 5 日 星期六 【晴】

唔，今日係我間教會建堂七十七周年．．．唉，人生真係有幾多有七十七呢？今日禮拜完之後就有慶祝活動，真係幾開心架．．．

去完之後就約左男友，雖然同佢只係一齊幾個鐘時間就分開，但係都好開心！

呀，聽日要去面試，要一早九點去到東涌呀，好辛苦呢！仲有我其實都未好切切實實咁準備好晒d野，真係好擔心，而且而家又訓唔到，好驚呀！星期二又要面試，真係好大壓力．．．

>>June 7, 2004 at 8:03:53 AM GMT+8

2004 年 6 月 4 日 星期五 【晴】

哈，今日係今年第一次落水．．．游水呀！去左男友新居既club house度游，都幾正，可以浸下水，晒下太陽咁．．．最緊要係可以同佢一齊過嘛！

聽日又要一朝起身，因為要返教會，但係而家訓唔著，頭先食晚飯時飲左好多茶呀，所以而家訓唔到．．．不過好眼訓呢！

>>June 7, 2004 at 8:01:24 AM GMT+8

2004 年 6 月 2 日 星期三 【晴】

哈，今日真係比個整洗衣機既叔叔玩死．．．本來今早有個整洗衣機既人黎屋企整野，佢話左個時間又遲左好多先上到黎喎，不過都唔緊要，最死係佢上到黎就咩都冇帶，我就咁比佢點左落街買野．．．去買啦，點知五金舖又話冇喎，好啦後來買到啦，又要幫佢去舖頭度拎野，個老闆娘又話唔知係咪果d野，如果唔係又要我去再拎過．．．嘩，玩咩，好得閒咩．．．最死係最後整左之後又話整唔到，我地都係要買過一部囉！

唉，今日係咪咁就過左一日被玩既一日！

>>June 7, 2004 at 7:59:05 AM GMT+8