2005 年 6 月 4 日 星期六 【晴】

今日係教會既七十八周年堂慶呀！真係好難得既七十八周年呀，我都未有耐出世果時，我太婆其實已經係呢間教會度架喇，我爹地佢都係係呢度成長架．．．

今日教會攪左慶祝既活動，我地一家都有參加，參加完後我就同屋企人行左陣街街，之後就約左男友，因為今日同佢屋企人食飯，同佢老豆慶祝父親節．．．

後來，我就去左男友度喇，因為聽日放假丫嘛，梗係要陪多男友一陣啦．．．

>>June 6, 2005 at 3:31:59 PM GMT+8

2005 年 6 月 3 日 星期五 【晴】

今日係六四，本應我係應該去參加燭光晚會，但係今日又唔得閒去，而且男友佢都唔得閒同我去，所以今次冇去到．．．一想起八九年六月四日當時既情景．．．其實我到而家都仲係歷歷在目．．．我好記得果時我婆婆係我屋企照顧緊我同妹妹，當時婆婆佢一路睇住新聞既報導，一邊喊左出黎，當時我都唔知點解．．．但係返到學校果時，老師好細心咁同我地解決事件既經過同情況，我先至知道原來係咁大件事，我當時都好唔開心，個心好痛，因為我知道果時死傷左好多人．．．

到左而家十六年喇，我仍然記得當時既血腥情景．．．唉！其實真係好希望民主可以有一日出現係中國身上．．．

>>June 6, 2005 at 3:29:42 PM GMT+8

2005 年 6 月 2 日 星期四 【晴】

今日去左男友度，因為如果今日唔見，大家今個星期都冇機會見喇，因為大家都好忙呢，星期六日都各自有節目．．．真係一日唔見我個心都會囉囉鸞咁呀！

>>June 6, 2005 at 3:26:12 PM GMT+8

2005 年 6 月 1 日 星期三 【晴】

我男友係我勸服下，終於肯同我一齊報讀急救班．．．唉！講咩丫，都唔係我一個人勸服佢既，係因為佢都有同事一齊讀佢先至肯同我一齊報咋．．．真係灰．．．

不過點都好啦，我地打算報六月尾果班，係元朗讀呀，嘩，原來要讀成十個星期呀！仲要係逢星期五晚上堂．．．到時我真係怕我d更有問題而影響我上堂！不過都好既，同男友一齊上會開心d，而且唔洗同d唔熟既人partner做，咁樣冇咁尷尬丫嘛！

唔，其實自己之前讀中學果時玩女童軍都有學過下少少架喇，不過而家都唔記得晒喇，真係有少少緊張呀！希望合格啦．．．

不過諗真d，如果我打算轉行既話，讀個急救都唔知做乜，哈！

>>June 6, 2005 at 3:24:36 PM GMT+8

2005 年 5 月 31 日 星期二 【晴】

唉~ 今日係六月第一日，就要返三節．．．真係好灰呢．．．好冇心機返工，因為一來真係放左幾日假，真係個人好散，二來又食左藥，個人好遲鈍下，好眼訓呀！好在都有野要做，今日成日出出入入，上午就要招呼三個冇返學既女，下午就陪左個唔係我個案既男仔去社署申請綜援，夜晚就又出去見case．．．唉，真係節目豐富到爆啦．．．．辛苦死人呀！

好在聽日返下夜，今日返黎都總算可以再抖下．．．

>>June 6, 2005 at 3:20:12 PM GMT+8

2005 年 5 月 30 日 星期一 【晴】

今日好慘，因為今朝起身時又唔舒服喇，我琴晚已經成晚係度喘氣，好辛苦，今朝繼續如此，後來頂唔順要去睇醫生，醫生建議我今日要休息一下，所以無奈地請了病假休息．．．

唉，真係好擔心，日後如果做任何工都好，成日因為病而請假都唔係咁好．．．我一定要鍛鍊好我個身體先至得喇．．．要keep住做運動同食有營養既野呀！

>>May 31, 2005 at 3:31:50 PM GMT+8

2005 年 5 月 28 日 星期六 【晴】

哈，今日星期日，男友都放假，所以我地今日去左玩呀！我地臨黃昏時去左蝴蝶灣度游水同玩橡皮艇呀，好好玩，好有feel，佢仲帶埋隻狗仔去，好攪笑．．．玩左半日，真係開心．．．不過．．．如果當時佢阿媽都唔係係度，我相信會更加開心愉快囉．．．唉！

>>May 31, 2005 at 3:30:01 PM GMT+8

2005 年 5 月 20 日 星期五 【晴】

唔，今朝只係返朝早一節，真係開心，朝早又係我自由做自己野既時間．．．哈！咁梗係承機要積極上網搵工啦．．．我寄出左好多封信架喇，不過好似到而家都未過任何回音，唉！我要繼續努力先至得喇．．．

>>May 31, 2005 at 3:27:25 PM GMT+8

2005 年 5 月 19 日 星期四 【晴】

哈，今日放假真好，男友佢今日抽唔中做陪審團，所以我地可以有時間去行下街仔咁囉，又可以拍下拖喇，真好！因為大家真係好耐冇試過好好咁去行下街，開心咁去玩下喇．．．我地去左好耐冇一齊去既葵芳行街，男友仲買左d新衫比我添，真係開心．．．後來，今晚仲同男友既中學中史阿sir食飯，原來佢地一直好好感情，即使男友佢畢業左咁多年，大家都仲有聯絡．．．唔，真係好難得呀，我同以前d同學老師都已經失晒聯絡咁滯喇，所以好羨慕佢．．．

哈，不過有樣野真係諗唔酊，就係男友個中史阿sir根本一d都唔似阿sir，佢除左個樣好後生之外，個外型仲好型，仲有對電眼．．．哈，殺死人，應該係殺死我喇．．．如果佢未結婚，我真係飛到埋去，哈！而且佢阿sir又好傾，一d都冇阿sir款既！

唔，今日真係好開心，所以我好珍惜今日架．．．後來今晚仲去左佢度，因為聽日返朝早一節咋，可以今晚再陪男友多陣．．．

>>May 31, 2005 at 3:26:20 PM GMT+8

2005 年 5 月 18 日 星期三 【晴】

哈~ 琴晚我一放工就同左男友一齊上大陸dup骨喇，因為我聽日返深宵嘛，返夜晚六點，所以點都要去relax一下！我今次仍然堅持做呢個香薰按摩，因為實在太正喇．．．哈！

唔，今日係琛圳買左好多野呀，又書又衫咁，好重呀，今日揹住去返工，仲要出深宵，哈，真係累死左．．．不過好在聽日放番日假，都好少少，可以休息下．．．

聽日我男友會去做陪審團呀，唔知佢會唔會抽中左做呢，如果要做就發達喇，因為起碼蛇番幾日唔洗返工丫，哈！唔知幾時會抽中我去做呢？

>>May 31, 2005 at 3:20:43 PM GMT+8